Cow Bean (黃埔天地) (已結業)

這裡的鐵板牛扒性價比高👍味道不錯！最愛黑椒汁！在我們有不知道選那個類型的牛扒時，店員很熱情耐心的解釋說明不同國家牛扒的飼養方法和肉質有咩唔同。再選了三文魚鐵板炒飯，餐配了溫泉蛋、蔥、燒汁。混炒一下，超級香！味道不錯！店員介紹了這裡的滴漏咖啡，十分香的咖啡，喜歡咖啡的一定要試試！

今次就去左一個好耐無去嘅地方就係黃埔嘅Cow Bean By Pokka Cafe😂😂因為已經好耐無鋸過扒———————————我地2個都係嗌左同一個餐，就係澳洲肉眼板（200g)（$88）（+$12要套餐A嘅薯條）一上枱嘅時候鐵板已經喳喳聲，香噴噴嘅味道即刻聞到。無論係牛肉的色澤或者口感，都完全感受到塊牛扒有幾新鮮，而且牛肉鮮嫩多汁，肥瘦比例亦都好均勻，雖然好似得五成熟左右，但係牛肉味都已經好濃郁⭐️⭐️不過如果食開七成熟嘅人，最好等多一陣先食😂😂而每一份牛扒都可以選擇要黑椒汁/蒜蓉汁/燒汁。其實呢個價錢食到呢個質素嘅牛扒，真心性價比幾高💕💕下次一定要試埋其他嘅牛扒

13Apr大約十二點二十分左右，兩大一Baby,入場時一位帶位白衫黑褲位員工經已沒有面露笑容，黑口黑臉問幾多位，之後帶到座位後我問有冇Baby座位，然後就快手拿過黎，當時我太太想幫這位員工手竟然回應是借過啦。我心諗有可能剛剛比客人罵完掛，我當冇事發生，但提一提場內還未有很多客人，大約只有七至八台客人左右。到大約一小時左右後我地結帳，我地付款前已提出要多張收據要泊車優惠用，但付款完後她沒有印多一張當時經已跟一位普通員工溝通過，大約等了十五分鐘後又遲遲不給我，我再追問有收據了嗎？之後竟然收到張收據印有此收據不能享有泊車優惠，這個是什麼意思呢？我地在黃埔消費所有單一的收據就可以享有泊車優惠，她為何要這樣做，講返轉頭我地係完全冇得罪這這位白衫黑褲只認比較高級女員工（見佢周圍係度點人做野），之後我就問另一位員工她見到馬上噤過張重印的收據，順利拿到泊車優惠了。我覺得這位員工不適合在西餐廳工作，適合在街市大排檔工作，如果係大排檔我會接受到，但一間普通餐廳服務仲衰過大家樂。

又食完一段時間先記得寫食評...今次係位於吉之島既鐵板牛牛專門店餐牌上有限量供應既牛扒,賣完就無好彩個日十二點幾去少人就試左個澳洲西冷200g,轉套餐多左汽水,沙律同意粉上枱賣相不錯好,有員工講解應該點食講配菜先,水準之上沙律份量大,滿滿一杯,讚意粉更加喜出望外,有牛油撈過,好味到主角西冷,比較難切....聽到員工話冇落鬆牛粉...咁食落又係既但肉味唔夠,唔係想像中咁整體尚算不過不失去個陣睇到我食個塊扒已經售罄,好彩以上食評只反映個人立場,如有雷同,實屬不幸

我同男朋友都好鍾意食牛，聽朋友講cow bean有勁多好平又唔錯嘅牛扒餐，所以搵咗一日去食😆未入到去等咗陣位，因為晚餐時段都幾爆場，個個都叫牛扒。好彩幾分鐘之後有人埋單，一位短髮女店員就帶咗我哋入去。一坐低未睇餐牌，已經聞到隔離前後左右傳嚟好香牛肉味。因為美國牛大牛肉味啲，我同男朋友都揀咗美國，加上我鍾意食腍啲，所以我叫咗美國肉眼（300g)套餐，揀咗黑椒汁 $158😎👍🏼 肉眼腍得嚟唔油膩，好好食。個套餐組合有A至D，分別係A.飯/意粉/薯條；B.沙律；C.蜆肉麵豉湯；D.汽水/柚子蜜/梨汁.........原本以為呢個價咁抵，只係可以A至D揀一款，點知可以揀三款！！！所以我揀咗意粉、湯同可樂，好快我一個女仔已經飽晒，好滿足。至於我男朋友叫咗美國西冷（300g)套餐，揀咗蒜蓉汁，叫咗飯、沙律同忌廉溝鮮奶。食落去果然好重牛味，佢都話咁平食到咁多嘢好抵，佢都啱啱好。以前細個多數同屋企人去大X樂食鐵板餐，但依家佢哋啲牛扒又細塊，擺碟又肉酸，倒不如加少少錢去呢度舒適啲，肉仲好食好多嘅地方🤔下次應該會再嚟！

感覺一般般吧～ 真心話，難吃的一餐。入去時待應話隨便坐，所以自己行了最入2人細枱，叫餐時又叫坐反出門口。吹咩玩野呀我一般不評論，今天破個例子。牛排完全沒有任何味道，也可能是個人原因，我叫了一個沒有加任何汁的試真牛味，之後上餐後上面有一個小的牛油，抺一篇篇也沒有增加牛味，一個餐都唔知道有咩味道。埋單等成5分鐘，因為他一邊埋單又招呼人入，所以又抹下枱禁拖了時間。奇怪係它好像不缺乏客人，可能他們都是食汁吧！肯定冇下次，奇怪體驗

經磡好多好味食物，今晚想食牛排，但又唔想太貴！朋友介紹呢間性價平好高。果然唔錯，絕對可以encore。美國肉眼排 $158美國牛肉油花多，肉質嫩滑。300g都好夠食，啖啖肉，好好味！澳洲肉眼排 $88澳洲牛肉絕唔會遜色過美國牛肉。牛味比起美國牛少無咁重，所以價錢都相對平啲。美國特級小牛排🥩 $188最鐘意呢個小牛排，肉質更嫩更滑。價錢貴啲但絕對抵食啊，同埋唔會後悔！朋友都一齊share食，大讚好味🤩

今日陪男朋友行完街，一齊食飯，揾左間有人排下隊的試下，不過好彩都唔洗等好耐。我叫左個鐵板櫻花蝦元貝炒飯，一黎到勁熱咁的感覺，而且賣相幾吸引，味道就比較淡口，但勁大碟，我一個人都食唔晒，所以俾左差不多一半俾男友食，但佢就話如果濃味少少會更好。男友就叫左個美國特級牛小排，佢話個樣好似好正咁，但黎到同相有d 唔同，又唔係串住，個樣有少少落差，不過都幾厚下，正正方方咁樣，以為會有少少硬，但係幾淋下的，而且都幾好味。佢仲叫左個咖啡試下，因為好似同平時飲開的都有少少唔同，係樽裝架，而且都幾好飲。如果件牛小排大d 會更好。下次經過開可以再試下其他野🤤

我以往一向係 pokka 常客，以往食物都 ok，咖啡出色，但最近轉左食鐵板牛扒，真係非常令人失望! 首先塊扒黎到嘅時候塊鐵板完全唔夠熱，冇乜煙出，但塊扒入面仲係好嘅瘀紅色，等勁耐先熟啲，不過之後切開每一啖都係筋黎，差啲半塊牛扒都係唔食得架囉，啲肉質亦好差，完全唔值得食，依個價我去食花園餐廳仲抵! 之後同職員反映竟然話澳洲牛運動量多所以會多筋真係難以致信!覺得佢地完全冇意思去改進!強烈要求轉返以前個 menu!

晚上8點半，見門口廣告鐵板牛排圖片非常吸引，同老公試試。坐低落單20分鐘都未有野食，向侍應查詢，發現漏單，女侍應再三致歉，明白既，繁忙時間，有錯漏正常，轉頭經理都走來致歉，並送上2件蛋糕賠償，服務算幾好啦。期待已久既牛排出場，我食紐西蘭西冷，老公食澳洲西冷，切開時rare ，切一舊入口，黑椒醬唔錯，夠香，但舊排少少韌，食第二，三塊果陣個感覺似食牛肉味香口膠，結果伴菜粟米我食哂，但塊扒有一半吐返出來，偷食老公塊扒一舊，嘩，仲韌過阿婆啲肉😂，完全咬唔到，老公呢個食肉獸都食剩半碟，真係搞唔掂。好彩最尾食埋2 舊cake 都夠飽。埋單比左張印花咭，話儲夠5個送一碟牛，我諗都係留返比有需要既人用啦！

呢間餐廳真係啱晒一班食肉獸，因為呢度可以食到唔同產地嘅牛肉，仲唔係普通牛肉咁簡單係有質素架！佢哋而家開嘅分店全部都好就腳，平時啱晒想食好嘢但係有冇乜時間嘅人。如果唔食牛嘅朋友都有其他嘢揀，好似櫻花蝦炒飯同埋炒烏冬都係別類嘅選擇。我就試咗鐵板牛肉炒烏冬，呢個烏冬真係同平時嘅好唔同，用料十分充足，餐盤上面放上去啲燒汁同埋香蔥，可以放埋上鐵板上面一起攪拌來吃，聽到吱吱渣渣嘅聲音，零舍有風味，一路炒嘅時候真係好香好有鑊氣咁。表面上仲有蛋絲、豆角、香菇仲有洋蔥，份量又夠多，又有澱粉質，又有纖維，仲有美味牛肉去邊度搵？

食牛扒唔一定揀最貴但都可以食到最靚，最近見到好多唔同嘅快餐店同埋西餐廳，都多咗主力推牛肉類型嘅食品，好似牛肉火鍋等。而我知道呢間係poker旗下嘅餐廳cow bean，先前佢哋主力推咖啡同埋其他日式食品，但係最近佢哋走平價路線嘅牛扒，搞到我食到上咗癮！餐牌上面唔算話太多選擇，但係全部都係佢哋嘅主打好吸引！我哋先叫左紐西蘭西冷牛扒200gram，唔駛等好耐就有得食，塊鐵板仲熱辣辣，爆香晒鐵板上面嘅洋蔥，食落去肉味十足，很甜很豐富的肉質，而且塊扒有我手掌咁大真係好抵食！加埋有好多配菜，可以話係均衡飲食㗎！下次一定再嚟幫襯呢個性價比咁高嘅牛扒。

今日過左黃埔，順便行下好耐無行嘅AEON， 大約行到九點半左右見到超市嗰層間cowbean 門口有大大個餐牌， 見價錢唔貴 於是決定試下， waitress 帶我哋坐低咗之後， 就叫我哋要即刻叫嘢食last order， 見佢個態度唔太耐煩， 都幾後悔坐低咗㗎！ 佢覆order嗰陣 個連續兩次覆錯咗！ 我哋食完嘢又急急腳收嘢， 全餐飯用咗半個鐘時間兼埋單，如果佢哋趕收工唔想做生意 應該一早唔應該帶我哋坐低啦！

同朋友行完aeon去咗隔離一間食牛嘅餐廳！雖然見唔少人排隊，但覺得有人排可能因為好味嘅心態都照等🤣果然無失望！澳洲肉眼排 $88澳洲肉眼我平時比較少食，但估唔到澳洲嘅牛肉都好嫩！而且牛味都重。但當然比起美國牛肉會差少少，但呢個價錢絕對值得。美國肉眼排 $158叫咗澳洲牛肉當然要試埋美國嘅牛肉啦！美國牛肉可以話同日本和牛一樣係皇道～油花多之外，肉質嫩又鮮，叫咗300g比起澳洲肉眼貴d，但好味🤤美國特級牛小排 $188牛小排絕對係正！佢嘅肉質比起以上兩種肉眼排其實更嫩，而且肉質更鮮～所以亦明白點解佢嘅解錢更貴🤣


今日同兩個朋友黎呢到食牛排叫左三個排餐share 食，叫左個$188既美國特級牛小排配炸薯條，柚子蜜同麵豉湯，牛超嫩好好味，之後重叫左紐西蘭牛扒同美國牛扒都係一樣好味，薯條炸到剛剛好，d牛扒你鐘意食幾成熟都得，好自由，柚子蜜係韓國罐裝飲品，甜左d，麵豉湯都好，整體都好滿意，有一樣就係服務員動作太快，見我地個盤吉左就黎問要唔要，有d想趕你走既感覺，我地入去食既時候都好多人黎食，滿座，有人要係出面等，下次可以試下其他食物，值得推薦，會再去食第二次