Cozy Coffee

营业中

休息中

Cozy Coffee (大圍)📇地址：大圍積福街64-66號地下C號舖🕐營業時間：星期一至五 10:00 - 22:00；星期六至日09:00 - 22:00💸人均消費：～$80/人(lunch)👏🏻抵讚位：唔係自助式，但都無加一。白雪雪嘅外觀，同內裡嘅環境都俾人好舒服嘅感覺。無限時坐幾耐，應該帶電腦黎做野hea足一日都唔會被趕！😆🍴Food QC：「T&C $78」牛油果粟米toast 餐飲送一杯americano/ juice/ tea幾舊大嘅牛油果喺面，應該用左有半個，夠足料。Toast上搽左粟米醬，同牛油果一齊食又幾夾。仲有幾舊粟米喺面頭，都有啲𡁻頭。Americano唔算太酸太苦，我呢啲平時唔飲齋啡嘅人都覺得幾好飲😗😯有待改善位：佢唔知係咪我擠左啲青檸汁上面，塊toast食落唔夠脆口😼私心回應區：大圍呢幾年開左好多小店、cafe，今次有機會試到其中一間，都總算無失望🙈 加埋啲野食同環境都ig able，好適合鍾意打卡又想食好野嘅朋友過黎試下😎

天氣幾悶熱，食完lunch行完街想搵間cafe hea下，見到呢間半開放式大窗嘅cafe幾靚，於是和友人等位。今日係假期，但係好好彩唔使等好耐就有位樓上最低消費每位一百元，我哋只係想飲杯咖啡抖下，所以揀咗等樓下座位。叫左flat white & latte 咖啡拉花好靚，比例正常，價錢合理,就算安排坐半開放式嘅窗口位，冷氣都足夠，衛生乾淨, 傾下偈都係一個不錯嘅選擇。

話說有一日同朋友食完飯想搵下場，於是就嚟咗呢一間worker-friendly cafe食甜品🤤 聽講呢間嘅龍蝦包好出名，不過當日太夜去到所以已經得返雪糕🥲同朋友一人嗌咗一份雪糕share🍦Matcha 唔算好濃 ($54)蕨餅幾好有質素，口感煙煙韌韌，不過私心想抹茶醬可以更甘香💚朱古力味 ($54)就係跟可可味爆炸糖同可可脆米，個人覺得幾特別，但係冇食多次嘅念頭🍫 雪糕牛奶味唔算超濃，但都有奶香，不過好容易溶，由其係夏天🫠真係食慢少少都唔得整體嚟講，雪糕本身不過不失，但係定價以單食嚟講略為進取，不過要同佢哋抱不平，因為佢哋可能係主打環境，有toilet&wifi，算係幾Worker-friendly，而且有兩層，樓下有可以開窗位，如果以打卡價嚟講就合理啦～

跟朋友下午hea 1 hea，叫了一杯ice mocha及一杯dirty coffee,味道唔值$50幾一杯，dirty coffee偏酸，而且兩杯coffee又細，唯一好處無吹人

之前去過西貢的分店，印象不錯，一時大意無check吓大圍店的食評。估唔到可以咁差。一如其他食評所言食物質素差，👎🏻👎🏻👎🏻👎🏻係非常難食🤮🤮成間店到處貼上的「警告語」，如：厠所不外借，收費$20；在貨架上又貼上「私人物品，損毀要賠$500；水杯架旁又貼上「不要浪費食水」，「1樓人均消費$100，時限90分鐘」。想坐樓下，店員的回覆係：「我哋樓下係兩位兩位咁安排喎，你哋三個人，我哋安排唔到架」😳（咁都得）…..店內外都貼滿「警告語」，可能從店主角度是「溫馨提示」，但作為食客，店鋪花上心思裝飾想讓食客有溫暖舒服的感覺，但店內外一張張警告語，實在給客人冷冷的感覺。如果係間茶餐廳，$40份早餐，一張張貼上，我理解，但係……無奈其他食店都要等位，又趕時間，快快食完就走。一定無下次。😠😠

呢間cafe假期一定full house，今日見有位緊係即刻試試佢🤪嚟到個樣都幾靚仔，但切開有啲失望，蛋唔夠流心😞血橙cold brew特別得黎有啲澀，但血橙唔係甜㗎咩👻但環境係幾靚嘅，特別係樓下窗口位食物💛💛💜💜💜 環境💛💛💛💛💜 服務💛💛💛💛💜 打咭指數💛💛💛💜💜回頭指數💛💛💜💜💜

星期日天朗氣晴，同朋友嚟到Cozy嘆咖啡，好好彩係星期日居然唔駛排隊，仲要可以坐足三個半鐘。環境舒適，光線充足，大圍店有兩層高，由於佢啲大窗開哂，初時仲擔心會唔夠冷氣，點知入到去好舒服冷氣充足，同朋友傾計一流。朋友叫左個熱情果特飲我叫左個Cappuccino, 咖啡味好濃郁，泡沫豐盈。單骨雞翼正正常常之後再叫左個綠茶新地，好好食，綠茶粉好正，又夠多，紅豆又甜又稔。再叫多杯咖啡雪糕，因為咖啡好香醇，所以好滿意。

星期6既下午，未到食晚飯既時間，同朋友係度飲杯野傾下計，我地無坐樓上，選擇左面對住街既窗口位，望住街上來來回回既單車同人，反而好放鬆🌱​​Golden Dreamland $56​漸變色好靚，其實係檸檬蜜糖梳打，好清新，酸酸甜甜，雖然無乳酸成份，唔知點解仲有小小乳酸既味道😂，好好飲👍​​焙茶鮮奶 $50​一d都唔苦，奶味濃，非常香滑​

假期黎大圍踩單車真係好多人，唯有黎呢間睇落有位唔洗等嘅Cafe，真係日常試伏系列😇🍝Carbonara Bucatini入咗黎先見到原來openrice好多負皮，為免中伏揀咗最正路嘅carbonara🤭 味道普通但唔知點解覺得好似整完放咗喺度好耐咁，同份量比較少，性價比低🫢煙三文魚班尼迪蛋🍳朋友一食就覺得嗰包底似m記包，又係好似整完放咗好耐咁🤫呢度嘅食物質素真係一言難盡，大家睇路啦🫢🫢

🍳煙三文魚班尼迪蛋包底猶似麥記早晨全餐😂凍冰冰煙三文魚加上半流心蛋，整體微暖不夠熱🙈再配以味道不相襯之蛋黃醬😮‍💨質素配不上價錢…朋友的carbonara 就是普通之作😔

今日起身天陰陰 所以就揾間舒服既cafe坐下 假日就算天氣唔好都阻止唔到香港人出街既決心🥸 都好多人出大圍踏單車🚴🏻‍♀️Egg Benedict - Double $98佢有三種口味可供選擇，我哋簡咗煙三文魚牛油果味，黎到有啲驚訝，因為好細😂😂細既程度係大約一個手心既大細，味道還可以，牛頭果變咗醬而唔係一塊牛油果，依個價錢性價比極低🥲車打芝士炸雞漢堡 $108依個味道唔錯，炸雞炸得香脆，size亦合理，薯條🍟屬幼身，但都脆口，價錢合理。Iced Mocha $50黎到好Instagram，不過飲落味道較淡，奶味唔濃郁，可以不試🤧🤧一開始被餐廳既裝潢吸引而黎，全間餐廳用blue tone為主，温柔既tone都令人感到舒服，menu 都design得好靚，但食物質素就強差人意😵‍💫

白色小屋，餐廳位置不錯，可惜對外境觀麻麻。坐在地下那層，對面就是一大堆紙箱等，十分貼地，但同時也相對失去了點舒適感。不過這家店有樓上座位，可以避開，不過我喜歡曬太陽，所以選了地下座位。我叫了一個三文魚牛油果bagel食，也點了一杯藍莓飲品。價錢大約$110，都算適宜。而且食物也不錯，算是假日前來，可以渡過一個休閑下午。

藍白色嘅兩層cafe門面位有凳仔可以坐上去影下相但當然唔好阻到其他客人為上內部陽光充足🌤好似去左愛琴海咁舒服坐係樓上望出去別有一番風味▪️egg benedict single 🍳 $58有牛油果同煙三文魚，食落口感豐富。小輕食，唔會太飽，配埋咖啡就啱啱好。▪️dirty $42凍牛奶同熱咖啡撞埋一齊嘅感覺，好舒服。《 Cozy Coffee 》📍Shop C, G/F, 64-66 Chik Fuk Street, Tai Wai

大圍單車鋪附近一間Cafe 冇乜特別求其搵一間試吓 見啲位都好似幾好坐 飲左兩杯 flat white n cappuccino 豆味好一般 唔太喜歡 價錢正常 服務態度又無好差 普普通通咁 唔會特登去依間野咁～

20 minutes before closing, the employees increase the volume of the speaker insanely loud to kick out the customers. The sound was unbareable to a point it hurts my ears. The waiters also had a unpleasant look. Extremely poor and rude management.