Cozy Coffee

营业中

休息中

行過見到環境幾靚幾decent所以幫襯menu又都好精美點知嚟到啲嘢食完全不似預期龍蝦飽好乾 未食過咁難食又硬嘅薯條燒春雞又鞋又咸啲嘢飲都麻麻雞翼ok 如果淨係for打卡係ok 唔算太貴

幾近大圍站既一間cafe。一眼望過去就知呢間cafe打卡唔錯。可能因為係平日，唔算好多人。同朋友揀左2個cake set，水準都OK。環境幾舒服，平日過黎hea 下，搵個地方做野都幾唔錯。

今日去開大圍,聽聞呢度都有唔少CAFE 咁難得過到黎當然做下CAFE主題介紹試下咖啡同用餐體驗喇! 又集郵多一間!燒雞脾意粉午餐 配精選咖啡一杯原隻雞脾焗至脆皮 咬開仍然好有肉汁 上層帶淡淡甜味,係蜜糖味 醃到好入味,香甜肉嫩意粉加添了洋蔥拌炒,份量都幾多 沙律菜配醋汁開胃主食品嚐完,接住就上咖啡 店家用自己烘既豆非用來貨 奶泡香滑細緻 咖啡濃香入口滲淡淡果仁香氣之中又有微果酸味道 有層次Cozy Coffee大圍積福街64-66號地下C號舖消費$120評分8/10

黎到呢間2層嘅餐廳，感覺既雅致又有書卷味，係個文青好地方。牆上有好多裝飾書，成個圖書館咁。我地叫左個煙三文魚牛油果賓尼迪蛋，同埋帶子意式薯丸（gnocchi）。首先講賓尼迪蛋，成道菜整體感覺係好好食！牛油果只係薄薄一層搽係包面上，其實係食唔出味道嘅。但成道菜重點係上面個一層醬！係非常香濃嘅特製醬，有好特別嘅香味且略帶酸味。加上流心嘅蛋，煙三文魚，仲有夾埋底層嘅包，非常美味！值得推薦！而帶子意式薯丸，本身就係抱住試一下新野嘅心態而叫嘅，亦事前唔知道意式薯丸究竟係點樣嘅味道。一試果然係意料之外嘅味道！我唔敢話大家一定會覺得好食，但我覺得質感真係好得意，從未食過原來薯丸係可以咁嘅味道。係有d彈彈地有咬口嘅，同粒帶子幾可亂真！呢道菜，薯丸中夾雜住一樣樣嘅帶子，我同朋友就好似尋寶甘，食中一粒帶子就講出黎，好好笑😆！總結，係一間環境與食物皆不錯嘅餐廳！推薦賓尼迪蛋，而想試下新事物嘅亦可試一下帶子意式薯丸。

在大圍週邊找到這所cafe，被內裏的裝修及薰圍吸引。內裹位置頗多亦算舒適，menu拍攝得極為吸引。我們叫了兩杯coffee, 一杯cappuccino 及一杯dirty。因我未嚐過dirty這款式的咖啡，初試覺得頗特別，員工頗細心地解釋如何飲用，感到他們都有些對咖啡的堅持及心得，不是那種笑面迎人的service, 但卻是實事求事的感覺…cappuccino 的拉花亦合格，整體也算平均。是感到那種舒適休閑，與朋友hea及閒談的好地方

星期四晏晝去嘅，坐咗喺樓下嗰層，對住戶外嘅位置，都幾舒適、令人放鬆。但係坐耐咗會有少少熱，同有輕微垃圾味吹入嚟。不過個位打卡靚所以就忍住繼續坐🤣。野食都正常喇，burger入面嘅粟米醬有少少唔夾，不過整體都係幾fresh幾好食。中意啲薯條外脆內軟🤤🤤，同粗幼度適中。

過去幾個月幫襯數次，食物質素每況愈下：Carbonara管條麵 - 樣靚有心思，但非常咸、量比以前更少薯條 - 幼條好味，不過最近一次overcooked好厲害，有燶味，照served......50%熟 Angus beef burger - 肉質還可但勁咸，唔知其他顧客食唔食到“牛肉味”熱焙茶鮮奶 - 奉上“無暖感”綠茶鮮奶一杯衛生 - 最近一次撲殺了一隻飛蟲+一大隻盲頭烏蠅陪你食……其實總會有一隻係左近龍蝦湯 - 好味服務 - 表面上唔錯大概年頭加價，性價比唔值，加上以上描述一次比一次失望的狀況……忘了吧，如無意外！

第二次幫襯呢間大圍小白屋啦！今次將佢介紹比另一個可愛小侄女，結論係食物味道好岩小朋友呀～同埋臨走發現呢個時間(日落時分)係個大玻璃照入嚟既太陽光好靚、有點錯覺好似係沖繩瀨長島小白屋既感覺。📌Grilled B&C 焗煙肉芝士竹炭多士$78👧🏻「點解面包係黑色既？」👱🏻‍♀️「因為有炭囉」👧🏻「😰乜炭食得架咩？」....然後我唔知點解釋落去..有冇人幫到我簡單明瞭地回答呀？好彩最後小侄女表示好好味者😋📌Hokkaido Matcha 十勝紅豆抹茶蕨餅 $58每次黎都要食佢地自家製既北海道牛乳雪糕系列產品。今次呢個紅豆加抹茶配搭當然又係冇得輸啦。抹茶味十分香濃之餘帶點苦味、不過係小朋友接受到既苦！紅豆好綿、個人好中意食紅豆煮到好綿好紗咁既口感。📌Daily Cake - 芝士蛋糕 $28原價$48，主食加購價$28黎講：勁！抵！食！本身好中意食芝士蛋糕既我覺得好得，芝士味好濃郁、口感好扎實。📌Apple Juice 蘋果汁 $0 小朋友鐘意飲就冇咩好挑剔啦😊

Cozy嘅裝修的確非常吸引，吸引咗我入去坐底試下。雖然舖面個窗開到好大，但舖頭冷氣夠勁，即有露天嘅感覺，又涼浸浸。先來兩杯咖啡，幾靚嘅，但飲落無特別，咖啡味唔算濃，有少少酸，好唔好飲見仁見智。煙三文魚牛油果賓尼廸...只有2粒賓尼廸，沒有其他。呢個菜式有個好大嘅敗筆，就係果pat牛油果。pat牛油果係擦响麵包與三文魚之間，啲麵包索咗牛油果啲水份之後吸唔到蛋漿，結食起上嚟就變蛋還蛋，三文魚還三文魚，麵包還麵包無融為一體果種豐富。水牛芝士莎莎多士。芝士味係完全食唔出嘅...茄底本身都係鞋鞋哋，加上蛋同茄底完唔融合，整體食落比較鞋口，而且無乜調味，感覺怪怪的。整體而言，如標題一樣，打咭一流，食物有好大嘅進步空間。

純白色嘅外觀已經好吸引，中午剛好冇咩嘢做，就入去休息一下，食物比想像中出色！👍🏻龍蝦包滿滿料子嘅一個包，龍蝦肉拆得完整，實淨鮮甜，配菜有香蔥、蟹籽、柚子、蘆筍、蕃茄，爽甜清新，竹炭麵包鬆軟，帶有芝麻嘅香，不過味道比較淡，竹炭味唔夠突出。👍🏻烤伊比利亞豬𩣑叫咗七成熟，豬𩣑軟淋，有肉汁，帶有少少豬腩嘅香，烤得適宜，配上綿綿既蜜餞蘋果醬，帶點甜絲絲嘅感覺，旁邊仲有烤薯仔、蕃茄仔、蘆筍，配菜既味道都不俗！👍🏻Hojicha latte 奶味香，焙茶使用了山政小山園系列，菜味醇厚，小小回甘，飲品已經叫咗少冰，可惜天氣熱冰塊用得比較快，令焙菜味逐漸減淡左。👍🏻Mixed berries icecream float 呢杯飲品非常特別，混合左藍莓、雜莓、牛奶軟雪糕同梳打，上枱面層有奶泡，飲落去酸酸甜甜，撈一撈軟雪糕，飲品味道即刻厚實左，順滑左，絕對可以一試！👍🏻朱古力心太軟記住要叫後上，但要預時間焗起，心大軟有流心效果，澎湃嘅朱古力醬食多兩啖會有啲膩，恰好旁邊有自家製牛奶雪糕、脆皮雪糕筒同紅莓醬，亦都可以中和返！重點係甜品嘅擺盤非常靚！💡全白嘅外牆好啱打卡，地下窗口位好夠chill 餐廳樓上位置都有

星期日，同2個中童食早餐。原本打算坐樓下最入的坐位，但當時張凳是濕的，所以暫時吾坐住，唸住叫人抹左先，叫其中一個兒子坐住另一旁。點知出去落完order,個男收銀員話落左order吾比轉枱，又話原本濕果邊是2人位吾比我同另一個兒子坐。要我地3人避在角落，隔離放左單車，而張枱又避！我原本自己果份餐都未叫，見甘避 都吾想食了！樓上有位又吾比人坐、叫左2份餐二百幾連舒服位都吾比人坐，仲要樓上大把位！吾會再有下次！高個位男職員態度十分

星期五晚上，坐了8成多。兩個人落了兩個輕食，兩個甜品，兩杯特飲。埋單$300多。算是在大圍聚腳傾計的不錯選擇。食品有特色，量剛好。優閒空間，舒服自在。雞肉磨茹沙律，開胃冷盤。

冇諗過會咁差，隻蛋好似放落水度馬上撈起…啲蛋白同蛋黃完全食唔到！仲有店員比我地嘅刀上面竟然全部都係污跡！店員態度亦差只顧着低頭才是…Order餐嘅時候表現不耐煩！本身住響大圍以往都幫襯過幾次今次特別令我不會再想光臨

上星期襯放假去左呢間兩層高人氣Cafe🥰Cafe以藍白色為主調💙🤍勁適合打卡呀！環境都幾舒服☀️店員service仲好好🥰 香草牛油焗粟米牛油果多士（$78）當日想食輕盈啲，就試左呢款😆酸種麵包外層香脆，內裏則口感軟熟😋粟米食落甜甜地不過牛油味唔太重🌽牛油果🥑配合埋石榴、羅勒葉、青檸等食材，令個成個包都好light好清新🥰輕食之選🙌如果想食得飽肚嘅，呢個就可能唔太適合你啦😛Chocolate Volcano ($55)店鋪用左日本直送雪糕漿，食落奶味勁香濃呀1😍😍表面有朱古力爆炸糖，令口感更加豐富😚試左幾啖再加入70% 比利時黑朱古力醬，味道極濃郁🍫冷熱交融，100分！💯 Cappuccino ($42)飲品賣相好靚🥰拉花再加左分！表面係一層厚厚嘅奶泡，飲落都幾smooth，下面啡味夠濃，偏fruity～

外觀吸引，打卡一流的coffee shop長期有客人等位，今日等左十分鐘，可接受有地下和二樓我地坐地下，bar枱看著咖啡師，準備即磨咖啡調凍飲，各樣，好多野睇😆兩個人，一人一杯飲品點了兩個小食單骨咸旦炸雞翼味道一般，覺咸，但不是咸黃味道醬汁加上葱花，有點古怪另一小食炸薯條併炸蕃薯條🍟味道還好，但真的太幼，太幼變左薯絲咁樣飲品檸檬焦糖梳打水好好飲呀！有新鮮檸檬汁的⭕️全店職員戴上口罩 ⭕️進店前量度體溫 ⭕️提供酒精搓手液