CRAPS TABLE (一門町市場)

营业中

休息中

12月31日，諗住夜晚party之前同老公食個light lunch, 荃灣開咗個一門町食街，就去試試佢。結果超失望，年尾一伏食物個樣同幾十蚊茶餐廳冇分別，但收呢個Cafe價錢最重要係味道真係唔得個大阪燒唔知點解變咗個蘿蔔糕咁樣！老公食完嬲咗，完全冇味！個egg Benedict 塊包軟腍腍, 沙律菜個羽衣甘藍超硬，完全生食咁！杯Espresso Tonic算係正常，不過都係嗰句，成餐飯二百幾蚊，完全唔值，超級失望

早幾日去過呢度食晚餐，叫咗個西冷扒大蝦都幾滿意，所以今晚特登再去幫襯，今次叫咗個set dinner係琵琶蝦冬蔭宮墨汁意粉，但送到嚟時一睇，點知係只係兩隻大煆唔係琵琶蝦！咁問個侍應點解會咁，之後有另一個侍應走過嚟講唔好意思，琵琶蝦冇晒貨，所以以大蝦代替…..好失望囉！餐牌上係寫明琵琶蝦，若果廚房明知冇琵琶蝦，點解唔一早同啲客講明？咁樣我覺得係比餐廳欺騙咗囉！餐廳唔係以為啲客唔知乜嘢係琵琶蝦啩？就咁攞兩隻大蝦代替就算？！真心失望！

係荃新天地二期，差唔多攪咗兩年嘅日本美食街「一門町市場」終於係今年12月16日正式開幕。場內有唔同大小唔同風格嘅餐廳，點都有間啱心水。今次入咗間日式咖啡廳，Craps Table ，走文青風格, 有大量乾燥永生花擺設，入面有兩隻大熊Bear Bear可以影相添。今日三點幾入坐，有tea set都係六、七十蚊，cafe嚟講都算平。食物都係和風，叫咗一個海膽魚籽班尼迪克蛋同埋蒲燒鰻魚意大利三文治，估唔到都幾大份。另外加咗啲錢轉咗咖啡，咁樣坐成個晏晝都冇問題。最後叫多份甜品胡麻雪芭拿破崙，酥皮鬆脆，胡麻雪芭芝麻味都好濃，可以一試。

聖誕假期, 苦榮與她沒有離港, 反而選擇在荃灣幾個商場閒逛, 買些心頭好, 想吃什麼就走進去.原來荃新天地2期的地下, 已變身做食街, 有唔少西日餐廳進駐, 苦榮與她對西餐廳最有興趣. 套餐有跟沙律或湯, 都要了沙律, 胡麻醬可以俾多少少啦其實. 苦榮的慢煮腩肉水波蛋意大利飯, 腩肉甘香帶脆, 意大利飯勝在口感煙韌, 帶少少勁度, 苦榮幾鍾意. 試左少少她的比目魚, 質感肯定及不上銀鱈魚, 不過都算嫩滑, 起碼佢無呃人比目魚當銀鱈魚咁賣. 跟餐有果汁, 苦榮又唔生性加錢轉左杯flat white, 後悔莫及.

荃灣新開餐廳，一黎就被它的裝修吸引🤩大片秋日浪漫芒草，布偶熊以擺懶的姿勢陪你一起享用美食！好搞鬼！打卡好地方！星期六都有套餐，好難得！🍄慢煮黑松露野菌雞卷意大利飯$98黑松露味不太濃，雞卷多汁加上淡淡的野菌清香，配飯剛剛好，就是得3塊太少了！🥩香煎美國西冷$160牛扒肉質緊實但牛味香濃，中心煎得粉嫩，入口感受到啖啖的牛肉鮮味，馥郁又惹味！配菜有西蘭花苗、澳洲小甘筍，可以解解膩！另外，薯條炸得香脆，沾上牛肉汁，香氣逼人！☕️Cappuccino 卡布奇諾綿密的奶泡造出心型圖案，咖啡入口純滑甘香

最近聽講荃灣嘅荃新天地二期「一門町市場」會開美食街，入面有各式各樣嘅餐飲同娛樂商店，於是上星期六去開附近就決定都去個邊食下野，點知原來嗰日係開幕嘅第一日～人少少，食得好舒服。嗰日我哋去咗間走文青風格嘅日式餐廳，佢以一啲乾燥花作裝修特色，氛圍好chill，亦都幾岩用嚟做女仔影相打卡嘅背景˃̶͈̀௰˂̶͈✎ 法式黑松露野菌雞卷、海膽醬三文魚籽意大利飯意大利飯味道非常出色，充滿海膽味，口感係我鍾意嘅軟硬程度，唔會太硬，亦都唔會太腍，而且恰當嘅濕潤程度。雞卷入口滑嫩，一啲都唔乾，飄散住淡淡黑松露味。✎ 慢烤西班牙五花腩泡菜水波蛋意大利飯 水波蛋煮到流心嘅，一啲都唔會過熟，口感嫩滑多汁，fresh感十足！泡菜勁辣勁酸˃̵͈̑ᴗ˂̵͈̑五花腩一半肥膏一半肉，十分有咬口，而且都有返咁上下厚身，煮得岩岩好腍度。意大利飯口感偏辣，軟滑而中心保留些少硬度，好味！✎ 綠茶流心布丁伴蛋糕抹茶味香濃，流心狀，伴隨切粒藍莓粒同微酸嘅士多啤梨粒。蛋糕入口鬆軟。雪糕味道係雲呢拿味～✎ Sunrise (Smoothie) 材料有切片香蕉同士多啤梨。香蕉唔腍唔硬，入口冇渣，士多啤梨微酸。整體質感綿滑，濃郁香蕉味，幾好飲。

✨琵琶蝦冬蔭功意大利粉就係一碟虎蝦意粉，仲有用咗三色椒、洋蔥、菇、白汁嚟整。意粉軟硬度啱啱好，口感爽脆彈牙，少少似薯粉，但又冇薯粉嗰種煙韌感🍝。而且佢用三色椒同洋蔥嚟整係更加香，再加辣辣地變得惹味🌶️。整體上係好特別～✨鵝肝醬酥皮焗羊鞍平時睇Menu真係直接ignore所有羊嘅嘢食，因為我真係驚食到羊嘅蘇味。今次嚟呢間我見到羊鞍係廚師推薦 就試下啦🐑，果然冇令我失望。羊鞍外層有酥皮，好酥脆同可口。羊肉嘅肉質鮮甜+好juicy，羊蘇味其實好微，微到唔覺得蘇。✨Sunrise (Smoothie)佢係草莓+香蕉嘅特飲嚟，飲落唔甜，好天然健康。飲得水果係新鮮🍓🍌，香蕉很甜～😋