CRAPS TABLE (一門町市場)

营业中

休息中

最近听讲荃湾嘅荃新天地二期「一门町市场」会开美食街，入面有各式各样嘅餐饮同娱乐商店，于是上星期六去开附近就决定都去个边食下野，点知原来𠮶日系开幕嘅第一日～人少少，食得好舒服。𠮶日我哋去咗间走文青风格嘅日式餐厅，佢以一啲干燥花作装修特色，氛围好chill，亦都几岩用嚟做女仔影相打卡嘅背景˃̶͈̀௰˂̶͈✎ 法式黑松露野菌鸡卷、海胆酱三文鱼籽意大利饭意大利饭味道非常出色，充满海胆味，口感系我钟意嘅软硬程度，唔会太硬，亦都唔会太腍，而且恰当嘅湿润程度。鸡卷入口滑嫩，一啲都唔干，飘散住淡淡黑松露味。✎ 慢烤西班牙五花腩泡菜水波蛋意大利饭 水波蛋煮到流心嘅，一啲都唔会过熟，口感嫩滑多汁，fresh感十足！泡菜劲辣劲酸˃̵͈̑ᴗ˂̵͈̑五花腩一半肥膏一半肉，十分有咬口，而且都有返咁上下厚身，煮得岩岩好腍度。意大利饭口感偏辣，软滑而中心保留些少硬度，好味！✎ 绿茶流心布丁伴蛋糕抹茶味香浓，流心状，伴随切粒蓝莓粒同微酸嘅士多啤梨粒。蛋糕入口松软。雪糕味道系云呢拿味～✎ Sunrise (Smoothie) 材料有切片香蕉同士多啤梨。香蕉唔腍唔硬，入口冇渣，士多啤梨微酸。整体质感绵滑，浓郁香蕉味，几好饮。