Cup Of... (已結業)

粉紅色的外表雖然很可愛 ,但一直唔敢試。 直至睇到新假期佢嘅珍珠奶茶竟然係第三位 ！ 珍珠奶茶 屬於隱藏menu ，珍珠奶茶之前試過珍珠好食但茶味一般。 今次試招牌水果綜合茶， 加了珍珠因為好吃！ 滿滿生果，茶底選擇了烏龍茶， 粗吸管可以吃到一粒粒的熱情果及芒果 ，味道濃郁清新！ 不過因為太多生果所以茶其實並不多，飲了幾啖已經完了~ 唔夠喉。 一

路經此地，恰巧口渴就見到Cup of...水果茶，粉紅色的舖面正是吸睛的重點，引人犯罪吃甜的店？你錯了！因為水果茶啖啖果肉十分健康，而且足料而且選擇眾多，實在係不比新派台式過江龍差，選擇多份量足主要以茶為主，但款款都大大杯，仲可以選擇XL size，同男友飲都唔怕比佢一啖飲晒，十分貼心因為整體評價不錯，而且絕對適合眾多男生女生的胃口，飯後來一杯其實就等於甜品，健康又可口，一杯可以跟閨蜜分著吃，總之小妹一定會再來

荃灣呢條街有好多間台式飲料店，呢間嘅位置係最隱蔽，但粉紅色門面係最搶眼、最吸引人嘅。本身唔特別想買嘢飲，但我確實比芝士奶蓋吸引咗。係呀，就係近排好 hit 嘅芝士奶蓋呀！點咗杯『岩鹽芝士奶蓋紅茶』試試。收到杯飲品時都幾 surprise，因為從來唔會 expect 芝士奶蓋上面會有一堆芝士粉。飲落就知道咩事，奶蓋的確唔夠芝士味，所以先會落一堆芝士粉喺面頭。相反茶底係真嘅，我深信佢主打嘅水果茶應該比較好！

話說呢間野其實地點好方便，係美食林立既路德圍真係「轉個彎就到」！被天橋樓梯同藍色豪大大所包圍！但蠢港女我竟然兜左成大個圈先搵到佢唔好講我住，講返杯野飲！今次嗌左最最基本既紅茶加岩鹽奶蓋再加珍珠奶蓋係是次重點！真係好夠厚又好creamy 😆但又唔會太傑身，飲落就覺得好足料岩鹽同芝士粉都係臨出餐先加，唔會太早就溶曬～紅茶都係正正常常咁，無太大既特別～珍珠呢..... 咁始終呢個店家都唔係主打珍珠，都係唔好太大期望啦 👀👀

上次飲過佢地既綜合水果茶讚不絕口，山長水遠出到黎更係整反杯，但無理由次次都飲同一樣野，咁就決定飲岩鹽芝士奶蓋系列既玫瑰花果茶，點知就奶哂野..............我未試過飲一杯野飲兩啖就掉左佢真係兩啖！兩啖就係垃圾桶見...........陣味古怪到.....好難飲........個岩鹽芝士奶蓋...我唔知係咪真係咁咸......因為我平時係第2間飲既無咁咸.....佢直情咸到食唔落，撈埋一齊飲又唔夾......我都唔知點飲好！我最後飲左兩啖，真係兩啖就掉左.......

為了芋圓而來到路德圍這邊，發現Cup of...就在目標芋圓店旁邊，太巧合了吧！就試試傳說中的大杯水果茶好了。原本想試招牌水果茶，卻發現新奇士鮮橙紅茶更吸引，便改選新奇士鮮橙紅茶($28)。高身的杯子即使是Ｍ size也太多了, L size的招牌水果茶就是因份量太多而被我放棄了。杯蓋綴上一個小小紅心，跟Liho里喝的杯子設計很相似，而Cup of...那粉紅貨櫃店面跟韓風潮流十分貼近，也難怪會成為IG打卡熱點。雖然在我前面等候的客人不多，可是這杯水果茶花了我不少等待的時間，即使鄰鋪那芋圓燒仙草到手後，仍遲遲不見水果橙茶的蹤影。終於等到了，店員果然有照我的要求，把原本的茉莉綠茶換成了紅茶，可是在食照上看到的，香橙片在杯中排得密密麻麻的姿態，卻沒有出現在我這杯新奇士鮮橙紅茶之上，杯裏都是被榨汁過的橙片，賣相並不如食照般好看。惟有寄望這杯橙茶是真材實料，管家用上新鮮的新奇士橙汁吧！可是那味道再一次令人感到失望，鮮橙味是有的，但同時也存在人工化的橙香，味道不自然的糖漿，和平平無奇的紅茶，不是百分百純正的水果茶吧！還以為Cup of...有新鮮的水果茶，便會是品質的保證，但橙茶卻不是100%的

草莓刨冰 $18 評分: 7/10 一一一一一一一一一一一一一一 今次黎到成間都係PinkPink既舖頭💖店家除主打手搖杯，原來仲有綿綿冰😍有芒果🍯朱古力🍫草莓🍓個冰口感幾綿，草莓牛奶味幾重，食落唔會好假既feel，面頭仲有爆珠😍整體比想像中好👍🏻下次想食芒果味 留意返係外賣店，另外show已like店家既facebook仲會減$3添餐廳：Cup Of... 。 地址：荃灣昌泰街5號富榮大廈地下1號舖 交通：🚊荃灣地鐵站 D出口

‼️終於搵到我最中意既飲品店喇‼️ ‼️終於搵到我最中意既飲品店喇‼️ ‼️終於搵到我最中意既飲品店喇‼️ 太興奮所以要講3次!!😂 唔係講笑，荃灣Cup of...既岩鹽玫瑰奶蓋茶($28)已經成為左我最愛既街頭飲品喇! 去到既時候見到幾十種飲品選擇都r哂頭，好彩老闆介紹左呢杯又靚又好飲既layered drink比我，影相勁靚之餘真係好好飲！飲品最頂係香濃既奶蓋，之後係玫瑰茶同椰香奶，最底係超有口感既粒粒蒟蒻。玫瑰味好香，而且撈勻後成杯都充滿奶蓋既芝士香味，成杯好多層次而且超級真材實料!! 至於我朋友飲既果茶亦都好refreshing，而且大大杯都係廿蚊到真係好抵啊😍ps我擺左兩杯飲品喺地下先用到個粉紅貨櫃做背景咋 大家權衡下衛生同instagra-bility先好學我啊😂話說各位飲之前都可以好似我咁影下相post上fbk/ig，咁杯飲品就可以平$3啊!

星期日路過，見到大大間水果茶，款式多多，一於試下見到本身覺得好貴 三、四十幾蚊一杯水果茶有1000cc, 700cc, 500cc眼見客人點全都大大杯，杯身足足手臂咁長最後叫左杯綜合水果茶 $38 700cc有紅茶綠茶烏龍茶選擇我無注明要邊款茶 店鋪比左紅茶我取茶果時發現原來真係好大杯，水果量十分之多亦好好心提供埋長竹籤食水果之用內有芒果、蘋果、火龍果、西瓜、石榴、青檸、士多啤梨等等有得飲亦有得食，下次經開會再去買同時比左包粉我，無留意係咩黎，下次買再試下位置雖然不太明顯，但勝在剛剛好在天橋食街下橋位置，都算方便

呢杯水果杯不得了😆佢雖然睇落好大杯但因為佢𥚃面塞滿各式各樣嘅水果，所以飲完唔會成肚都係水😌佢裡面有橙🍊蘋果🍎西瓜🍉檸檬🍋菠蘿🍍火龍果等等😍加埋落個紅茶真係勁豐富😍我叫左少甜所以甜度都叫岩岩好😌佢地仲會比枝竹籤你等你可以拎啲水果出嚟食埋佢😋又有得飲又有得食😍雖然佢＄38但係咁豐富都算值嘅😗依家拉佢哋Facebook , share埋仲有得減＄3😍

與媽媽吃完晚飯後，去了我們喜愛的粉紅飲品小店cup of買飲品喝。每次來都買鮮果茶，有點沉悶，何況這裡選擇這麼多。不試試其他口味有點兒那過，所以我和媽媽都挑了白桃粉飛飛及芒果星球大戰。當玫瑰茶遇上了散發淡淡果香的白桃汁，玫瑰茶增添芬芳，香甜的白桃汁融為一體，自喉嚨間瀰漫開來淡雅白桃味與玫瑰香氣，甜蜜喜悅從中蔓延開去，味道微甜又帶點清爽口感，晚飯後喝這杯冰涼的白桃粉飛飛超舒暢。芒果星球大戰奶蓋上頭頗有心思，在取它的時候，媽媽驚訝有朵飄亮的拉花在椰子奶蓋上，她忍不住雀躍起來，芒果星球大戰太合她意了。她先喝一口椰子奶蓋，頓時長出了白白的小鬍子。奶蓋本身是比較綿密，帶有椰子香氣。接著每一口都能感受到豐富的口感，星星椰果，爆珠，芒果在口中爆發，就如它的名字在咀裡「星球大戰」，同時因椰子奶蓋加持，喝起來更為順口。媽媽也是頭一次嚐到椰子奶蓋混合奶茶，相當特別，而且不會死甜。

在酷熱天氣下，少不免想喝杯冰茶降溫消暑，水果茶尤其歡迎，清甜解喝嘛。今次去了在荃灣最近頗受歡迎的cup of...，嚐嚐它的招牌水果茶。Cup of..那嫩粉簡單的鋪頭門面相當奪目，不難找到它的位置，而且粉紅色也是我喜愛的色系，心中不免加了少許分數。綜合水果茶有700cc及1000cc的選擇，不過我最後買了細杯裝，怕大杯裝會喝不完。比起1000cc，700cc雖然份量少300cc，但是茶裡的水果用料十足。它的豐富程度超乎我的想像，光是水果已有九種，西瓜，菠蘿，橙，青檸，檸檬，百香果，士多啤梨，紅肉火龍果及奇異果，五顏六色，猶如彩虹，非一般天然視覺享受。茶方面挑了綠茶，個人覺得紅茶過於濃郁，反而綠茶的清雅能夠突出水果的鮮香，果然我是沒錯的。cup of...把少量水果肉攪拌，讓水果甜美更能融入茶中。店員說先將部份水果吃掉，然後倒入梅子粉，主要都是把果茶的清甜滋味提升起來。雖然水果茶未去到甜蜜程度，但勝在清新解喝，微微果甜，已很充足。

第二次飲lee個綜合水果茶 今次飲標準cup 水準keep到 多生果 👍🏻 但朋友飲橙茶話似開粉 所以都係飲番綜合水果茶穩陣其實最近開左好多靚靚台式飲品店 荃灣哩間唔錯價錢合理 facebook like&share 仲減$3

本身係想去隔離買芋圓，點知行過見到呢間飲品店，仲要有奶蓋飲，一杯都係廿零蚊，唔貴，就轉軚了。叫左岩鹽芝士奶蓋綠茶無糖少冰($22)，其實本身叫烏龍，但可能行有啲嘈所以落錯左。不過綠茶我都鍾意飲，所以冇乜所謂～等入面出左杯茶之後，職員會係你面前落岩鹽同芝士粉，唔係直接架落個奶蓋度。奶蓋份量好足，而且仲好creamy，飲落有奶香同埋少少cream cheese味，不過因為岩鹽同芝士粉冇混合落去，所以要飲面頭先飲到呢２隻味道。飲果陣因為奶蓋杰得濟，fill滿左個咀，啲茶係２邊流哂出黎，用飲管會好啲。呢度嘅奶蓋比起其他店嘅奶蓋真係杰好多，可能有人會唔鍾意，但係我自己覺得飲落又幾開心，奶蓋飲到最尾仲有，又唔怕同啲茶溝埋冇左奶蓋嘅口感。綠茶飲落微甘少少回香，濃度啱啱好，夾埋奶蓋飲唔會漏，啱啱好。

呢間舖頭喺荃灣開咗無幾耐，我都係因為豪大大雞排先發現佢。門口以粉紅色裝修，幾別緻又適合女孩子。 呢度嘅水果茶就最出名，我試咗綜合水果茶，可以揀 700ml or 1000ml。其實水果份量好多，所以相對上唔算好大杯。水果茶方面，唔會淨係得水果嘅香氣，而真係飲得多新鮮水果嘅甜味。水果又有咩？有香橙、蘋果、士多啤梨、番石榴、西瓜、菠蘿、青檸等等。店員仲有提供一包酸梅粉，俾你飲完完畢後撈埋生果食，好似話更加帶出生果嘅鮮甜味道。我自己試過 OK 啦，但個人喜好淨食生果多啲。膠杯方面亦做得比較硬身，杯蓋都係特別設計，可以加放食生果用嘅竹籤，好方便都人客。上面仲有個小小紅心，感覺係 sweet 嘅。從以上多方面都睇得出店主嘅用心，所以我會繼續多多支持！