Dear Grey

营业中

休息中

入去食左寫住人氣的粉嫩平鐵牛排溫泉蛋丼飯118蚊d飯汁都好味～雖然我一有種似牛角汁的感覺上面個溫泉蛋 無腥味～呢個真係好好其實我好怕食生雞蛋～影相打卡係靚ge(≧▽≦)d肉的熟度都剛剛好唔會話太硬～加左14 蚊手打鴨屎綠香水檸檬茶（普普通通，唔好要求太多(/ω＼)牛油果蟹肉他他脆筒呢個值得食🤣我鍾意牛油果🥑反而係友人杯白桃茶話飲到桃🍑香味有d驚喜～佢點左費城芝士牛排丼飯～78蚊d牛肉望落都唔肥～ 唔錯👍🏻整體正常！服務就普普通通了。。。

成日都唔明點解北角會有咁多餐廳咁多好評，次次食完都覺得唔會再黎，不過又咁講，可能北角真係無咩嘢食同時間又可以唔執，先會可以繼續有食評。今次同朋友去lunch 聚會，4個人都係叫同一個飯，粉嫩平鐵牛排溫泉蛋蓋飯，個價錢絕對對得起個質素，不過因為始終係一間細舖頭，都唔好預佢好好服務或者環境好好，間舖應該只係得1個人，落單同整嘢食都係同一個人，收錢都係，咁你就知，如果太多客其實都未必應付到，但當日得大約10個食客，叫做唔洗催單，都算係咁。但講真，北角食物同環境嘅質素真係唔可以同銅鑼灣比。

👧🏻😋👅🍽✨一丼入魂🥰 小食甜品一樣出色-🍱 錦屏街後街有好幾間小店, Dear Grey個圖文並茂大餐牌好當眼, 一行過就會留意到多款抵食丼飯套餐; 店內有兩排座位, 無論自己或家庭聚會都好適合, 而室外都有bar枱更chill🍱 食物即叫即整好好食, 另外仲有steak sandwich, 送酒小食同甜品, 放工輕鬆下可以$188 2小時free flow生啤/手工啤/whiskey同各款無酒精飲品-🥩 粉嫩平鐵牛排溫泉蛋冷烏冬 $116💯切開一片片呈粉紅色, 無論頭尾每一塊肉質好嫩滑, 略嫌燒汁多左少少, 牛肉本身靚已好鮮甜, 食得較淡既可remark一下💯轉左冷烏冬又滑又彈牙, 撈埋個溫泉蛋勁香; 可加錢增加肉量50%/100%, 但基本份量都好足夠, 唔會得幾件, 整體性價比好高-🐠 慢煮三文魚牛油果蟹肉他他丼飯 $108✨等左15分鐘係值得, 慢煮三文魚切成粗粒, 但爆汁嫩滑好鮮甜; 丼飯微暖口感Q彈, 配牛油果蟹肉, 魚汁同清新沙律汁好夾-🍵 套餐💯每個丼飯套餐都送前菜, 漬物同餐飲, 日式小點酸酸地好開胃; 餐飲係茶包冷泡茶/熱茶, 有白桃同原味綠茶, 另可加錢upgr

✨今日來到北角隱世食街，呢條街幾間餐廳，我哋選擇了一間較為日式風格的。***** ***** ***** ***** ***** 黑安格斯封門牛溫泉蛋丼飯廚師把封門牛煮嘅熟度剛剛好，小粉嫩顏色，味道非常濃郁、口感柔軟而且多汁；溫泉蛋用了高品質的「蘭王」系列，每啖飯都充滿蛋汁，非常滿意日式丼飯。Dear Grey美國安格斯肉眼堡麵包幾鬆脆，中間有軟腍安格斯牛肉配蕃茄、青菜、惹味醬汁；仲有鬆脆薯條，非常豐富。芝麻雞翼外皮烤至脆口，鎖住肉質，咬落軟腍仲勁有芝麻香，好👍🏻食日本麻糬吉士窩夫🧇甜品性價比高。餐飲叫了凍嘅綠茶，非常清新解油膩。總括來說，一間位於北角站隱世小餐廳，環境一般，但都是值得過嚟食嘅。

好少過嚟北角，今次一場嚟到要搵好嘢食佢係位於一條小巷嘅小店價錢唔太貴，但係份量好多又好食所以CP值好高💜粉嫩平鐵牛排溫泉蛋丼飯牛肉份量好多，見到啲肉紅紅地好嫩滑而且啲牛肉超級冧又有牛味加埋隻溫泉蛋撈埋一齊食好正仲有一小碟嘅海蜇做前菜💜Dear Grey 美國安格斯肉眼堡呢個肉眼漢堡又係超級大個，勁足料入面嘅肉眼係多到一路食一路跌出嚟佢係燒過嘅牛，個香味好突出加埋佢哋嘅秘製醬好夾薯條又熱辣辣，正正仲有個蘑菇醬可以點添💜口臭牛舌芯呢個牛舌芯好正首先牛舌芯好冧好入味，然後超多蒜蓉原來兩樣一齊食個味係超夾食完會好想繼續食💜檸檬雪葩超真嘅檸檬味，食落酸酸甜甜💜孫悟空十月啤酒呢度有唔同嘅手工啤揀呢款好易入口，不錯不錯💜100%蘋果汁飲落好甜好好味

今日喺北角揾食，醒起之前見到呢一間，俾佢嘅牛排三文治吸引住，所以今次黎試吓。因為我唔熟北角啲路，佢喺條巷仔入邊，跟住地圖我都覺得有啲難揾。當日晏晝去到已經坐滿人，得返廚房隔離嘅一張枱仔。唔知係咪因為啱啱開門冇耐，成間餐廳都唔係好夠冷氣。果日有啲喉嚨痛，所以冇嗌到三文治配薯條，轉叫咗都係出名嘅費城芝士牛排飯，餐配咗個餐前漬物同冷泡茶。費城芝士牛排飯 芝士同牛肉鋪滿飯面，一上到枱勁香。牛肉切得比較碎，芝士融入埋一齊好好撈飯。其實食落有啲似碎牛撈飯，我期待嘅牛肉係薄片而唔係切到咁碎。而且我期望會係調味上豐富啲，依家就食落比較單一，只有黑椒味。份量對一個女仔嚟講啱啱好，因為芝士份量都多，食到最後會有啲滯。

我家住炮台山，適逢今晚家人過來吃晚飯，上網見到呢間有推介，見小店，即管過來支持一下，但係都好後悔。首先，門口外已經坐咗兩個男人喺度食煙，由於我哋有六個人，佢哋安排咗我哋坐最近門口嗰張枱，我哋已經唔係好鍾意，不過冇辦法，由於佢哋間舖頭都比較細，後尾先知原來門口食煙嗰兩個男人係侍應，感覺即刻好差。一坐低成間舖頭都好熱，熱到完全冇胃口，而食物質素好老實講，亦都係唔好食，我叫咗佢比較出名嗰個粉嫩牛扒，都好韌下，全餐晚飯係熱到完全周身唔自在，冷氣完全唔夠凍，開晒風扇同埋仲要開住道門，我哋坐近門口，真係熱到係咁標汗。六個人嘅晚餐，有兩個好似好遲先出到，仲要我哋六個餐中間，有三樣嘢都係寫錯order，要再等過，出餐勁慢。我哋四個大人，兩位小朋友，總共食咗八百幾蚊，服務唔好，環境唔好，食物質素亦唔好，但係價錢亦都唔算平，唔會再有下一次。

話說係北角都番左兩年工, 一直都唔知原來書局街轉角有條食街。上星期有個新同事帶我黎先知, 咁就是但入呢間Dear Grey。短短一星期就食左3次😜。第一次叫左個油封鴨肶飯, 鴨肉酥香配埋個柚子汁好開胃。不過唔記得影相。第二次就叫個肉眼丼, 煎到半生熟軟淋質感唔靭, 加埋溫泉蛋好好送飯。第三次就叫左火灸黑毛豬丼，可能係黑毛豬既關係, 無平時食豬果陣豬臭味, 同埋半肥瘦既口感, 又帶點油香, 好惹味。 食物質數完全無挑剔, 仲要包埋飲品前菜, 全店唯一不足係冷氣略為唔夠凍。不過無阻我既飯堂推介。

佢個位置都幾隱蔽不過原來嗰條巷都好多餐廳港島區嚟講呢間店唔算好貴午餐有前菜同埋飲品送前菜係海蜇 有點鹹嘢飲揀咗白桃冷泡茶 細細支都幾方便慢煮無激素雞胸溫泉蛋丼飯 ($58)呢個飯係配一個泰式酸辣汁但係同個飯唔係幾夾 有點太酸不過個雞胸整得唔錯 一啲都唔鞋另外有一隻溫泉蛋可以撈飯 正👍🏼$58嚟講呢個性價比唔錯😎費城芝士牛排丼飯 ($78)呢個係Menu舉咗手指公推介唔算好多芝士 牛肉煎香咗嘅味道但係冇乜記憶點 比較普通

原本見OpenRice做特價有平叫咗一個60幾蚊嘅漢堡試吓試過冇下一次個漢堡雖然已經做咗特價但其實都唔平諗住應該都食得飽點知醬汁多過肉麵包又乾調味又一般食完仲要唔飽咁嘅價錢應該有好多其他選擇

Lunch time 同同事黎過幾次都係食油封鴨飯, 今日做完gym 叫左個慢煮雞胸飯, $58 有飯有野飲有前菜, 雞胸做得嫩, 喜出望外。酸辣汁好夾d慢煮雞肉，好開胃，下次可以試吓其他款式，lunch time 夜晚quick dinner嚟食都唔錯.

Went during a weekday lunch hour, 入到去個金毛男店員同黑長髮女店員坐喺度，有客入嚟都冇諗住serve，同你眼望望。打開專門做生意，但好似一啲都唔稀罕有冇生意。冇服務之餘，個女店員喺餐廳外食煙啲煙飛晒入餐廳。叫埋單，嗰兩個店員又係冇反應，企喺個Cashier度望住你好似係你應該自動自覺走過來，之後乜都冇講⋯⋯俾錢食飯都要受氣咁⋯⋯worst attitude ever! Blacklist!!!

本身見到有間手招牌食steak sandwich嘅餐廳就好想試，有一晚7：30左右落去食，去到門口冇侍應接待，唯有我哋自己揾位坐。入到去足足要等10分鐘先叫到個侍應嚟寫嘢，先同我哋講兩個牛堡都冇晒，我哋無奈走咗。今次再去，諗住周末午飯時間應該唔會冇貨，今次就有侍應接待不過同茶記冇乜分別，我哋話兩位佢只係用個手勢叫我哋隨便坐。坐咗喺個吉枱之後，佢係冇攞menu俾我哋，亦都冇將本身喺我哋枱上面嘅餐具盒攞過我哋枱度，落單今次唔洗不停叫不過竟然又係冇最招牌果個牛堡，咁唯有叫費城牛堡，再加咗杯鴨屎檸檬綠茶。落咗單過咗一陣侍應出嚟話冇冰，問我介唔介意，at this point我都已經處於一個放棄嘅狀態，我直接話ok。茶到咗原來真係淨係一杯有兩細塊青檸嘅綠茶，同飲杯冇糖綠茶冇分別。牛堡個包有求其輕輕烘過，肥牛都算係煮得ok唔會太熟，不過芝士就唔太夠。薯條係炸得唔夠透，有少少硬。蕃薯條係ok，不過兩種薯條都係冇乜味，佢哋又淨係俾一細包茄汁，侍應咁嘅態度同面色我都驚話要多包。講真呢個價錢換呢個質素嘅食物同服務係幾揾笨唔知係咪老細出唔夠糧定點，不過繼續係咁真係唔洗再做，尤其佢哋嘅招牌牛堡成日都冇得食，佢

店員態度非常差落單時想叫個漢堡 店員 回覆 一個字 無 咁叫第2個 叫完 明明係餐 跟野飲 問都唔問就走佐去拎野飲同野食上黎 一野拍一聲放上台 極之無禮貌若果唔想做 不如唔好開門 🙂‍↔️叫佐費城牛肉堡 都好一般 個包燶 就得肉 無口感 啲薯條撒佐粉搞到辣但餐牌無提示 搞到一條都食唔到 成個體驗好差

叫咗兩樣肉眼扒溫泉蛋飯 & 費城芝士牛排堡首先講下個牛堡個包燶到黑色 除咗苦就只要苦其他味係完全食唔到出來牛就乾到柴 名副其實既牛肉乾再講個飯 溫泉蛋唔溫泉 啲肉完全無味 連鹽都無落同埋我好肯定絕對唔係肉眼部位上菜速度極慢 服務態度有進步空間呢個價錢 認真好失望 應該唔會再去