Dear Grey

营业中

休息中

今日喺北角揾食，醒起之前见到呢一间，俾佢嘅牛排三文治吸引住，所以今次黎试吓。因为我唔熟北角啲路，佢喺条巷仔入边，跟住地图我都觉得有啲难揾。当日晏昼去到已经坐满人，得返厨房隔离嘅一张枱仔。唔知系咪因为啱啱开门冇耐，成间餐厅都唔系好够冷气。果日有啲喉咙痛，所以冇嗌到三文治配薯条，转叫咗都系出名嘅费城芝士牛排饭，餐配咗个餐前渍物同冷泡茶。费城芝士牛排饭 芝士同牛肉铺满饭面，一上到枱劲香。牛肉切得比较碎，芝士融入埋一齐好好捞饭。其实食落有啲似碎牛捞饭，我期待嘅牛肉系薄片而唔系切到咁碎。而且我期望会系调味上丰富啲，依家就食落比较单一，只有黑椒味。份量对一个女仔嚟讲啱啱好，因为芝士份量都多，食到最后会有啲滞。