Deli and Wine (已結業)

After renovation, the restaurant become more neat and just like a school canteen, I do like the old decoration which is more warm and lovely. Just like school canteen, you order your food in the line, I ordered chicken steak with rice in mushroom sauce. Chicken steak is so thick and crispy with some corns, pretty yummm haa. It’s really so full to finish the whole dishes.Spaghetti with asparagus and bacon in cheese cream sauce isn’t bad, so creamy, many cheese on top. menu:School canteen having g

今朝約朋友一齊出尖沙咀食早餐，諗黎諗去覺得好似無咩邊間餐廳，朝早會供應食物高質、價錢相宜、環境舒服同位置方便既餐廳。。。突然醒起文化中心地下有間高質版美心快餐，就約左朋友一齊黎試我就叫左一份「薄牛扒、煎蛋、多士餐」，配埋熱豆漿，只係$42！！薄牛扒淋上黑椒汁，而且肉質鬆軟易咬。而煎蛋，佢只提供生或熟蛋，如果你想揀炒蛋就要加5蚊，我最後就無加啦～牛油多士，我覺得牛油可以另外上，每個人對搽牛油既份量都因人而異，結果食既時候要自己整走多餘既牛油，感覺有點多此一舉不過，整體來說呢個價錢可以響呢個地段慢慢嘆牛扒早餐，真係非常抵食！

今日七夕好早起身去食早餐先返工喺文化附近，好有文化氣息叫咗腸仔蛋米粉($38)，太陽蛋來的，腸仔係白色牛仔腸，有誠意，唔係cheap cheap廚師腸加4蚊轉朱古力牛奶咖啡有拉花㗎🥰抵食的早餐，一食再食🤩🐻早上冇乜人，寧靜的環境

下午2:30pm左右，諗住去太空館點知見到出面排隊買飛都大排長龍，我哋於是打退堂鼓轉場去吃下午茶一早知呢間嘢係高級版美心，所以預咗唔會平呢間嘢同其他美心一樣，都係自己搵位同喺門口收銀買嘢食先在門口點餐 (雖然要排吓人但D姐姐勁快手)我哋點了下午茶餐 x 21. 多士餐 + 熱檸茶 = $252. 扒芝士火腿三文治餐 + 凍檸茶(走甜) = $38 + $4點多士餐時，收銀會問你要奶醬定奶油，我點了奶醬。之後佢會比個震震機你，食物準備好部機就會震，提你去櫃面取餐半開放式廚房可以睇到員工點對待食物由於我哋唔係好肚餓，所以都係叫吓啲輕食填吓肚先來說說扒芝士火腿三文治，係好普通，但做得出色半溶芝士份量足，包面包底都即烘，是香脆微暖的另一個多士餐，聽個名對佢冇期望，多士咋嘛~~~但佢奶醬十足，我個人唔太好煉奶仲覺得佢落得多得濟就咁睇都睇得出佢啲包係有烘過唔止包面有烘得金金黃黃脆卜卜，仲要連個包底都烘埋真係好吸引，我最鐘意吃脆卜卜嘅麵包呢兩幅圖都係包底嚟~而佢個包心係好軟熟嘅，真正外脆內軟我哋下午茶時間嚟，人唔太多，好易搵位冷氣夠凍，啱晒炎炎夏日

 晏晝同朋友黎到尖沙咀, 由於朝早都食左早餐, 所以又唔算係太肚餓, 於是就搵D輕食黎食下. 我就揀左個下午茶SET, 炸魚漢堡配薯條熱咖啡, 朋友就叫左常餐, 即係有沙嗲牛肉通粉,炒滑蛋,火腿,牛油多士配汽水.落完單之後職員會俾個訊號牌, 只要個餐拎得嘅時候就會響, 咁就可以坐定定等,都幾方便. 間餐廳形式係比較自助, 你可以自己出去拎水, 拎調味料等等. 炸魚漢堡裡面有蕃茄同生菜,所以夾埋炸魚柳塊黎食都唔覺得油膩,仲幾FRESH添! 沙嗲牛肉通粉就稍微咸左少少, 重左少少味精.滑蛋炒得夠滑, 牛油多士都幾香牛油味.呢到環境都幾闊落, 坐得好舒服, 悠悠閒閒食下TEA都幾享受設有自助點餐機，遇上收銀排長龍都是一個不錯選擇，自助快捷方便。埋單$107

下午同姪仔去太空館，見夏日炎炎唔想周圍搵食，於是近近地去文化中心呢間餐廳解決午餐。咖喱炸魚柳飯，咖喱唔太辣，好香椰汁味，分開汁同飯十分貼心，薯仔軟淋淋好入味，魚柳都炸得好脆。姪仔要食叉燒飯，叉燒好瘦，蜜糖味好重，有燒臘店水準

23號係我同男朋友嘅紀念日一早就出左黎尖沙咀💕💕💕周圍搵吓睇吓有咩早餐食先，俾我發現左呢間之前嚟過食嘅美心餐廳，不過裝修就好似大不同，以前嘅裝修靚好多，好有咖啡室嘅味道，宜家裝修嘅感覺好餐廳，不過見周圍都冇乜嘢食，一於再試吓啦，我同男朋友一人嗌咗一個餐「雞扒炒蛋多士」「Cappuccino」「魚柳腸仔多士」flatwhite ☕️☕️☕️賣相都幾靚仔嘅，係一般美心嘅水準，魚柳醬好好食不過件腸無味既，多士脆脆的，okay❤️「雞扒炒蛋多士」件雞扒有啲乾，炒蛋無咩名，杯flatwhite就麻麻地，「Cappuccino」都好一般，好甜，最後轉左無糖先正常番💕不過唔緊要啦，食咩都冇所謂，最緊要同對得人食早餐

今日探朋友班，搵佢食午餐，佢就帶左我黎呢到食啦~我估唔到呢間餐能既野食都幾好食，係尖咀黎講又唔貴，味道仲好OK添!!我食呢個咖哩豬扒飯，個咖哩又香味又唔會好濃，岩曬我!!而且個豬扒又整得好好食!!真係一大驚喜!!

由於今晚到文化中心看歌舞劇，晚餐前要醫肚，因為要準時入塲，決定在文化中心一帶揾食。文化中心一帶，基本上全是美X集團旗下的食店，因為時間緊迫，大家都決定要快靚正之選，於是選擇了 Deli and Wine 一進入食店，快餐店形式，先購票，自取食物再揾位。如選擇燒味系列，可以用自動購票機，作八達通過數，非常快捷方便，可是當日因是大型歌舞劇目，故此相當多人，很多食物都沽清。另一邊是開放式廚房，看見一大班㕑師忙碌地為我們準備，所以雖然是快餐店，但食物質素也是熱騰騰的。購票排隊位置，放置啤酒、罐裝飲品、切好的生菓杯、乳酪、三文治以及筆者喜愛的沙律，選擇後攞到收銀處一同購票，看到食物真身才選擇，相當不錯。大蝦雜菓沙律~蝦入味夠彈牙，喜歡有提子乾和蜜糖脆合桃放上沙律面，略嫌太多沙律醬，少一點會更完美。烤雞凱撒芝士沙律~由於雞胸部分，烤雞唔算滑，但也不算鞋口，高蛋白質嘛！感覺健康之選。黑椒汁牛脷飯$64~看食評，此乃招牌項目，果然牛脷煎得香脆，三大塊之多，厚度有如午餐肉，還有點點牛油粟米粒伴碟，愛人吃得很滿足。和風香草雜菌意粉$62~朋友點了素食項目，香濃橄欖油，朋友覺得不錯。蝦球喇沙米粉$66~估不

Deli and Wine今日專程來到尖沙咀睇睇重開嘅🌟星光大道，個人感覺較喜歡以前的大道多d。行完出來就在文化中心附近的Deli and Wine 來個輕食，以前這店的舗位是一間同集團的餐廳。其實變相是高級版的美心快餐，食品差不多只是價錢💰就貴d😅今日叫咗個常餐$56叉燒通粉，炒滑蛋、火腿一片、多士一塊及咖啡☕️或茶一杯。整個餐的份量算大，叉燒厚切兼軟腍，值得一讚👍🏻環境亦舒適，這個價錢配環境👌🏻

作為香港文化中心附近工作的人士，有時工作忙碌，不得不落留下買個外賣回office食就算！Deli and wine的水準確實不錯，最鐘意食蘑菇準雞手扒飯，兩大塊，好飽又好味！其次單/雙餸飯也不錯。我試過最好味是蕃茄蛋牛肉，栗子蚊雞，茄子和咕嚕肉也不錯！不過單餸飯$42唔係次次咁好彩，有時d姐姐會筆好少，要同佢講多d, 佢先比多舊肉你，所以睇運數吧！

好耐之前食過Deli and Wine幾好味餐廳裝修左，野食又加左價印象中，長期都好多人今日完左個event, 好肚餓又攰，經過見有位，就坐底食個tea啦!常餐$56 (配餐茶)蛋炒得滑，叉燒唔太硬通粉湯底都幾唔錯熱朱古力有驚喜喎！好濃，唔係水嚟咖！唔錯唔錯XO醬珍珠帶子炒飯$68第二個驚喜！高水準$68係貴，但好在值回票價辣辣地，好惹味！有超多櫻花蝦！上面仲有好多蟹籽！帶子又嫩唔韌仲有好多其他食物都好想試，下次經過文化中心，肚餓會再幫襯Deli and Wine！

尖沙咀想搵個地方食飯但又怕價錢太貴。通常呢個時候我就會同未婚妻去尖沙咀文化中心嘅deli and wine度食。環境唔錯而且人唔太多。自從佢裝修重開之後，個空間大左好多，容納多咗客人。七點左右漢堡包同魚柳包通常都賣晒，所以特登早啲嚟到order魚柳包。本身想同未婚妻各自叫唔同嘢食share，不過大家都想食魚柳包，最後大家叫咗2個魚柳包😅。魚柳炸得好脆，咬落去好熱，至於粗薯條就外脆內軟，配合埋番茄醬一齊食好快就食晒😋😋😋。

誰沒吃過魚柳包，不過我敢肯定大家食的大多是M字牌，那塊方形、厚粉、急凍魚柳漢堡，絕對不能稱得上正野；或者大家又可能吃過像Fish and Chip那貴到過百的炸魚柳漢堡，好味但離地呢⋯⋯但呢度—由美心集團經營的小快餐店，卻讓大家於下午茶時段品嚐貼地又好味的魚柳包！呢間「美心咖啡店」做All-Day Dining, 又可以講由朝到晚都有野吃，以前以快餐為主，裝修後分兩邊—西餐/快餐；快餐那邊於2:30-5:30時段會供應下午茶餐牌，由$25蚊起，都幾抵玩。但今次是我特別要大推特推的是這裡的魚柳漢堡（只此這間店，其他無得比）我今日來的就是為了它，Order呢個餐($48)要等10-15分鐘左右，都好Reasonable! 時間到，我個魚柳包同加$4的Latte搞掂等我慢慢歎從前未裝修時，這裡用的漢堡表面是用灑上些少燕麥片的，而現在改用了用芝士鋪面，烘烤過的漢堡麵包；另類的香味同樣的鬆軟。我最欣賞它的炸魚柳，大大塊，新鮮即炸好脆口但魚肉質感仍然保持濕潤，同時漢堡包中還夾上爽脆生菜、兩片切片番茄及Pickle Mayonnaise, 酸甜清新，剛好中和了芝士漢堡麵包及脆炸魚柳的膩，正！薯條一樣

最近係文化中心陪朋友睇左一個art festival 既表演，講真對藝術文化我就無咩研究，其實都唔知佢講乜，我比較care 睇之前食乜多d！諗住係附近食個快飯，七點呢d 時間實多人架喇，呢間係正文化中心既餐廳都唔例外。係快餐店黎，當時收銀同攞野食都激長條龍，佢雖然有部機可以自助order，但唔知點解用果部野就只可以叫燒味飯。唔理，照殺。$47 單拼飯無野飲，雙拼要$54，叫野飲再加$9。我配香妃雞，因為咁岩得咁橋去到counter 佢話雞唔夠一份，問我搭d 其他野好唔好，最後用單拼既錢食到雙拼既餸！d 雞肉算幾嫩滑，另外搭左燒鴨，食落唔會話好霉咁，還可以。蔬菜係翠肉瓜，都岩我胃口，不過飯量就偏細，其實唔係好夠食…