Délifrance (愉景新城)

营业中

休息中

星期日黎食個tea, 叫一份迷你法式三文治, 材料與以前食過的一樣, 三件法包, 三款餡枓, 碎蛋加蕃茄, 白汁三文魚加煙三文魚, 吞拿魚加火雞(呢個唔太清楚係咩), 材料冇變, 但麵包既size就好似比以前大左, 以前兩啖已經食完一件, 但而家既size好似大左一倍, 麵包大左, 餡都多左, 配熱飲一杯, $24, 算抵! 唔記得以前要幾錢, 但我諗應該平過而家掛! 呢個set tea 應該唔好再叫「迷你」喇, 因為食完個tea 好似食個lunch 一樣飽!

今日真係幾攰...高考放榜既日子...! 雖然on diet..但都想滿足下自己! 於是選擇了1號餐...白汁碎蛋百吉包...包身仍脆...餡好juicy! 不過..個湯好淡...我只吃了些菜! 同今日係旺角食既特餐...今晚都算彌補番, 係貴啲姐!

三人行, 其中二人有兩張信用咭換來的免費餐券(可換$35的蛋沙律或吞拿魚沙律包套餐), 於是便豪一豪, 要了一個價值$45 的火腿雞肉全麥百吉包+凱撒沙律套餐, 包湯或薯仔粟米沙律, 是次選了沙律, 因為朋人們食, 另加$6升級點了杯熱cappuccino。包- 全麥百吉包夾著兩片凍肉, 點點生菜及蕃茄, 感覺很Fresh, 但百吉包不夠脆, 有點腍。對凍火腿及雞肉片沒有什麼評價, 就是在自助餐中很常吃到的那種冷盤貨式。凱撒沙律- 有齊此款沙律應有的材料, 但做不出應有水準。主要是醬汁太濃及太多。我是看著店員做此沙律的, 見她起勁地唧沙律醬, 不請她停的話, 她還想再給多一點。薯仔粟米沙律- 一個雪糕球般大的份量。薯仔沒有什麼薯味, 不過材料尚算新鮮。熱cappuccino - 賣相不錯, 泡打得夠滑, 可是咖啡不夠香濃。這個餐總價$51, 如果不是同行的二人免費, 不會這麼豪地選這個餐吃呢!

星期四既中午, 黎到Delifrance, 見到有兩個套餐頗豐富, 只需$33, 但必須以八達通, 用咩比錢都冇所謂, 反正都係自己既錢! 套餐包括雜菜湯, 白汁碎蛋百吉包, 蜜桃撻, 熱飲! 唔好以為抵食既野, 份量就會縮水, 呢個套餐既份量依然十足, 食物既質素亦冇下降, 加上呢間分店環境舒適, 寬敞, 能夠讓我慢慢享用一份美味既午餐, 實在是一件樂事!

五一勞動節公眾假期,來愉景新城shopping,行到勀勀地來食番個tea先.雪糕蘋果批:要等一陣,新鮮暖笠笠既批,上面係個vanilla雪糕球,非常美味,但size可以大d就好啦;朱古力雪糕+brownie:我老公食到津津有味,猛引我食,但我對chocolate brownie麻麻有興趣本來個tea set $38左右(包tea/coffee)幾抵,但我地轉飲凍檸茶就要俾正價.攪到個兩人加埋差唔多成百蚊!!而且杯檸茶亦都唔好飲,茶餐廳仲正.

幾十款麵包, 揀黎揀去, 揀左好耐, 都唔知食咩好, 後來見到有一盒四個既迷你酥, 未食過, 於是就決定要左佢! 朱古力酥, 入面條朱古力醬, 甜而不漏, 唔錯!提子酥, 冇咩特別, 只有一兩粒提子!藍莓酥, 藍莓醬甜甜酸酸, 幾好味!檸檬吉士酥, 只係食到檸檬既酸味, 而冇吉士既香滑味道, ok啦!四款迷你酥都係甜既, 而酥皮又唔油, 細細個, 食晒唔會滯, 肚餓時用黎醫肚都唔錯!

雖然唔算係新o野食,未試過咪試下law. 太多沙律醬,係酸咪咪,但唔見幾有青檸味. 或者係因為d沙律醬太重味蓋過晒gar?! 龍蝦仔又食唔出味道. o徒o左.仲有, 食一陣個包都已經濕到淋. 都係煙三文魚三文治最好味.反而加$8換o既Tiramisu重得!

好耐冇食焗薯，口痕，於是走o黎依度食dinner~ 　西蘭花焗薯大大隻，沙律醬/煙肉脆夠多，幾好食~ 飲品要左Iced Cafe Latte，好香咖啡味又唔會苦，口感又滑，我鍾意！　另外又試埋新出o既甜品-石板街mousse杯（朱古力mousse加棉花糖），夠甜都幾好食架~

i love their food.....think this is the only res. in HK which can taste like Franch style

其實食物方面就真係唔差,都幾好味。但係d服務態度唔係咁好(除左經理比較好笑容)。我通常去親都係要外賣,買完之後又要行一段路返屋企,試過好幾次裡面的熱飲都漏出黎整到個紙袋爛左,於是有d時候我會要求要多個膠袋裝住。但有次有個職員竟然俾面色我睇,好似話我係度貪小便宜咁,我覺得好離譜! 即使係我唔岩,都冇理由俾面色我睇吧????又有一次我想轉包(可以同一款餡料要唔同的包),我講左一聲,唔肯定餐聽唔聽到,佢又冇反應,於是我再講多一次(我態度好有禮貌!),佢都係冇反應,另一位同事都以為佢聽唔到,話俾餐聽,佢先好唔耐煩咁話:知喇! 呢d係咩服務態度呀??????俾錢買野仲要受氣,好不滿呀!!

白汁吞拿魚包極之好味道, 一個字正!環境又夠清靜, 嘆咖啡一流!

蘑菇蛋批= 加有蘑菇o既炒蛋批。批底唔好味，整仲體上都冇乜味，兼且略油！呢度d 麵包就咁放o係個籃度，經過時成日都有烏蠅”溜”住..甚為嘔心……