Délifrance (香港國際機場)

营业中

休息中

坐廉航無飛機餐食，上機前同朋友食番少少野先。機場而家T2準備要拆，好多餐廳連food Court都冇埋，得返嘅選擇真係唔多！食返間少少有保證嘅連鎖cafe，起碼唔會係天價又難食！迷你牛角包方面有好多種味，我哋揀咗朱古力同埋抹茶，係有流心嘅效果！！酥皮亦都好脆！另外叫咗個薯蓉批同埋芝士法包！同平時出面食嘅差唔多味，包亦都唔會太硬，個批底都好食☺️酥皮另外就有個蘋果酥同咖喱牛肉酥！蘋果酥唔會太甜，有少少玉桂味！咖喱牛角酥都中規中矩！至於個蘋果茶好好飲，唔會太甜亦都好香！依家要喺機場搵間正常價錢又OK嘅餐廳都有啲難，依間算係唔錯嘅選擇！

每次check in完，都會落返接機大堂到食一食Délifrance 既早餐通常都唔洗等位，三個人叫兩個餐，再等到上機食野就prefect 喇都幾多野食揀下，睇你有有時間喇，有時間就叫個餐，再食埋杯野就啱啱好趕就可以係收銀前個食物櫃買走食，同出要市區啲餐廳差唔多價錢，又唔洗入閘食貴野唔鐘意飲咖啡可以飲果茶，小小酸甜果味屋企人就最鐘意食牛角包，呢間啲牛角包唔會油淋淋一pat野咁，都可以一試嫁至於個雞扒通粉就不過不失，湯底唔會死鹹，雞扒都幾juicy 

喺飛機上面瞓著咗，所以miss 咗份飛機餐，到落機就感到非常肚餓，等攞行李嗰陣個肚打晒鼓。於是一出到嚟，就去了入境大堂最就腳的Delifrance 食個意粉，嘆杯咖啡。呢一個set 賣 $85，機場價係咁上下，最緊要係唔使等好耐就有得食。買完飛，職員會俾個警示器，食物準備好，就會響，可以搵個位坐住等嘢食。扁意粉煮得好香，因為裡面有好多香料和蘑菇。另外，就係煎得金黃的帶子，可惜全碟意粉只有兩粒，唔多夠喉。其實個人都仲未瞓得夠，所以有杯即磨的香濃咖啡飲下，當堂醒晒。

以前細個都會成日食Delifrance，嗰種成日食即係一個月甚至係兩個月先食一次(細個鬼有錢咩) ╮(╯▽╰)╭嗰日早咗放工，喺機場食到已經唔知可以食咩好，結果揀咗一間我好耐冇食嘅 Delifrance ( ´▽` )ﾉ機場員工有九折，所以我冇特別揀嗰啲平少少嘅優惠餐，揀咗我成日食嘅白汁 ╮(￣▽￣"")╭Carbonara with salmon，配沙津 ($80正價)。 沙津冇咩特別，配酸醋，清新開胃。反而個意粉有啲令我失望，白汁完全冇味，冇芝士味，唔creamy ╭(╯3╰)╮總體而言，水準停留喺中學階段，冇咩進步。意粉再冇下次，下次只可以試嘅係麵包。

山長水遠來到機場，在接機大堂選擇不多，Delifrance 啦。一人餐，肉醬千層麵，加薯蓉，加熱飲，$78。時：要等15分鐘地：地方舒適人：服務可以，有感應器，送餐服務。點解講咁多無聊嘢？因為啲嘢食麻麻地。千層麵，得四層！肉醬，太酸；薯蓉，尚可；份量太少，食完個一人餐，唔夠飽。

在機場吃過很多間餐廳，這間的性價比和食物質素暫時來說是較為不錯。當日幸好趕到早餐時段的尾巴，要了個B4餐($42)的迷你火雞片有機鮮蘑菇湯長通粉拼煎雙蛋(可選太陽蛋/反蛋/炒蛋/熟蛋)及自選包(可選法國百吉包/全麥百吉包/法國貴族牛角酥/芝麻包/牛奶多士)，和要粥杯熱泡沫咖啡，總共$51。拿著響器去先找位置坐下，店員會幫你拿食物來，長通粉的蘑菇湯底很濃郁也挺美味，雖然套餐看上去份量不多，但也見飽肚，小編應該會指定每次出發前都會吃這間好了。

次次黎到呢度既時候，選擇困難症又會出現🤔特別係嗌二人餐既時候，意粉，飯，包，前菜，餐飲，選擇多籮籮.....唯一唔駛揀既係，甜品😂前菜，由於我個主菜太heavy，我揀左Caesar salad做前菜，朋友揀焗薯批最愛既羅馬生菜😍主菜出場，係肉醬千層麵拼薯蓉，勁碳水化合物既組合😂肥，但美味。野飲揀左野苺有機茶，懶健康咁😂其實咪又係一個茶包。最後，重點黎啦，主角出場，甜品，係蝴蝶酥配雲呢拿雪糕🤤鬆脆既蝴蝶酥配上冰凍既雪糕，perfect match 😍

Lunch去左高危機場食午餐✈️果然好多人戴口罩😷而且少左好多黎食飯既打工仔所以我地一行4人就揀左平時好難有位既Delifrance👭👫話說我其實好愛千層麵 所以見到menu有就唔需要考慮❤️加上最近精神麻麻 既然係Delifrance 就飲杯咖啡啦☕/千層麵用個煎pan上菜幾得意 但份量比較少🤤對於食量輕輕偏多既我來講食完只可以叫做唔餓...不過味道方面幾好麵唔會腍到一pat野咁茄醬酸度岩岩好 仲食到一粒粒蕃茄口感不錯🍅薯蓉好重薯仔味 加左少少蘑菇粒 係我鍾意既口味😋係嫌面頭芝士唔夠🧀千層麵梗係要鋪滿滿芝士架啦 呢度得中間有一堆仔咖啡方面就唔駛講啦 Delifrance既點都有一定水準既☕加上我唔係咖啡迷 飲落唔澀唔太苦我就OK 唔多加評論喇💁/雖然個餐都唔平要$78 但環境舒服 又有一定質素係機場性價比算幾好架喇~👍/機場 – Delifrance#Hanako_機場🌻 #Hanako_西餐🌸

一家大細去旅行 準備食餐飯再上機黎到delifrance 嗌左個公司三文治同牛肉漢堡三文治幾大份 賣相幾好生菜 蕃茄幾新鮮 可惜雞肉是凍的 味道一般但係漢堡有驚喜新鮮蔬菜加上滋味的漢堡扒 肉質鮮嫩加上新鮮的薯條 唔似出邊m字餐廳鬆脆外皮 真係食得出薯仔味本以為delifrance 都係食三文治估唔到熟食先係重點有機會會再食漢堡試下一家大細都好鐘意間餐廳

那天嘗試了白汁三文魚及吞拿魚 兩款味道頗腥意粉會加入大量煙肉及洋蔥，清新不會油膩熟食有專業水準卡邦尼意粉有濃厚芝士味三文治質素一般 賣相較參差三文治不值得考慮三文治價錢與份量不成正比熟食相對較滿意

今朝10點半就走得, 即刻趕落樓下Delifrance食大早餐先😋. 有8款咁多真係日日幫襯都唔會厭, 揾左位就去cashier落單先.>B4. 迷你火腿片有機鮮蘑菇湯長通粉拼煎雙蛋及自選麵包 (HKD42)蘑菇湯長通粉用細碗仔裝, 長通粉份量早餐黎講好夠食, 蘑菇湯真心好飲, 啖啖都有火腿同蘑菇片, 個人感覺可以再熱啲啲.>蛋可以按自己喜好揀太陽蛋/反蛋/炒蛋/熟蛋. 我就揀左最多油嘅炒蛋🤣, 一隻炒蛋唔會太多油而且有蕃茄同青瓜片平衡.>自選麵包就係法包/牛角酥/芝麻包/牛奶多士. 牛角酥勁大件呢, 焗起暖暖地非常酥脆.>熱咖啡多奶熱飲用大杯, 飄黎陣陣咖啡☕️香味, 有心思嘅拉花, 無因為request多奶而減少咖啡份量而用另一杯仔裝一小杯鮮奶👍🏻>同事嘅B7奄列>機場職員有9折

天都未光，又未時候check in，又怕過關之後唔夠時間食早餐，只好去arrival果層搵下有咩吃。因為同行有老人家，打算吃中式早餐，點知太興仲賣梗宵夜餐，唔係咁啱食，同埋類似早餐的輕食都已經賣完，沒有太多選擇。我地只好去對面Delifrance食(完全正合我心意) 以前吃過，都覺得食物質素好，價錢相對合理。可能果到沒有其他選擇，成間餐廳都坐晒人，但我們拎住行李，只好坐外面的枱。老人家都係食粉麵會易入口，而最多人叫都係B1「烤雞有機鮮蘑菇香甜粟米煎蛋+蘑菇長通粉」($38)。本來想選擇素食餐，但覺得芝士烘蛋有點肥，所以我都係B6的「自選特級早餐」($44)，我可以選擇不吃肉類，又可以長通粉和麵包二選一。爸爸就選擇了B4「迷你火雞片蘑菇長通粉+煎雙蛋和麵包」($42)。我覺得這裡好的地方是，可以比客人自己選擇蛋的煮法，麵包的種類又多。爸爸少吃西式早餐，當然要叫番個「牛角酥」食吧!非常酥脆，外型美觀。我們三人都係食蘑菇長通粉，通粉煮得唔會好淋，喜歡有口感的人就合適，但對於老人家就會硬左D。湯底好濃郁，嚐湯者會飲清光。烤雞好香口，唔會難咬。炒蘑菇比較淡味，可能自行加調味會更佳。整體來說，都好

今日選擇係delifrance位置於機場既分店食午餐。同朋友食左個2人餐（$172）。個餐都好豐富，可以揀好多唔同既野，頭盤揀左個田園沙津，味道清新同好新鮮，但份量較為少。主菜揀左一個大蝦燴飯同大蝦炒天使面。先講大蝦燴飯，味道較淡，份量正常。而天使面，味道尚可，面同蝦既比例都正常。而飲品方面，叫左一杯熱咖啡同凍檸檬蜜。凍檸檬蜜味道清新但較淡，好似一般的檸檬水咁。甜品係雪糕加蝴蝶酥，份量剛剛好，味道亦不會偏甜，兩者好夾，好想再食

因為機場找素都真係有難度，唔通下下都食老麥啲薯條咩? 比我係 terminal one，搵到一間唔錯嘅選擇，雖然餐廳入面唔係好多嘢都係想食，但 起碼唔使怕，佢入面唔知有咩肉嘅成分。雖然係半自助式，畀咗錢埋去個位度，就會有人 幫你將啲嘢食放題你個位度。 而且佢哋都會提醒你好熱，感覺上都幾有禮貌。話說當日我食完飯要食藥，想問佢拎杯水，見到啲職員好唔好，但佢哋都好樂意幫我。其實間餐廳喺一號客運大樓的接機樓層，其實平時不是太多人留意到，下次除咗上七樓，仲可以落去5樓試下。 如果你喺機場職員仲會有折扣添。

今日趕上班就快快在Delifrance吃過快早餐夠晒營養，粟米磨菇甜，煙肉咸香，我最喜歡吃牛角包，重牛油味，夠鬆軟和脆口。紅茶味濃香，一早吃個滿足早餐，心情都特别好。這個價錢cp值高好過其它快餐。