影片
以上资料只供参考，请与餐厅确认详情
食家推介
首先呢间野转咗手，餐牌都转咗，变成乜都有冇focus嘅（虽然呢个唔系重点）。同家姐去食饭，一个叫咖喱鸡饭，一个叫醉鸡饭。佢一set lunch有前菜（中华沙律），主食，甜品（西米露）同餐饮一杯。 首先讲中华沙律，都系现成嘢，冇特别。个咖喱就喊到苦，唔系人食嘅。建议唔好试。醉鸡冇酒味，只系一片片雪到实哂嘅鸡。餐饮一杯龙眼冰一杯菊花茶，菊花茶不过不失就现成嘅味，杯龙眼冰真系精采啰，糖浆味，以为自己食紧元素周期表个西米露食咗一啖就食唔落，酸臭鞋味嚟嘅呢间嘢仲要唔系平好耐冇食过一间餐厅系由头到尾都觉得难食仲要我本身对食嘅要求好低，真系要好好好难食先会有咁嘅反应
继续阅读
去石门揾食，其实好多间餐厅都食过。假日夜晚近7点，眼见间舖头一枱客都未有，就本住帮下小舖入去一试。食物种类唔算好多，计有煲类，炖汤一人餐，pizza，泰式小食及潮式卤水。煲类及炖汤餐配有白饭/米粉/濑粉/葱油捞面及饮品一杯。两个人，叫咗一个炖汤餐，五指毛桃汤，酸菜鱼，濑粉同冻龙眼茶。另一个就系鸡煲餐，濑粉同热龙眼茶。再加一份酸辣无骨凤爪。炖汤好清甜，而且有几旧㷛汤料跟埋，唔系斋饮水。酸菜鱼稍为唔够酸菜，味道较淡，鱼就系滑捋捋嘅桂花鱼/鲈鱼之类。鸡煲系唔辣嘅，但调味唔错，系鸡件比较少，唔够喉。濑粉同酸辣无骨凤爪就正常。埋单~$250，无收加一。店员都几礼貌，但唔够主动，斟水都系你叫佢先帮你加水，但都无顺手帮埋同枱嘅其他人斟水。
继续阅读
话说有少少赶时间，外卖自取，问清楚pizza要等几耐，店员表示十分钟，咁十分钟系ok既我地落单。原来所谓十分钟系指焗十分钟，而佢地就等埋其他order先一次过焗，结果我地等等下成半个钟。讲番食物，等咁耐既质素系点呢？个pizza如图，真系卖相同味道一样求其至极，好唔尊重顾客，我家政堂都整得好过佢。另外有个面，一打开我都要望番张单我究竟叫左什么？味道似宵夜仲喺雪柜求奇dum落滚水煮啰。咁既质素同效率，冇下次。
继续阅读
好似系近日先有早餐提供，见个早餐可以食物同饮品分开计，几有弹性，所以想去试下。热香饼鸡扒炒蛋单叫$28，加冻饮$8，总数$36，估唔到有3块热香饼;薯饼＆鸡肉芝士墨西哥饼$28，加热咖啡$6，加埋$34。整体食物味道很不错，性价比高的早餐。menu仲有猪骨粥，出前一丁面，三文治，选择都几多。
继续阅读
上星期，我同一家人经过石门行开呢个商场，见到呢间餐厅，我同先生睇到有多款食物比人选择，而且又有食物适合小朋友，之后我哋入到去坐低，有个紥马尾嘅女仔侍应，首先比左张q code我地落单，而且比埋餐牌我哋，个紥马尾女仔仲好细心详细解释餐牌内容，之后我哋叫左2个pizza,2个意粉加一个小食，pizza焗得岩岩好，而且意粉味道十分好，连小朋友都大赞好味👍🏻中途小朋友唔小心倒泻水，紥马尾𠮶女侍应马上帮我们清理，而且全程系带住笑容，比著其他餐厅侍应已经黑左面，但其中一位带眼镜女侍应叫佢帮我拎2个碗，系好唔情愿，而且拎过嚟个阵系黑住面，超级唔情愿。唔讲以为得罪左佢。食物就好好👍🏻可以再有下一次
继续阅读
您可能会有兴趣的...