DK Cuppa Tea (已結業)

下午的時光就是要輕輕鬆鬆的度過，女生更是多了一個可以去下午茶的理由，美倫美奐的tea set便更成為女士的專利。這次和一眾女友人一齊來到DK Cuppa Tea 一試全新推出的「夢幻仙境之旅」下午茶，挺夢幻的造型，鹹甜點各有特色。在介紹食物之前，了解一下這個tea set 背後的意義，你便會一一明白店主的心意。店主將tea set分為Drink Me, Eat Me, Magic Bell （魔法咒語）和魔法卡4個範疇。先從Magic Bell說起， 客人可以選上屬於自己的魔法咒語，這次我選到的是Luck (運氣），小咒語會放在tea set的中間，然後加到松露芝士蘑菇火鍋上，以火槍燒溶了便可以食，沾上松露芝士的海鮮和馬鈴薯都很美味啊。甜點方面有Eat Me系列，杯子蛋糕、葉子糖霜曲奇、兔子馬卡龍等，是相當精彩的配搭，每每見到店家加入不少童話故事—愛麗絲夢遊仙境的元素，例如紅薔薇朱古力，正正提醒著紅心皇后的存在嗎？解說完Eat Me，又怎少了Drink Me呢？ 一杯Drink Me 蝶豆花茶，藍色的調子已很漂亮，加入了蘋果糖，便起了魔法般的變色作用，變了雙層的顏色，一紫一藍，必定得到

估唔到tea set可以用愛麗絲黎做主題,真係被佢既可愛造型吸引左去呀一入到鋪頭就聞到佢啲香薰味,真係有種令人好relax既感覺以Alice in the Wonderland為主題既tea set由呢杯飲品開始呢杯魔幻之茶Drink Me本身係藍色既蝶豆花茶滴啲蘋果糖漿落去,瞬間變左紫色,究竟點解會咁既?好神奇呀!!真係又睇得又飲得!飲完茶就要抽一張卡,每張卡都代表不同既意思重點黎啦!整個alice in wonderland既tea set真係好靚先由最後既松露磨菇芝士火鍋開始,先將符咒放落火鍋度符咒以糖霜整既,再用火槍燒燒佢燒完後可配上麵包食!火鍋菇味好香濃咸點方面仲有帶子,蝦,青口,煙三文魚,法國蝸牛,紫薯,芝士等等食完咸點就到甜點時間一堆造型可愛既甜點,全部配合番愛麗絲既主題甜點係茉莉花味,好香,不過較甜但整體比食客多重體驗,又有得玩,又有得食,仲有得比相機食先真係好有趣!

特意嚟試下哩個玫瑰餐, 店員親自嚟講解每個甜品或者咸食嘅材料同來自嘅地方, 但係太多實在記唔哂, 眼前淨係見到D玫瑰呀, 玫瑰呀.....花茶又係玫瑰, 裝飾又係玫瑰, 香薰又係玫瑰, 精油都係玫瑰... 周圍不斷噴出玫瑰香氣, 好玫瑰呀~~~~綿花糖配玫瑰花茶, 入面有幾粒玫瑰, 加入熱水有蒸氣令綿花糖慢慢滴落去杯度, 漫畫咁落雨..再嚟個3層嘅high tea set, 正宗high tea, 非常優雅面層係玫瑰奶凍, 用北海道3.6奶, 但係我覺得奶味太重, 我不太好奶味, 但係底層嘅玫瑰汁好好飲, 甜甜地, 有玫瑰渣跟住再有玫瑰cheese cake, 有少少流, cheese cake部份可以少一點可以食左底層個鬆餅先, 佢有比一樽仔玫瑰果JAM你加, 個果JAM超好味, 食過翻尋味其實佢底層仲有pamaham and blue cheese都好好食, 但係忍唔住食左先就無影相中層仲有個macaron就無乜特別, 係隻色靚, 脆脆地咁最後食個玫瑰朱古力, 最愛朱古力, 好味!

之前係facebook見到有新Tea Set，而且仲係用經典童話故事為題，我同朋友二話不說就打左去book位 今次Tea Set名為 Journey to the Wonderland下午茶 ($298/位)，顧名思義係以愛麗絲夢遊仙鏡做主題 店員先會呈上一杯魔幻之茶"Drink me"，係藍色嘅蝶豆花茶。只要加上蝴蝶香水樽嘅紐西蘭蘋果蜜，佢會變由藍色變成紫色架喇 味道淡淡，帶少少甜甜酸酸，開胃之餘又可以解膩 而且杯下低有兩朵永生花，仲有一隻蝴蝶係杯邊，的確幾夢幻 不過蝴蝶係許願卡黎架，寫完仲可以掛係牆！主解黎喇！有咸點有甜點。先有松露磨菇芝士火鍋，而且配料仲有好多款。有大大粒嘅帶子、爽口嘅雞尾酒蝦、仲有青口、煙三文魚同法國蝸牛，全部都好新鮮 當然唔少得有我好愛嘅紫薯、薯仔粒、巴馬火腿同車打芝士。食芝士火鍋前，要燒道魔法符同唸咒語！今次甜品以茉莉爲主題，Cupcake同紅心啤牌曲奇都有淡淡嘅茉莉花香，比較清新。仲要有"Eat Me"呢啲甘引誘嘅字，點忍手呢 而玫瑰朱古力係Raspberry味，甜甜酸酸幾特別。不過我自己就最中意"Eat Me"嘅Dark Choc

第一次黎到中環Dk cuppa Tea新出tea set身為愛麗絲迷既我飛過黎試😍好靚好靚好靚好靚😍😍係我今年食過最靚既Tea set😍其實我細細個已經好鍾意愛麗絲呢個故仔而家黎到DK Cuppa Tea竟然可以將童話變真😍進入仙境之前先飲呢杯藍色既碟豆花茶💙就咁飲冇乜味 但加左前面既Drink Me即刻唔同哂💙💜飲完可能會好似愛麗絲咁縮細架☝🏻️😌用Dropper 加入蘋果蜜味既Drink Me💛由藍變紫💜清清甜甜好靚呀☺️飲完Drink Me 縮細左就進入仙境🐰Tea Set真面目 真係好靚好靚呀！！靚到謀殺左我570幾張菲林🤔圖中係3人份量😋😋😋食之前先抽魔法卡睇下會食邊款Tea Set😎然後大嗌咒語由咸點講起，有黑松露蘑菇芝士火鍋用火槍將前面既糖版魔法卡烤溶入芝士火鍋入面 好香呀配料有紫薯，麵包粒，青口，田螺，帶子刺身，煙三文魚 等等等等全部上等食材 好新鮮😌黑松露味磨菇味比芝士味濃☺️ 但又比我係底搵到塊燶燶地既芝士補反數 巧巧吃的🧀到甜點甜點以茉莉花為主題前面先有2款朱古力，分別係Respberry Cream 同榛子味圓圓既Macaron 都係榛子味😆而最可愛既白兔先生maca

入到去首先會係揀一張魔法咭 展開旅程可能個天都知美欣懶訓 所以個咒語係「SLEEP」等既過程可以飲下杯蝶荳花茶加左幾滴「Drink Me」就會變成紫色😎甜甜地幾好味👍🏻主角tea set出場 外形真係無得彈二人份量甜點同咸點 簡直大飽肚福大嗌一聲「SLEEP」將符咒燒熔就可以享用呢個松露磨菇芝士鍋😍松露味相當重 入囗微澀帶有淡淡芝士香用黎醮海鮮一流 最鍾意係北海道帆立貝除左大粒之外重好鮮甜 加埋松露芝士好正甜品方面以茉莉花為主打cupcake同macaroon都融入左茉莉花味食落頗為特別 花香滿溢口中不過最推薦都係佢地既黑朱古力濃味得黎唔會好苦而且夠rich忍唔住令人一啖接一啖咁食哂去😋

愛麗絲夢遊仙境同芝士火鍋，吸引到同朋友一見到就即刻去左食！！夢遊仙境Tea Set($298/ 1人，最少2人份)，見到已經好開心，靚同抵食過酒店既High Tea。未上野食之前先揀野飲，呢個係蝶豆花茶，有凍同熱可以揀，同朋友一人揀左一隻，上面張圖係熱既先倒茶落杯，然後會見到旁邊有個裝住蘋果糖漿既香水樽，上面寫住"Drink Me"，唔知飲完會唔會好似Alice咁縮細呢（定變大？唔記得左哈哈）滴幾滴糖漿落去杯茶度會見到好靚既變化，藍色既茶會慢慢變成紫色凍飲就可以見到呢個漸變效果．影相好靚呀，飲落清香，會覺得個人舒服左。之後就到重點啦！呢個係黑松露海鮮芝士火鍋食之前先揀魔法卡揀好之後就可以將自己既魔法卡放係芝士鍋上面燒焦，由於卡係焦糖製造，所以燒完會有好香既焦糖味，然後就可以由鹹食至甜食咁慢慢品嚐。鹹食有法國蝸牛、挪威煙三文魚、日本帶子、青口、雞尾酒蝦、慢煮紫薯⋯點落芝士火鍋度食特別好味，日本帶子新鮮鮮甜，而青口加埋芝士惹味，紫薯要一定要加落鍋度食，夠哂，我同朋友仲將芝士粒擺埋落火鍋，令到個湯底更香濃食完海鮮就食甜品甜食有好精緻既紙牌曲奇、白兔先生樣既馬卡龍、仲有茉莉味既Cupcake⋯

今次尼個Tea Set係以《愛麗絲夢遊仙境》為主題坐低無耐先端上魔幻之茶，其實係藍色的蝶豆花茶，加入蘋果蜜就會變色，就好似童話中愛麗絲飲咗藥水之後體型變細，旅途正式展開整個tea set的賣相真係好鬼吸引見到已經好有衝動啦！先食個黑松露海鮮芝士火鍋，黑松露味道相當濃郁火鍋配料亦好豐富，有低溫慢煮紫薯、巴馬火腿、車打芝士、雞尾酒蝦、帶子、青口、法國蝸牛及煙三文魚等等，剩係尼個火鍋已經食到lam lam脷甜點一定唔少得啦！多款設計精美細緻的曲奇、朱古力、macaron 同cupcake ，靚到真係有啲唔捨得食塊白兔先生macaron同個cupcake好香茉莉味松露朱古力棒都好，啱晒喜愛黑朱古力嘅我！成個過程紡如進入童話仙境的美食之旅，所有嘢都好有心思，有得食又有得玩，好過癮! 下次再出新主題，一定會再嚟！

知道佢地出左新tea set即刻去！夢幻到不能夠好浪漫既wonderland journey$298 per person 魔幻既Drink Me 蝶豆花茶飲完小心會縮細左..哈哈再黎一個黑松露海鮮芝士火鍋 火鍋配料有低溫慢煮紫薯馬鈴薯對照故事中既tweedledum同tweedledee孖寶仲有巴馬火腿車打芝士仲有新鮮既雞尾酒蝦帶子青口法國蝸牛同煙三文魚.. 好豐富食火鍋之前要抽張魔法咭架我抽到LUCK之後就要用火槍燒溶佢其實佢係焦糖造架令成個火鍋既味道更豐富～到甜點喇 非常精美分別有茉莉味紅心紙牌曲奇 葉型曲奇白兔先生同懷錶macaron 寫住 ”Eat Me” 既茉莉味蛋糕同黑朱古力食完會唔會變大左呢實在太得意太有心思了就好似同mad hatter食左一餐好瘋狂既下午茶Alice迷必去呀！地址：中環士丹頓街16A地下

DK Cuppa Tea 又一個令人嘩然 嘆為觀止既英式下午茶夢幻仙境英式下午茶 (HKD 298 per person)呢個下午茶概念都係源自經典童話故事「愛麗絲夢遊仙境」每款食物都故事既元素係裡面 presenation每樣都超美!例如紅心紙牌曲奇 葉型曲奇見到甜品既外表 好似真係同一班愛麗絲既故事人物一齊野餐咁😍黑松露海鮮芝士火鍋食呢個tea set之前 STAFF會比我地抽魔法卡（願望、幸運或睡眠）其實佢係一片焦糖黎之黎就會用火搶燒左個符咒係火鍋上面而且火鍋材料一d都唔馬虎好多材料都係特登係外國訂返黎例如 法國田螺 日本帶子 挪威煙三文魚每樣都色味俱全架😁蝶豆花茶 我對於漸變既野極有興趣 呢個杯野飲絕對係我杯茶! 為左配合「#夢幻仙境」既主題 呢杯花茶絕對唔馬虎 飲品奉上"DRINK ME!"蘋果糖漿 客人可以按個人喜好地加入想要既份量 而且有冷或熱飲比客人簡 重點係成個presentation真係好靚❤️😍 本身花茶既顏色係藍色 加入蘋果糖漿後就會漸漸變紫色 好似真係去左wonderland咁 超級夢幻👸🏼

依間rose既tea set係298一個人好多人都比人誤導 去到先知去到我地發現好唔抵行左咁耐 無理由唔入去就算係中環其他酒店食都係200幾300一個人我地就叫左298 2個人個個set 再加錢要錦花糖個個茶影相佢話食野加香氛 但一點氣氛都無我地發現2人298同每人298其實都差唔多 都一樣咁難食 佢同其他叫左rose tea set既人就會又比香氛又比按摩酒又解釋。而我地咩都無杯錦花茶會跟蜜糖又唔跟比我地 杯野得個樣 其實係水加三粉玫瑰花啲芝士蛋糕同rose tea set既一樣 但一食就係雪櫃味 好無誠意態度又差 但價錢比酒店仲貴

I haven't caught up with my friend M for some time, so she decides to take me to DK Cuppa Tea for a girly afternoon tea on Saturday. Being a food blogger, I have tried numerous afternoon tea sets before, but this is the first time I try a rose-themed afternoon tea. As soon as we are seated, we are presented with an aromatic rose tea. Rose tea offers a range of health benefits, including improving blood circulation, reducing fatigue and improving skin conditions. This rose tea comes with an organ

最近instagram都好多朋友仔post呢間tea set既相，第一時間被棉花糖吸引😍 決定親自同姊妹黎試下，我地叫左兩個雨雲玫瑰花茶，一個二人玫瑰tea set，一杯detoxing tea,我發覺呢間鋪既店員服務態度非常好，店員姐姐好溫柔介紹左d食物同飲品！值得加分，好鍾意雨雲玫瑰花茶成個構圖😍，棉花糖下面有杯rose tea，rose tea既熱力會慢慢令到棉花糖融化，就會營造一種落雨既畫面， 非常有意境！先欣賞後品味！rose既淡香融合棉花糖既甜，再聞住隔離真玫瑰花既香味，真係好relax！ 玫瑰teaset，我最鍾意cheese cake，一層薄薄既啫喱，加上口感諄滑既cheesecake，味道清淡，食得多都唔會膩！總體黎講，全部甜品都屬於輕量甜食，而且食材新鮮有機，食完之後都唔會有好大罪惡感😂😂😂 因為呢間鋪主要係賣香薰同有機產品，所以環境都算清幽，覺得成個afternoon tea好似去左做spa咁😍😍 正啊！

好夢幻又浪漫既tea set，好吸引啊！以往食過好多酒店既下午茶，就會發現間間既野食都差唔多，大同小異，加上係FB不停見到哩個廣告，所以決定過黎朝聖下！一黎到店員提供佢地既玫瑰香水同埋按摩精油比我地試用！飲品方面，就係哩個玫瑰花茶加棉花糖！presentation好靚，棉花糖好似雲咁會落雨，原理係熱水既蒸氣令棉花糖融化下滴！哩種配搭同方式好有心思！另外，棉花糖係選用有機蔗糖，無咁甜又健康D！甜品終於黎啦，以玫瑰花為主題！第一層有玫瑰牛乳布丁，選用北海道牛乳，口感似豆腐花，好香滑，味道清甜，不過玫瑰味唔太突出！另外仲有玫瑰石板街朱古力，用dark chocolate做，裡面有玫瑰花、開心果、其他nuts！第二層有玫瑰cupcake、朱古力同埋earl gary馬卡龍，唔會過甜，另外仲有芝士蛋糕，用tiramisu既芝士整成，芝士味香濃幼滑同樣唔會過甜！最底層既就係咸點，scone夠熱，重牛油香，可以蘸cream或者玫瑰果醬，個人比較好果醬，而且玫瑰口味較特別！另外，有三款芝士，blue cheese 味道最濃，小食芝士既我就覺得唔岩食，都係食返軟芝士好D，店員教我地食前可加黑魚子一齊食，

好差，安排在閣樓，4人枱有2人面壁而座，双脚枱腳頂住.向店員反映她表示客人從沒有這個問題，叫我地去上环果間.咩態度呀. 叫人走!食物方面，等了1小時才上枱 (當時係唔夠8檯客, 而且D食物係係FRIDGE拎出來, 唔知搞咩要咁耐)，蛋糕是一分為二，與原圖不符!布甸出水,食物上枱東歪西斜.想拎drink list,店員只拋下一句，你地好想轉野飲咩，連drinklist都費時给我们.我地唔可以再叫其他野飲嗎？整段用餐时间，除了上食物，店員沒有主動上閣樓看看顧客需要，我们多次加水都被漠視，有好幾次自己拎壼落楼加！比五星酒店还貴的价$，服務差，坐得不舒服，食物少+難食.只怪被近期成日POP OUT既廣告吸引！貼$買難受！但係价$俾酒店仲貴.... 係小小的閣樓, 面壁而座. 咩HIGHTEA SETTING黎GA?摺檯既檯脚頂住隻腳, 極不舒適!?實物跟原圖極不相符!食物上檯東歪西斜, CAKE一開二, 仲有一年件去左邊?!芝士有幾粒. Scone係一口食晒既SIZE, 比平時面包店既一口麻糯更迷你