Dodam Chicken (利舞臺廣場)

营业中

休息中

呢間銅鑼灣炸雞店，相信有食開韓國菜嘅都會聽過，今日終於有機會去食，食完就明白點解可以屹立多年，喜歡💕蜂蜜牛油香蒜脆雞（半份）呢款口味係有骨嘅，半份有6隻炸雞，其他口味有得揀要有骨定冇骨。味道方面，炸雞表面有香蒜片，蜂蜜醬汁，牛油味已經滲入雞件，隱約食到柚子香，整體都好清新。肉質係嫩，咬開見到仲粉粉地。炸皮厚簿適中。推！芝士年糕拉麵份量比想像中多，芝士唔係單純圍邊，係成份底下都有芝士，建議上菜時就襯熱撈埋食用。拉麵大概係半包左右，年糕都唔少，配料都豐富，有生菜，腸仔，泡菜，芝心獅子狗，魚糕，洋蔥等。辣度還好，有海量芝士中和返。🍗p.s除咗炸雞，其實仲有烤雞選擇，感覺會冇咁邪惡👿

最近在追看韓劇，突然間想吃韓國菜，search附近的韓國餐廳，發現Dodam Chicken很多好評，決定來試一試。《芝士雞蛋卷》（$135）與食物圖片一致，切開雞蛋卷，里面是滿滿的流心芝士，而且切開每一塊雞蛋卷都有拉絲的效果，再配上茄汁、沙拉醬和芥末醬，酸酸甜甜，好吃。《半份香蒜鼓油雞+半份香辣脆雞》（$248）香蒜鼓油雞是用了韓式甜鼓油，甜甜的，再加上蒜片，淡淡的蒜香味，味道不錯。香辣脆雞則有微辣，味道甜甜辣辣，非常惹味。兩款炸雞都外脆內嫩，雞肉仍保持有肉汁，不會過老。Dodam Chicken食物味道不錯，份量足，我們2個人（girls） 叫了兩款食物已經吃到飽，另外餐廳環境也很不錯，坐得十分舒適，非常適合聚餐。

DODAM銅鑼灣波斯富街99號利舞臺廣場18樓A號舖18/F., Shop A, Lee Theatre Plaza, 99 Percival Street, Causeway Bay炸雞以前會食美差, 貪佢大大件, 但香港美式炸雞好似營養不良, SIZE 打火機咁 已好多年沒有幫襯佢地了, 而家想食炸雞都會去韓國炸雞店。分了炸同焗雞, 亦有BONELESS 架, 岩D唔想吐骨架人。$248 一份HALF HALF烤雞, 可任意選2款口味, 要了大人氣推薦的白雪芝士及蜂蜜牛油香蒜烤雞, 一次過食到2個味, 開心! 端上來後有好好多件烤雞, 差不多有8-10件。灑上了白色芝士粉的, 不用多說已知是白雪芝士味, 個味道是甜甜的,芝士味反而不是太突出, 成件雞都好好食, 吃到腍腍脷, 店家有提供即棄膠手套, 吃雞當然是用手拿來別啦, 特別滋味。蜂蜜牛油香蒜烤雞有點似韓國那杏仁小食,雞肉很嫩, 味道調味很到位。吃雞選韓國, 不二之選。

約埋同向灣仔返工既閨蜜放工去食飯，閨蜜介紹呢間韓式炸雞店話佢既炸雞非常有水準，所以收工就同閨密由灣仔行去利舞臺既Dodam Chicken度食飯。店內有不同區域，店面非常闊落。因為時間尚早既關係，店內食客唔多。我同閨密選擇左坐卡位既位置。打開餐牌，我既選擇困難症又發作。實在有太多選擇！單單韓式炸雞已經有15種口味可以選擇，款款睇落都好吸引😻。除左炸雞，仲有9款不同口味既烤雞..........絕對令人眼花繚亂🤭因為只係得2個女仔既關係，唔可以叫太多分量，所有既烤雞係冇半份可以點既，所以我地就選擇左可以叫半份既無骨香辣脆雞同閨密極力推介，必食既芝士雞蛋卷。•芝士雞蛋卷 $135一道經典既韓式家庭料理；類似日式玉子燒。滑滑既雞蛋皮包住滿滿芝士，口感扎實，搭配茄汁與沙律醬味道酸甜，非常開胃。趁熱切開，更有拉絲效果，讚讚讚👍🏻•半份無骨香辣脆雞 $148雞肉好嫩滑，完全無骨。酥脆既炸雞外層沾上一層韓式辣醬；甜甜辣辣外脆內嫩令人食完都念念不忘。 下次一定要叫多幾個朋友一齊再黎，咁就可以試多幾款美食😋

Korean Chicken Shop having good environment and you can enjoy the pop song music and videos here, i love watching those korean girl team dancing haaaTriple Cheese boneless Chicken having mozzarella  cheese at Bottom, Cream Cheese inside bread  and cheddar Cheese spreaded, i’d say the taste is good when you dip the chicken in cream cheese, and it’s the best cheese flavor of the day, however mozzarella and cheddar cheese become ticky so quickly, just after we tried another dishes, and it’s not eas

平時去利舞臺行街都冇留意原來樓上有餐廳中式韓式日式西式乜都有記得呢間dodam chicken係連鎖嘅 都有信心就試吓~~入到去空間好闊落 唔使迫埋一齊有電視睇又有k-pop韓文歌聽冇諗過韓式餐廳都有卡邦尼 本來係卡邦尼年糕但係可以轉意粉 有呢個選擇好細心朋友唔鍾意食年糕所以轉左意粉點知韓式餐廳做西餐又幾好食喎 特別嘅係雖然係卡邦尼意粉但係有芝士獅子狗卷同埋高麗菜 fusion菜嘅感覺好新奇炸雞好貼心可以雙拼 可以揀有骨同冇骨

店名: Dodam Chicken 地址: 銅鑼灣波斯富街99號利舞臺廣場18樓A號舖銅鑼灣站A出口，行1分鐘環境: 4/5價錢: 4.5/5味道: 4/5今次黎到銅鑼灣利舞臺食韓國菜，佢哋有lunch set，除左有一款主食之外，出面仲有自助區，有韓式粉絲同泡菜，仲可以揀熱柚子茶或包裝凍飲添😚蜂蜜牛油香蒜脆雞❤️❤️❤️❤️❤️$85份量超多，揀無骨都係同樣價錢，外脆內軟，配上香甜嘅蜂蜜牛油汁，十分惹味😆隔離嘅沙律🥗清新開胃金沙雞肉櫻花蝦炒飯❤️❤️❤️❤️$80同樣份量十足，都有成3,4碗，配料滿滿，食落粒粒分明有口感🥳

這間韓國餐廳開業多年，人氣依然，主打地道又正宗的韓國菜。店內環境寬敞舒適，播放強勁的韓國音樂及時下流行MV，感受到滿滿的韓風～午市時段設有數十款選擇，可自助享用泡菜或韓式小食、免費飲品，性價比超高，很快便坐無虛席。香蒜豉油雞 - $82金黃酥脆的韓式炸雞新鮮炸起毫不油膩，連著骨的雞肉特別嫩滑，或可轉無骨雞，白雪雪的雞肉流出濃濃肉汁。炸衣蘸滿濃厚的香蒜豉油汁，更撒上一片片杏仁添香氣。旁邊的韓式醃蘿蔔酸甜爽口，正好平衡肉膩感。

今日去銅鑼灣 Shopping🛍️，喺利舞臺廣場食午餐，有啲掛住韓國🇰🇷，就上18樓食 Dodam Chicken～～點咗韓國海鮮湯麵🍜，可以揀辣或唔辣。我就覺得食韓國湯麵，要辣先過癮🔥。用銀盆裝，感覺似迷你版部隊鍋😆。就算辣湯底都唔會太辣，辣＆咸味剛剛好。湯麵麵質彈口，有多款海鮮，如小青口、八爪魚🐙、 蝦🦐、韓式年糕、雞蛋🥚等，真係好似我以前去韓國旅行喺食過嘅海鮮湯麵。另外叫了一杯凍柚子蜜🥤，好大杯，又有足夠柚子蜜，解暑解辣一流～ 呢度仲有電視不停播韓國女團啲歌，好正🤩

為咗比劣評呢間餐廳，獻出我第一次寫食評。食午餐嘅時候未夠12:30 ，早到冇人等位，即刻入就叫咗嘢食，佢有免費小菜芝麻炒米粉同埋泡菜免費任裝，兩個小菜幾好食，一開始仲好正平呢間餐廳，點知就係惡夢嘅開始。右手邊兩個小菜非常好食，正式上菜嘅鹹蛋炸雞，鹹蛋味可以再濃啲，重口味人士去其他任何一間韓式連鎖炸雞店應該都有好食過佢嘅選擇。真正惡夢嘅開始就由炸醬烏冬開始，所謂嘅炸醬根本就係炸醬水，烏冬亦都係林晒，仲要完全唔入味，肉又細粒又蟹，啲菜好似啱啱卓熟咁樣樣，總之都係水，唔入味又冇味。呢碟就更加過分，牛骨湯嘅顏色都冇，完全就係水，清湯都唔係，落入去嘅肉都係蟹都黐線，唔好睇佢個樣好似正正常常，只係因為個碗係黑色，所以你睇唔到個湯嘅顏色根本就係清到好似水咁樣樣。完全唔明白佢千幾個正評係點樣來，負評居然咁少，仲要每個菜都差唔多$100 ，呢一餐三個餸食咗$301 ，奉勸各位世人真係唔好嚟，只有個小菜OK，炸雞叫做勉強入口。

今次黎到利舞臺18樓既韓式炸雞餐廳dodam chicken 。餐廳風格少少似西餐廳，主要是黑色配搭木既色調，而座位都幾闊落，營造一個幾舒服既用餐環境。當日就叫左3個餸加1杯野飲1. 韓式魚片湯先黎既係魚片湯，清清地但好入味，而且料都好豐富👍👍 2. Yuzu yogurt smoothie 當然要叫杯野開下胃，smoothie大大杯，係夏日炎炎之下十分解渴。而且食住炸雞炸芝士，柚子就十分解膩啦XD 3. 烤芝士豬肋骨Ok啦，芝士多到拉到絲，但係豬肋骨有啲焗過龍，少少乾。4. 蜂蜜牛油炸雞今次既主角炸雞，炸雞炸得好嫩滑，配上蜂蜜牛油，簡直冇得嘆。但建議大家點無骨炸雞食落更加啖啖肉👅最後，都要讚下上菜速度，唔洗等太耐就有得食。下次要再黎試下佢既水冷麵^o^

上次喺觀塘食完Dodam Chicken一直念念不忘佢既蜜糖炸雞，今次行開銅鑼灣再encore!! 餐廳喺利舞台18樓，非常就腳既關係假日一早爆滿，好彩一早book定。第一樣必嗌當然係蜜糖牛油炸雞，今次二話不說order左全份！上次半份2個人食完全唔夠喉！不過今次失策唔記得嗌無骨😫肉質依然鮮嫩，蜜糖味重，但我覺得觀塘分店好食啲，醬多啲🫡下次試下咸蛋口味先！今次試試新野，嗌左個魚片湯，湯鮮甜，岩哂唔食辣既朋友，料豐富，有韓式魚片、香菇、蘿蔔、芝士丸、獅子狗，食到我地連湯都飲哂！再另加個韓式芝士豬肋骨，第一次試，豬肋骨好夠味同軟淋，芝士有粟米、蔬菜，但芝士偏硬，冇拉絲效果，不過不失。同樣再被encore既係柚子yoghurt smoothie，大大杯唔會太甜，又解渴，岩哂食韓國嘢！

尋日有位朋友飛，臨走前同佢食左餐飯，本身諗住book左5點幾有折，點知原來改時間係無折。咁都唔係問題，個店員覆我地果陣好冷漠，好似得罪佢咁。惟有寄望啲食物，咁我地叫左芝士烤雞。香辣烤雞，部隊鍋，炒年糕。着先個芝士烤雞。啲芝士上到黎已經係乾左變左固體，食落去完全唔知係芝士黎，我真係第一次食到啲咁既芝士，乾到完全無芝士味。部隊鍋 $168 但份量少到一個點，佢剩係放左一餅麵，火腿咁薄既午餐肉（當時我真係以為係火腿黎）幾塊同少少年糕、金菇同薄腸，我明白部隊鍋性價比係低但都唔駛咁離譜呀？烤雞同炒年糕中規中矩，不過因為定價高，性價比超低。臨尾我地坐低傾計，樽水已經無水都無人加水，明明有店員係附近同人吹水無野做。之後有個女員工拎左樽水走以為佢去加水，原來係收走左，水都唔比我地飲。想趕我地走。成個體驗都好差，唔建議大家去食。

第一， 食物味道平平。第二， 服務態度差。我哋臨食完嘢都未走,佢將枱面的一瓶水就拿走沒有加水給我們 ﹐ 好似想要我哋走快啲畀人入，但嗰陣時出面係未有人時間先至係6點40分。第四， 於openrice上表示顧客缺席。 我於第二天看到openrice上發出的通知話我缺席。 我哋明明已經按時出席。但職員竟然 於openrice上表示缺席。影響到我要同openrice講返聲先可以取消返，以免影響我openrice的訂座 服務。差差差差差差差差差差差差差差差差差差差差差差差差差差差差差差

自從韓流襲港之後，香港一下子就多咗勁多韓國餐廳，😛無論係一家大細定係少男少女就可以多咗除咗日本嘢之外另一個選擇。 🤩經常食開新開嘅餐廳，今次就食返一間開得都幾耐嘅餐廳，而呢間炸雞店就位於銅鑼灣嘅利舞臺。Dodam Chicken, 開咗咁耐都仍然屹立不倒當然就有佢嘅原因啦。😚三重芝士脆雞— 🐥無論係原味炸雞香辣炸雞定係甜辣炸雞都係平時食得比較多嘅一啲款式，今次嚟個夠芝味嘅選擇。 🐥用鐵板承載住一大堆Mozzarella cheese 同埋新鮮炸好嘅炸雞，🧀中間再放上一大個芝士醬。 🧀色香味都俱全。炸雞粉漿都整到好薄咁就油膩感非常少。🍗點埋芝士醬就夠晒濃厚。🍗係有芝士嘅情況下冇骨就可以將所有芝士嘅元素包住，然之後一啖享受🧀火山麻辣牛鍋— 🐮而家喺韓國都變到非常出名，大大份適合幾個人一齊分享，🐮大量嘅肥牛再加上面頭嘅麻辣醬形成火山效果，🐮倒上上湯之後開火慢慢煮嘅時候啲麻辣醬就會開始溶落嚟。 🐮麻辣再加肥韓牛又辣又鮮，裏面仲有一系列嘅配菜， 🥩例如腐皮、豆芽、薯粉，就嚟連個煲都滿瀉，回味無窮🐮Dodam Chicken (利舞臺廣場) (銅鑼灣)銅鑼灣波斯富街99號利舞臺廣場18樓A號舖