DOJE (已結業)

Lunch by myself and I wanted  a quick bite. I decided to try out Doje. Part of the K Food Town area of the food court, this one serves yubuchobap. Or Korea's version of inari sushi.Menu is in English, Korean and Chinese. There is no 10% service charge as it's part of the food court area.  But for their complete selections, you should look at what they have on display as some times they have limited items and whatever else is available.I got myself two as they were very big in size. Snow Cheese S

約咗朋友去尖沙咀hightea，不過要三點先可以入座，放半日之後覺得有啲肚餓，於是去K11行吓揾野食，行到food court嗰層嘅最入邊，竟然見到有間新開嘅韓國過江龍腐皮壽司。🍣兩個人買咗四舊腐皮壽司，一舊都要30幾蚊。餐廳主要係做外賣，外面有凳可以坐。佢比平時嘅壽司大嚿少少，大約係兩個爭鮮壽司嘅飯量。女仔嘅話都要兩啖先可以食到一舊。我食咗炙燒三文魚同牛五花，覺得整體味道偏甜，可能因為個腐皮比較甜。如果當小食都OK，不過當一餐就可能比較貴。

本身見有youtuber介紹過 咁岩經開去試下，一食！飯好硬，話佢似雪左一兩晚既硬飯都不為過 同埋好鹹 ！買左一件三文魚，一件牛肉，三文魚牛肉ok，餸部分是正常，飯就真係勁硬但賣壽司個間既外藉店員都唔太友善 全程都好西口西面（利申 純個人感受）禮貌地問下佢地幾點收 點知直接答twenty minutes, 我仲問多一次係咪20分鐘 我係7:24問本身想行多陣先返去買，但我地怕阻住佢地收工，即刻買兩件！但坐係出面位到8點幾多啲都一直都見佢仲未收鋪 一查之下原來其實8:30收 😕少少被騙既感覺 因為見佢地7點幾都好似已經全部員工入去做清潔執嘢準備收鋪😮‍💨雖然完全明白個個都想早收工 但食埋呢次就真的下次不了

放工經過K11 Musea, 經過B2/F韓國街, 見到有腐皮壽司, 即刻勁想試吓。見到個櫃有超過10款的腐皮壽司，樣樣都想食！不過有好多款都賣晒，最後揀咗兩款做晚餐！首先係醬油蝦腐皮壽司，第一次見到用醬油蝦做壽司, 味道都幾夾㗎，同埋啲飯好多，不過對我嚟講就鹹咗少少，但都可以試下第二件揀咗三文魚腐皮壽司，上面都有好多三文魚粒，啲三文魚鹹鹹地再配埋d飯岩岩好！推介比大家。食完呢兩舊就已經好飽啦！真係飽到上心口

韓國過江龍 DOJE 係 K11 Musea Foodcourt 開設首間海外分店，店鋪主打多款特色腐皮壽司，每件腐皮壽司都份量十足，相當有飽肚感壽司飯用上珍珠米混入黑白芝麻、飯素及醋，口感豐富，今次就小試四款腐皮壽司，回味韓國的味道食品方面:三文魚腐皮壽司 : 新鮮三文魚刺身粒粒，配上味道豐富的腐皮壽司，簡單又美味蟹棒明太子腐皮壽司 : 蟹棒碎舖上一層明太子醬、沙律醬及蟹籽，充滿日本風味，口感豐富醬油蝦腐皮壽司 : 醬油蝦切碎，口感更加黏身爽口，味道有淡淡的醬油味芥末生八爪魚腐皮壽司 : 芥末味岀色，生八爪魚彈牙有咬口，攻鼻又美味

腐皮壽司唔只得日本有，原來韓國都有㗎！我哋之前行K11 musea 見到啲腐皮壽司整得咁靚想試一試，今次我哋就試左四舊分別係：辣雞蟹子腐皮壽司 ($32)明太子沙律腐皮壽司 ($35)芥末八爪魚腐皮壽司 ($26)牛五花腐皮壽司 ($32)一舊都唔細，有半隻手掌咁大，至於味道就正正常常啦，冇想像中咁好食，不過可能係買返屋企再雪左半個鐘先食，所以口感方面會同即刻食有啲唔同，食嗰陣飯嘅口感係偏硬，但值得讚嘅係飯有用飯素同少量嘅醋撈過，令腐皮壽司嘅味道冇咁單一。另外就係腐皮壽司嘅靈魂 - 腐皮本人啦，塊腐皮整得好食嘅話壽司基本上唔會難食得去邊，可惜DOJE嘅腐皮比想像中薄身而且味道偏淡，如果可以厚身返少少同埋味道甜啲嘅話應該會令壽司嘅味道提升返唔少。可能，呢個就係日本腐皮壽司同埋韓國腐皮壽司嘅分別喇四舊壽司入面我哋就覺得辣雞蟹子同埋明太子沙律腐皮壽司比較好食啦

DOJE - 尖沙咀 K11 musea響K11 musea行街，經過見到呢間食店，見到一盤盤不同口味的腐皮壽司放在玻璃櫃內，見到店舖名係韓文，好似幾得意，所以買咗兩舊嚟試吓。雖然DOJE係一間外賣的店舖，但商場都很細心，在店舖外整左一些台櫈比人坐低食下野明太子沙律35芥未八爪魚 26腐皮壽司內放了滿滿飯，而內裡的並不是普通的白飯，而係撈了一啲紫菜碎，食落都幾香口飽滿配上明太子沙律及芥未八爪魚口感非常豐富滿足。明太子的味道雖然不是很濃烈但味道都不錯，至於芥未八爪魚就很香及更鼻八爪魚都很爽口彈牙，整體黎講味道不錯，但貴錢方面偏貴了少少

腐皮壽司就食得多🍣但係呢一間係尖沙咀嘅腐皮壽司真係好特別每一舊都大大件 面頭放滿唔同嘅配料😍最推介係個芝士辣炒雞腐皮壽司 鹹香嘅芝士再配埋辣辣地嘅雞肉 好惹味🐔🧀

尼間DOJE想食好耐，每次經過都唔得閒食。今次終於食到啦！點左佢兩個推薦款式。鰻魚腐皮壽司：普通無咩特別。麻麻地凍食，令鰻魚得個醬汁既甜味，無左鰻魚的風味。尼個可以唔使再點。牛五花腐皮壽司：反而有驚喜。咬落去係暖暖地，牛肉的脂肪同肉汁浸入口腔中，風味無比。本人推薦！！可以再encore ⭐️⭐️⭐️⭐️雖然價錢唔算平，每件$3x,但兩件壽司真係足料，飯又多，料又多。食左兩件我相信食左差唔多一碗飯甘多。 所以尼件壽司係值尼個價錢！

第一次黎Musea food court，發現好多嘢食，而呢間專賣腐皮壽司超吸引我！平時日式腐皮壽司見得多，呢間既韓式腐皮壽司超大舊，而且提供十多款口味選擇，裡面既飯都會因應唔同款有唔同架🤩每款淨係望個樣已經好吸引，而且好重身，夾到手軟🥢.蒲燒鰻魚腐皮壽司 HKD38滿滿既鰻魚粒，配埋甜甜地既醬汁雙重芝士牛扒腐皮壽司 HKD38牛扒粒唔會過孩口，冇諗過芝士配牛扒都夾三文魚腐皮壽司 HKD35滿滿既三文魚粒，裡面既飯帶少少wasabi🍣醬油蝦腐皮壽司 HKD35 醬油蝦打到變成蓉，唔係好食得出佢係蝦😂蟹棒明太子腐皮壽司 HKD32 微微火炙過令蟹肉既甜味更特出🦀️芝士辣炒雞腐皮壽司 HKD32唔會好辣，不過雞粒有少少孩🤔泡菜炒豬肉腐皮壽司 HKD32少少辣既泡菜炒豬肉，好開胃！四重芝士雞蛋腐皮壽司 HKD26芝士全部都係芝士🧀滿滿既芝士✨仲有附送小食既辣蘿蔔好好食，酸酸甜甜好適合食下一舊壽司之前解膩，而且唔會好酸好啱我口味🥰.DOJE 地址 ｜尖沙咀梳士巴利道18號Victoria Dockside K11 MuseaB2樓B201-14號舖

📌DOJE～尖沙咀超級高質的韓式腐皮壽司外賣店👅位於K11下層嘅food court 位置有少少隱蔽餐廳我喺出邊有幾張長枱 都可以即刻食😙腐皮壽司款式好多 將近有二十款仲要粒粒都好飽滿足料 飯量很多🍚壽司飯除咗落醋仲加咗黑白芝麻 味道唔會咁寡 飯口感食落偏硬 其實食三四件都已經好飽🫣超級適合帶去西九picnic 或者過吓口癮最推介反而唔係牛扒腐皮壽司類別而係泡菜炒豬肉 酸酸辣辣好開胃🤣其他口味中規中矩 豬肉系列會比較出色👍🏻記得早少少去 因為好快就會賣晒💨🔸雪花牛扒 $𝟯𝟴 🔸泡菜炒豬肉 $𝟯𝟮🔸牛五花 $𝟯𝟮🔸辣炒牛五花 $𝟯𝟮🔸蒲燒鰻魚 $𝟯𝟴🔸芝士辣炒雞 $𝟯𝟮🔸特製玉子 $𝟮𝟮🔸雙重芝士牛扒 $𝟯𝟴同場加映係 @gontrancherrierhk 嘅青提同抹茶牛角包 焗熱返食超級好味😋✄------------------------------✄整體味道😋: 8/10性價比💵: 7.5/10 打卡指數😍: 7/10 環境服務🥂: 7/10 推薦指數👍🏻: 8/10 🍴: DOJE 📍: 尖沙咀梳士巴利道18號Victoria Dockside K11 MuseaB2樓B201

期望過高的腐皮壽司😖冇我想像中咁好食，啲壽司飯比較硬，，蟹肉餡都比較少，唔係我心目中既壽司🥲 價錢亦都比較貴，好彩只係買咗一粒呢試下先 $35 #明太子蟹肉腐皮壽司

🍣蟹棒明太子（$32）🦀「NEW」見佢寫住新嘢，所以試吓。雖然係寫蟹棒，但係其實係蟹碎，上面有啲明太子沙律醬。🍣牛五花（$32）🥓「BEST」見佢寫住最好，所以有啲期望。面頭係燒汁牛肉，加咗幾粒蔥。整體：size比平時嘅腐皮壽司可能係大少少，味道正常，餡料唔算多，啲飯食落有啲硬，口感類似係放咗喺雪櫃隔咗一晚，所以絕對唔值呢個價錢。見啲人嘅comment都唔差，所以有啲期望，但係食完就有啲失望。🏠環境只限外賣，可以坐K11 food court

估唔到腐皮壽司都可以有咁多款特別嘅口味🤩呢一間係尖沙咀嘅腐皮壽司每一舊都超飽滿 勁足料💕好推介佢哋個雪花牛扒味🥩牛肉好嫩滑 再加埋個燒汁 好惹味 同日式嘅甜味腐皮壽司 出奇地夾！

特製玉子腐皮壽司 $22Egg Tofu Sushi上面舖左滿滿一層嘅蛋🥚 口感有別於一般嘅炒蛋，因為用左慢熟嘅技巧，變的有顆粒感，有豐富嘅層次感🥰 佢地都加左牛奶入去煮，所以每啖都食到濃郁嘅牛奶香🥛 下面有一大舊已經加左飯素同埋醋嘅白飯，所以味道絕對唔會太單一😇 出面包左一塊厚薄適中嘅腐皮，雖然豆味唔係好出，但係配埋飯同配料就好match👏🏼The thick and plump layer on the top is not like your usual scrambled eggs. They used a slow cooker method by heating the pan at just the right amount of temperature, so there will be tiny particles within the smooth egg, bringing a whole new texture. They’ve also used fresh milk in the egg, so each bite you take will also br