Domon 札幌拉麵 (樂富廣場) (已結業)

平日夜晚8點黎到，一檯客都無😂好彩食落都無咩伏🤣 嗌左個一人set 土門拉麵（辛味噌），有埋蟹子沙律，煎餃子，檸檬蜜，$68超抵食😮 拉麵質素正正常常，叉燒有兩大塊，配料都多，有筍同雲耳，完全唔hea, 呢個價錢，算有誠意😄 餃子都係正正常常，個皮偏油，係淋身唔係脆身嗰種，都算皮薄多餡。蟹子沙律有粟米，蕃茄同菜，淋芝麻醬，都係正常發揮🤣呢個價錢都算收貨😀

星期日下午午餐時間去到樂富想食碗拉麵，見佢冇乜人排隊，天氣咁熱就試吓啦，點知就中伏。叫左碗味噌黑豚拉麵，都等左大約15 分鐘，湯底算正常，但係果三塊所謂黑豚肉，煎到又un 又實，D麵亦都一般，隨餐附送左一個小沙津，連加一盛惠$75！難怪佢周圍D食店都要排隊係得佢大把位，大家要考慮清楚。

同屋企人去左樂富食午餐是但入左間餐廳🍴D餐 自家製吉列黑豚配白飯 $68+$8 配咖喱汁😍個餐會有3隻餃子🥟一個沙律🥗主菜😍吉列黑豚白飯🍚一碗吉列黑豚佢又唔會好厚粉👍🏻👍🏻👍🏻G餐 牛肉壽喜燒配白飯$88+$10轉烏冬或者拉麵🍜個餐會包三隻餃子🥟一個沙律🥗仲有個主菜咁我哋就轉左烏冬，壽喜燒本身都係偏鹹嘅，不過配上烏冬就幾好食嘅😍A餐 土門拉麵🍜 $68個餐都係會包三隻餃子🥟一個沙律🥗仲有個拉麵🍜呢個味道都唔錯，不過都係偏鹹🫣不過我哋都要講一講呢度真係好熱呀😭😭😭反而食完出到去仲涼過喺餐廳入面🥹🥹🥹Domon 札幌拉麵 (樂富廣場) (樂富)📍地址：樂富聯合道198號樂富廣場1樓1106-1107號舖我既評分（5⭐️為滿分）環境：⭐️⭐️⭐️食物：⭐️⭐️⭐️⭐️服務態度：⭐️⭐️⭐️推薦：⭐️⭐️⭐️⭐️

A simple bowl of ramen in the late afternoon to tie me over until dinner time! 🍜Domon Char Siu Ramen 札幌叉燒拉麵 HKD 39💭Considering the price point, I have no complaint. A solid bowl of ramen with a soft boiled egg included! A quick and satisfying afternoon tea!

上格仔山之前到樂富商場「札幌拉麵」吃下午茶當晚餐，行完山回家吃水果便可了！限聚令下三人行要分兩枱用餐：慢煑叉燒拉麵~鳥唐揚拉麵~吉列蝦拉麵。很爽滑的拉麵配豬骨湯，炸鷄和吉列蝦都熱氣騰騰的，每款拉麵都伴有雲耳與半隻流心蛋，很飽肚的下午茶充當我們輕盈晚餐。配飲品：熱咖啡、熱柚子蜜、雪碧。小食：日本紫芋甘栗餅。外脆內軟的紫芋甘栗餅雖然比較油膩，但紫芋甘栗饀非常可口。每款炸物之下都有少量沙律菜與麻醬，十分可口。有加一小費，人均消費$52。

又係叫外賣嘅日子好耐之前食過佢嘅拉麵今日叫咗個便當試吓外賣仲有優惠添 唔洗$60一個飯▶️黑松露燒烤雞扒便當 ($54.4)呢個係佢人氣之選 聽到黑松露已經覺得好高級賣相非常吸引 一開盒已經聞到勁香烤雞味有沙律菜 加咗蟹柳、蟹籽 同埋玉子蛋淋上芝麻醬 好和風🥗唯一係玉子蛋唔好食 口感比較乾 唔太似蛋 同埋味道上有啲太甜 少少假 冇乜蛋香味🐓雞扒真係超大件 切咗6件 連皮不過冇骨上面淋咗照燒汁 面頭放咗推黑松露雞扒食落就厚肉 肉質鮮嫩 烤到啲邊邊位少香脆 但係入面完全唔乾👅原先雞扒都好新鮮 好有雞味👍🏻照燒汁份量調味啱啱好 最特別係個黑松露 雖然知道唔係真嘅黑松露 如果唔係會好貴 不過佢味道又幾香幾夾 似整意粉嗰啲醬 食落少少苦苦地 唔錯😍個飯質都好ok 遍硬身少少 未至於珍珠米口感 食落唔黏 但係唔錯 份量都多-估唔到佢個便當咁高質 以為佢係拉麵專門店個雞扒真係幾好食 又幾有新意 唔係淨係照燒汁份量又夠大 食完一定飽外賣包裝得好 保持到賣相🍱唔錯唔錯😍

早段時間的食後感...樂富平台有幾吾少餐廳，哩間唔算顯眼，見佢午市套餐價錢幾抵食，一個人飯市又唔使等位，一於佢啦！午市服務都算好，飯餐仲包野飲，出餐亦都好快。食到一半，見到一行五人 入嚟，個男人直接安排坐一張大枱，我食完結帳到門口望到張紙，原來間餐廳B類限四人一檯，咁嘅時勢餐廳哩個行為實在不應該！希望有所改善，防疫人人有責嘛！

已經光顧這間好多次了，因為服務周到🤵‍♂️👍，經理非常有禮貌，食物🍜🍱質素亦唔錯，價錢合理💰。今晚我哋2大1小👨‍👩‍👦，叫咗個2人套餐，已經好夠食，前菜: 松露🥚蛋/沙律🥗、主食: 鹽味🍜拉麵/🐮🍚牛肉丼、小食: 炸魷魚鬚🐙/🧄蒜片牛柳粒，個餐仲包2杯無酒精飲品🧋🥤。半熟松露蛋真係好香好正…拉麵同牛肉丼都屬正常水準，最鍾意個蒜片牛柳🤤，好惹味，而且仲鐵板上吱吱聲、熱辣辣。

每次經過都無諗過食呢間，今日去食早餐，見到原來都唔太貴，就俾個機會佢😆😆😆叫左個脆魚柳拼豚肉腸餐 $41 包飲品⭐️⭐️看似都幾豐富，有牛乳炒蛋，炸魚柳，兩條豚肉腸，茄汁豆，牛油多士😋😋🥪個魚柳炸得幾脆，但有少少過左火，燶左少少，但都可以接受。炒蛋炒得唔夠滑，豚肉腸呢個反而幾好👍🏻多士都夠脆，唔會過左火。總括味道合格，份量都ok，屬中規中矩。價錢來講都算係值得，出面食個早餐都要$3x - $4x回頭率⭐️⭐️⭐️/5

早餐達人再出擊樂富已經食到唔知食邊間好，今次試新嘢，半中伏！選了「辣肉碎煎蛋啜啜粉」，凍檸茶。$25+$3=$28，係就係平嘅，但⋯⋯落單時，侍應姐姐問：要通粉定係麵？心諗，圖中係啜啜粉喎，唔通即係通粉？揀了通粉，到手係長通粉，完全唔係menu圖中嘅幼身啜啜粉（sorry我忘了影menu）。辣肉碎份量唔少，但勁辣，食得好辛苦啊⋯⋯凍檸茶唔係港式，茶唔濃，淡身西式茶咁⋯⋯唔好飲！$28食得飽，係幾平，但唔係我杯茶！

#樂富廣場 #樂富美食 朝早有時候會去樂富，最鍾意就係去呢間餐廳食早餐，以為拉麵店冇早餐，點知有埋西式早餐添。點解鍾意呢間？原因一定係，佢用咗丹麥多士代替平時成日食嘅普通多士。丹麥多士真係好好味呀，肥都肥得抵啲呀🤣🤣不過嗰日嘅炸魚d粉就厚多啲，如果薄返少少會更好，不過32蚊一個餐，仲有得杯唔錯嘅咖啡俾你，仲想點。食完真係好飽好滿足，真係抵到冇朋友，分分鐘平過自己整🤓🤓唔想食西式早餐都可以揀日本拉麵做早餐，價錢仲平，真係冇得輸。

今日難得與仔仔2日出街食，就去咗呢間入到去，有人招呼又有禮！呢個價錢真係好少有了！我點了親子丼同土x拉麵，巨鋒梳打，餃子同沙律都跟餐的先講親子丼，雞肉唔算「鞋」口，但蛋就冇蛋汁，味道蛋都好滑，又夠味！有少少甜，不錯拉麵就湯底夠濃味，麵質夠彈，配合得唔錯，肉就有少少太「un 」，但都可以既！木耳湯合湯食，都唔錯！夠味！但我因皮膚問題冇食筍！巨蜂梳打我就冇飲到，比唔到意見，唔好意見整體來說，味道不錯，服務又好，價錢合理，可以再黎！

🧑🏻‍🎓以前讀大學住hall嘅時候，好多時候夜晚唔想食canteen啲嘢又懶得煮，就會幾個人去最近嘅樂富廣場食嘢。不過唔知點解咁多年都未食過呢間嘢，係近期機緣巧合下先第一次食！🍽呢間Domon札幌拉麵顧名思義就係間食拉麵嘅餐廳，今次同朋友就叫咗佢哋嘅二人餐試吓，有2個前菜，2個小食同一人一碗拉麵同嘢飲，都係HKD 228，咁多嘢食都幾抵。🥚前菜方面其中一樣就係黑松露燻蛋，燻過溏心蛋上面有少少黑松露醬，食落好香好惹味，咸咸甜甜咁好開胃；另外嘅前菜就係豆腐秋葵沙律，只係用咗胡麻醬撈沙律，感覺就無咩特別都幾普通。🍜拉麵方面P仔就揀咗山椒豚軟骨拉麵，味道方面對唔太食得辣嘅P仔嚟講都叫勉強可以接受，辣味同椒麻味都幾夠，不過麵嘅質地就稔稔哋，唔會有拉麵店嗰啲咁好食，不過呢個價錢都算係咁。至於個豬軟骨都煮得幾夠，稔身得嚟都好夠味，所以都幾唔錯！🥩另外，個牛柳粒就炒得幾惹味，份量都唔少，牛肉唔會好韌，配埋甜甜哋嘅洋蔥同好香口嘅炸蒜片都幾唔錯；魷魚鬚方面都炸得幾脆，份量都一樣係幾多仲幾彈牙，都幾唔錯！🥢整體嚟講呢間餐廳係真係幾抵食，咁都嘢每人都係HKD 100左右，而且味道方面都算唔

下午茶係幾抵食嘅，唔使$40，飲可口可樂仲唔使加錢👍🏻👍🏻叫咗個D 吉列蝦拉麵，隻蝦嚟到金黃色，賣相幾吸引，不過就暖既，唔係熱辣辣。拉麵就不過不失，咁嘅價錢唔會expect好好，但係性價比幾高。另外，店員服務態度好👍🏻👍🏻下午茶餐六點完，六點冇堂食，我哋大概5:35-5:40入去，店員叫我地快d揀野食啦，快d入單比師傅做埋，feel到佢態度係關心我哋夠唔夠時間食多過催促我地。另外有朋友唔小心跌咗個用膠袋包好既口罩落地，店員見到仲好緊張話個口罩跌咗啊，使唔使俾個新嘅佢，如果唔係一陣走就冇得用。認真細心👍🏻👍🏻

《叉燒拉麵🍜》$35 （下午茶餐 - 包熱飲一杯）可以話係一個好抵食嘅下午茶餐，就算星期六都有下午茶餐！係一個好唔錯嘅日式叉燒拉麵🍜 塊叉燒都幾厚肉，口感唔錯👍🏻😋麵質絕對唔係一個30幾蚊嘅拉麵質素，CP值幾高🤩《吉列蠔》$18 至於個吉列蠔，個人認為一般，不過係新鮮炸起，都算不過不失😋