Domon 札幌拉麵 (已結業)

小妹得閒都會入大埔食野！咁岩見到呢間拉麵店！一入去見到兩名店員非常親切！大家都笑住講歡迎光臨既日文！到我坐底左之後仲問我食d咩使唔使推介番！咁我當然話好呀！之後佢一一介紹！而入面個廚師都好有笑容！我叫左個套餐泡菜拉面！但我怕會太辣！廚師勁細心聽到我同店員對話！之後幫我分開上！有時小小的舉動令客人好窩心！食物都好有水準！個餃子超好味！環境都好有日本地道！我叫左個汽水！但無開到！店員主動同我講可以拎走架！真是好好的提議！好有禮貌！到收錢既時候仲送左優惠卷比我...仲溫馨提示我點用！以家好小食店會講明條款！到我起身走拉！兩名店員都有同我講再見！我會叫埋朋友再食！

今天終於抽到時間去食札幌拉麵，呢間拉麵，老公一直都話想試下，他欣賞好別緻裝修!我們各點左一個午餐，我當然是點了札幌拉麵，碗麵有我個頭咁大，見到已經好開心、好想食。拉麵上面有塊又大又厚的义燒，好有口感，仲伴有京蔥及筍片的香味，配埋軟硬適中的拉麵，簡直天衣無縫!我沙律都十分令我們回味，好清新的野菜伴入芝麻醬、雞肉及蟹子，好夾，不但外表好睇每食一口，我們都讚不絕口!而老公的北海道牛油拉麵，他覺得牛油質素略為遜色，其他都好美味，所以只食剩半小碗湯!餃子好新鮮不過無咩特別!

得知札幌拉麵已有一段時間，但未曾嚐試。這天，特意來嚐下午茶，套餐有多款食品，與朋友分別點了札幌拉麵及雞翼沙律套餐一起分享。拉麵送來了，在濃濃的湯汁中，有溏心蛋、日式叉燒、配菜及拉麵。這裏的溏心蛋真的很美味，蛋黃柔軟像沙，特別的質感帶來特別的味道，溏心蛋吃下在口內融化，個人認為做得出色，令人留下深刻而想回味的印象。其他的配料，如日式叉燒、配菜、拉麵、湯汁，都是有質素的好吃之作。雞翼也是外脆內軟，熱騰騰又惹味。沙律又是一貫好吃的新鮮乾爽，不過用料配搭上亦有此店獨有的特色。是用心製作、好味之作。

之前聽朋友講話呢間DOMON拉麵好好食, 已經想試好耐, 但一直未有機會, 今日終於黎到一試. 呢間拉麵店其實都幾細間, 係好窄同好長既廚房入面, 竟然可以容立到三個煮麵師傅, 而且三位都係男士, 不得不寫個服字.講返野食, 朋友強烈推介我食呢個帆立貝拉麵, 我就聽話點來試試, 的確不錯, 帆立貝SIZE算巨大, 幾新鮮, 配料都多, 配料款多之餘亦夠份量, 唔夠既仲可以逐款加. 拉麵有少少梘水味, 但唔係勁個種, 可接受. 我最喜歡個湯底, 味濃, 岩我口味. 多謝DOMON, 試左個好美味既帆立貝拉麵

去林村許願樹許願, 入左大埔轉車, 出發前先醫肚, 來到運頭街附近搵食.見到呢間DOMON札幌拉麵, 同朋友都未試過, 就試試吧!店內裝潢帶有日本feel, 牆上兩排酒架擺放整齊, 全店只有兩張卡位台及一長吧台, 但不失整潔的感覺.我們先散點了一份溏心蛋雞肉胡麻沙律, 在門口見到相已經好想食.這沙律賣相相當吸引, 顏色繽紛,沙律菜好新鮮,溏心蛋我和朋友都很喜歡食, 配埋芝麻醬攪拌食, 好正.主食方面, 店員介紹了晚市套餐, 在午市仍然供應,朋友點了一碗豚角拉麵, 配日式餃子小吃.我沒點套餐, 選了一碗散叫的豬軟骨拉麵, 單點拉麵都有小食送, 這次選了鹵水雞翼, 但送的小食份量比套餐小, 雞翼只有兩隻.而兩碗拉麵可以話係份量十足, 大大碗而且配料多多, $7x一碗黎講, 算相當抵食. 本來碗豚角拉麵只配一隻溏心蛋, 但我們都好想食溏心蛋的關系, 於是套餐另加配料都選了多一隻溏心蛋, 我們可以一人一隻!牆上的小提示話, 麵豉湯湯底味道會偏濃, 怕濃味的可以選擇淡味, 非常體貼.套餐配的日式煎餃子, 一客有4件, 唔算好特別.而套餐加$12可配波子汽水, 好久沒飲過波子汽水, 可以好好懷舊一

上星期去大埔踩單車, 係大埔街市附近食LUNCH.在幾間中式茶餐廳及粥舖選擇下, 揀了這間日式拉麵館一試.這間麵館地方唔算大, 得兩張台4人台, 香港地租實在貴, 無辦法.餐牌主打四碗麵豉湯拉麵隨便order了兩款嚐嚐.一款是帆立貝拉麵, 另一款是豬軟骨拉麵.湯底味道香濃,十分惹味,配上粟米海帶露荀同京蔥等等既配菜,唔會太膩,唔錯.碗內帆立貝有三大粒,都幾足料.單點拉麵仲有一款小吃送,選了雞翼及南瓜薯餅.本身自己唔係咁鐘意食南瓜,但係呢個南瓜薯餅香甜鬆脆,令我有食完再食埋另一件既衝動. 另外我地再散叫左個小食魷魚鮮蝦卷,外脆內軟,熱辣辣特別好食.第一次試呢間DOMON拉麵,雖然地方細細,但野食都唔錯,應該會再黎食,雖然好少來大埔,但原來呢間野都有好多分店, 下次可以去其他分店試試.

未試過依間分店…係無意間見到…咁就去試下吧! 外面睇就已經知道好細，不過一開始唔知道門口係邊…內部裝潢都可以，牆身貼上陳年雜誌宣萱個樣…架上放左少許酒，左邊bar檯可容納4-5位客人，右手有2-3張四人檯，我們剛好4人，一點半去到無咩客人…不過真係幾迫下，檯又細放唔到多d野! 服務員可能比較新手，其間廚師兼服務員一身既職員多次幫手，但餐廳太細沒有路由開放式廚房直接出黎…所以每次佢都要係廚房出左餐廳再入番黎，有d怪怪…叫左3碗牛油拉麵，1碗豬軟骨拉麵，1碟4件的餃子和一碟胡麻雞絲沙律，掛住食只記得影左沙律! 叫拉麵送一罐汽水! 胡麻雞絲沙律賣相吸引，沙律菜算新鮮，只有雞絲”鞋”左d，要求多d胡麻汁，好快比左一碟! 餃子賣相同味道都一般…食一隻就夠了! 牛油拉麵比既牛油比我之前食既大舊左，麵質幾彈，湯底好濃既豬骨味，不過塊叉燒就韌左d!如果位置唔太迫寬闊多d會更好!

個日放工都2點幾，就過黎食下呢間拉面，第一次食呢間野，一開已經想去食！勁期待！但真係要食過先知啱5啱自己口味！～同mama黎到～呢度無下午茶優惠～個陣時已經有一對情侶坐4人枱，肥比同媽媽坐另一四人枱！位置一般，有d細～不過香港地貴呀！夠用就算吧la～1，豬軟骨拉面，味噌加豬骨潤～幾大碗，味濃，偏咸，但5好意思！5啱口味，豬軟骨5夠香，一碗有3～4件，食第二件已經5想食！！面有d梘水味，$6×2，沾汁面～以為會勁正la～點知又5係，面上面又係豬軟骨！辣辣地！5多好味！，$6×一碗3，煎餃子～4粒仔！好細件，d肉餡放左紅醋！無特別！皮5脆～8媽媽係甘話，車～有幾難整！賣甘貴，$284糖心蛋！有糖心！無開味～板x個間d糖心蛋仲香過呢間！分分鐘我屋企個d仲香過喔間野！$85好意思，5識欣賞( ´ ▽ ` )ﾉ