影片
港铁湾仔站 C 出口, 步行约5分钟
继续阅读
电话号码
36146140
开饭介绍
主打正宗及精致的墨西哥菜，其招牌tacos以无麸质软玉米饼及优质肉类制作，并设有多款口味；装潢则融合怀旧及民族风格，气氛轻松写意。
继续阅读
营业时间
今日营业
12:00 - 23:00
星期一至日
12:00 - 23:00
以上资料只供参考，请与餐厅确认详情
有关奖赏计划
我本身好鍾意食墨西哥菜，而且試過好多間。而呢一間係我食過最差嘅一間！有日諗住食Taco，Openrice 見到呢間好多人推薦，咁我哋仲特登book埋位去食。嗰日見夜晚晚餐時間都唔係好多人都有少少心知不妙。咁我哋就嗌咗啲雞肉，豬肉，同牛肉Taco，再加埋一份Nachos。我哋先食咗雞肉同豬肉。兩份嘅質素麻麻哋，而且比想像中細分。咁就諗住試埋佢哋好似出名啲嘅牛肉taco。發現牛肉Tacos都係麻麻地，而且啲肉仲有啲凍凍地。食落去嘅時候有少少驚會唔會係未熟。Nachos就普普通通，完全談上話係好食。埋單嘅時候仲見到係都唔平吓，食嘅質素又咁差，仲諗住食咗一餐唔係幾好都已經有少少嬲。點知嗰晚即刻個肚有少少唔舒服，第二朝我同我個朋友都肚痾，直頭可以話係清晒成個腸胃，卒之要食保濟丸先搞得掂。我同朋友兩個都係食完Tacos之後都冇食過任何嘢然後又屙到七彩，但係我腸胃一直都好好，食墨西哥菜從來都唔痾，今次係第一次。呢間嘢唔單止食又唔好食，即使星期二食都唔係話特別抵，仲要啲肉係凍嘅，腸胃差啲都食到肚痾。
继续阅读
真係唔明點解咁多like?星期日買左四百幾蚊外賣，大概30分鐘內己經開始食不過三件taco 皮已經全部溶溶爛爛…根本冇可能用手攞起嚟食！直頭就要用匙羹食…味道方面豬肉真心好咸,送白飯啱啲 😓nachos 似係粟米片未炸熟..又唔脆仲有d韌, quesadilla好油好難食…又乾又硬到不得了…burritos 直頭濃左! 未放入口已經成浸燶味! 都唔明個廚房有乜可能咁嘅情況都照出餐比個客! 真係諗住我地外賣返到去先知追究唔到咩!! 總之成餐沒樣好食! 無奈食到最尾先發現真係冇樣好食先醒起要影相…所以得兩張相…
继续阅读
朋友喺英國返嚟，想食墨西哥菜，上網揀左幾間，最後決定去位於灣仔嘅 EL GORDO Tacos & Grill Factory❤️ 🔅墨西哥燉豬肉玉米卷 $45配料滿滿的，玉米卷裡面的燉豬肉嫩滑，配哈蜜瓜莎莎醬，味道酸甜，口感同樣令人滿足。 🔅墨西哥雞肉芝士餡餅 $118滿滿嘅雞肉餡料，芝士軟糯，外層少脆，口感正，沾上自家製牛油果醬，好滿足。🔅烤魚鯛魚 $158外皮烤得香脆，內部卻保持了鮮嫩的口感。搭配上酸酸哋嘅墨西哥莎莎醬，味道更加出色‼️ 🔅墨西哥烤牛肉 $208鐵板直上，好有鑊氣，熱辣辣的牛肉散發著撲鼻的香氣。配上雜菜和洋蔥，味道更加豐富惹味😋🔅豬里背脊肉 $258好厚切，口感十分正。白蘭地燒肉汁增添了豬肉的風味，令人垂涎欲滴。 🔅地瓜條 $70即係番薯條，即炸熱辣辣，炸至金黃香脆，食到停不了口😜 🔅 EL lemonade $ 58味道酸甜，非常清爽，喺呢度嘅signature drink，必點‼️
继续阅读
灣仔 📌EL Gordo Tacos & Grill Factory好朋友牛一🎂 要食個靚lunch 慶祝下🥳 諗嚟諗去諗去，醒起平時行過見到呢間色彩繽紛嘅墨西哥餐廳，反正未試過墨西哥菜，餐廳電話一直打唔通，我就 Openrice book 位 😊Lunch set 百幾蚊 • $108-$148，可選擇餐湯 🥘or 沙律 🥗，like 餐廳嘅 ig 同 fb 仲可以送飲品 。我哋 3個人揀咗 3 個Sets，個 Main 一上枱，「嘩！」見到好大份下 ~▪️Grilled Rib-Eye Steak 扒肉眼扒 🥩 $148 牛扒烤得靚仔，扒厚身又大份◦叫咗 7 成熟，肉質啱啱好，牛味重，有咬口。不得不讚個配菜薯角真係幾好味，外脆內軟，薯味濃。薯角為呢個Dish 加咗唔少分😋▪️Grilled Salmon Fillet 香煎三文魚扒配少蛋飯 🐟 $ 148呢個 Dish 又係份量十足。三文魚煎得好香，而飯亦混合咗洋蔥、炒蛋、蕃茄，好啱［飯桶］愛好者。▪️Larb Gai Tacos 烤牛肉玉米卷 🌽 $108原本以為呢一款係卜卜脆嘅餅皮，上枱至知原來係軟糯玉米🌽餅卷，包住牛肉碎（Mixed 洋蔥、椒粒、蔥粒、蕃茄仔...etc)，充滿墨西哥風味。▪️Churros 炸油條 🥨 $88 熱辣辣嘅油條，炸得香香的，沾滿肉桂粉嘅 Churros 一件一件層層疊，又以 🍓 點綴，但稍為偏甜，所以唔使點咁多朱古力醬🫕。另外要讚一下店員，用盡成隻碟嘅空間寫上 Happy Birthday 🎶 整個擺盤又真係幾靚喎 🤎壽星女表示好開心 🥰🔅 總括嚟講，原本貪新鮮試下呢間墨西哥餐廳，估唔到有意外驚喜，無論食物、一杯一碟、裝修擺設，都充滿意國風情🇲🇽 記得隔離枱 order 咗個墨西哥餡餅，見到入面滿滿嘅芝士，下次回訪我都想試下😋
继续阅读
今日約了朋友來到「El Gordo」，朋友專登找到這間墨西哥菜的餐廳。El Gordo的裝潢設計採用了半開放式的風格，並且融合了南美洲的裝飾元素，營造出一種獨特的氛圍。我們一走進餐廳，就被其裝飾所吸引。牆上掛滿了色彩繽紛的南美洲藝術品，裝水的杯子亦都富有特色。週末約朋友來這裡閒談午餐一流。作為墨西哥菜，餐廳的主打食物就是最聞名的Taco。餐廳有多種Taco 選擇，亦有不少Main 主食提供。⚭ 1. 五花肉玉米卷（Panceta de Cerdo）我們選了其中一個玉米卷 Tortilla。這個玉米卷主要由五花肉、洋蔥組成，再配上蛋黃醬和牛油果醬。玉米卷的外皮鬆軟，裡面包裹著經切粒炒香後的多汁五花肉，再沾上兩款醬，口感豐富而美味。非常適合亞洲人的口味。⚭ 2. 雜菜墨西哥芝士餡餅（Veggie Quesadilla）知道Quesadilla在墨西哥菜中亦是非常出名。這道菜是用墨西哥薄餅卷(Tortilla Pocket)包裹著各種新鮮的瓜類和濃厚芝士。每一口都能品嚐到瓜類的清新爽口和芝士濃郁，口感豐富多層次。即使不是肉類作餡料亦都非常好食，適合素食者或者喜歡輕食的朋友食用。⚭ 3. 烤三文魚塊（Grilled Salmon Fillet）嚐了tacos 之外，亦都想看看El Gordo的主食是否一樣出色。廚師將三文魚柳烤至剛好熟透，能夠保持魚肉的鮮嫩和美味。再搭配上新鮮的時蔬和薯蓉及特製的醬汁，這道菜既健康又好食。除了taco 之外，我亦推介大家可以點這道烤三文魚塊。⚭ 4. Cappuccino咖啡味道濃郁香醇，奶泡調得綿密。El Gordo有一個舒適的環境和南美洲風格的裝潢，將朋友過來食個午餐傾下計一流。
继续阅读