EL GORDO Tacos & Grill Factory

营业中

休息中

我本身好钟意食墨西哥菜，而且试过好多间。而呢一间系我食过最差嘅一间！有日谂住食Taco，Openrice 见到呢间好多人推荐，咁我哋仲特登book埋位去食。𠮶日见夜晚晚餐时间都唔系好多人都有少少心知不妙。咁我哋就嗌咗啲鸡肉，猪肉，同牛肉Taco，再加埋一份Nachos。我哋先食咗鸡肉同猪肉。两份嘅质素麻麻哋，而且比想像中细分。咁就谂住试埋佢哋好似出名啲嘅牛肉taco。发现牛肉Tacos都系麻麻地，而且啲肉仲有啲冻冻地。食落去嘅时候有少少惊会唔会系未熟。Nachos就普普通通，完全谈上话系好食。埋单嘅时候仲见到系都唔平吓，食嘅质素又咁差，仲谂住食咗一餐唔系几好都已经有少少嬲。点知𠮶晚即刻个肚有少少唔舒服，第二朝我同我个朋友都肚疴，直头可以话系清晒成个肠胃，卒之要食保济丸先搞得掂。我同朋友两个都系食完Tacos之后都冇食过任何嘢然后又屙到七彩，但系我肠胃一直都好好，食墨西哥菜从来都唔疴，今次系第一次。呢间嘢唔单止食又唔好食，即使星期二食都唔系话特别抵，仲要啲肉系冻嘅，肠胃差啲都食到肚疴。