El Toro Steak House & Bar

营业中

休息中

好多人都話馬鞍山係美食沙漠，諗住入馬鞍山探表哥，佢帶咗我去商場呢間西餐廳，好唔錯喎，其實都唔係好沙漠啫咁 😜兩個人食，點咗煎魚，一個Pizza，份量啱啱好！飲啤酒仲有買一送一happy hour。個魚有個酸酸地嘅汁襯返，貔貅煎得香，係我鍾意食嘅！個Pizza有啲fusion，酸酸辣辣嘅汁，好特別，值得推介大家試吓！表哥話平時可以帶埋寵物過嚟坐出邊，環境唔錯。呢個商場有得泊車，如果唔揸車嘅話，由地鐵站行過嚟係呀少少路程。所以目測人流都唔係好高，希望呢間餐廳可以繼續穩定做落去啦！

新界區揾食，今次黎到馬鞍山we go mall，如果係駕駛人士就非常方便，因為商場設有滿額消費免費泊車。加上商場真是寵物有善，好多餐廳都俾你帶埋寵物入去進餐☺️ 繼續慶祝生日篇🌟今次揀左間意大利🇮🇹墨西哥🇲🇽菜 揀呢間餐廳純粹係貪方便 本身唔會對佢有好大期望 食完發現有驚喜😍閑日17:00-20:00仲有happy hour時段🥳 啱晒一班人吹水飲野 Angus T-Bone Steak (16 oz) 💰310 牛扒種類都有比較多選擇，今次揀咗T-Bone 五成熟，牛扒口感嫩口，只不過落鹽方面有少少重手🥹 咸左少少 配上粗薯條😍 少少沙律菜同埋蕃茄仔Tropical Hawaiian 💰150全部Pizza都係新鮮手拋😍 口感上比較煙靭 餅底唔會太厚😋 職員推介夏威夷風格或者四重芝士 份量都比較大 適合三至四人分享Truffle Mushroom Ravioli 💰118 意大利松露蘑菇雲吞😍 呢個好有驚喜 多數都係得手工意粉地方有得食 分量比想像中多 個sauce 可以揀cream/tomato 今次揀左cream 口感比較多層次 不過如果鍾意口感爽口 可以試吓蕃茄醬😋 Mexica

8個大人+ 4個小朋友，又開餐了🥰呢間意大利及墨西哥菜，已經食過幾次，因為朋友就住隔離屋苑，過嚟gathering就食，因為附近得呢間好味😋😋🥖意大利烤包🐟芝麻金槍魚塊🦑椒鹽魷魚🐔韓式炸雞翼🥔酒吧式薯條🧄大蒜蜆及青口桶🌟勁蒜香🌮墨西哥玉米卷（雞肉）🍕Margherita Pizza🌟好軟熟，邊夠脆🍕辣肉腸 Pizza🌟足料🦐香煎蒜蝦🌟勁蒜香🍄‍🟫黑松露野蘑菇燴飯🌟飯口感剛好，菇味濃🍝三文魚意大利麵🌟麵夠煙韌🥩安格斯T骨牛扒🌟五成熟烤得剛剛好真心講每樣都幾好食，夠香👍🏻👍🏻份量又足🥰特別推介嘅已經🌟咗啤酒仲有買一送一優惠添🍺🍺🍺🍺老闆好好人，四位小朋友每人送左一個朱古力味雪糕球👍🏻👍🏻

馬鞍山只有we go mall 可招待狗隻， 而we go mall 可比狗入的， 只有2間？而此間是其中一間， 可接受狗隻入內， 可以坐seat 位＜起碼唔會話要放入狗袋， 要坐狗車， 又話坐地下＞✔️✔️起碼可以跟狗狗一起坐進餐。2人試下特色墨西哥菜。Mexican prawn quesadilla $158。 6分＜＜不像menu相, 蝦細粒又少＞墨西哥玉米蝦餅chicken saltimbocca $188 。4分雞肉沙丁吓， 雞卷？ 普通煎雞柳喎。。。＜好一般！！！＞總評。食物。 唔太墨西哥菜， 沒有風味特色。 5分環境。 可比狗入內。 7分（加1分）服務。 7分食物ok, 但實物與相好多出入。

見食評唔錯走去試下，試左兩樣嘢：墨西哥餡餅揀左雞肉餡，幾cheesy，有yogurt，番茄等配料，唔油膩又幾fresh。另外叫左rib eye，grill得唔錯，係多筋左少少，跟薯菜都幾飽。隔離檯慶祝生日有播生日歌係加分位。overall，整體水準幾好。

正宗的墨西哥菜。作為墨西哥菜愛好者，我很興奮地來試試這家餐廳，結果並沒有讓我失望。走進餐廳，坐係最近門口卡位，因為帶住mocha。侍應友善又周到，確保我們從頭到尾都有愉快的用餐體驗。提供了各種傳統的墨西哥菜，pizza 及飲品。T骨扒，烹調得恰到好處。肉質鮮嫩仲有炭火味，pizza 都幾好食😋都好大份，4個人都食唔哂。最重要pet friendly restaurant。作為一個養狗🐶，我好想每餐mocha 陪食，ps mocha 係只睇無得食。價錢方面:4個人賣單千幾蚊，坐得舒服😌

第一次同我爸爸媽咪黎食，今日慶祝媽咪生日一行四人，叫左4樣野，每一樣食物都係中上程度，我係今日喺OpenRice book埋單仲有9折！我喺OpenRice 上remark左甜品上要寫上媽咪生日快樂，好喇 到我地4個都食完啲主菜 唔知係supervisor 定waiter 走黎問要唔要點dessert(其實呢樣唔係必食）因為我都驚媽咪爸爸年紀大、食唔倒太多野、所以我就跟這位staff講不用了，然後突然之間佢地拎左一個生日雪糕俾我媽咪，碟上仲寫左happy birthday mummy、仲即係播左首生日歌，呢一件事真係有驚喜倒我地，我即係有個感觸，而家好多間喺OpenRice訂枱既餐廳就算mark左甜品寫生日字，上菜都可以忘記左寫*生日快樂*呢幾個字，我希望香港啲餐廳可以都有返多少人情味，只係少少既舉動，令客人深刻，一定會再幫襯！全店只講英文👍🏻👍🏻staff真心好nice,正常餐牌價錢唔貴，9折後仲抵食

慰勞吓👦呢排咁辛苦 帶佢去到恆安附近We Go Mall食西餐身為食肉獸 一開menu 已經知要叫啲咩食 😆等嘢食期間 見餐廳大多都係街坊 仲有唔少樂悠人士 🤓睇黎都有保證呀吓 😋 🔹️EL Toro 混合烤肉拼盤 🍖🥩🍗🦐呢個拼盤犀利 搞到平時多數淨係影相嘅我都要為佢拍片 🎥有雞胸肉 大蝦 牛扒（無得揀成數）坎伯蘭香腸 豬肋骨 炸粗薯條同南瓜 紅蘿蔔做配菜一上枱 異口同聲一齊哇 隔離枱樂悠情侶都一齊哇 😆😆😆😆豬肋骨個sauce好好味 😉牛扒就有啲啲嚡 但味道ok 嘅雞胸反而唔嚡喎 個面仲鋪咗啲麵包糠嘅嘢大蝦新鮮 😁 食到咁上下 個pizza到喇 已經打輸數要打包 🤣 🔹️意大利辣香腸手拋Pizza 🍕 芝士成功拉絲 🧀 又夠熱辣辣pizza皮好鬆軟 🤤 個底又夠脆 🌟好食過連鎖店多多聲 飽到要打包3件pizza走 🥴 ✅嘢食質素絕無欺場✅寵物友善✅有室外座位❗基於We Go Mall都唔算方便 所以商場有提供shuttle bus去新港城只要食夠金額 去地下服務處 可以換shuttle bus 嘅飛 每半個鐘一班 （我哋食完咁啱走咗班車 所以選擇行半個幾鐘番屋企 當消化吓

今日出左去馬鞍山行下，到差不多食飯時間就睇下附近有咩食啦。發現附近有個We Go Mall，睇下啲野食又好似唔錯，咁啱又有啲想食pizza，咁就過嚟試下啦，我地叫左1個小食，1個pizza，1個意粉再加2杯野飲，相當滿足呀。Pop Corn Chicken一上枱已經覺得好正，食落口卜卜脆，啖啖肉，配合埋佢既辣汁同酸汁，相當開胃👍🏻👍🏻Margherita Deluxe先講個餅皮，十分鬆軟。再然後芝士味道十分香濃，再加埋啲車厘茄酸咪咪既味道，正👍🏻👍🏻Wild Mushroom Linguni忌廉既味道十分之香，已經菇菌既味道十分之香，同時意粉亦煮得啱啱好，不會過硬過軟，而且每一條都吸到個汁，正👍🏻👍🏻最後呢2杯朱古力同土多啤梨既smoothie 都相當出色，估唔到今日到馬鞍山咁有驚喜😍😍

今日同奶奶提前慶祝生日🎉🎂 見BB今朝早起身，一早就去We Go Mall行下新開既文具佬生活百貨，都幾大，BB食品仲幾抵買👍 行完就去食中午特色巴拉蒙迪 $148 其實係一款沙律黎架，抵下係黎麥，上面放左條香煎澳洲肺魚，好大件好厚肉無骨，啱晒BB食松露蘑菇雲吞 (奶油醬) $150 好Creamy好香呀，勁好食😱 真係好好味墨西哥玉米捲雞肉 $138 好多雞肉，少少辣，呢款較濃味，最中意牛油果同白色既醬料係馬鞍山有呢D特別菜色，真係幾有驚喜❤服務員全部都唔係香港人，仲以為要講英文，點知佢地既中文好好，服務都好好，拎張BB椅俾我時，仲幫我用濕紙巾抹左先俾我P.S. 經Openrice訂位有9折🚙星期一至五消費滿$200，免費泊車2小時，消費滿$300，免費泊車3小時。星期六日消費滿$300，免費泊車2小時

呢間餐廳嘅員工非常nice食物質素非常の好有驚喜再+上佢地係Pet Friendly食過好幾次真係百吃不厭所以已介紹咗好多朋友試因為食過幾次水準冇變差所以先寫呢個食評真係得食過之後都1定會再返轉頭

馬鞍山沙漠中唯一會不停encore嘅西餐😍每次必嗌佢地個el toro pizza(推薦👍🏼👍🏼👍🏼👍🏼👍🏼)Pizza夠熱 餅底夠薄夠脆 最緊要佢配埋甜辣醬 perfect match 仲要新鮮熱辣出爐嘅拉絲芝士 芝士控最愛😋仲有pork steak(推薦👍🏼👍🏼👍🏼👍🏼) 平時食豬朳 好驚會韌 但呢度塊豬朳厚得嚟 啲肉好淋 好入味😍主食方面 推介松露蘑菇餛飩 黑松露味重 餛飩少煙韌 醬多得嚟吾會太膩 好好味😋(推薦👍🏼👍🏼👍🏼👍🏼)仲要呢度環境一流 有室外位置 pet friendly!!!所以平時都見到好多帶狗人士嚟呢度食👍🏼

朋友介紹就去試下啦。餐廳吾大，outdoor有幾張枱。天氣好可以選擇坐戶外但可能會有油煙味😅。我地食嘅時候就突然好大煙霧，不過好快處理好。食物種類都算多。食物質素都滿意。員工很友善。

搵到呢間可以帶埋寵物黎的墨西哥店😍😍😍🇲🇽職員服務態度好好，原來係印度人唔係墨西哥人🤣🤣🤣食物好大份，叫左玉米卷，有3塊，入面有牛油果醬🥑好好食好fresh，食完原來都好飽和牛漢堡亦大大份，有牛味，食完好飽薯條好好食👍🏻👍🏻👍🏻

吃過好多次，這本店人員非常親切，每次見到你都笑面歡迎你，平時只有幾位員工，中午可以食物要十五分鐘到，員工有空會和你吹下，問下你食物有冇需要改善好唔好味，佢哋食物水準保持很好，牛扒好正，六成出來剛剛好，pizza好大，要4個大先可以吃到，除非兩個人叫一個，當然我唔係好細食，佢哋係自己製作餅底，唔同其他叫餅底回來加配料，吃過就知道分別，飲品我們喜愛士多啤梨奶昔，新鮮水果製作，午飯套餐有飲品同甜品，記得果次焦糖燉蛋，正到我小孩自己一個吃，不過有限量，睇你當日是否整這個甜品，因為冇得散叫。