FATTYBOI Pizza and burger

营业中

休息中

依間外國風情既外賣pizza店距離輕鐵站5分鐘內，都幾方便。店鋪設有開放式廚房，讓人看到食物製作過程👀等顧客點餐後即時製作，非常正！我叫左個pizza，店員即時拉皮、放配料及入焗爐； 亦叫了個漢堡，佢即煎和牛漢堡扒，睇到流晒口水🤤。Meat Lovers 招牌食肉獸手工薄餅份量超大，而且配料好足，我最愛鹹香既莎樂美腸。表面鋪上大量芝士🧀️，好惹味。煙肉芝士和牛漢堡和牛漢堡扒好正，多汁juicy，塊扒又厚而且彈牙。仲要加芝士煙肉令整個漢堡包🍔好豐富。蒜香脆雞翼即炸小食好脆，雞翼係單邊雞翼更容易食。脆皮加左蒜香，好好味。黑松露醬薯條🍟&黑松露脆蝦炸粉好薄而且即炸，外皮好脆，脆蝦好彈牙；黑松露醬好香同好滑身，味道唔會過鹹香。餐飲：啤酒&可口可樂若選擇食套餐會包括餐飲，若配小食我覺得選啤酒更「gur 」

經過見呢間新開PIZZA店幾多人排隊等拎外賣，就心思思去試下💓超級至尊手工薄餅 $123薄餅餅皮口感鬆軟彈牙有筋度，帶有麵粉香，面層舖滿厚厚嘅芝士同各樣配料，有番茄醬、水牛芝士、意大利辣肉腸、火腿、野生蘑菇、洋蒽、羅勒、黑橄欖等等，味道豐富💓蒜香脆雞翼 $45單骨雞翼炸得非常酥脆，內裡肉質保彈牙嫩口，而且蒜香好出，幾好食，份量都幾多，可多人一齊分享💓西班牙朱古力Churros $42想食甜品，所以點Churros食，一份有四條，每條都炸到外酥內軟，面層有少少肉桂粉，點上朱古力醬一齊食，一咬之下，原來Churros入面已經塞滿又濃又厚嘅朱古力醬，西班牙經典小食，每一啖都被滿口香濃嘅朱古力衝擊味蕾💓可樂兩支💸平均每位消費 $120

漁夫芝士手工薄餅🍕🧀   $135元朗開了一間新的pizza外賣店😛終於不用只是吃Canadian Pizza了，可以試一下新餐廳😆pizza真是手工的，即叫即刻看着他整😌 看着他放了滿滿的芝士🧀大滿足，海鮮份量都ok,最喜歡彈牙的蝦🦐Pizza 份量都大，夠2-3人吃～～ 煙肉芝士和牛漢堡🥓🍔    $85強烈建議即食！！🙈 一個店員整Pizza🍕,另一個店員整漢堡🍔，他兩邊包都會幫你煎一下，煙肉也煎得脆脆的🥓中間和牛肉餅超厚超大，整個漢堡份量應該是Big Mac差不多🤣而且這個餐還包括了薯條🍟和各式醬汁，最正的是有黑松露醬🤩 即製Doughnuts 🤩  $135/6看到有Doughnuts,當然要叫‼️Doughnuts 有6款口味：檸檬蛋黃醬🍋，草莓🍓，朱古力🍫，雜莓，白朱古力🍫，芒果🥭小妹最推薦檸檬蛋黃醬味🍋味道最特別，酸酸甜甜而且很清新的味道👍其次是朱古力味🍫如果喜歡吃金莎／Nutella的話就會很喜歡，完全就是那個味道，超甜的～～ 黑松露脆蝦🍤   $52炸蝦🍤有大概7，8隻，炸得很脆，配搭很香的黑松露醬，是很不錯的小食😌 可口可樂🥤   $17很少見它不是給罐裝，而是支

呢間喺元朗嘅小清新店鋪，門口有個大玻璃可以望住Pizza點整🏡 影相打卡滿分📸！🍕佢哋嘅招牌手工Pizza，餅底酥脆邊緣微焦，餡料滿滿當當，每一啖都係匠心！特別係超級至尊，直擊靈魂嘅美味，令人欲罷不能！🤤🍩講到冬甩，外皮金黃酥脆，士多啤梨味內餡個人覺得麻麻，不過熱辣辣口感軟熟，幸福感爆棚！❄️🔥💖推薦理由，當然喺“手工”嘅魔力，令每一道菜都充滿住溫度同故事。食材新鮮，味道層次豐富，絕對喺吃貨嘅天堂！👫唔好猶豫啦，快啲帶埋朋友仔一齊黎Fatty boy享受呢份獨特嘅手工美味啦！🏃‍♀️💨🏷️ #新開好吃探店# #手工Pizza控# #元朗美食地圖# #Fattyboy必吃# #冬甩新體驗# #美食打卡日記#

有朋友推介話好好食，所以就即刻試試佢。散叫咗pizza, burger, 薯條, 雞翼。Pizza好食，感覺到係手工嘢，唔係hea整嘅，個邊仲有醬可以點，所以解決咗一班食餡唔食邊嘅大嘥鬼👻Burger 我覺得好好食，係雞burger, 唔鞋, 好多菜，多到好似以前某炸雞店嘅菜絲沙律咁，好正！相中嘅burger已經急不及待比我切開咗，所以影得唔靚📷雞翼係單骨，容易食，辣辣地。薯條正常發揮，唔會太鹹。店家出手大方，用心經營，希望長做長有，如果想係元朗食pizza, 呢間一定係首選👍🏼

之前行過見到呢度有間新裝修嘅Pizza店，因為兩個小朋友都好鍾意食pizza ，所以今日帶埋佢哋一齊過嚟買外賣我哋買咗一個原味經典pizza同埋雞翼，買嘅嘢雖然唔多，但係老闆好好人，笑容滿面態度好好，仲送咗兩個冬甩俾我嘅小朋友🥰至於食物方面我覺得性價比高，價錢唔貴，味道都唔錯喎☺️👍🏻最鍾意係pizza跟咗兩個松露忌廉醬比我，第一次試咁樣食，點咗嚟食我覺得味道仲好🍕酸酸甜甜帶啲松露香味，食落冇咁漏

經deliver woo送到，好快就收到！所有用料都好新鮮 ，漢堡扒夠Juice且有牛味！爆肉汁！漢堡包份量比其他的足料！薯條都好味，是炸得脆脆的，如果份量多啲會更加好！

叫咗個巴馬火腿Pizza同埋薯條！pizza 配料嘅份量都好足火箭菜睇相都見到青BB好新鮮！而且個Pizza邊都煙煙韌韌，佢仲會附帶一個黑松露醬汁嚟點嗰邊！薯條有三款揀一個係普通薯條一個係有調味料粉而另一個黑松露薯條！我今次揀咗有條味料粉嗰隻好香脆好惹味！而且價錢超級親民實惠！夠2至3個人食嘅份量都係百幾蚊，如果比較大食嘅話可能淨係夠兩個人🤣🤣薯條都係二十零蚊而且大大份熱辣辣！真心推薦喺元朗附近住嘅居民試吓！我自己啱啱搬咗過嚟一年左右覺得附近都冇乜特別推薦嘅Pizza，居然比我無意中發現呢間新開嘅小店舖，希望大家都可以去試吓支持一下已經為數不多嘅舖頭仔！！今次其實已經食咗第三次，真係覺得好好食所以特登獻上我第一次寫嘅食評，用我微薄嘅能力支持下間舖頭！！如果大家覺得我講得一嚿嚿或者好唔順暢請多多見諒唔好意思🥹🥹