Felice Cafe & Pasta (已結業)

銅鑼灣希雲街不嬲都餐廳雲集而且質素都好高今日就嚟到呢間出名又黃又高質專賣意大利粉嘅餐廳Felice食晏牛油果卡邦尼意粉$88 🥑第一次食用牛油果煮嘅意粉估唔到出到嚟嘅效果又唔錯牛油果本身已經好熟所以又淋又軟 用上大量芝士 忌廉所以忌廉汁好厚身 濃郁仲有一隻生蛋黃俾你撈埋一齊食令意粉更加滑身 香濃巴馬火腿火箭菜薄餅$88🍕估唔到小店都有薄餅食而且份量唔會太大 一人食啱啱好面頭鋪滿左意大利巴馬火腿同火箭菜 餅底鬆脆炸西西里島米丸子$48呢個好特別 喺香港冇其他地方食過用西西里島米包埋芝士一齊炸成球咬開嘅時候啲芝士仲可以拉絲 好特別Oreo碎草莓乳酸 $42呢款係用咗士多啤梨加乳酸酸酸甜甜幾好飲而且上面鋪滿左Oreo碎Presentation幾靚Blue Ocean $42藍甘桔 檸檬汁 梳打呢款就係較為少甜嘅梳打加入左藍甘桔 檸檬汁 幾清新同開胃

假日三點幾來到, 好彩唔多人等, 10分鐘左右就入到. 希雲街出名多嘢食,今次試吓食冰隔離呢間西餐小店.入面其實座位不多,用餐環境稍嫌狹窄.飲品方面叫咗iced mocha 同埋 iced latte.我覺得iced latte 麻麻哋, iced mocha 反而有朱古力味彌補番唔夠嘅咖啡味,不錯.主食叫咗兩款, 海膽黑松露扁意粉同埋茄汁大蝦扁意粉:海膽就正常發揮,冇話特別鮮甜,反而黑松露忌廉汁非常濃郁,意粉亦十分掛汁，仲有少少菇類。 大蝦意粉有兩隻彈牙熱辣辣嘅大蝦🍤，意粉同菇同上一碟其實一樣，只係汁有不同，亦十分好吃。

年二十九，約咗朋友行維園花市，去之前食個lunch先。好耐之前嚟過呢間餐廳食Dinner，印象中嘢食唔差，今日就帶朋友去試吓，原來佢哋有午市套餐，選擇都唔少，佢哋應該會一段時間就會轉餐牌，而且款式都幾特別，今次去食，同上次去完全唔同。睇吓今次有咩特色意粉先，冬陰功忌廉海鮮扁意粉？個名好特別，唔知好唔好食呢，鍾意試新野嘅我梗係要試吓先啦，穩陣起見再叫多個燒汁豚肉意粉，每個餐都包沙律&飲品，可以加錢轉特色咖啡或特飲。冬陰功忌廉海鮮扁意粉 - 有驚喜，望落似白汁意粉，食落有強烈冬陰功味道，會食上癮，必食！燒汁豚肉意粉 - 賣相還可以，但係味道超好食，醬汁味道好，食完冬陰功，再食呢個，都食得到燒汁味道。好特別，食完燒汁豚肉意粉，再食返冬陰功忌廉海鮮扁意粉，又有另外一種味道。今次試咗佢哋ice mocha & 黑糖鮮奶咖啡，2樣都唔錯，咖啡味道濃郁，不錯選擇。餐廳位置不多，但客人好多，所以都要等位，我哋好好彩，等咗大約10分鐘就有位，價錢實惠，高質食物，特別鍾意佢哋嘅意粉，煮得好好味，值得推介。

年初三 情人節，好多餐廳無開，有開嘅都排曬長龍，好彩夠好味，值得等！！💕牛油果卡邦尼意粉超creamy嘅意粉！意粉都夠彈牙，牛油果同啲汁撈埋之後變咗濃郁嘅蛋黃味，相熟適中，口感一流！🤣蟹肉鹹蛋黃意粉呢個意粉偏乾身，食得出鹹蛋黃嘅味道，如果可以再濃少少會更加好！牛油果卡邦尼意粉份量好多，但係鹹蛋黃意粉份量偏小，唔知點解會爭咁遠？鹹蛋黃意粉男仔同伴表示：食完唔夠飽！碟豆花葡萄柚梳打梳打氣泡十足，又唔會過甜，like👍🏻👍🏻牛油果沙冰牛油果味比較淡啲，有牛油果粒口感係入邊，麻麻哋🙈

蟹肉鹹蛋黃意粉 $98蟹肉、鹹蛋黃份量好多，每一條意粉都沾滿濃濃的鹹蛋黃，用了扁意粉，意粉乾爽彈牙，時間煮得啱啱好。海膽黑松露忌廉意粉 $145一上枱黑松露醬好香，配上甘甜的海膽，忌廉汁香濃，食落好creamy，唔會太膩，份量十足，食到好滿足。Unicorn $48用了新鮮藍莓、火龍果製成沙冰，入口清涼冰爽，咬到粒粒的火龍果籽，估唔到可以咁夾，好fresh，一層厚厚的cream，顏色鮮豔，好啱少女影相打卡。Blue Ocean $42 一望充滿海洋感，藍柑桔酸酸地，配上梳打、彩色椰果，又吸睛又解渴，感覺非常夏天。

希雲街不嬲都多黃店，一心抱着去支持下食好嘢嘅心情，入到嚟呢間餐廳。本身諗住人多都唔緊要，坐得好迫都唔緊要，因為有膠板格住，不過膠板彎彎曲曲，頂住人哋個頭，上面貼嗰啲文宣memo好多塵。不過黃店唔緊要啦，照坐。落完order就後悔，淨係得幾粒細細粒嘅雪藏魷魚蝦乾都可以叫做海鮮意粉？個開水嘅冬陰功醬鹹到腎虧，連加水嘅份量都拿捏唔到，點解仲可以有人話好食？仲可以有咁多個好評？另外，杯奶茶室溫嘅，啲沙律菜又唔晾乾水。

銅鑼灣希雲街美食雲集，午餐時間經過總見到人龍處處。今次到訪的Felice Cafe & Pasta 我早已想試，之前更特意和友人相約去吃，但無奈當天店主休息沒有營業。今次終於有機會吃，實在高興。蒜香雜菌炒意粉爽口彈牙，口感油潤滑溜。意粉帶淡淡蒜頭和香草味，加上雜菌的菇菌味道，香濃好吃。可惜雜菌略少，若能夠增添份量，相信意粉味道會更豐富。Unicorn是以紅肉火龍果、藍莓打成的沙冰，紫紅色鮮豔，色澤奪目。頂層還擠了厚厚一層鮮忌廉，十分吸引。沙冰味道清新開胃，冰凍消暑。不過帶點點碎冰顆粒，口感不夠綿密，期望下次店主可以把沙冰打得更細緻幼滑。

一直都知銅鑼灣希雲街一條內街，有好幾間食店，發現呢間門口係特別多人排隊，就湊熱鬧排下，食完就會發現點解咁多人排隊之餘，到食完都仲有人喺門口排緊，裡面侍應係忙到無停過，但食物仲保持到質素👍🏻求其揀咗兩款主食都同樣出色😍首先嚟咗個 酥炸軟殼蟹蟹膏醬燴飯 ($118)，出面食既燴飯個飯底係無咩味/忌廉味重，但呢個燴飯係成個飯都好香濃既蟹膏味，係令人一啖接住一啖咁食，而個飯底硬度適中，唔會過硬過軟，同埋平時會漏到食唔曬個飯，但今次竟然可以清曬，真係不可錯過既一個燴飯😍另一個主食係 海膽黑松露忌廉汁扁意粉 ($138)，份量十足，食極都仲有咁，上面既海膽鮮甜美味，食咗個海膽先食熱辣辣既意粉😅黑松露忌廉汁，質地唔會太過好杰身之餘亦唔會太漏，又係好味到清曬😅Ice Latte ($45) 唔知係太多人太趕定點，呢度既凍咖啡係會直接落埋糖水，糖水唔係另上，如果平時飲開咖啡唔落糖，可以落單果陣講明走甜，因為飲第一啖發現 內心諗「e..落咗糖水既🤔難怪無跟埋一小jag糖水啦」不過個咖啡base係好飲既，好香濃咖啡豆味既咖啡，熱飲應該仲好飲😍牛油果乳酸沙冰 $42係新鮮牛油果整成既沙冰，飲既時候見到牛油果新

話說某日經過銅鑼灣希雲街，見到有間cafe勁多人排隊，門口又好多文宣，然後就喺心入面bookmark咗～試完就發現真係又好食又抵😍，唔怪之得咁多人排隊啦！佢仲有好多款意粉都好吸引，我哋一定會翻兜再試💛.▪️蟹肉咸蛋黃意粉 $98▪️扁意粉一上枱已經超香咸蛋黃味，估唔到咸蛋黃同埋蟹肉超夾👍🏻！意粉煮得啱啱好，唔會太硬/太淋，仲保留到應有嘅口感，同埋份量都幾多，我哋兩個女仔share都夠食🤣▪️蜜糖蒜茸炸雞翼 $48 4隻▪️平時喺其他餐廳食呢款雞翼都係蜜糖味勁重，完全蓋過蒜味，但呢間將兩種味平衡得好好！好香蒜味之餘，外面仲有一層蜜糖包住，超好食呀😍

今日去到銅鑼灣良心小店，真係好小店，因為鋪頭位置真係唔多，出面又大排長龍，我哋排左一陣都入左去坐低，因為排左好耐隊，所以一早睇定食乜，一坐低就即刻叫野食。酥炸軟殼蟹蟹膏醬 $118全隻軟殼蟹係意大利飯上面，雖然賣相唔太大驚喜，不過軟殼蟹就好脆口，飯就好重忌廉蘑菇味，都唔錯，幾好食。無花果巴拿馬火腿雜菜沙律 $78沙律菜都好fresh，唔會好爛咁，而且無花果好新鮮，無花果沙律唔係好多地方有得食，所以感覺都幾特別。Unicorn $48火龍果+藍莓沙冰，偏甜少少，不過都幾好飲。Iced Mocha $45Mocha等耐啲，而且相對上比較上冇咁大驚喜。Overall黎講，真係好熱鬧，門口好多人排隊，不過早少少去都係一個唔錯嘅選擇，而且野食都唔錯。

星期日嗰日同朋友去銅鑼灣行街，下午接近兩點嗰陣有啲肚餓。途經呢間cafe，見到有好多人食緊，應該幾好食，所以就入去食lunch啦。我哋一人叫咗一個意粉加一杯飲品。🦀蟹肉鹹蛋黃意粉 $98呢個意粉係扁意粉，鹹蛋黃味幾濃， 撈埋食又唔會太膩，仲有少少蟹肉添。碟意粉都幾大碟，應該就算男仔食都會夠飽。🦐明太子蝦肉忌廉意粉 $108呢個明太子忌廉汁勁濃，仲好creamy，我覺得好食。不過相比起個蟹肉鹹蛋黃意粉就會膩少少。蝦有五隻，本身以為係普通蝦仁，食落發現佢應該煎香過，蝦味仲好重，有意外驚喜。🥑牛油果乳酸沙冰 $42唔會太甜，幾好。同埋可能因為有牛油果，所以口感都幾creamy。🍹Unicorn $48係藍莓沙冰+火龍果沙冰+cream。飲落甜甜地，幾清新，同埋火龍果味幾濃。因為我鍾意火龍果味嘅飲品，所以我鍾意呢杯多啲。將啲cream撈埋落沙冰入面，口感就更滑啦。不過我覺得如果有粗飲管會好啲，幼飲管有少少難飲到，我頭幾啖係直接用口飲。呢間啲食物真係幾高質，所以到我兩點幾食完走嘅時候，成間餐廳都仲係滿座，其實都幾犀利。

咁啱朋友終於得閑，淨係返半日學，可以約到佢啦～希雲街有好多小店, 見呢間有lunch set, 價錢合理，所以我哋就揀咗Felice Cafe & Pasta💛。餐廳細細間，有一排高枱，另一面係四人枱，仲有唔少memo同連豬。我哋就揀咗2個lunch set(包沙律)加特飲🍹。冬陰功忌廉海鮮扁意粉 $76意粉好大碟，坦白講一個女仔應該食唔晒，大家order時不妨可以叫少啲意粉，唔好浪費。意粉好creamy, 帶有少少冬陰功嘅辣味😋，幾開胃又特別，而且，每一條扁意粉都會掛上冬陰功忌廉👏🏻，會容易啲飽😂。另外，意粉加咗唔同嘅海鮮，例如青口、蜆仔、魷魚圈，都幾豐富咖！燒汁豚肉意粉 $66呢款都係咁大份😆，燒汁都好足，夠撈晒全部意粉。意粉另外配上三色椒炒，色彩繽紛。我覺得意粉除咗以燒汁炒，仲加入唔少黑椒，咁就令成個意粉惹味啲。豚肉份量都多又香口。Unicorn $48 (原價)叫unicorn真係夠晒夢幻，而且佢個樣都好吸引，啱晒影相打卡😘。原來佢係blend咗火龍果同藍莓做沙冰🍧，又紅又紫，再加上cream on top，飲落去好fresh。間中仲會咬到火龍果籽，真係新鮮又足料。牛油果乳酪沙

Lunch hour嚟到銅鑼灣希雲街周圍都好熱鬧，今次就揀咗Felice Cafe試試😋午餐送迷你沙律，以黑醋同橄欖油調味夠健康～蒜香雜菌意粉貌似簡單但食落出奇地美味－意粉軟硬度適中，每啖都充滿住好香嘅蒜味，唔會因為冇醬汁而變得單調，加上炒香咗嘅雜菌，香味十足。燒汁豚肉意粉就有日式西餐炒意粉嘅味道，意粉一樣沾滿燒汁，薄片豚肉入味唔老，仲有三色椒同洋蔥增添口感，帶啲油份唔會乾爭爭。午餐本身跟奶茶檸茶，但嚟到cafe都想試下啲特飲－牛油果同乳酸對腸道健康亦都好有益，打成沙冰清新易入口；菊花蜜滋潤養生，啱晒長期對住電話電腦嘅上班族。

一向喜歡支持香港小店，皆因都是用心經營，食材質數唔會咁商業化，餐廳過哂Lunch hour依然坐滿食客...朋友果然無介紹錯，揀咗款比較特別嘅Lunch Set 「冬陰功忌廉汁海鮮扁意粉」賣相似Carbonara, 放入口第一啖已經有驚喜，無諗過冬陰功味道加入忌廉汁可以咁夾，忌廉味好香濃, 夠哂多汁。重點係肉眼看不見嘅海鮮，混入意粉內，每啖都好有口感。沙律菜好爽口新鮮。飲品夠特式，試咗新鮮紅肉打出來嘅沙冰，健康又唔會太甜👍🏻面層嘅忌廉仲打得好夠軟滑。真心推介💯💯💯

here with my friend today for lunch, we ordered their specialty pasta - avocado carbonara🥑 which was ok and above average, and one of their lunch sets - pumpkin coconut 🥥 risotto with fried chicken. the lunch set was really cheap, only $70 +10% with a cup of drink and salad 🥗 coming along. However, the risotto and fried chicken wasn’t well cooked and both a bit raw, sauce tasted awkward and couldn’t finish it today. although i think it looked attractive, would definitely not recommend this dish