Fish & Chick Plus (已結業)

好朋友兼同事要離開公司了，三個人在愁到哪裡搞個飯聚時都很頭痛，畢竟觀塘餐廳雖多，物有所值的佔少數。思前想後我提議了 Fish & Chick,。雖然開業不久時的水準令我給了一隻黑豬，但事隔都差不多一年，決定給它多一次機會，望能扳回一些分數。餐廳氣氛casual, 十分適合三五知己輕鬆用餐，飲杯啤酒，午餐較早時段位置鬆動，高檯亦坐得舒服。午餐menu $100 左右，不便宜，但最重要物有所值。我點了 fish and chips, 要了鱸魚（$98）。香烤芝士大啡菇配車厘茄正正常常，味道自然地由黑醋和火箭菜主導，微鹹的芝士平衡了黑醋的甜酸，開胃菜是合格的。本地鱸魚物價騰貴，份量還算可以，先講作為配菜的薯條，剛剛炸起熱氣騰騰，內身熟透軟爛，蘸點茄醬或他他醬都好吃，強烈建議要加青豆蓉！魚外皮炸得香脆，沒有像上次見過的皮肉分離，完全各走各路。滴少許檸檬汁可降油膩感，檯上還有麥醋提供貴客。雖然鱸魚好吃，有魚肉鮮味，不過比朋友點的盲曹稍遜。盲曹魚味更強，入口時外皮香脆，魚肉有質感而且味道強烈就算配了醬汁也突出。朋友滿意今天的午餐，Fish & Chicks 觀塘店也重返我的餐廳list。

女小編係觀塘番工多年，見証工廈美食既興起🤣 講真，日日lunch食吾同餐廳都可以食足半年。要係工廈臨立既地區站穩腳確係吾易。fish&chic 開左幾年，都係同同事食過1-2次。今次一於同男朋友黎食下。叫左一個fish & chips(藍鱈魚) $88 同香蒜片辣意粉$68 Fish & chips 炸皮唔會好厚粉，食落鱈魚幾滑，炸得剛好，不過都係有小小油😉 薯條都Ok, 橄欖油香蒜片辣意粉雖然主菜好似好Dry, 不過食落幾好食！😋 蒜香好濃，食落唔會好辣👍🏻

出席首映禮之前, 先在這裏吃個晚餐 ....Menu ~薑汁梳打 $ 38 : 這杯梳打是用新鮮薑打成的, 薑味鮮而不太辣, 加片檸檬, 味道一流 ~英式炸魚薯條 (銀雪魚) $ 140 : 炸魚可以自行選擇魚肉, 我就點了銀雪魚 ; 這店依照傳統用啤酒漿來作炸漿, 炸成的魚柳大約有三隻手指的厚度, 外皮炸得金黃酥脆, 新鮮又香口, 魚肉的肉質既結實又夠鮮嫩, 吃起上來非常有咬口感, 味道鮮美, 魚香滿溢而且油膩感不重, 十分好吃 ; 薯條算是粗身, 炸得金黃色, 薯味夠香 ; 青豆蓉是追加的 (另加 $25), 味道也十分不俗 ~本篇完 ~

今日請我的最愛食好野，諗左好耐究竟食咩好呢？我想食一d我地未食過的菜式，咁岩呢個時候我就諗起幾個月前我地講過想食正宗的炸魚薯條，所以最後就決定左食英國菜。由門口影入去的環境，今日我們18:15到，驚喜地竟然冇人，我們包場咁濟。由於冇人的關係，所以靜靜地，環境唔錯，直到18:45左右，開始人流慢慢多，不過直至我走為止，都只係坐左半個場，是日人流唔多。餐牌：2人餐餐牌，$298再加一，不過我們預早卜左位同埋show左張openrice優惠券，所以九折，即係當免加一啦！所以建議大家黎食預早卜位同埋問下有冇優惠啦！首先上的係炸鮮蘑菇沙律，味道：7/10蘑菇球炸到脆脆，一口咬入去好有菇味，香濃菇汁滲晒出黎，皮炸得剛剛好，唔好太厚，第一次食脆炸的蘑菇，感覺特別。之後上餐湯，金黃色係粟米湯，8/10，本身我飲的唔係呢個，我同男朋友交換左，粟米湯搞到一粒粒碎晒，每飲一淡都有d粟米粒渣，好正，好香濃的粟米湯。另外一個湯我忘記左係咩😅😅我淨係記得有d胡椒味，不過都ok，我男朋友鐘意，我就都係鐘意粟米湯。開心滋味分享小食籃，8/10我最鐘意係炸蝦同炸魚手指，肉質好爽口，唔乾，另外魷魚都好食，好好口感，送酒一

老公好鐘意食煎炸野, 炸雞, 炸魚薯條呢d俾幾多佢都可以食哂, 不過佢知道我唔太喜歡, 所以我地兩個出去用餐佢盡量都唔會點呢類食物。😊今次因為同事介紹觀塘呢間店嘅炸魚薯條, 話非常好味, 所以今次就破例由我主動帶老公去食炸野🙈店位於APM隔離嘅亞太中心, 午飯時間地下好多人排隊等lift食Lunch, 不過呢間店電梯已到, 不需等lift😁店唔大, 枱唔多, 不過唔多人等位, 好快就入到座炸魚外層好香脆, 魚肉嫩滑炸魚薯條都幾大份食炸魚當然要配啤酒啦肉丸好好味意粉油左少少, 不過味道唔錯

昨天跟朋友聚會，原本選擇了附近另一間餐廳，但朋友因工作關係遲到，另一原因是該間餐廳的最後落單時間是晚上8:30，所以決定找另一間餐廳晚飯，最後選擇了這間。慶幸選擇沒有錯誤，其實此間餐廳我之前已經光顧，感覺都不錯，食物新鮮，雖然等候時間可能比較長久一點，因為此地方可以跟朋友聊天，所以感覺不會不是等很久。但我覺得不錯，因他們會當客人落單時才開始煮食物，所以食物新鮮，食物出來的效果不會冷，是熱騰騰的。是次order了一個二人餐，另加一款小食，有頭盤，湯，小食，主菜，飲品，我們另叫一款小食叫香草雞肉配蒜蓉包，很好味。

難得例假，中午起身做完gym都成兩點半，一落樓肚有啲餓，咁啱見到尼間餐廳，感覺都幾fresh，就膽粗粗入左去試下。Menu都幾簡潔易明，配合到餐廳既氣氛，雖然呢間餐廳嘅招牌菜係英式炸魚薯條同法式烤雞，但對於一個鐘意試新野既人嚟講，揀一啲冷門小小既菜式，先有挑戰性!最後我頭盤order左香烤芝士大啡菇配車厘茄，main就揀左雞肉捲薯蓉配黑松露汁跟可樂。可能因為過左peak lunch hour，啲野食上得幾快，大概等左10分鐘左右就有得食。👆頭盤大啡菇菇味濃郁，配上芝士車厘茄及甜黑醋汁，味道贊！以午餐頭盤嚟講，算系極有誠意之作👍👍雞捲來了！！ 雞捲肉質不鞋口，黑松露汁調味適中，不過最得我歡心都算係薯蓉了，滑得來香口，中間仲有啲煙肉粒帶出口感，食得出並不是坊間一般的溝水薯蓉粉，推薦大家！！

第二次黎，lunch time 時間都坐滿8成人左右，set lunch 平均100蚊左右，包前菜，主菜，飲品。前菜有煙三文魚沙侓，芝士焗大啡菇，餐湯 可以揀塊魚好大舊，薯條份量都多塊魚個皮好薄，好脆，唔會食落有粉感，魚肉好實同滑

除日式天婦羅外，其實西式的炸物~像薯條、炸魚之類也很吸引 (´・ω・｀)最近就發現了一家在觀塘~吃炸魚的餐廳！因為可以Book位的關係，那就不怕要等位等很久喲散點之如也有一些套餐，這很適合Share來吃~但建議4個人的話會坐得比較舒服我們有三個人～先點了一份 二人套餐 ($298)會有頭盤、餐湯、小食、主菜、意粉和餐飲。甜品屬於升級追加的部份餐飲選了 檸檬紅茶 (汽水的也是不用加錢) (*°▽°*) 也有一些特飲和生啤之類，但這些的話則需要另外加錢就是喔頭盤 - 炸鮮蘑菇沙律看到這款是以「件」作為單位，和朋友都認為這應該是沙律菜釀在菇上那樣誰知實際與我們想像是兩碼子的事來 (掩面)炸粉包著的蓎菇仍保留了滿滿的水份～外脆內頗鮮美(๑>◡<๑)  餐湯是香濃的 粟米湯 ～粟米粒已經打到溶，口感還是不錯的小食選了需要加錢的 - 開心分享滋味小食籃 (+$30)小食選這個也滿豐富啊。每款兩件的- 炸蟹肉球、炸海蝦、炸鮮魷魚和炸魚炸粉不會厚厚的，而且吃落感覺是現炸的。整體來說，這些海鮮也很鮮美。最喜歡的是鮮嫩的魷魚圈 (´・ω・｀)主菜當然要選 - 傳統英式炸魚配薯條 這個的炸魚

今次揀咗依間餐廳食。叫咗個二人餐。先嚟係煙三文魚沙律。佢個source係醋。本身麻麻哋醋嗰陣味。所以覺得一般啦。有兩種湯。一種係大蒜薯蓉。蒜味很重。很濃郁。另一種係粟米。好creamy。味道很好。加埋白色唔知係奶油定忌廉鹹鹹哋吊起個湯啲味依個係雜菜粒汁肉丸。調味都不錯。肉丸都微彈牙。濃濃醬汁配埋脆到爆嘅蒜蓉包很棒加錢upgrade嘅龍蝦汁大蝦意粉。有別食開嗰啲橙肉色龍蝦汁嘅味。有啲難形容但係係幾好味的。個蝦都爽口。燒雞配薯蓉。薯蓉味道不錯。重點係隻雞。啲皮脆到不得了。好香口。食落都好juicy雞肉唔會鞋。皮薄又唔肥唔多肥膏。正飲品正常。總結係每樣食物都不錯。但比較貴份量都唔多。環境算舒適。值得試吓

食了2人餐，如果大食既份量都絕對足夠，又麻煩員工充當攝影師，都盡量滿足我們要求，麻煩了很多很多，服務態度仍然超好，每次接觸都非常有禮貌🙏🏻🙏🏻🙏🏻，食物好食，有個菇沙律，冬菇咬開一半時好juicy ,燒烤雞翼香而唔乾，性價比高，推薦👍🏻

每次經過這間餐廳都有很多人，今次難得還有2個位，遲一點就要等位了！餐廳色調以藍與黃為主。除了有炸魚薯條還有很多意粉可供選擇！煙三文魚沙律配蜜糖勺草汁沒想到份量頗多的！略嫌沙律汁比較濃，不知道為什麼有一點酒的味道，加了三文魚物超所值。野菌炒扁意粉配黑松露汁黑松露香味撲鼻，令人垂涎欲滴！而且份量頗多，捲起意粉時會拉出芝士來，非常吸引！味道很好，濃度適中，有黑松露味亦不會蓋過忌廉味，略嫌意粉偏厚身，但整體很喜歡！傳統英式炸魚配薯條選的是紐西蘭藍鱈魚。是我很喜歡的粗薯條！這個薯條很好吃，熱烘烘、微脆的。但炸魚的有份略嫌比較多，咬下去時，油份滲出來，令人不想吃太多。見到隔邊的烤雞及煮蜆意粉很吸引，下次可以試試看！

系觀塘反左咁耐工，餐廳都試過吾小間，今次尼間系一亞太中心既Fish &Chick Plus終於令我有動力去打系OpenRice既第一篇食評.....其實尼間餐廳都系經同事推介先會有尼次光顧的經驗，不過真系＂不食不相識＂，食過先知原來有d料到上星期公司有一位同事生日，我地提早一日打電話book定位，浩浩蕩蕩一行10人就去食laaaaaaaa午市時間，系觀塘反工既人都知，食飯要排隊系必然的，好彩我地早有準備，提前book定，當日中午1245到的時候，餐廳已經半滿，淨反既枱9成都有留座，所以話尼，手快有手慢無😬😬講反佢地既午市套餐，其中包括頭盤+主菜+餐飲，價錢由$68起，午餐選擇系西式餐廳尼講算幾多，我當日就揀左蘇格蘭蛋配沙律+野菌炒扁意粉配黑松露汁+凍🍋紅茶。落單至上菜大概15分鐘左右，系即點既做既前提下，時間上算幾快，對於爭分奪秒既lunch hour尼講，加分！！上菜luuuuuuu蘇格蘭蛋配沙律: 各位觀眾，，，流心蛋😍好老實，前菜做到尼個水準，真系冇得輸👍👍野菌炒扁意粉配黑松露汁 ($88): 尼個pasta勁好食，意粉又有咬口，個黑松露汁好香，推介x100😋😋餐飮方面就正常凍0

朋友生日，想食炸魚薯條！發現觀塘有一間裝修不錯嘅餐廳，網試預訂仲有九折，一於去試下！套餐有湯、沙律/小食、主菜、仲有飲品！一行7人叫左3個二人餐加啲小食炸蟹肉丸，有種似曾相識嘅味道炸蘑菇好juicy呀！可惜冇得就咁叫一碟炸洋蔥圈好好味呢個必食，少少辣，好好味嚟呢度都係想食炸魚，主角出場，唔會好厚粉，魚柳好滑呢個意粉辣得好惹味西餐食雞肉質始終都係唔夠滑什錦拼盆大蝦長通粉，味道唔錯，個汁好濃郁卡邦尼意粉

Booked this restaurant using openrice and we were given a 10% discount. Ordered the two ppl course including fish n chips, salad with fried mushroom, minced chicken balls, garlic with chilly pasta, soups and drinks. Fish n chips were fried nicely and fish was thick enough but the fish was not seasoned probably (or it's not so fresh that I could only tasted the oil that was used for frying). Thick fries had good texture. Salad was very nice with the fried mushroom. There was some herbs and some o