Flames (鴻圖道)

营业中

休息中

今日放假同老婆去左Flames食lunch餐廳環境闊落,空間感十足 坐得好舒服 感覺好Chill。我哋order咗：燒烤醬燒丹麥豬梅頭配薯條豬扒烤煎外脆內軟配嫩滑，燒烤醬略帶少許炭烤味，薯條條條都炸到好香脆蒜香蟹肉香草扁意粉蟹肉份量好多，啖啖蟹肉，個汁好好食，下次要再encore!香煎魚柳配香草紅甜椒忌廉汁每一口魚柳都帶住淡淡既海鮮風味，搭配上香草紅甜椒忌廉汁，甜而不膩。上網睇甜品，同燒雞都好好食，下次再過黎試下

約左好耐無見嘅朋友黎觀塘食飯，揀左呢間分店，未入去已經聽到啲音樂。餐廳入邊有live，個氛圍好好，環境好舒服，枱與枱中間都唔會話好迫，聽到隔離講乜嘢。我同個朋友都唔係大食嘅人，所以就叫咗個脆皮原隻燒雞配薯條，成隻雞嚟嘅時候熱辣辣，個皮燒到啱啱好，唔肥膩唔油，但有好多雞汁，肉質又唔鞋好嫩滑！然後就叫左個蟹肉巴馬臣芝士蕃茄忌廉汁長通粉，每啖長通粉都有蟹肉，蟹肉係好鮮甜，配埋斑馬臣芝士同埋蕃茄忌廉汁，成件事好夾，啲汁同蟹肉嗍晒入去個長通粉度，大讚！ 👍🏻

與朋友慶祝生日，店內燈光調暗有駐場歌手唱live 很有氣氛。 店員送上畫好碟的同時，歌手還會為生日之星又彈結他唱生日歌👍食物方面好食之餘亦都好合理價錢，set 都係$228有主菜+前菜/甜品+飲品。可另加$38加多款前菜/甜品😊都幾彈性😊香草白酒煮青口（+$38），雖然細細粒但好甜🤩 配埋湯汁十分好味🤤芝士肉醬焗墨西哥脆片，香脆可口，作小食一流👍這裡的pizza 焗得很好，邊位外脆內煙韌鬆軟， 有大量芝士配黑松露磨，味道夾埋一起好香好豐富。美國安格斯西冷配薯條 （+$98）order咗牛扒要medium 外面煎焦香，切開內面鮮嫩粉紅色亦重牛味👍 肉汁飽滿食落唔會好韌，薯條是即炸，超熱辣辣食到停唔到口😋係餐各加$38加了兩個甜品，芝糕蛋餅就畫碟寫上 Happy Birthday 🥳 芝士蛋糕質感一般，不太結實的口感😅 而朱古力布朗尼配雪糕很重朱古力味，但太黏口，不是我鍾意的口感😅平日晚上19：00後都慢慢坐滿人，最好先book 位會穩陣d 😊 可能開始多客，問多兩句店員態度有點不耐煩，此點是扣咗分的。 總體氣氛環境食物都係很好不錯的👍

自從冇喺觀塘海濱走廊嗰頭返工之後，都好少過觀塘，除非想去駱駝漆買蛋糕或者食餃子🤭今日就朋友走過咗嚟觀塘呢間Flames，好彩由觀塘地鐵站行過嚟都唔遠～-原本都係諗住叫steak食就最穩陣，點知見隔籬枱叫Fish and chips（$158），個炸魚超巨型，就忍唔住叫個試吓。上枱見成個炸魚仲大過個手掌，一切開就見到啲煙噴晒出嚟，好熱辣辣😋但個魚仲keep到好滑，冇炸到過火👍🏻-而燒大蝦三文魚籽龍蝦汁扁意粉（$158）啲汁掛哂上意粉度，啖啖都好濃味，而大蝦肉亦都幾彈牙香口👍🏻-小食選擇唔算多，所以叫咗個應該最熱氣嘅避風塘雞翼🤣上面鋪咗滿滿嘅炸蒜，如果可以加番啲辣椒會更加惹味，配埋亂滑嘅雞翼就Perfect啦～-原來呢間仲有歌手現場唱歌，有人生日更加會行埋去彈結他唱生日歌，超有氣氛🥳啱晒想慶祝生日嘅人嚟～

週末最愛找一家有戶外坐位的西裝餐廳來個悠閑午餐從鰂魚涌小店開到觀塘的澳洲餐廳環境寬敞舒適裝潢優雅有格調，寵物友善餐廳設有室外用餐區域主打澳洲燒雞，有開放式酒吧提供多款特色雞尾酒主菜千島煙肉菠蘿和牛漢堡薯條用料豐富，賣相吸引蒜香蟹肉香草扁意粉軟硬度適中，鮮味十足，蒜香味濃避風塘雞翼酥脆可口，滲透惹味微辣的避風塘香美式咖啡濃郁回甘，點點滴滴在口腔裏迴盪著伯爵茶有著柑橘的特殊清香，茶香帶出悠然自得的感覺

趁放假星期六，搵屋企人出去食個休閒午餐之後去工廈行街。觀塘鴻圖道呢一間Flames非常有渡假風，Lunch set連餐飲$88起，出名好味的pizza set lunch都係$118，性價比高。🔸兒童餐-卡邦尼扁意粉 $78附送汽水或果汁，細細份啱晒小朋友自己一個食。🔸黑松露蘑菇扁意粉 $88黑松露味道好香，蘑菇份量多，扁意粉掛滿汁，索晒菇香味。🔸8安士紐西蘭肉眼扒配烤蔬菜或薯條 $198大贊的肉眼扒，5成熟拿捏火候剛剛好，smoked香味濃郁，增添多重風味。肉眼扒脂肪分布均勻，日落特別順滑，每一口都充滿濃濃嘅牛肉香味。原來Flames除咗Pizza牛扒都咁出色。🔸Cuppucino +$10都相當不錯，配合聖誕節都有用心做咗一個聖誕公仔造型。餐廳座位間隔闊落，坐得舒服，卡位好多，職員都非常友善，笑容好加分，今次用餐好滿意，值得推介。

👧🏻😋👅🍽✨觀塘舒適抵食lunch set🥰-🍽️ 我地一家weekend飯堂, 坐得舒服, 位置方便, 員工又nice, 基本上冇咩挑剔; main/pasta/pizza好多款式; Lunch set包飲品, 仲可以加配多款小食同甜品 -▪️Lunch Set燒烤醬燒丹麥豬梅頭配薯條 $128 BBQ醬甜甜地唔會太重味, 豬梅頭軟腍帶少少煙韌香草紅酒汁燴牛面肉配香草黃薑蕃茄飯 $98 紅酒汁用洋蔥同蒜煮層次好豐富, 牛面肉大大件好腍有少少軟筋, 撈飯不得了▫️Add-on是日餐湯 $18 南瓜忌廉湯幼滑香甜香草芝士蒜蓉包 $38 surprised佢用軟包唔係法包, 焗脆左口感外脆內軟更大對比; 香草蒜油完全融入香草蕃茄醬芝士肉丸 $48 肉丸大大粒好彈牙, 蕃茄醬好足料真係有粒粒蕃茄, 食完肉丸再食多兩啖茄汁好滿足是日甜品 $38 番石榴椰子慕絲蛋糕甜度適中, 兩種水果都清清地好夾

呢一間澳洲扒房風格餐廳Flames食嘢 因為真係超級高質素 主打手拉薄餅 夜晚有live music 🎶 🎵 好值得去 ⭐️Aloha pizza 夏威夷薄餅🍕即製手拉薄餅 餅皮煙韌 上面勁多餡料 有菠蘿火腿 聖瑪澤諾番茄 莫札裡拉芝士 ⭐️Seared Tuna 香煎半熟吞拿魚車厘茄沙律一片片嘅吞拿魚肉 外面煎到香脆 裏面粉紅色好新鮮配上薄荷醬 火箭菜 櫻桃車厘茄 特別開胃⭐️Truffle Mushroom Linguine 🍄 新鮮黑松露蘑菇扁意粉係我嘅心水之選 香濃嘅忌廉掛上意粉 有好多蘑菇做配料 上面仲灑滿一片片嘅黑松露 十分矜貴⭐️Pumpin soup南瓜湯 超級香滑 南瓜味 濃鬱⭐️Flames Lemonade Mocktail 🍹士多啤梨 加芒果汁 配上迷跌香香草 好fresh 好開胃 色彩好吸引 ⭐️逢一至五晚仲有happy hour 同 live music🎶 每次經過觀塘 我都會再嚟睇下有冇update下新menu

返工之前去咗觀塘食個靚lunch，餐廳環境好舒適，窗邊位置陽光充沛，可以好舒適咁享受lunch time👍🏻👍🏻👍🏻.✨黑松露薯條薯條好脆口唔油膩，食得出黑松露嘅香味，而且份量好多，可以兩至三個人share✨南瓜湯餐湯只需要加$18，南瓜湯好Creamy好香甜🫶🏻🫶🏻🫶🏻✨葡式香辣燒春雞配凱撒沙律差唔多每一台都會點呢個菜式，賣相已經好吸引！燒春雞外皮幾香口，雞肉好入味👍🏻✨意式辣肉腸pizzaLunch time嘅Pizza size好似比平時細少少，但係一樣高質，肉腸好惹味， Pizza批底脆口❤️✨iced mocha ✨latte .📍 Flames (鴻圖道) (觀塘)觀塘鴻圖道51號Two Sky Parc地下1號舖

最近又去咗Flames，餐廳真係好有氣氛，好適合同朋友聚餐！佢哋嘅菜單更新咗，brunch真係好抵食，實在太吸引啦！🍕🍝½葡式香辣燒春雞配香草黃薑蕃茄飯春雞外皮香脆，肉質鮮嫩，加上香草黃薑蕃茄飯，味道好豐富🍗🍚黑松露蘑菇扁意粉香氣四溢，松露味濃郁，配搭上滑溜嘅蘑菇，簡直係享受！🍄✨夏威夷薄餅薄餅底鬆脆，配上火腿同菠蘿嘅組合，甜咸適中🍍🍖炸脆魚柳手指外脆內嫩，搭配埋醬汁，真係唔錯Flames 唔單止食物美味，環境亦好舒服，非常適合聚會或慶祝！快啲約埋朋友一齊過來試下啦！🥳✨

觀塘呢間西餐夜晚6:30後有樂隊表演，感覺幾chill，環境又輕鬆，幾適合同一大班朋友gathering🍝蟹肉巴馬臣芝士蕃茄忌廉汁通粉蟹肉鮮美，巴馬臣芝士濃郁恰到好處。番茄忌廉汁唔會膩，成件事好順口。每口都能感受到海鮮同芝士好match，鍾意食海鮮嘅朋友應該都會心心眼🍕卡邦尼薄餅 卡邦尼薄餅坊間比較少見，薄餅配料又真係唔少，煙肉、鵪鶉蛋同埋幾種芝士，味道層次豐富。同埋佢好特別有埋鵪鶉蛋，隻流心鵪鶉蛋一咬開，蛋黃汁流出來，食落juicy滋味；佢個餅底仲幾脆口，唔怪得台台都叫pizza 🐔避風塘雞翼 調味好夠，外脆內嫩，蒜蓉味道香濃。加上呢度環境昏暗，有種好似喺香港街頭食宵夜嘅感覺📍Flames (鴻圖道) (觀塘)觀塘鴻圖道51號Two Sky Parc地下1號舖

約咗朋友係觀塘食飯，經過見到呢間餐廳有live band，就入去試下😆 餐廳環境舒服，有氣氛😎🔸 慢煮雞胸車厘茄香草醬扁意粉🍝 ($128)有三四塊雞胸係面，雞肉嫩滑，完全唔鞋✨香草醬再配埋超多蒜，令到個意粉好惹味😋扁意粉嘅texture超好食😍 好al dente💖🔸 10安士肉眼扒配忌廉薯蓉🥩 ($268)賣相已經好靚😍 見到牛扒上面一條條嘅坑紋🤩叫咗medium，切開就見到鮮嫩嘅粉色🩷食落去好juicy，而且好香嘅grill味🫶🏻忌廉薯蓉好滑，好啱配著牛扒食✨🔸 Mocktail: Flames Lemonade🍸 由芒果、紅莓同rosemary mix埋😆整體而言，食物好高質😍😍 氣氛又好，可以聽住live band✨ 值得一試❤️

星期一放工食好啲，去咗觀塘一間叫Flames嘅餐廳食，呢間餐廳無論食物環境同情調都一流食物方面嗌咗個炸魚薯條，炸魚份量非常之慷慨，一大塊炸得香脆可口嘅炸魚，好味之餘又唔會過分油膩，至於滿滿嘅薯條鋪滿咗成隻碟，鹹香十足，飽肚之餘味道又出色另外叫咗個蕃茄蟹肉忌廉長通粉，個醬汁好濃稠好掛汁，蟹肉份量都好充足，賣相同味道都好出色最後叫咗個雞胸肉青醬闊條麵，雞胸肉煮得嫩滑，而闊條麵煙靭彈牙，配埋清新嘅青醬，健康又好食呢間餐廳地點方便，食物出色，性價比好高，推薦#flames

同老公去咗觀塘分店食Brunch。Weekend brunch menu $88up 幾抵食，我哋另外加了湯&甜品。🔶意大利磨菇煙肉Pizza🍕🔶呢間Pizza真係必叫，Pizza餅底做得好好，個邊邊位外脆內鬆軟，有大量的啡菇、芝士仲可以拉絲。又有煙肉的鹼香。🔶蒜香蟹肉香草扁意粉🔶蟹肉份量多，加了蒜&洋蔥一齊煮好香，扁意粉質地煮到軟硬適中。甜品：🔶Cheese Cake 🍰 🔶Mousse Cake 🍰 我鍾意芝士蛋糕個味道多D，好香滑。Drink:🔹Iced coffee🔹Iced Lemon Tea

這間餐廳位於觀塘鴻圖道，店內樓底商空間都幾大，裝潢偏向優雅格調，特別適合情侶來約會進餐，因為仲有駐場歌手獻唱，非常有氣氛的。食物方面主打手工Pizza及意粉，即使8點多9點都非常滿座，建議事前要先訂位啊。Salt Fries $48等主菜前先來份小食過下口癮，薯條真係即炸，超級熱辣辣，配上澳式雞鹽，香口惹味停不了口。Nduja Pizza $158由於要即叫即做所以都等左一陣，餅底中間薄脆，邊緣位則偏厚身，口感煙韌，正好一次過食晒兩種薄餅口感；表面鋪滿意大利辣肉腸醬、辣沙樂美腸，不過味道並不辣，反而越食越有鹹香，配以俄勒岡葉、聖馬札諾番茄醬、馬蘇里拉芝士調味，味道好香口好豐富。10oz Rib Eye Steak $268肉眼扒雖然驟眼看煎得表面有點焦熟，但切開卻仍保持到內裡肉嫩狀態，肉汁仍飽滿，食落唔會好韌；忌廉薯蓉食得出堅係用薯仔磨成，好味！