FLIPPER'S Pop-up (已結業)

三十五度嘅天，大熱天中午，冇冷氣，冷氣機吹風但係冇製冷，等嘅時候流晒汗，坐低都係成個背都濕晒，仲要坐窗邊，每個位得一把風扇仔吹著。尼個價位真係唔係咁捏。。。啲嘢OK好食但係都偏貴，屬於食一次就冇下次。冇辦法食到一半打包走人，真係熱到食唔落。。。

我唔特別鍾意食Pancake，不討厭，但從來不會自己點來吃，沒甚麼原因，就是不覺得有甚麼好吃而已。很多年前，不斷聽朋友說有那些Fluffy厚厚的Pancake非常鬆軟、好味芸芸。不喜歡Pancake的我當然不以為意。直至有一次純粹因為經過撞了入去又一城的j.s.foodies才知道這裡便是當年香港最有名的兩間Fluffy Pancake的其中一間：Flipper's 的大本營。嘩！結果再一次(已經不記得是第幾次)被自己的孤陋寡聞誘發了驚喜。原來真是那麼好的味道！自此，jsfoodies成為了我行常會幫襯的餐廳。但Pancake好吃只是其中一樣，又一城店的意粉非常日式，絕對是我的口味，還有他們的椰子沙冰很出色。今次第一次到Flipper's在銅鑼灣的pop-up，Pancake 一樣好吃，椰子沙冰一樣好飲，最驚喜的竟然是「雙蛋」三文治！做法是把半熟烚蛋與蛋沙律砌出雙層三文治，做法聽落簡單，但食落卻無限新鮮滿足！能夠把三文治這種家傳戶曉的食物帶來新意和創意但又不會弄得古靈精怪，這就反映了一間餐廳的質素和用心。聽朋友講這pop-up的出現是因為本身在希慎廣場的店在裝修而臨時開的，但出品完全沒

銅鑼灣Flipper's. 味道：8/10🌟抵食：7/10🌟環境：6/10🌟.超正Pancake店Flipper喺銅鑼灣開新分店啦🥞Pancake款式有鹹有甜，兩樣都係咁正😋士多啤梨Pancake非常推薦🍓生果好甜好新鮮，配上超鬆軟嘅嘅低溫烘培斑斕，大滿足🥹鹹口可以試試牛油果煙三文魚🥑口感厚實，糖漿可以根據自己喜好添加😋但係但係！間鋪冷氣嚴重不足，全程都好熱🫠建議唔好熱天去🔥.#香港 #食評 #foodie #食好西 #instagram #香港好去處 #香港美食 #打卡 #銅鑼灣 #銅鑼灣美食 #銅鑼灣好去處 #銅鑼灣pancake #甜品 #pancake #pancakelover #strawberry

等左差唔多半個鐘先有得食。。滿心期待左好耐終於有得食點知黎到個pancake勁生 好水 見到入邊蛋漿直程係返光 。。。似食緊啱啱溝好嘅蛋漿咁。。。咁就曬左百幾蚊 間舖又熱

《Eggs Benedict》呢度嘅Egg’s Benedict特別之處就係佢將平時嘅English muffin換為梳乎厘pancake😆個pancake空氣感十足☁️而且帶著微微嘅甜味食完好幸福🥹伴菜有沙律同煙肉薯餅🥗🥓沙律好新鮮👍🏻好加分嘅位係佢嘅西柚同橙都好多汁好鮮甜🍊煙肉薯餅裡面嘅薯仔係切粒嘅食落去無咩特別🧐因為係Egg’s Benedict嘅緣故水波蛋上高淋左層蛋黃醬但係略嫌蛋黃醬太多🤫食嘅時候好容易蓋過其他食物同梳乎厘pancake嘅香氣😟

Pancake好鬆軟，最中意朱古力所以叫左朱古力味，流心朱古力+松露朱古力+Nuts，會比較甜，怕甜可以叫其他口味，飲品就爭d，係無乜味，係芋香珍珠奶茶，呢間只食pancake係可以，飲品就唔好叫啦

今日5/6天氣唔太焗,去銅鑼灣睇醫生,順便去搵呢間梳乎厘pancake食！到咗就點咗個檸檬芝士脆脆梳乎厘pancake,質感好企身配芝士及檸檬汁,口感好好味道！再配一杯熱鮮奶有另外一種層次,但特然發現透明物體,咩黎架？於是問店員,之後回覆係溶唔曬嘅魚膠片,呵！知道後我继續安心享用餘下2嚿pancake,点知.....一位著黑色衫嘅店員行過黎,同我講：唔好意思,你食到唔完美嘅品質,我地唔收錢~我回覆：吓！唔好唔收錢,佢堅決話唔洗收（原因係老闆話唔收錢,要有好品質比客享用）我唯有接受,佢重話希望你下次再黎啦！我會再次黎呢度,再食其他款式,因為堅決有好品質嘅店舖唔係間間有！

- ¨̮♡︎Craving something sweet today and haven’t had soufflé pancakes for a while so decided to go Flipper's. Went there at around 3:30, very lucky there was no queuing cuz usually have to queue for at least 10 minutes to get in especially on weekends. Ordered their Kiseki pacakes in fresh fruit and green tea red bean flavour. Pancakes are made to order so need to wait for around 15 minutes before having them on table. The green tea & red bean flavour came to table first with a jiggling effect. It

好想食Soufflé pancake 放工決定食我覺得全香港最好味既Flipper’s😚去到希慎先發現餐廳搬左大家記住去利園一期G12鋪 唔好學我摸門釘以往次次都要排至少半個鐘先入座今日竟然唔洗等位 即刻有位坐😃👏🏻仲發現一個 $139 set 包主食同飲品 逢星期一至五 12noon-2pm, 6pm-8pm供應點左一個set 同 單點一客soufflé pancake💁🏻‍♀️印度烤雞班戟+香橙蜜糖特飲 $139🥞印度烤雞雞肉算嫰滑 配搭獨特醬汁 味道甜甜地帶小辣 配上質地鬆軟微鹹香草pancake 好夾 味道有驚喜😙 沙律菜新鮮🍹香橙蜜糖特飲橙香味好特出 配上蜜糖🍯甜甜地 再帶d橙酸 幾好飲💁🏻‍♀️綠茶紅豆soufflé pancake $129質地味道依然出色☺️蛋味好香濃香甜輕奶油 帶綠茶香嘅幼滑綠茶mousse香濃微甘苦綠茶漿🍵綠茶脆脆片微甜紅豆🫘蓉 配楓糖漿 都係我最愛既配搭✨係Cwb 地區黎講 有咁既價錢質素 難得維持到水準嘅餐廳 大家經過不妨一試 依家唔洗排長龍添呀🫰🏻😄食物: 8.5/10環境: 8/10服務: 8/10性價比: 8.5/10

🍞 整體感覺：主打以梳乎厘為主的甜點及輕食，份量均足，味道不錯，難怪香港愛吃梳乎厘的熱潮毫不退減。唯獨是餐廳裝修簡陋，門口沒有梗門，中門大開，室內冷氣欠奉，令人越坐越悶熱🥵。🍞 餐後點評：檸檬芝士脆糖班戟，芝士醬咸香，加上檸蜜糖醬的酸甜清新，中和了整個味道，吃起來不覺得得膩。班戟為空氣感型，沒有太大負擔。兩杯飲品就沒什麼特別，不會太甜。事後發現原來這店是Pop up的，難怪裝修簡單，害我以為管理團隊連冷氣/門口基本問題都注意不到。在咖啡店競爭激烈的市道下，相信坊間不乏甜點好食，環境服務又好的店。如果不想比下去， Flipper’s可要多多留意一下了⚠️。🍞 推薦：7/10🍞 覆桌嗎：7/10

獨愛FlIPPER’s嘅疏乎厘班戟🥞一碟有三大舊，食落有空氣感，蛋味好香濃同上面嘅Cream非常之夾而且cream唔會太奶味食落一啲唔膩，一個人都食得哂成碟杯熱mocha沖得唔過甜又有咖啡香下次會想試埋啲熱食，賣相好吸引

.𝑭𝑳𝑰𝑷𝑷𝑬𝑹’𝑺 新開銅鑼灣Pop up 🥳日本過江龍梳乎厘班戟🥞.🍯士多啤梨香蕉藍莓班戟🥞 $129.日式梳乎厘班戟口感味道都係冇得輸😍班戟，口感鬆軟，又有適度嘅空氣感👍🏻所有水果食材都非常新鮮，甜甜嘅士多啤梨再配自家製天然楓糖漿同埋北海道奶油，喺香港都可以食到日本嘅味道☺️原味班戟就唔建議，因為有其他配料配上去，會令到佢冇咁單調，同埋上到另外一個層次😋.💓日式梳乎厘班戟同鹹食雖然冇去到打晒交嘅地步，但比較建議同番甜食一齊，會合拍啲囉，我見佢哋都開心啲🤣😂🤣.嗰個味道 😍😍😍😍嗰個環境 😍😍😍嗰個服務 😍😍😍嗰個性價比 😍😍😍😍.🥢FLIPPER'S Pop-up (銅鑼灣)銅鑼灣希慎道33號利園一期地下G12號舖🥞12:00-20:30 | SAT&SUN 12:30-21:00.

幾個姊妹都好鐘意食疏乎厘班戟，試過咁多間，Flipper’s真係食過回頭最多既店。嗰日係銅鑼食完飯想轉場食甜品，去到Hysan店先發現原來轉左新地址去利園。本身以為係商場入面，搵咗一輪先知原來係利園後面外圍嘅地舖。入面整體坐位少左，但都係幾光猛同埋闊落。.我地8點左右去到既時候剛好得番單邊位，店員見我地三位都禮貌問我地介唔介意坐旁邊會快啲有位比到我哋，不過因為我哋係同另外一個朋友慶祝會比較想坐埋一齊，見到我哋可能想等四人枱店員都即刻幫我哋睇吓其他客人用餐情況預計我哋大約需要等幾耐，呢個舉動幾貼心😊我地等左大約十分鐘都有位。.因為我哋都有啲飽，所以叫左一個士多啤梨藍莓香蕉班戟($129)share，佢地既班戟咁深得我地心係因為佢哋做到有空氣感得黎食落軟綿綿既口感，最重要蛋香味好足，真係加咗好多分，配合埋新鮮嘅水果同好濃奶香味嘅忌廉，無論口感同香味都配合得好好。💬總結食物方面，絕對keep到一貫嘅水準，真係會每隔一排就掛住個班戟，而且呢間新店嘅員工特別有禮貌，座位都闊落，唯一缺點係店舖地點上冇之前咁方便，不過我哋都會再黎幫襯，重會想試埋佢地既檸檬芝士脆糖班戟同熔岩朱古力斑戟🤭

餐廳：FLIPPER'S Pop-up地點：利園一期地下菜式：日式班戟餐牌：6甜6鹹班戟，1款沙律，1款三文治，飲品有沙冰，咖啡，珍珠奶茶，汽水同其他。希慎廣場分店執左，原來搬左黎呢個利園大d既鋪位，入口係地下，唔係商場入面。入面枱都係同之前差唔多數量，不過呢度多高凳，坐得無咁舒服。而家有收加一啦。班尼迪蛋梳乎里班戟 $139 另加一班尼迪蛋梳乎里班戟一客兩件，每件梳乎里班戟上面加上一片生菜，番茄，煙肉同班尼迪蛋，最後灑上橙色味粉同少少橄欖。梳乎里班戟保持一貫水準，脹卜卜，空氣感十足，原來配鹹鹹地既煙肉係好好味，又鹹又甜，只係煙肉唔脆，係較淋身個d。將隻蛋整穿之後蛋汁更加令入口口感更濕潤同滑溜。伴有自家製煙肉薯餅一塊，有香草架，配有少少另上既Tabasco。薯餅好脆而帶煙肉香，唔錯。有少少新鮮沙律菜，加上橙同西柚肉，用左少量黑醋調味。加$9有自家製煙肉薯餅。我地另外加多一塊食。檸檬芝士脆糖班戟 $139 另加一檸檬芝士脆糖班戟一客三件，都係甜梳乎里班戟好食d，蛋香真係更好。中間加有黃色檸檬芝士醬，食落甜中帶酸，不過芝士味欠奉。仲有白色檸檬雪芭，又凍又酸。配有兩片檸檬，上面灑滿脆糖，增添

日本過江龍𝙁𝙇𝙄𝙋𝙋𝙀𝙍'𝙎 喺𝙇𝙚𝙚 𝙂𝙖𝙧𝙙𝙚𝙣 𝙊𝙣𝙚開咗𝙋𝙊𝙋-𝙐𝙋 𝙨𝙝𝙤𝙥🇯🇵主打即叫即做嘅日式梳乎厘班戟🥞。用上日本雞蛋🥚同牛奶🥛，攪拌成蛋白糖霜後再經過低溫烘焙製作而成😌 餐點打卡一流，至於味道方面我哋就鐘意甜>鹹🤘🏻 .📍班尼迪蛋梳乎厘班戟($139) 𝙀𝙜𝙜𝙨 𝘽𝙚𝙣𝙚𝙙𝙞𝙘𝙩 用梳乎厘班戟取代𝙢𝙪𝙛𝙛𝙞𝙣，賣相好可愛😍 班戟鬆化入口即融🥞，水波蛋亦做到流心🐣 配有煙肉🥓同生菜🥬，旁邊仲有煙肉薯餅同柑桔沙律🥗 每樣食材都整得唔錯，但加埋又唔算好夾🤔 .📍楓糖雞扒煎蛋班戟 ($139) 𝙈𝙖𝙥𝙡𝙚 𝘾𝙝𝙞𝙘𝙠𝙚𝙣 & 𝙁𝙧𝙞𝙚𝙙 𝙀𝙜𝙜 𝙋𝙖𝙣𝙘𝙖𝙠𝙚 班戟鬆軟🥞配埋楓糖漿係幾好食🍯 加隻太陽蛋係面就更加吸引🍳 雞扒外層香脆，不過雞肉唔算好滑有啲失色🐓 整體味道層次未夠多 .📍半熟蛋三文治($98) 𝙀𝙜𝙜 𝙎𝙖𝙣𝙙𝙬𝙞𝙘𝙝 呢款賣相雖然冇其他菜式咁突出，但味道唔錯🥪 麵包軟熟，用牛油煎香過🧈 中間夾住幼滑嘅蛋沙律同半熟蛋🐣 應該仲加咗啲黑松露醬🖤，幾香✨ .📍檸檬芝士脆糖班戟($139) 𝙆𝙞𝙨𝙚𝙠𝙡 𝙋𝙖𝙣𝙘𝙖𝙠𝙚 𝙇𝙚𝙢𝙤𝙣 𝙎𝙪𝙜𝙖𝙧 💛今餐嘅