影片
食家推介
相关文章
因为晚上系附近其他餐厅已经食的好饱，所以决定只系坐下饮酒倾一倾。首先环境来讲就系一般细酒吧，冇咩特别。洗手间要出门行去后边巷仔，非常唔方便。mojito，同行friend全部都叫尼个，超甜，冇咩酒味，同服务员讲咗以后就话系迎合香港人口味，咩？原来香港人食咁甜⋯后来服务员就拎了一针筒rum过来，叫大家自己落。dry martini，好普通，冇咩特别。最夸张系小食nuts，175蚊，一次都冇refill过，系，我系好少蒲，但系麻烦都要提前话客人知啊。
继续阅读
今日行过太子同朋友揾手工啤酒饮，点知去左一个有意外惊喜GE西餐厅！！喜欢牛扒的朋友必食～肉汁鲜嫩，配上新鲜调配的酱汁简直是另一番享受～～～我地听左职员介绍食黑毛猪烩饭，菜式配上扁豆感觉健康，上面配上新鲜蕃茄粒令整道菜变得更清新。值得一试系大虾意粉，意粉软硬度适中，大虾煮得刚刚熟，爽口弹牙～系钟意海鲜Ge我必然选择！除左味道，不得不赞系菜式Ge布局，装饰得好有心思，尤其系个巴西卷，外面脆，入面肉汁保留得非常完整，整到菜配上木篮上碟令到成道菜升级不少！
继续阅读
我从来不在OpenRice 写食评，只会在Facebook 分享下，但今天食完实在忍不住在这里写第一篇食评！我见一个差评都无，今晚老公生日就去试下！不知好评从那里来？？今晚吃完再看那些好评，当然我只吃了三道菜，其他食物给不了意见，但我吃三道菜竟然在其他食评得到高评价，实在令我模不著头脑！一兜仔粟米片收$30，我系去食dinner叫了两个main course一个沙律点解仲要收我nuts费？ok恕我少蒲吧无得怨！
继续阅读
星期日晚上嚟到酒吧街， 唔系饮酒，系嚟食饭呀。呢间餐厅除咗有得饮酒玩骰盅之外，仲可以食饭，喺门口睇到menu见到啲嘢食都算抵食，咁所以就嚟试下啦。时间尚早，个天都未黑齐，所以饮酒嘅人都系得一两枱，唔会话太嘈。估唔到喺酒吧食嘢，食物种类都算几多㖞，唔会净系得薯条呀鸡翼呀𠮶啲小食。而且有几多款我都系有兴趣添。一坐低店员就已经俾咗兜脆脆我哋，咁鬼肚饿仲要对住啲香口嘢真系忍唔住疯狂食。呢啲脆脆可以无限refill添！同男朋友先叫咗一个set dinner，佢话想试下个烤猪手。一齐睇下set dinner啲咩食？Set Dinner $1981. 梳打特饮 (+$18)首先餐饮加18蚊可以转做梳打特饮， 唔记得咗男朋友叫咩味道，不过见佢都饮得好津津乐道，可能出面天气真系太热喇。2. Appetizer - 蕃茄酱芝士焗肉丸餐前小食我哋拣咗呢个番茄酱芝士焗肉丸，呢个肉丸感觉有啲似Ikea食到𠮶种，当然呢度既肉质系再实净啲，番茄酱亦都好充足，所以成个丸系好juicy，一啲都唔干身。3. Main - 香辣烧猪手伴酸菜沙律主角烧猪手，一上枱心里面就哇咗一声，呢只猪手唔少嘢㖞。其实我本身都几怕食猪手， 因为切又好似好麻烦，用手食又好似好麻烦。男朋友喺度咁就梗系由佢效劳啦，我呢个港女就坐喺度等食肉同埋影相lol猪手虽然外皮烤得够干，但系里面啲肉仲系好嫩，唔会鞋飒飒， 味道刚刚好又不会偏咸，所以我都几钟意。但系旁边嘅酸菜沙律我就麻麻地啦，可能我本身唔太钟意食酸菜喇。4. Dessert - Apple Pie甜品苹果批，好靓，甜中带少少酸，旁边仲有少少生果作点缀。 以198蚊呢个价位嚟讲，可以食到咁多嘢其实真系超抵食。当然，我哋有两个人， 又点会食一个set dinner咁少呢，所以就嗌多两个散叫嘅食物。时令煎法国鹅肝 $128鹅肝呀，系我最钟意嘅鹅肝呀，虽然知道胆固醇真系好高，但系间唔中都会想食一下。呢个时令煎法国鹅肝，我开头以为净系得一件鹅肝，原来仲有沙律同埋面包粒。由于鹅肝系会有太容易食滞人，所以有埋沙律同埋面包粒显得餐厅好贴心。鹅肝非常厚身，没有筋，煎得外脆内软，呢个入口即溶嘅感觉实在太幸福了。而鹅肝上面𠮶一粒系无花果啫喱，烟烟韧韧又几好味㖞！炸鱿鱼圈 $58好高嘅炸鱿鱼圈呀，份量好多。即叫即炸所以上枱嘅时候仲系热辣辣，仲有两只酱汁可以点添。非常脆口口，但系就一定要点酱，如果唔系会觉得入面见由于偏淡而无味。Strong Bow Apple Cider $48呢杯我谂都唔需要特别多讲，Strong Bow嘅apple cider我一向都几钟意，甜甜地易入口啱晒女士们！
继续阅读
想揾轻食，求其揾间响附近的，呢度好黑，舖仔细细，其实系一间bar，有大餐牌，有set。两个人嚟，叫一个餐加个猪🤚🏾沙津，应该够。番茄海鲜冻汤，好清爽，劲洋葱味，都几酸下，有d印度风味，海鲜就系果粒青口🤣。钟唔钟意就真系好睇自己喜好。我唔好羊，怕果阵味，但呢度嘅好OK，佢唔酥，薯角下面仲有好多蔬菜，仲要系好味嘅添，最正系碟旁的酱汁，有牛肉汁的味道。猪手沙律个沙律系酸嘅菜丝沙律，而猪手一定一定要衬热KO块皮，好好味，切落去真系“十”一声咁脆。过左一阵已很失色，皮同肉之间有大量肥膏，连埋一齐实在食唔落，胆固醇😱。忍唔住片走晒，有半碗咁多，都好吓人，太核突，无谓影。D肉都好入味，好有油香，另附嘅酱亦系充满诚意，辣辣的烧烤酱，但其实唔点酱都已经够好味。👏🏻最后系甜品，一d都唔欺场，有伴碟嘅苹果批。放一小件入口，即时“唔（😻高8度）”一声，好冰凉，好啱食完咁多肉嘅口感。呢度只得一个后生男待应🙋🏼♂️，好勤力，不多不少的招待，但张枱真系细到烦，For饮嘢ok，食嘢只适合一人餐，乜都放唔到。另厕所在店外巷仔内，感觉很不好。最终，两个人食唔晒d嘢😐
继续阅读