影片
以上资料只供参考，请与餐厅确认详情
食家推介
相关文章
分域码头原本就放风话旧年年尾清拆而入面只净低一间意大利菜佢地既sunday brunch就几出名见唔少人拍片介绍更何况见到连登仔都大力推就想去试一次不过因为时间关系只可以book到夜晚时段但系后来清拆日期又改到二月结果又book到个新年既brunch码头只招待会员不过入到去只要简单填几样野就可以成为会员gia系属于gianni caprioli名下意大利餐厅giando集团既其中一间而集团旗下既giando亦都系米芝莲推介既餐厅价钱比gia再贵d但呢个集团既立场就有争议既一边话佢地老板撑警另一边官方就澄清话系假新闻系支持年轻人商场门口左手面部lift上一层就系gia官方写话brunch分开两个时段第一个时段系1130-1330而第二个时段系无写实个时间既所以我拣左最早十一点半过黎但结果现实系有写第二轮系1345-1545就可以唔洗咁早起身而每节就只得两小时去开酒店既brunch闲闲地都三四个钟都差得几远下早左少少去左餐厅仲未开门都几多人企系门口位置唔多所以又落番去行左阵先番上去gia门口用酒樽砌既圣诞树几有心思职员大部份都要用英文沟通编左我地坐窗边四人台坐得几舒服有台布摆盘就几普通只得刀叉同埋油醋地理关系经过填海之后已经唔再系海边附近所以大部份都系空地地盘景海景只系得番少少就好似酒店果d呃9人既半海景咁十一点半入到黎就唔算好多人不过后尾都full既装修只可以话一般般天花更加系完全无遮无掩台同台之间有少少迫不过走廊位都几宽唔惊拎野食会撞到人既餐牌全英文周末brunch就368每位主菜只可以拣一款甜品任食前菜可以拣任食或者单点一款我估无咩人会拣单点挂餐包望落普通但食落都几软熟我钟意sunday brunch可能系因为有个主菜出面自助区既人会比较少唔会出现饿狗抢屎既情况感觉就比较舒服而且时间仲早可以影下完整既buffet区餐厅仲有几个bar台位大概系比迟book位既客挂 唔算话系好多选择无海鲜不过相对地系比较高质腌渍食物唔错蜜瓜又甜又多汁ham都系即场cut芝士有成十盘虽然就无乜兴我觉得前菜真系几唔错第二盘面包仲大份左不过呢间餐厅有d虎头蛇尾前菜好好食但主菜同甜品都只系一般个肉酱千层面都仲叫唔错有口感几靓但系个云吞真系喊出黎完全估唔到系汤云吞咁上又话意大利人见到汤意粉会好嬲既真系笑左出声其实旧云吞都唔差但成个卖相真系好好好差甜品到后段先推出只有五六款连埋西瓜同前菜比真系都失色几多件tiramisu仲要出晒水认真麻麻最后一样真系要记得check单成日都觉得意大利餐厅有d古惑无那那计左份千层面要额外加钱同个外国职员反映仲要无晒影够钟想叫我地走仲要我自己催单仲要见到张单先醒起野饮系要加钱廿八蚊杯女朋友仲要净系饮自带水唔饮其他野要我硬啪两杯早知唔要好过总数就871平均每人435.5呢个价对比酒店就唔算贵既不过服务普通去到尾段仲因为有下一轮想催人走场内环境一般场外景色都无乜而食物就只有前菜出色都真系明白点解有人建议净系食buffet就够今次就算系黎感受一下分域码头睇过中环有间ciao chow都一样有做半自助果间pizza话有拿玻里认证仲有海鲜任食同期都只系需要348感觉系抵过呢一间gia既但系武肺第五波之后已经加左一百蚊而且仲系盛智文旗下就真系要考虑下
继续阅读
「Gia Trattoria」 < 湾仔> 湾仔分域码头⛵️已于上星期正式关闭我哋系last day趁热闹打个卡 同试吓入面嘅意大利餐厅分域码头商场其实唔大看上去亦无咩维修过，所以仍保留住些许60、70年代既痕迹因为属于会员制，又限聚，又last day，所以当日排了长长的人龙，只是入去参观，已需排半个钟前面有个长辈话：如果唔系执笠，平时边有人黎呢到丫岩既，但好多野都系失去咗先会尝试寻回当初既价值意义香港 就是这样的一个地方🍝Italian Brunch $338 Buffet Corner + 1 Main course + Dessert Buffet🔹Buffet Corner有好多冷盘选择 沙律🥗 火腿 腌渍食品等火腿有好几款亦唔错，茄子好味，refill 快有起码6、7款唔同芝士🧀可惜我食开小朋友卡芙芝士🐮 唔系好识品尝其他芝士口味🔸Spaghetti / Beef Cheek (Main)年纪大，唔多咬到野👴🏼个意粉口感比较硬，所以钟意个牛多D，够淋🔹Dessert 主力食tiramisu (食左3件🙈）apple crumble 都ok但甜品refill 速度较慢🔸Cappuccino/ Latte +$28意大利餐厅点，都要饮番杯咖啡☕️餐厅将会跟随码头一同清折网上有看到他们或会另觅地方继续营业#GiaTrattoria📍湾仔分域码头海军商场一楼#湾仔 #湾仔美食 #分域码头#hongkong #hkfoodie #hkig #hkfood #foodstagram #instagood #hkrestaurant #wanchai #foodblogger #hkfoodblogger #相机食先 #意大利菜
继续阅读
写依篇食评，只系想记录一下，因为依间餐厅会随分域码头既拆迁而消失，希望将来会再见。今日来到gia，set得一个tea set，388两个人，有酒，面包，前菜，主菜，可加28蚊添一个tiramisu (抵到烂），仲有咖啡或茶。酒的质素当然不要期望太高，略酸。赠送的面包反而几好，烟韧，外皮有小小酥化，加埋开胃的黑醋和橄榄油。望住出面既海景，有外国人既服务员，系依个冇得旅行既时候，反而有啲旅行既感觉。前菜叫左cold cuts, 正常质素，咬得耐左会有带烟熏既肉味，如果酒既味道好啲，咁送酒一定一流。主菜想当然一定系pizza。一个pizza两个人食一定够，唔够可以再加野食或者refill面包。以前我唔钟意食pizza，觉得同面包差唔多。大个发现原来我唔钟意食既系pizza hut既pizza。薄饼当然要薄，饼香而尾部脆口。饼薄但芝士就好厚，上面加上香草，热辣辣食既时候，真系会怀疑点解pizza会咁唔同。食完pizza，无论食得几饱，都仲有位置食甜品，尤其系tiramisu。入口好creamy，卖相都好靓，不过略嫌咖啡味不足，但系食完都系好满足。最后配上一杯Cappuccino，补上啱啱不足既咖啡味。而苦味都令我清醒，谂起依个地方将会消失。系香港同中国融为一体既时候，分域真系冇乜义意。
继续阅读
终于有枱，去食一餐在这餐厅关门大吉之前，太好。午餐呢间餐厅嘅客人呢多数都系点set lunch，但我们没有，因为想试个pizza.我一向都好少在香港食意大利餐，香港嘅朋友如食pizza，多数喜欢意食厚批，而我便一定要食薄嘅皮，但系呢样嘢，一就比较考功夫啦! 我哋叫咗一个pizza，只系有自家制番茄酱同埋蒜头。pizza个皮做得非常之薄，好好，可惜佢就系个皮边，有少少㶶。整体来说，就做得非常好，食到意大利风味嘅pizza。要赞！除咗pizza，我哋仲叫咗这餐自家制手造扭曲意粉，内里有意大利火腿，也有黑松露。意粉烟韧好有口感，做得刚刚好。好好味。最后便叫了两杯咖啡。一顿近完美的意大利餐。可惜整座建筑都要拆卸，冇得保留，可.惜，可惜！
继续阅读
政府收地，海军商场2月中后就停止运作。呢度有间历史悠久的意大利餐厅，听闻Brunch性价比高，所以一早卜位！虽然未知餐厅是否继续营运，但食材供应商Mercato by Giando 就有分店，小妹对呢度既芝士好满意，会去分店入货！ 🍴Selection of 🧀: 试左7、8款芝士，Buffalo mozzarella 比我深刻印象，佢味道好清淡，口感软绵绵，净食都唔腻。芝士拼盘隔离有🍇果酱、🍯蜜糖、🍑干果、合桃等，配埋芝士味道就更有趣了！味道：🔅🔅🔅🔅新鲜：🔅🔅🔅🔅分量：🔅🔅🔅🔅卫生：🔅🔅🔅🔅速度：🔅🔅🔅🔅（5🔅为满分）
继续阅读