Givrés (已結業)

“忘掉種過的花 重新的出發 放棄理想吧別再看塵封的囍帖 你正在要搬家” 利東街經歷重建翻新以後，給這條充滿舊香港情懷的街道賦予了新的面貌和風韻。周圍增添了不少藝術品，擡頭看到的是一排排中國風的紅色燈籠，改頭換面的還有一間間高檔級餐廳與零售商店。經過這一間Givrés，被玫瑰花形狀的雪糕給吸引著了，情不自禁地走了進去。兩色玫瑰花的雪糕，芒果的甜與淡淡苦澀綠茶味道衝擊著味蕾，雙譜奏出愛的甜蜜與相思痛苦夾雜的滋味。一邊感受著味蕾上的奏樂曲一邊漫步沐浴在中西元素交雜的利東街。在這樣，我被這一朵玫瑰花帶進了五味雜陳的感官世界里。

話說。知道要到灣仔做野Lunch 已經留肚，只好食個light lunch為的就是這個玫瑰花gelato 嘅窩夫玫瑰花的gelato 在Facebook 曾一度洗版但只為一杯雪糕要我過去食就有點難度剛過了母親節，比我喺Facebook page見到佢地有窩夫供應喇喎就偷點時間快吃吧窩夫即叫即造，好香肉桂粉味道，而且食落覺得唔會厚粉，好夠脆，連埋雪糕食一啲都唔膩至於雪糕。無tiramisu 味，只好叫個hazelnut 味，味道唔太甜，好夠滑，奶味都偏重的，而且份量剛好足夠我點窩夫食一個嗜甜的女仔絕對食得晒

The look of this lovely rose gelato very attractive specially for girls. I tried the strawberry flavor and the gelato has an intense strawberry flavor, is magnificently smooth and creamy. Staff are friendly but I found the portion is an it small and it's quite pricey.

這晚在灣仔吃過晚膳，忽然想起囍帖街有間專售賣玫瑰花型雪糕的店，我和友人都嚷著要試，大概是受到了Beauty & the Beast的宣傳魔咒，忽然對玫瑰花有關的事物都非常喜愛！顧客可以選單一、雙層和三層口味，當然雪糕的價錢也會因層數而上升！我和友人選了中價的兩款口味，可以多試一種味之餘，拍照的效果也可以顯得更好呢！雪糕的選擇多達十款，我和友人不約而同選了玫瑰味！另外便選了杏桃和熱情果味，色調也很相似！店員猶如個藝術家把雪糕一小片、一小片的造成玫瑰花瓣，雪糕的外形非常吸睛！可是，雪糕的味道有一種說不出的平淡，沒有很好吃的感覺。而且價錢不菲，試一次、拍拍照留念就夠了。

之前係網上見到Givres既玫瑰花雪糕已經令我心心眼一定要去試一試在利東街行前幾間鋪就會見到門外其實都吸引了不少人觀看鋪面地方細細店員很友善洛神花+白桃第一次食洛神花味味道酸酸可能洛神花味道重過白桃感覺很淡白桃味

多次經過這優雅小店都沒有停下。午飯後，Coffeholic 今次決定要試一下！選了cake set（其實最終目標是咖啡xd)被Red Velvet Cake 美麗的外表俘虜了（同時有carrot cake 可供選擇）！配我的目標：Flat White！完全沒有令我失望！奶泡很綿，咖啡十分香濃，帶著絲絲甘香！一定會再光顧P.s. 店員的服務態度也很好

利東街Givres發現了很耐，但每次都匆匆而過，只知道是雪糕咖啡店。 今天要到灣仔，見有時間，便行過利東街去尋找玫瑰，雪糕賣價不平宜，最平是一款味道$44，兩款又會貴些少，我點了一款杏桃味，個人認為玫瑰花就是單一種色最美！雪糕味道很清新，像新鮮生果般，好吃！付款及點了味道後，需要時間製作，大約等5分鐘，由數塊圓形雪糕組成，出來就是玫瑰花。奇實都幾想知道點樣做，但被磨沙玻璃阻礙而看不到，可能是商業秘密啩！

2年前系英國🇬🇧食過Amorino既玫瑰花瓣gelato之後一直念念不忘💭... 今日行過利東街見到以白色☁️為主調既Givrés，同樣系賣玫瑰花形既gelato🍦，一於入去試下啦😇！店鋪風格淡雅💕，小妹覺得好似系歐洲街頭咁啊😆～店內仲放置左玫瑰花🌹裝飾，更加突出左玫瑰呢個主題。小店設有少量座位，1路食1路望住利東街既行人🚶🏻都幾休閒～仲有得試食添🍴，心大心細💗吾知揀咩味都吾怕啦！Gelato Roses1 flavor: $422 flavours: $603 flavours: $78Gelato Roses(Rose petals)($42)：Givrés既gelato由新鮮玫瑰花瓣製成❤️，散發住清新既玫瑰花味👃🏻。食落口感香滑😋，甜度適中。睇住店員將1片片既gelato放上雪糕筒度，好似製作緊1件藝術品咁啊😍(不過都需要少少時間)～雖然呢度既gelato偏貴💰，但對於味覺👅同視覺👀黎講系雙重享受😌。P.S. Gelato比較易融，要影相📷既朋友要快手啊🙂！

元宵日同男朋友喺灣仔食飯，行到利東街，話說呢度都幾多特色食店，裝潢都好靚！經過見到有間鋪頭，奇怪地好多姐姐們聚集櫥窗前，用遠處睇肉眼唔係好分到真假嘅玫瑰花球影相，吸引左我行埋去，細看先見到係呢間雪糕店提供俾客人影相嘅假花球。雪糕店唔大，位置幾個，提供玫瑰花形嘅手工雪糕、咖啡、茶。雪糕味道大概有十幾款，較特別嘅有開心果、薰衣草、玫瑰花等。玫瑰花雪糕可點1/2/3種口味，每層加18蚊（1種味$40/2種$60/3種$78）老實講，兩層嘅顏色係最靚，更能特顯玫瑰花瓣嘅層次。三層相信會太多，食唔到雪糕嘅味道。不過俾60蚊食杯雪糕又唔捨得，所以只係揀左一款味道。洛神花雪糕 $42 店員係非常細心地一層一層將雪糕砌成玫瑰花形狀，見過有啲比較平價，確係冇整得冇人地咁靚。以手工雪糕而言，溶嘅速度唔算快，我好歹都相機食左十張，都保持到形狀。洛神花味好突出，味道帶酸，但唔會酸到入唔到口，唔會有人工味，幾好食要負皮嘅係個雪糕筒，非常普通，類似細個時候學人整雪糕，喺超市買嘅平價雪糕筒呢類雪糕當然主力係俾相機食，味道就預左唔會驚為天人。佢嘅任務亦都達成，話哂我喺門口幫佢影寫真，女士們望到都確係心動心動。

今晚我們喺灣仔做完嘢之後行過利東街見到間用玫瑰花做主題嘅雪糕店「Givres」，加上未到晚飯時間，所以我們就入咗去買雪糕嚟食，入到去見到店內嘅環境裝修係用白色嚟主題，相當優雅同令人有好舒服嘅感覺！我們問店員點解會咁有創意諗到用雪糕嚟堆砌成一朵玫瑰花嚟做主題？店員用好親切有禮嘅態度答我們講話他們係嚟自英國嘅品牌，喺香港開嘅第一間分店！我們分別買咗幾款唔同味道嚟食，有單拼$48、雙拼$66同三拼$78！店員係用鏟將雪糕鏟成薄片，再用溫柔同純熟嘅手法同力度，慢慢將一塊一塊雪糕薄片放入雪糕筒入面，堆砌成一朵好靚好燦爛盛放嘅玫瑰花，令到賣相超級色彩繽紛同精緻吸引！單拼係白玫瑰嘅檸檬味，味道酸酸甜甜，相當清新！而黑玫瑰就係芝麻味，味道好芳香濃郁！雙拼係洛神花味拼白桃味，洛神花味嘅味道酸甜醒胃，白桃味嘅味道相當清甜香濃！榛子味拼朱古力味，榛子味嘅味道非常香甜濃郁，朱古力味嘅味道相當甘香濃郁！而三拼就係咁多款之中賣相最色彩繽紛㗎！而雪糕筒都幾脆身！

和朋友在灣仔吃完晚飯，無聊行到了利東街，我真的很久沒來，變了一條充滿外國風味的小街，兩旁有很多高級品牌店舖及食肆，這必屬香港旅遊書介紹的景點之一。 行到盡頭，我見到很多女仔手上都有一支花，然後錫下佢，哈! 原來係花形式的雪糕。不論甚麼年紀的女人，都藏著一顆少女心，因此，我都買了一「支」。我的是薰衣草味，支雪糕好很溶，我要趁佢未溶前，快快手同佢selfie，因為整得太靚啦!!   好! 玩完一輪要食! 是沒甚特別! 雪糕一杯，佢個份量都好少，比富豪雪糕還要細，盛恵四十多元。 唔可以話呢支雪糕唔抵，佢個價值唔在於味道身上，而在於其可觀性及娛樂性，至少也供給我影了十多張寫真!

呢間咖啡店係灣仔區朋友嘅愛店，今日同佢來到，地方依舊，因為朋友買到熟晒，店員會同佢打招呼，我哋揀咗兩杯咖啡就坐在向街嘅高腳椅等，好快兩杯咖啡做好！Cappuccino($38)圓蛋型玻璃杯，拉花靚，咖啡好滑易入口，唔加糖飲都飲到，奶泡挺身好滑！好味！店員斯文有禮，唔會急，慢慢一個個客人招呼！向住街嘆杯咖啡！我哋飲完仲會攞水比我哋！唔會趕客！悠閒咖啡

主打玫瑰花瓣型嘅雪糕，女仔見到一定心心眼。店子唔大，得幾多座位可以坐，不過餐廳門面同入面裝修幾靚，好有法國情懷。雪糕叫咗兩個口味，因為想突出花瓣嘅層次。不過價錢有啲貴。一個味$45，兩個味要$60。味道選擇都幾多，有成十幾款，而且D款式有D都幾特別。最後我揀咗(淺粉紅色)紅豆味同(淺紫色)薰衣草味。店員幾細心，提示我地佢地嘅薰衣草嘅味比較濃，所以想俾我哋試一試食一啖睇下係咪接受到先。薰衣草味的確食落口好濃，不過我幾鍾意，而且市面上比較少有。至於紅豆味都好好味，味道唔架，食得出用真紅豆整，有紅豆蓉嘅感覺。雖然雪糕幾好味，但價錢唔平，所以自己同相機食過一次都滿足了。

薰衣草味雪糕$42鋪頭有很多唔同味道嘅雪糕，店員仲好好人，會邀請你試下唔同味既雪糕之後先俾錢買我揀左好耐，因為佢所有味道都好好味，最後揀左薰衣草味，店員話佢地唔係加香精，用純天然薰衣草製造的確味道好濃，食完啲香味仲係個口到停留而且好滑😋😋所有雪糕都係花造型，唔單止樣靚，仲好好味鋪頭裝修好優雅不足，之處係好少位置俾客人坐

老實說，以Gelato堆砌成玫瑰花形作賣點並不是新鮮事，但是不減它的吸引力。無他，拍照好看呀！說重點，就Gelato而言，這家店做得不錯，味道的選擇亦很多，玫瑰味、士多啤梨味、芒果味、開心果味、榛子味、芋頭味等等。有選擇困難？請店員給你試試味，我試過榛子，很不錯。不過最後因為洛神花味(Hibiscus Flower)比較少見所以點了，okay我承認顏色也比較好看啦！酸酸甜甜的半點不膩，很不錯，跟平常喝的洛神花茶味道一樣，沒甚麼化學味。不過它的cone強差人意，沒半點味道，如同嚼蠟。下一次如果再吃，大概會選Affogato吧！