Glasshouse (太古城中心)

营业中

休息中

又黎到返工午餐搵食時間想揀一間環境舒適，可以做耐少少唔會俾人趕走嘅餐廳，所以就揀咗呢間一早book左位所以唔駛等位，仲可以有卡位坐～開心午餐選擇都好多款，有$100樓下既輕食選擇，又有$100以上的選擇跟餐有餐湯/沙律+主菜+飲品+甜品百幾蚊有齊咁多野食，我覺得喺太古城入面算係性價比非常高餐湯係南瓜，都幾好味，甜甜地我地分別要左香濃蕃茄虎蝦意粉同埋龍蝦肉炒意粉龍蝦肉碎上，成碟感覺份量好少同唔太美觀蕃茄虎蝦意粉上枱吸引過龍蝦，但入口得蕃茄既酸味最後要加Tabasco 先中和番淨酸既味道，虎蝦好大隻，不過要自己剝蝦殼好唔方便，但蝦肉係爽既，唔錯甜品係芝士蛋糕，蛋糕質地都好軟身同唔算甜最後加$10要左特色咖啡-Latte, 好多泡，不過泡唔太滑，有啲實，但咖啡味道還可以總括黎講性價比高，可以再去

契女最鍾意就食埋啲港女TEA SET，早幾日同佢去完太古城shopping，經我好鍾意嘅餐廳Glasshouse最近推出咗下午茶套餐一層三層高嘅點心$298兩個人，一共有16款食物太古既裝修真係好靚空間感十足咗下午茶套餐一SET有三層高嘅點心!有鹹又有甜，而且好精美又飽肚至於飲品方面我哋就叫咗lemongrass tonic Coffee特色咖啡香茅湯力咖啡咖啡和香茅味道在一個平衡之上，兩種強烈味道的東西混合一齊味道竟然令人驚喜草莓玫瑰花茶，個茶壺好特別，可以分成上下兩PART~草莓玫瑰花好香甜，雖然我沒有再加入任何的糖，但已經非常之好飲。飲完之後還可以再叫職員為你加熱水，沖了幾轉仍很香甜傳統食法又上面食到落去下面嗰層最上一層八珍甜醋燴啤梨，三文魚子牛油果米紙卷和吞拿魚他他中間嗰層都係鹹點包括有迷你龍蝦蝦漢堡，香松露豬肉餃子，巴馬火腿布拉塔芝士多士，酸甜棒棒蝦，巴馬火腿布拉塔芝士多士足料到不得之了，用上上等的巴馬火腿，那油香令人回味無窮至於最底層係蛋糕同甜品黑朱古力蘭姆酒蛋糕，芒果慕絲蛋糕，朱古力布朗尼，藍莓芝士餅，焦糖果仁蛋糕，藍莓芝士餅，芒果布甸，法式馬卡龍一次過可以食盡不用口味的

呢間glasshouse, 服務極差。下午茶時間，我去到時全場只有三枱客，一到門口，嗰個戴眼鏡，身型略胖嘅女侍應就粗聲粗氣咁同我講：掃碼！ 個語氣直情係命令咁！點餐時問佢有乜餐飲，一輪嘴講都唔知講乜，咁我當自己聽力差，算！但同佢講要regular tea, 佢俾杯lemon tea嚟，咁佢啲聽力都唔見得好好，最弊係佢飛嘢埋嚟，杯茶一嘢飛過嚟，碟上面放嗰包糖被啲茶浸沒，係浸沒呀，你可以想像到係「浪」咗幾多茶出嚟！之後上嗰份漢堡，照同你玩飛碟飛過嚟，到底佢係做飛碟運動員定係做服務業？多得佢，我以後可以去少一個地方食嘢，我亦都會同我所有朋友講唔好嚟食。

食過2次鴨肉湯河，都覺得好好味，所以今晚再去！點知超難食，完全唔係個樣野，個湯底無以前的鴨香味☹️☹️☹️，成碗湯好似倒左幾匙醋落去咁，我成咁耐，淨係食到酸味😭😭😭😭😭😭😭連d鴨肉鴨皮都無味架，愈食愈火滾，都唔知自己食緊乜😤😤😤😤真係非常之失望，成餐飯都唔開心！唔會再去囉。❌❌❌反而男朋友的黑毛豬泡飯就好好多，至少佢個湯係熱，個湯有泡菜味，個豬肉都幾香，食落都幾好食，不過成餐飯比個鴨肉湯河搞彎哂，已經無晒癮，原本重諗住食完飯叫甜品，而家連甜品都驚中伏😕😕

太古城中心內的Glasshouse 是我經常到的餐廳，很喜歡他的潢裝用上大量的花草植物做裝飾，綠林環境綠洲，給人舒服放鬆的感覺。a la carte menu的fusion菜式選擇很多，今天心血來潮想跟閨蜜一起試試它的afternoon tea set喔，之前在tea club情報內也被受關注，單看賣相又靚又抵食，而Glasshouse出品有一定保證呢！吃afternoon tea一半是為了打卡吧，tea set $298包兩杯咖啡/茶。tea set 以鑽石型三層高架，擺盤別緻用心。鹹點7款包括: 八珍甜醋燴梨、三文魚籽牛油果米紙卷、吞拿魚他他墶、迷你龍蝦漢堡、酸甜棒棒蝦、松露豬肉餃子和巴馬火腿配布拉格芝士多士。八珍甜醋燴梨非常特別調味，酸酸甜甜，估不到中西合璧so match！漢堡放滿龍蝦肉，滿滿的龍蝦肉，超彈牙！酸甜棒棒蝦，泰國風味，估不到鹹點也吃盡中西日泰式！甜點9款包括: 迷你朱古力撻、黑朱古力蘭姆酒蛋糕、法式馬卡龍、芒果蛋糕、鮮果撻、布朗尼、藍莓芝士蛋糕、芒果布甸 和 雜果奶凍。 喜歡吃甜點的會感到相當驚喜，個人喜歡朱古力撻及黑朱古力蘭姆酒蛋糕，味道相當濃郁，朱古力愛好者

蟹肉沙律 個portion 細到甘都話正常 打去問佢話真係甘細 蟹肉沙律係貴啲 都唔會一個拳頭都無 打去又話係甘細架啦 無辦法只可以電郵去集團反映真係唔會再幫襯呢個portion 係set 既就話姐 我係單點既$158 呢個份量真係unexpected.

呢排成日想係城市搵一片綠洲 食野都係都想搵啲有花花草草既餐廳咁岩又比我搵到今次要為大家介紹既係位終太古城中心既 - Glasshouse成個環境都好靚好chill好多植物做裝飾食物個方面 今次終於都食到佢地個個雞蛋仔火鍋配雜莓, 朱古力布朗尼, 吉士醬呢個甜品個賣相係超超超IG-able而且個吉士味都好香濃配埋雞蛋仔食更加突顯到個雲尼拿味Location: TaikooPrice (10 is expensive): 6.5/10Environment (10 is chill): 7.5/10Yummy (10 is delisicou): 7.5/10

相約友人去太古行街，兩位港女梗係睇吓附近有冇high tea食順便傾吓計經過見到有glasshouse，入面裝修有好多植物好似幾靚咁，見到門口又有個宣傳tea set嘅牌，所以決定試吓~先唔講食物質素，呢個tea set我哋足足等咗七個字😅 呢個上菜速度慢到嚇親。不過好彩兩個女仔傾計時間都好快過。。。來到嘅時候見到擺盤都幾靚，係金色嘅三層架，都幾打卡able。上面兩層係鹹點，最底嗰層就係甜點。✨最頂層：最好味係吞拿魚他他小撻~✨中層：味道正常，但係兩個麵包都烘過龍，好硬✨最底層：我覺得好伏啲甜品全部都超甜，蛋糕底仲要濕濕地咁，口感好差整體來講我覺得唔係好值得呢個價錢，有點失望。

#🤤🤤🤤foodradars#radarstaikoo Glamour Forest Afternoon Tea For Two $298-呢排都好鐘意同屋企人下午茶食呢啲港女tea set造作一番🦦不過無論食邊間tea我都係偏向醎點多😂吞拿魚他他小撻幾出色 另外我泰菜中既最愛炸蝦餅 雖然食落似魚餅多啲 但點埋個特製醬汁都幾開胃👅 Parma Ham Toast同龍蝦包都係我幾鐘意 如果個roll再鬆軟少少就更好🏄🏻‍♀️ 我本身唔太愛甜點⛄️ 甜點對我嚟講就真係甜左少少🤏🏽

今日約左媽媽食下午茶，揀左呢間喺太古城中心既glasshouse！之前喺呢間餐廳食過覺得唔錯，今次就黎試下佢d下午茶餐廳既環境都幾有情調，燈光係偏昏暗既，仲有d花花草草做裝飾，感覺都幾舒服下午茶都幾多野揀，輕食、意粉甚至薄餅都有，當lunch食都可以喎原來仲有二人既afternoon tea set 喎！好耐無食過靚靚afternoon tea，一於食呢個啦飲品係包咖啡或茶，可以加錢揀特式飲品或者cocktail都好似幾豐富咁喎野飲揀左一杯咖啡一杯奶茶，正正常常個tea set黎啦目測都有成二十件，咸點每款兩件，甜點就每款一件，咁既安排幾好，因為平時食呢d tea set，如果甜點每樣兩件，好多時都會太膩食唔晒八珍甜醋燴啤梨，呢個幾特別，好似食緊薑醋既甜味，但啤梨口感又幾清爽；三文魚籽牛油果米紙卷，呢個味道好清新，中間有生菜所以好爽口；吞拿魚他他撻，呢個好香而且撻皮脆口又唔會太厚，唔錯！迷你龍蝦漢堡，呢個中間係龍蝦沙律，個包好香芝麻味而且係脆既；酸甜棒棒蝦，初初以為係豬肉串燒個醬係甜甜辣辣幾惹味；松露豬肉餃子，呢個餃子上面都有松露醬，好香松露味巴馬火腿配布拉塔芝士多士，呢個中間仲有火箭

最近朋友話想食Afternoon Tea, 咁岩就係我公司平時都有食開既GLASSHOUSE! 平時中午過黎食都大排長龍; 加上Fushion既餐單, 連揀飲擇食既我都輕易揀到野食!! 今次黎食Afternoon tea都無令我失望!一個三層高鐵架擺滿精緻可口既食物,$298 for two 一d都唔貴; 有16款食物, 由小食到咸點到蛋糕甜品, 一定滿意+大滿足!! Afternoon tea包埋咖啡或茶, 我地就add on special coffee: Lemongrass Tonic Coffee & Rosemary Tonic Coffee; 又幾特別啊~第一層係係小粒粒: 三文魚籽牛油果米紙卷; 吞拿魚他他撻; 八珍甜醋燴啤梨好清新, 好開胃!! 尤其個米紙卷; 個八珍甜醋燴啤梨又好得意, 出奇地夾!第二層係咸點: 迷你龍蝦漢堡; 酸甜棒棒蝦; 松露豬肉餃子; 巴馬火腿配布拉塔芝士多士. 我最喜愛ParmaHam, 真係好味; 另外個龍蝦包, 雖然係碎龍蝦, 但咬得到龍蝦味, 正!最底層係甜品, 有8款10件! 甜品係第2個胃, 無論幾食到幾飽都仲想食少少甜野!! 之所

放假半天約了好友食lunch， 在太古城逛Apita, Aeon 都已經過咗午飯時間, 索性搵地方食tea。嚟到Glasshouse， 最吸引當然係佢嘅甜品或者Afternoon tea set。 對於三層架嘅下午茶有種莫名的治愈感， 令人好好享受快樂的下午時光。坐低咗之後店員同我哋講今天的tea set 食物可能轉了款式， 冇大問題都係想搵地方坐吓抖吓。重點係有三層架畀我打卡😉Afternoon Tea for 2 persons $298食物以泰式為主， 頂層是前菜，沙律。泰式青木瓜沙律，夠爽脆， 酸酸辣辣打開胃口。燒牛肉 六成熟左右， 蘸上泰式青醬， 味道清新少少辣！ 還有煙三文魚， 都是精緻美味的頭盤！泰式奶茶， 獨有嘅泰式茶香～  另一杯是青檸茶，青檸味好濃郁！ 朋友激讚。最底的一層擺放各款香口炸物和串燒。三款醬汁各有特色。 單骨炸雞翼入味香口！脆炸粟米蟹肉餅 : 彈牙鮮味，粟米仲係超甜～豬柳串燒: 入味爽口！沙爹雞柳串肉質嫩滑。泰式炸蝦配魚餅球: 好吃但可惜太少。脆炸魷魚圈:凍咗比較硬身～來到甜品的一層，是最期待的！芒果糯米飯， 吃到飽都感覺是最美味～ 糯米飯香甜軟糯， 充

呢間餐廳裝修好靚而且門口既甜品勁吸引，決定試一試! Menu有好多唔同款式可以揀，我地叫咗幾款幾有特色既，質素都唔錯!炸魷魚鬚配韓式泡菜醬炸漿一D都唔厚，魷魚鬚食落煙韌有咬口又唔會咬唔斷，熱辣辣係的確幾惹味。重點係佢既泡菜醬好香口而且唔會太咸，層次感十足!黑胡椒醬烤雞炒意粉呢個炒得有鑊氣又唔油，烤雞好嫩滑又juicy，加上黑椒既比例岩岩好，食落好豐富又夠飽肚!龍蝦法包龍蝦肉滿瀉哂而且都係新鮮，肉質彈牙。包有烘到脆卜卜，加埋青瓜絲等等既配菜一齊食好fresh又夠健康!朱古力脆皮梳乎里呢個係我地嚟既目的之一，因為就咁睇相已經好吸引。落單後侍應好好咁話因為要大約半個鐘先整到，所以就幫我地落先。一嚟到其實已經嘩到好大聲，因為焗到脹卜卜同埋好香蛋味。食落口感輕盈既再加埋佢既朱古力醬一齊食真係好滿足!朱古力布朗尼呢個用個熱pan上，新鮮整好既布朗尼加上雪糕已經好有層次，仲有埋個熱既朱古力醬，一倒落pan好似食緊鐵板餐咁炸炸聲，食落朱古力味好突出又唔會好甜，夾埋一齊食口感好豐富! 成餐飯都食得好開心同埋滿足!

經過見到個門口好有feel呀神秘而又摩登，吸引左我哋嚟食晚飯！蟹肉牛油果沙律一上菜，我哋心諗咁細份嘅……點知食落發現個份量係剛剛好將蟹肉、牛油果、沙律醬、粟米撈埋一齊，配上多士食，完全無得輸炸薯條配黑松露蛋黃醬呢個薯條炸到外層好脆，不過一咬就覺得脆而硬，可能炸得過了頭！沙薑燒春雞用左鐵板上，所以成件事好香春雞肉質好嫩滑，不過略嫌外皮烤得唔夠脆！如果可以脆啲會更好～～士多啤梨法式多士呢個甜品非常有驚喜法式toast好香牛油味，加上口感又夠脆面頭仲有幾塊mini oreo，非常好食！真係要食埋個甜品先夠滿足香茅芒果茶生薑檸檬果茶呢個茶壺套裝好有美感裡面真係有2塊生薑，所以薑味突出，岩哂養生嘅我飲用！

📍 Glasshouse📍 太古 • 太古城中心1樓101A號舖-之前跟朋友去過《Glasshouse》IFC分店享受美好的晚餐～也有在他們太古城的分店試過午餐～這次終於來一嚐這裡的晚餐😛，也試一下上次沒試的菜式！-他們主打亞洲菜，尤其東南亞如泰國、馬來菜式，而每一道都融入了西式元素，非常特別-IFC店以落地大玻璃作牆壁，名副其實「Glasshouse」。而且室外座位更可以欣賞維港海景，環境很不錯太古城的這一家... 就只是分店🤣，環境來說肯定比不上IFC，但室內空間蠻大的-THAI Red Sangria ($78/NH; $68/HH)趁著happy hour，來一杯sangria～🍹•Crab Caesar salad ($148)酥炸珍寶軟殼蟹凱撒沙律伴流心蛋軟殼蟹凱撒沙律賣相非常吸引～凱撒沙律🥗配合炸半熟蛋、軟殼蟹🦀在平常的凱撒沙律上加了一點變化，卻又配搭得宜👍•Singapore noodle ($168)龍蝦鵝肝星洲炒米粉配西班牙火腿「星洲炒米」售價$168⁉️是因為加入了龍蝦、鵝肝，跟西班牙火腿！這個「大雜燴」讓常見的星洲炒米搖身一變，變高貴了👑😌米粉以自家製咖喱醬炒，咖