GOGO 為食坊

营业中

休息中

響旺角逛街逛到倦，晚飯時候，無意間嚟到呢間餐廳，發現原來呢間餐廳中式西式同台式都有齊，超多選擇，今晚同男朋友決定食台式嘢一齊share。特式台灣牛肉麵牛肉份量唔少，數落都有5-6件牛肉，食入口都幾稔，d湯都幾濃，帶少少辣。我選擇咗粗麵，都幾掛湯，整體上唔錯，呢個價錢絕對收貨。貪心嘅我認為如果多些蘿蔔會更加好。鹽酥雞扒肉燥蛋飯上枱有d似飛機餐咁，肉燥飯不過不失，鹽酥雞扒外皮炸得唔錯，幾香脆，雞扒食入口都嫩滑，同樣份量唔少。另外，配菜拍青瓜味道唔錯，滷水蛋入味。鹽酥蚵仔同鹽酥雞扒一樣，外皮炸得好香脆，蚵仔都幾大隻，不會有腥味，不會有沙，隻隻嫩滑且鮮味，食落外脆內軟。呢個好唔錯，$38，性價比極高。台式麻辣雞中翼夠哂麻辣，雞翼微暖，雞翼似乎是滷水雞翼再加上麻辣醬汁，幾入味。雪燕蛋白燉椰皇成晚最有驚喜係個甜品，本身幾十蚊都冇咩特別期望，結果係出乎意料，雪燕份量好多，蛋白好多夠滑，每口蛋白都充滿椰青水的清甜，強烈推介，真係又平又靚。食到嚟呢度已經飽到上心口，飲埋杯台式波霸珍珠奶茶，相當滿足。今晚呢間食堂外觀其實有d似foodcourt , 價錢亦唔貴，不過質素絕對比food court好，而且係

🚩GOGO為食坊估唔到旺角有個新地標，呢度成層都係食野，仲要一站式服務！無論中餐/西餐/台式/甜品都滿足到你哋嘅需要！裏面嘅裝修好闊綽，坐得好舒服，係高級版嘅茶餐廳～〰️〰️〰️〰️〰️〰️〰️〰️〰️〰️〰️〰️〰️〰️〰️🌈星洲炒米 $50星洲炒米嘅料好足，有蝦，火腿，芽菜，紅椒，炒得好香口惹味！不過就略嫌鹹咗少少，食開清淡嘅人可能會覺得重口左啲！🌈韓式辣味鍋貼 / 咖喱牛肉鍋貼 $40鍋貼一碟有四隻，性價比好似唔係咁高～不過鍋貼咬落爆汁，味道質素都唔錯😋建議大家食水餃$40有八隻！🌈水煮牛肉 $58水煮牛肉一放上枱就已經好香麻辣味！碗底裏面都放咗好多配菜，有青瓜/木耳/芽菜/芫荽。味道搭配得好好，不過如果多啲牛肉就更加好啦🌈養顏蛋白杏仁茶 $32杏仁茶裏面有好多蛋白，入口有好香濃嘅杏仁味，亦都食到一粒粒杏仁，真材實料打出嚟，絕對唔係落啲杏仁精就算🥹甜度控制得好好，為依餐飯畫上完美嘅句號～

週末去到旺角食lunch，發現朗豪坊附近開了美食坊雲集多國美食，一個地方食到曬想食嘅料理，簡直同美食廣場無分別餐牌有好多中式、西式、台式料理，今次主要挑選了台式料理！特式台灣牛肉湯麵台式牛肉麵湯底濃郁，微微辣，十分惹味。牛肉肉質鮮嫩鬆化，麵條係寬麵，軟硬度適中，蘿蔔好腍，好嗦湯。特色鹵水肉燥拌麵另外點了這個台式鹵水肉燥拌麵，鹵水好入味，配料好多款式：雞中翼、豬大腸、金錢肚、豬腩片等。麵條都係選取寬麵，蘸滿台式肉燥，口感豐富。主食附送餐前小食，醃青瓜魚仔，十分開胃。香蒜台式香腸拼鴨胸小吃方面點了這個香蒜台式香腸拼鴨胸，台式香腸蒜味突出，價錢相宜，性價比高，必點推介。一個地方可以品嚐到多國料理，而且性價比高。

尋日放假又係時候去行下街，搵下嘢食啦😬係旺角行左陣，就發現左一個砵蘭180+商場，入面原來有個「GOGO為食坊」😋一開頭以為係普通一個food court, 點不知原來係匯聚中菜、西餐、串燒、台式 同埋 甜品嘅美食坊😋我同太太都好難作出選擇！最終我哋決定食西餐🍴鐵板紐西蘭肉眼(5成熟) $158識食一定係食五成熟！小編覺得咁先食到塊扒嘅鮮味😋塊扒鮮嫩得嚟，又有好重嘅牛味！真係好正！明太子卡邦尼意大利粉 $78呢個意大利粉嘅配搭係最正的！小編又鍾意食明太子，又鍾意食卡邦尼！一次過可以滿足晒我兩個願望😬濃濃嘅卡邦尼 加上 明太子，真係有種錦上添花嘅感覺！🤤焦糖Moca星冰樂 $28P.S. 環境方面，因為係好新嘅裝修，令人感覺十分舒適！☺️

去完朗豪坊行街, 想搵D野食下, 但商場裡面D餐廳又多人排隊 同埋都幾貴小資小編都有時都會想慳返個錢🤣上網Search下發現附近開左間叫做"GOGO 為食坊"應該係類似food count咩都有得食 就走過去 原來唔係 係有人service 既 只係佢有唔同種類嘅野食揀佢都幾近朗豪坊 行2-3分鐘就見到去到樓下望到佢主打台式野, 西式野同埋甜品小編突然想食牛扒🥩😌而且見佢價錢都唔貴!!叫左份鐵板紐西蘭牛柳配薯條 $158 醬汁揀左洋蔥汁~ 黎到個堆薯條好surprise😂🍟🍟🍟🍟多到不得了 而且佢係熱辣辣同脆卜卜架 旁邊d蘿白仔, 蕃茄同埋豆都係有煎炒過(完全唔係hea do)牛柳我揀左5成熟, 因為係鐵板上, 可以食生d😙😙切出黎有dd血水就剛剛好牛柳有好香濃牛既味道, 不過冇牙小編可能要切細粒d黎食因為有少少un.. 但整體係ok 牛有牛味😂😂另外再叫左個墨西哥雞肉芝士夾餅$56夾餅有成6️⃣塊咁多😦呢個價錢真係超級抵食裡面有好多青紅椒, 雞肉同埋芝士, 係可以拉絲而且 都係一樣爆多薯條🍟🍟🍟🍟午市係包一杯普通凍/熱飲都可以+$8叫台式飲品小編加$8要左一杯台式波霸珍珠奶茶係正常出面飲

平時旺角想喺茶餐廳食個飯都又逼又趕，估唔到呢間餐廳可以咁闊落，坐得咁舒服。而且呢間餐廳仲集合咗中式/港式/西式，可以一次滿足晒3個願望✨照顧到唔同朋友嘅需要🌝濃蝦汁虎蝦意粉 $78有兩隻大虎蝦，肉質幾爽彈，意粉醬汁幾惹味，見到落咗好多蒜蓉去炒，而意粉質感唔錯，唔會淋patpat斷晒，掛晒濃蝦汁幾好食🌝金莎朱古力西多士 $31西多士入面搽勻咗nutella醬，加上西多士新鮮炸起，外脆內軟嘅多士加埋牛油、糖漿、nutella食絕對係超邪惡系列🌖抺茶香草星冰樂 $28抺茶味唔算濃，香草味較出，不過整體唔算太甜，所以都ok

誤打誤撞嚟咗呢度覓食，估唔到裝修風格幾有老香港情懷，地方寬闊，環境舒適，選址位於朗豪坊附近，嘢食種類超級多😹中式、西式、台式等等👍🏻▪️鹽酥雞扒肉燥拌麵 $58鹽酥雞扒食落好crispy，雞扒最怕會鞋呢個完全無🐔兼且夠曬大塊，食極都仲有；另外肉燥都幾入味，以瘦肉為主，唔太多肥肉，麵質軟硬適中，好味😋▪️特式台灣牛肉湯麵 $60呢個超級高質，味道有少少似康師傅個紅燒牛肉麵🐂湯底牛味滿滿超級濃郁；牛肉鮮嫩入味為數不少👍🏻今次揀選米粉更加配搭呢個湯底，忍唔住湯口都飲咗一大半。▪️炸黃金鳳尾蝦 $38以薯仔絲一圈圈包裹住鳳尾蝦🥔蝦夠哂彈牙，同薯仔呢個配搭好夾！睇得出呢道菜嘅心思同廚師嘅手藝。▪鹽酥蚵仔 $38鮮甜嘅新鮮蠔仔無落任何調味🦪食得出當中個鮮味，不過我就覺得可以落少少鹽調一調個鮮味就會更為出色🧂-▪️台式炭燒烏龍紅茶 $21飲落去帶有濃郁煙燻味嘅炭燒紅茶☕️，飲落清清地好👍🏻-▪️綠茶紅豆冰 $25帶有少少苦澀味絲滑嘅綠茶鮮奶🍵再配搭埋香甜綿滑紅豆🫘

嚟介紹下抵食嘅餐廳喇🥢！今次想介紹嘅位於旺角嘅GOGO為食坊🤣。我知道呢間餐廳原因純粹係因為我行行吓旺角嘅朗豪坊見有啲肚餓🤪，咁啱見到呢間餐廳嘅位置同朗豪坊好近，所以就決定咗喺呢度食下午茶😎。唔講咁多題外話啦，即刻同大家分享吓呢度嘅下午茶🫢。環境方面☝🏻餐廳真係好大間😲，所以都幾有空間感👍。座位嘅間隔都比較寬敞，所以成餐下午茶都坐得幾舒服😌。食物方面✌🏻#墨西哥雞肉芝士夾餅（$56）首先要介紹嘅就係芝士夾餅，講返個賣相先，佢除咗有芝士夾餅之外仲有啲薯角點綴下😚，睇落都算豐富。我覺得夾餅嘅煙韌度做得啱啱好🤩，而薯角都炸得好酥脆🥔。算係一款幾特別嘅主食。#生炸雞全髀配薯角（$39）隻雞髀都算好大隻👍，咬落去都做到炸雞髀應有嘅兩種口感，就係酥脆嘅外皮同埋鮮嫩嘅肉質❤️。值得讚嘅係肉質唔會過柴，入邊一樣所到啲肉汁🤩。#金莎朱古力西多士 ($31)我覺得呢份西多士係成餐下午茶最有驚喜嘅一個菜式😍。講吓佢嘅味道先，其實金莎朱古力西多士入邊嘅內餡就係大家都好熟悉嘅Nutella 🤪。估唔到Nutella同西多士會咁夾😚，而塊西多士都炸得好靚，食落口都唔會太油膩🥳。公司三文治配薯角 （$39）如果話金莎

旺角區近日開左間地方非常大的餐廳，他們有多款不同菜式可以食到，中式、西式、台式、甜品等都可以在這裡找到！特式台灣牛肉湯粗麵，湯底味道香濃，配上掛湯的粗麵特別惹味！牛肉炆得夠腍，整碗都好美味！鹽酥雞扒湯米粉，湯底睇落好清，但是食落味道鮮甜！鹽酥雞扒上面有淮鹽，香口又惹味！什錦滷水拼盤，這個拼盤包括有豬大腸、牛展、金錢肚、雞翼、豆腐和滷水蛋！滷水味道都幾濃，當中雞翼最為美味！牛肉餅，牛肉餅皮薄多汁，湯汁非常鮮甜，肉餡亦好juicy，好正呀！

唔講唔知喺旺角市中心開咗呢間美食坊，樓高兩層，除咗中、西餐，仲有台式美食同甜品分佈唔同區域，我哋就揀咗食台灣嘢。特色台灣牛肉湯麵 $60牛肉麵用砂窩上枱keep住熱辣辣。個牛肉湯頭好香濃，蘿蔔入味，牛肉腍嫩。蒜香台灣香腸肉燥飯 $58另外仲叫咗個肉燥飯，台灣腸肥瘦適中，肉燥撈飯食一流。鹽酥蚵仔 $38小食就叫咗份鹽酥蚵仔，都幾大份，蚵仔鮮味juicy，仲好香口。辣肉鬆皮蛋冷豆腐 $38豆腐上面鋪滿辣肉鬆，夾埋皮蛋一齊食，口感味道層次豐富。台式波霸珍珠奶茶&奶茶紅豆冰 (+$8)跟餐加$8就可以轉特飲，黎食台灣嘢當然要叫杯珍珠奶茶，珍珠煙韌彈牙，另一杯就叫咗奶茶紅豆冰，茶味香濃。南北杏雪耳燉雪梨 $32最後叫咗個燉雪梨做甜品，入面有雪耳同雪梨等非常足料，清甜潤喉。。。GOGO 為食坊 (旺角)旺角砵蘭街180號砵蘭180+商場1樓。。

和朋友喺旺角行街遇着大雨，他想搵個地方坐下用電腦，即刻帶他上GoGo為食坊。餐廳面積寬闊，環境開揚舒適，座位旁有充電設備。此外，餐廳非常乾淨，連洗手間也十分清潔，服務又好，你幾時見過茶餐廳會幫你換碟的？真是茶餐廳的價錢，酒店級的質素。這餐廳有中餐、西餐、台式麵檔和上海包點等選擇，連甜品也有中西兩項，選擇多多。我們叫了兩個午餐，不約而同都選了西式。濃蝦汁虎蝦意粉（$78）送餐湯和熱飲。意粉來到即聞到濃濃的蝦香味，不過老實說，擺盤比較簡單，想影張靚相也不能。味道卻非常好，虎蝦新鮮爽口，和意粉一樣爽口彈牙。鐵板雜扒（$86）送餐湯和熱飲。雜扒有豬扒、雞全翼、香腸、火腿和煎蛋，我們選了黑椒汁和薯條。這份雜扒，配菜比主菜優勝。主菜除豬扒煎老了之外，其餘不過不失，反而配菜非常好食。薯條是帶皮的，外脆內軟，不是一般急凍貨。綠色一條條的是法邊豆，比一般青豆幼長和柔軟，口感爽脆清甜，青草味也較少，當然價錢也貴些。除了法邊豆，還有超迷你球狀紅蘿蔔，圓碌碌好可愛，味道非常甜和無渣。這幾款西餐高質食材都很好味，為這八十多元的套餐加添高貴。食完午餐已飽飽，需要第二個胃食甜品。蘋果金寶配雪糕（$42）GOGO炸雪

「GOGO 為食坊」入到去才知道原來係間多元化的餐廳🍴提供中餐，西餐，台式料理，甜品🍮真係包羅萬有，店舖空間又大又舒服，店員又友善，另外，餐廳更可以安排團體會議房間及鵲局房，點止餐廳咁簡單😁😁鹽酥雞扒肉燥-拌麵 $58套餐包括小食：酸酸辣辣的涼拌雲耳仔，主菜係炸得酥脆又大塊雞扒，配搭甜甜地台式滷肉，口感爽脆的青瓜絲，闊麵條🍝😘😘什錦滷水拼盤$78分量十足，滷水牛展粒，豬大腸，牛肚，豬腩肉超軟腍，雞翼，豆腐，滷蛋，通通都好入味，好食😋😋香脆窩夫配雲呢拿雪糕$55自家製窩夫🧇即叫即做，所以要等十五分鐘先有得食，waffles 外脆有蛋香味，口感鬆軟，配上鮮果及雲呢拿雪糕🍦加上鮮忌廉，超好味😋😋跟歺鴛鴦紅豆冰🥤 $8，單叫綠茶紅豆冰$25紅豆🫘加入不同茶底，各有各風味😘😘

之前喺社交平台有見到有人介紹過呢一間餐廳，於是就約咗同事一齊去食個下午茶！識台灣餐廳一定要試吓嘅就當然係台灣香腸啦！所以我今次就自己叫咗呢一個蒜香台灣香腸肉操拌麵！成個套餐包埋嘢飲都係$43 ，好抵食！而且呢一度嘅台灣腸真係好吸引，煎得好香，而且呢一度嘅肉燥份量亦都好多！非常香口好滋味！

嘢食種類仲非常多添🍖🍗🍝🍜🥟🍤中式、西式、台式、串燒、喇沙等等...... 首先我同我朋友一齊嚟，我哋都幾食得架，我哋兩個叫左台灣肉燥飯，分量十足！仲有涼拌木耳送！飯菜也超級足！最後食完個飯就好飽！食台灣嘢點可以少得珍茶，我哋嗌咗一杯奶茶紅豆冰同台式波霸珍珠奶茶，飲完之後感覺好似去似去咗台灣咁！味道甜度適中，香甜帶滑，好濃香嘅茶味！可以值得一試！甜品方面我哋嗌咗一個熱情果芝士蛋糕同疏乎尼班戟，外觀非常精緻！而且蛋糕質地非常鬆軟！入口即溶😋芝士味十足！鍾意食芝士嘅人可以嘗試一下個芝士蛋糕！最後餐廳嘅裝修讓人覺得舒服，不會太奢華，佈置十分企理，最重要環境比較安靜，讓人可以靜下心來吃飯，服務員態度超級好，好有禮貌，我認為呢間店舖值得一試！之後還會再食👍🏿

前兩日同朋友上咗去一間新開嘅餐廳諗住求其食啲嘢，點知有驚喜。佢都幾特別，乜都有得食，中菜、台灣料理、西餐、中西式甜品。。。菜單多到唔知點揀，最後我哋揀咗最抵食嘅台灣嘢同埋一個窩夫甜品☺️佢價錢拍得住foodcourt，但係質素拍得住好多台灣餐廳，好味。香腸滷肉飯，$58 包熱飲台式香腸係我嘅最愛，點食都好味，呢度最正係啲滷肉好入味又好大粒，配上白飯真係一流😋個飯仲配埋其他配菜，有好好味嘅凉伴四季豆上面加咗半條沙甸魚，另外仲有半個滷水蛋，成個飯好豐富。鹽酥雞扒伴麵，$58 包熱飲雞扒好大塊呀，平時鹽酥雞粒食得多，鹽酥雞扒真係好少試，佢同平時嘅炸雞扒或者吉列雞扒好唔同，上面加咗啲調味粉，好惹味。麵嘅質地好唔錯，加上大量大大粒滷肉，好滿足。雪糕窩夫，$55我哋見台式嘢質素唔錯，就試埋佢嘅小食同甜品，瑞士雞翼正正常常，不過甜品就有驚喜，佢選擇都幾多，由中式嘅芝麻糊到西式嘅心太軟都有，最後我哋一致揀咗雪糕窩夫🧇窩夫即叫即整，好脆好好味，佢哋仲勁好服務幫我哋換碟同叉，好似食緊西餐咁👍🏻