GoodDay BadDay MamaDay

营业中

休息中

老實講，通常走玩味路線..食物質素相對…..呢間係有驚喜既幾年後再造訪，食物質素都仲係唔錯，仲有新menu添！三文魚牛油果莎莎 $88用炸過薄脆替代麵包，三文魚同牛油果仲有紫洋蔥加入檸檬汁調味，清新前菜美利堅草飼牛扒配沙律70% $168今日的冠軍，熟度剛好～食落juicy 有肉味雖然係沙律 但有鰹魚碎麻醬烏冬，大推1X今日咩心情比薩 $132 每日唔同，今日係千島海鮮醬pizza薄批底外脆內煙靭，千島海鮮有我少見的紫洋蔥自製山楂果肉玫瑰花茶 $54 養生花茶係一壺壺上，打開都幾份量 酸酸甜甜西班牙特飲$98Sangria 用橙汁做左layer 幾靚， 飲時拌勻就有陣陣果甜味，女士必點！整體前菜/主菜都幾有心思

地方裝修到餐名設計貫徹搞怪風，令沉悶的都巿生活即刻充滿生趣。✨蒲燒鰻魚蛋包飯呢個Main認真唔錯，鰻魚半份都好夠食，隻蛋做到半熟嫩滑感，加上唔少的木魚絲，炒過的鰻魚汁珍珠飯粒粒飽滿有光澤，引人食慾😍✨蜜汁豬頸肉配沙律豬頸肉同炸蝦片令我諗起越泰料理，味道「蜜汁」甜而且經香烤，肉份量2-3人，中間一細碗仔木魚片胡麻醬烏冬，沙律絕對唔會太dry 😁✨豎拇指牛小排比薩牛小排食開嘅人知佢油花豐富，肉質軟腍，雖然pizza批底同芝士咁薄，做到幾乎融為一體，同時又吸收晒肉汁精華，的確冇改錯名係Thumbs up pizza👍🏼✨士多啤梨奶昔面嗰浸係鮮奶打成嘅泡沫，有實感，草莓味一點也不假，飲落沒有酸味，合符期望！✨朱古力慕絲由於碟旁有咖啡豆點綴，相信有加入咖啡元素，不過食落主要都係朱古力同可可粉的配搭，總算不失期待，碰舌即溶的軟滑慕絲不多說了，食完甜品《今日咩心情》？chilling!

講咗好耐嘅飯聚，今日終於成行😚 難得見面，梗係要搵間好玩又好食嘅餐廳聚一聚！呢次朋友仔居然揀咗我哋嘅 #老地方「GoodDay BadDay MamaDay」見面😉 莫非佢同我一樣，對大廚嘅手勢念念不忘⁉️一排冇上嚟，餐廳嘅擺設依然係咁吸睛👀由地面沿着樓梯行上餐廳，已經謀殺咗我手機唔少位置🤭 呢日服務員安排咗我哋同 Mr Bean…幅畫 一齊坐，哈 笑死🤭🤭 老細喺餐牌設計上似乎都花咗唔少心思，插圖色彩繽紛之餘，仲分咗唔同主題，而菜式名都夠晒特別😉小食🦑魷魚圈 - 肉質彈牙，配埋沙律醬一齊入口，味道零舍合拍🦪蠔梗係要炸 - 肥美嘅蠔肉，咬口外脆內軟，正呀喂主菜🦞好日子梗係龍蝦炒粉絲 - 大廚一啲都唔孤寒，粉絲上鋪滿爽口嘅龍蝦肉之餘，再配埋特別嘅醬汁同冬菇片一齊炒，入口特別惹味飲品🍊甜甜酸酸洛神花柚子茶 - 凍冰冰又酸酸甜甜嘅口感，令人胃口大開☕️豆腐豆腐豆腐咖啡 - 大大個雪糕球放喺咖啡面上，咁chill嘅造型，#小秘書 真係未飲先興奮🤩 飲落去有啲似latte嘅味道，唔會太甜，最啱我呢啲怕肥又為食嘅人士每次嚟幫襯，除咗係嚟擦餐飽之餘，就係可以瘋狂打卡，感覺就好似置身喺玩具博物館一樣… 令

餐廳環境同餐碟都好特別，影相一流。QR code落單好方便。黃金軟殼蟹意粉比較淡口，一般。如果個汁濃郁d，唔好咁水汪汪就好～鵝肝意大利飯好食，好大舊又厚，煎得好！三文魚pizza，餅乾底，有點乾同硬牛扒沙律，好柴無肉味，下次唔會叫

難得朋友平日放到假，搵我陪佢Shopping，傾下食下喎！佢話同事試過呢間好正，又可以順便打下卡.....🌟GoodDay BadDay MamaDay🌟餐廳位置方便易搵，裝修充滿風趣玩味既元素，周圍都打卡位。我地2點左右入座，趕得切點午餐，抵食好多！有8款午餐揀，4人同行1人免費添送餐湯或沙律飲品送咖啡或蜂蜜紅茶建議加$18轉其他飲品，多好多選擇..🍴香煎美國安格斯西冷配薯菜**$158牛扒厚薄度剛好，7成熟都唔會好靭，口感仲幾軟腍，配上輕烤薯仔及沙律菜，夠健康。..🍴夏威夷滋味海鮮Pizza**$138薄脆Pizza加上千島醬，鮮蝦，魷魚，菠蘿，小蕃茄，配料簡單但幾滋味！..單點這份炸物🍴求其是但乜都炸啲啦4款隨機配搭**$103份量頗大，有炸蝦，炸魚柳，炸薯條，炸雞翼。款款好脆好香口，薯條好乾身，食落沒有油淋淋的感覺，雞翼帶微辣，魚柳面灑上芝士粉，倍添芝味。..我地加錢叫左甜品+$48 芒果青檸雪葩造型精緻，還以為雪葩是冰凍的冰雪口感，但造成長條的蛋糕形狀，食落似食緊芝士蛋糕的creamy感，酸中帶甜，下層是甜美餅底及檸檬醬。+$28 自家製手工蛋糕手工紫薯蛋糕分3層，上層係滿滿

📍 GoodDay BadDayMamaDay - 尖沙咀望住尖沙咀街景食飯，好寫意🫶🏻依度嘅lunch都幾抵食包左餐湯，份量大大碟就算嗌西冷牛扒🥩都係$158大過我隻手掌✋性價比高，絕對會回頭❣️✨ 直豎拇指牛小排比薩牛小排肉質鮮嫩多汁，烤至剛熟度，口感恰到好處！比薩餅皮酥脆，配料搭配得宜，增添了豐富的口味層次🍕✨ 蒲燒鰻魚蛋包飯蛋包飯上面鋪著大大塊鰻魚，鰻魚熱辣辣，有炙燒香味，肥美得嚟又無骨，厚度適中🐟滑嘟嘟的蛋包住日本米加上鰻魚燒汁，好好撈飯🍚✨ 紅酒牛肋條蕃茄意大利飯紅酒汁好香濃，有酒香，而且微微酸，食落都係好開胃🤤牛肋肉肉質軟綿，油香突出☺️而意大利飯都比較硬身煙靭，有咬口！✨ 今日飲咗益力多柚子沙冰柚子的酸甜風味與益力多的豐富營養沙冰質地柔軟滑順，入口即化，仲好消暑解渴🍧

呢間餐廳嘅裝修、格局、菜式名都好古靈精怪，比到客人新鮮感，🗿不論係坐位同牆上既裝飾，都令人目不暇及。菜式方面就以西餐為主，選擇都幾豐富。🥗 素食者沙律 $108呢個寫明比素食者既沙律好大份，除咗平時見到嘅沙律菜、洋蔥同蕃茄仔，亦都加入咗各種鮮甜生果，有原粒藍莓、紅莓同埋牛油果，加上有果醋，唔洗怕太raw。🍝 超級污糟大大條魷魚墨汁扁面 $158每條扁意粉都沾滿左墨魚汁，味道唔算好咸，帶有海鮮味，口感岩岩好，食完記得要抹嘴🤣🤣而配菜係好大份切好咗嘅原條魷魚，外皮烤得香口，肉質保持煙韌。☕ 自家製山楂果肉玫瑰花茶 $54依個花茶唔係平時餐廳一個茶包浸住，而係真係落左玫瑰花同山楂浸住既花茶，香味隨著浸既時間變濃，加上有質感既茶具，感覺令人放鬆自如。🍰🥭 荔枝芒果芝士蛋糕 $68依個芝士蛋糕口味上比較甜，有芒果果蓉既芝士蛋糕，底層係壓碎左既曲奇餅做餅底，味道中規中矩，另外仲有粒荔枝配搭，令甜味更加昇華。🍰💜 唔甜的紫薯蛋糕 $68依個蛋糕比想像中大件，分別有三層：紫薯、芝士忌廉同紫薯忌廉，每層既味道都好夾。紫薯味道香濃得來，又唔會過甜搶味，名符其實既唔甜蛋糕，係幾值得一試🤤Mamaday 🍝☕

my friend😅近排工作壓力非常大，相約出嚟食吓飯紓解下，我當然義不容辭啦⋯⋯帶佢去一間特色嘅餐廳🍴⋯⋯餐廳無論裝修和擺設都非常盞鬼⋯⋯係會令你會心微笑嘅餐廳⋯⋯最重要仲有特色飲品🍹酒🍷飲添⋯⋯GoodDay BadDay MamaDay白酒忌廉藍青口份量相當驚人！青口仲好大隻添！味道鮮味！配以白酒忌廉汁加埋青口一齊煮啲汁我哋都撈埋嚟飲😎⋯⋯甜到一個點！😋😋求其是但乜炸蝦相當大隻😋外層炸得非常香脆⋯⋯連殼尾都可以食埋！炸魚柳都好大塊啊！超正！仲有四隻炸雞翼添！好豐富！炸薯條🍟粗條型嘅！外層鬆脆！我哋兩個大男人都夠食！蟹G0G0甲羅燒龍蝦汁燉飯格羅燒非常鮮味，仲有好多蟹肉和香甜嘅蟹膏！鮮味十足！配以龍蝦汁嘅燉飯，非常鮮甜！味道又香濃！飯粒晶凝通透！煮得剛剛好！最鍾意佢有一個鮮蟹棒添⋯⋯嗌咗兩杯紅酒🍷⋯⋯入口非常順滑！冇酒點可以談歡呢？🙈😎😅⋯⋯最後加咗兩杯特色冰沙！焦糖脆脆脆咖啡沙冰🍧咖啡味非常香濃，頂層加咗焦糖脆脆，增添口感！加咗Oreo嘅朱古力餅個樣即刻靚仔咗！牛油果🥑沙冰牛油果冰沙最啱健康嘅我😏⋯⋯非常幼滑，而且唔會太甜！

因為個名，成功引起我噶注意，所以就抱住好奇心去試試水了。霖無到名字古靈精怪，味道也是很有水準啊！個個意大利蟹肉面，超級足料，有蟹膏有蟹肉，而且還有蟹籽，好鮮甜，蟹肉都几新鮮噶，意大利面口感極好，不會話好爛或者好硬，軟硬適中，口感好有層次感，而且個醬汁好濃稠，夠曬味道，好cream。

母親節前夕這個好日子，約了媽媽撐枱腳，選擇了一間比較新潮而且玩味感十足的尖沙咀餐廳。餐廳每個角落設計都不同，連枱的設計亦是十分多樣化，即使再去，亦會充滿新鮮感。一般都是食龍蝦伊面或意粉，而這餐廳的配搭是龍蝦粉絲，想不到味道都很夾。龍蝦尾爽口彈牙，粉絲充滿香蒜味。薄餅中間有隻酥脆的軟殼蟹，另外配有香甜菠蘿，亦有蟹柳，醬汁是千島汁，甜甜地，加上薄薄的，外邊脆口，中間有大量芝士的餅底。鰻魚蛋包飯份量很大，更可以加錢轉原條鰻魚，嫩滑的雞蛋，加上香滑的鰻魚，配上木魚和紫菜，很正。

   約了天真活潑的小妹妹朋友出來晚飯和分享一下她在海外讀書的生活。選了這間充滿玩味的餐廳相信她一定會喜歡。她見到餐廳的裝飾陳設已經很開心，雀躍的走到多個角落打卡一番！再看印刷精美的Menu内的盞鬼餐飲名稱更令她發笑。餐飲菜式選擇很多，套餐組合也相當不錯。點了~豆腐~豆腐~豆腐咖啡  $ 56㗎啡味香濃，豆腐雪糕綿綿滑滑微微甜的豆味香濃。二人套餐~西班牙海鮮飯  $ 298配一杯 Sangrie (西班牙水果酒)  蕃茄湯二客湯底鮮甜忌廉状海鮮味道濃郁，酸酸甜甜好醒胃。三文魚牛油果莎莎 $ 88牛油果與三文魚無論質感味道都非常之夾，軟滑之餘加上洋蔥和蟹籽的爽脆片的脆，配上醋汁酸甜的調味很清新口感十分豐富。西班牙海鮮飯賣相很漂亮，原隻厚肉新鮮大魷魚在飯的上面，鮮黃色飯粒粒圓潤飽滿。配料豐富鮮味，有爽彈的大蝦，青口，蜆肉......等。魷魚很大隻啖啖肉很有口感，這個飯我們吃得津津有味！餐廳氣氛輕鬆，食物味道好，我們吃得很開心！

最近同朋友去咗佢地既另一間分店.得知七月尾就要結業覺得好可惜.所以今日專登過嚟試埋另一間分店😉食物方面:⚪️蜜糖芥末雞翼新鮮熱辣既炸雞翼香脆肉嫩.配埋蜜糖芥末係冇得輸👍🏻⚪️蟹gogo甲羅燒龍蝦汁燉飯好多蟹膏放左係個蟹蓋上面.蟹膏配埋好濃郁嘅頓飯超好食.滿足😌⚪️黃金軟殼蟹忌廉意粉軟殼蟹好大隻好脆.估唔到配埋鹹蛋黃嘅忌廉意粉都幾夾.好濃郁嘅忌廉汁.食完都唔會覺得好膩!⚪️今日咩心情(即係抹茶芝士蛋糕)抹茶超濃而且一啲都唔甜.相對上芝士味就冇咁出.但係入口好滑好食😋⚪️益力多柚子沙冰超級清新.啱晒夏天嘅飲品好解渴😊⚪️73.5%朱古力應該係我喺香港飲過最濃郁嘅朱古力.對於鍾意朱古力嘅我完全冇抵抗力😝整體方面:餐廳坐得好舒服.上菜都好快.食物全部即叫即整好新鮮.除咗食嘢影相打卡都好正😊

GoodDay BadDay MamaDay - 尖沙咀今日去尖沙咀Cafe過一個Chilly Weekend 呢間餐廳嘅菜名非常有玩味 有時睇完個菜名都未必估到佢係咩嚟 😂蟹gogo甲羅燒龍蝦汁燉飯 燉飯有濃濃嘅蕃茄龍蝦汁味道 食落口感都幾好 飯粒粒粒分明 配埋甲羅燒嘅蟹膏食 推介有蟹膏又有蟹肉的蟹蟹蟹意大利扁面 意大利扁面有口感 而且有香濃嘅蟹膏味 亦有一絲絲嘅蟹肉 同樣推介原味微辣雞翼 芝麻雞翼面頭灑上少少芝士粉 食落香脆Juicy明太子薯條 新鮮炸起嘅粗薯面頭淋上明太子醬 香脆有薯味你今日飲咗益力多柚子沙冰未呀 其實即係柚子益力多沙冰 唔會太甜 仲有少少柚子肉同柚子皮粒 黃金阿婆塊皮 即係蘋果沙冰 不過我覺得柚子益力多沙冰好飲啲

今日同小朋友去尖沙咀吃一個晚飯，我們就去了這個名字很特別的餐廳。我們叫了幾個菜式。古法烤黑毛豬(西班牙豪華豚）🐷小朋友鍾意食黑毛豬，豐富的油脂分佈，濃濃的肉汁，肉質OK，配上芥末醬好香口；還配上彈牙的芝麻醬烏冬撒滿木魚絲，小朋友食到舔舔脷😋！點解個個都叫軟殼蟹比薩🍕大大隻軟殼蟹真係好吸引，配上千島醬，好易入口，餅底薄而香脆！期望愈大,失望愈大…雞翼🐤蜜糖芥末雞翼🍯雞翼是單骨雞翼，蜜糖芥末醬非常香脆惹味，有點微辣，所以小朋友未必個個食到。芝士味薯條🧀外層酥脆，熱辣辣，配上濃郁芝士粉，真的令人回味！😋

多國融合菜式餐廳，兼容有咖啡，奔著下午茶去既，豆腐豆腐豆腐咖啡，好奇心試左呢個，有種大陸豆腐奶茶feel，但係豆腐係豆腐雪糕黎噶，有dd凍，好新奇，但係好飲！香茅豬頸肉沙律，唔抵，蜜汁豬，有d似半成品，但係豬頸肉真係好難煮得好食，各人口味。Mango Lime Sorbet，這道雪葩給人一種清新的感覺，酸甜的芒果和青檸的結合，帶來了一股陣陣的清涼感。好重芒果的香味。呢碗雪葩不僅口感順滑，而且甜度適中。