Great Food Hall

营业中

休息中

聽講金鐘太古廣場 LG 1 Great Food Hall 入面嘅 Ms. Hanna 有好多素食選擇，而且不乏 vegan 嘅美食添，見到人哋影啲相都流哂口水，今日真漢子同大家實地去巡視吓先。👁️👁️Ms Hanna 係賣韓國熟食嘅，韓國嘢食雖然一向都有啲素食可以揀，但呢度就更上幾層樓，除咗有各式沙律，蔬菜同水果，仲用咗 OmniFoods 落韓國傳統菜式度。💚真漢子試咗以下食物（除非特別講明，否則都係 vegan 嘅）：🍙 素食紫菜飯卷 $52好大件又足料，有好多新鮮蔬菜，幾好味。據知仲有一款飯卷係用咗 Omni beef 嘅，可惜今次就見唔到。🥲🍜 韓國粉絲 $45非常好食，我最鍾意食韓國粉絲。👍🏻🐔 炒新雞絲 $58 (200g)新雞絲係 Omni 嘅新產品，我本身都有諗過買，但佢都小貴，又唔肯定好唔好食。今次食咗覺得佢真係模仿得勁似，如果唔知係素食真係會以為食到真雞肉嗌回水。咬落去唔係一般素肉咁「梅」，而係有真雞肉果個彈性。😲當然除咗食材本身好，Ms Hanna 佢哋運用得好都應記一功，因為調味做得恰到好處，能夠完美咁還原一個韓國菜式做素食版，真係令人好滾動。😭🍆 辣茄子豆腐

有飯炸雞 韓式小食 大量沙律 $100內就可以食飽 好鍾意食韓式小菜同沙律嘅我絕對滿足到 健康得嚟 唔油膩 素食嘅朋友可以選擇辣茄子豆腐辣辣地幾惹味 可以補充蛋白質！！最後梗係要加埋紫菜 同埋芝麻（韓國菜嘅靈魂）冷盤方面 有韓式飯卷同埋韓式餐盒🍱好鍾意食菜嘅話 仲可以揀芝麻醬西蘭花沙律 不過如果想食暖暖哋 係即食區嗰邊買會好啲-食飽梗係用日式番薯仔做甜品$20都唔使 性價比幾高！！甜甜地 仲可以補充今日嘅碳水 呢度可以滿足到唔同人嘅飲食需要無論今日想食炸雞、定蒲燒鰻魚或者清清地 食吓飯卷同沙律 呢度都可以自由配搭

喺金鐘返工嘅朋友一定會食過這間的外賣，超市入面好多唔同國家嘅食物可以選擇，因為金鐘食嘢不嬲好貴喺度食價錢比較合理。今天食咗佢入面嘅泰式食物店，我試咗佢個冬陰功湯麵$72可以自選三款餸菜，餸菜方面有滷水雞翼，鴨胸，唔同嘅丸類扎肉，雞絲等等任揀三款。我揀咗滷水雞翼牛丸同扎肉米粉，冬陰功湯底好濃郁，酸酸辣辣非常惹味，個人覺得辣咗少少，估唔到超市入面嘅冬陰功都幾好飲。但麵嘅份量唔算多，食完有少少覺得唔夠飽。牛丸好彈牙，但滷水雞翼比較老身有啲鞋。不過喺美食荒漠嘅金鐘算係唔錯嘅選擇。

1️⃣ ʙʀᴇᴛᴢᴇʟ 🔻 ʜᴋᴅ20 約重96ɢ⚡️ ʀᴀᴛɪɴɢ🌕🌕🌕🌑🌑・鹼水鹹香氣會是淡淡然 要認真去感受才聞到入口卻是麵粉香作主導 鹹香隨咀嚼時漸滲出吞噬時鹹香味最為濃重 但整體屬於溫柔派系也有一點微弱的牛油香 若隱若現稀疏的感覺下層肥大位置最好咀嚼 表皮微脆但粉感較重雖則扭結之粗幼度相若 口感層次還是挺分明假若想消除討厭的粉感 建議先蒸後焗為最佳先蒸就能令包體變軟熟 再焗就能增加咀嚼感・2️⃣ ʟᴀᴜɢᴇɴ @greatfoodhall 🔻 ʜᴋᴅ20 約重77ɢ⚡️ ʀᴀᴛɪɴɢ🌕🌕🌕🌖🌑・⚠️ 方法一 》即食整體味道偏溫柔偏平淡 微麵粉香甜作為前調當中充斥一點牛油鹹香 鹼水香氣是若隱若現按壓時感微軟略懂回彈 軟中亦有一點紮實感咬感屬硬實而且有點乾 幸好是粉感不那麼重⚠️ 方法二 》蒸焗味道跟香氣同上無分別 不同的只是口感變化軟熟中卻懂回彈又紮實 放涼後竟有煙韌感覺有輕微的拉扯感好咀嚼 韌感點到即止剛剛好-

又喺金鐘度返過工嘅朋友仔，就知道呢個地段嘅餐廳有幾咁貴，通常啲人都係去晒麥當勞譚仔米線陣呢啲平價嘅餐廳快餐店！而喺太古廣場其實都有一間比較多元化、多選擇嘅超市，叫做Great - Food Hall ，係一間集百貨於一身嘅半熟食市場，有一啲即食嘅熟食餐廳檔口可以俾大家選擇。如果今次就選擇咗去日韓美食講一邊揀咗呢一間日式烏冬便當你試吓佢嘅口味，一個冷泡醬汁烏冬加兩件炸雞，其實係太古廣場黎講真係唔算好貴，係份量比較少，但就啱晒啲OL同埋keep fit嘅女士！

午市抵食日式便當🍱每日都煩惱午餐食咩好，公司附近有間大型美食廣場-Great Food Hall，中日韓泰...樣樣有齊，選擇多，今日想食齊炸雞、薯餅、鯖魚，正當苦惱要去吾同地方買齊咁多樣野食，就見到一個日式便當有齊晒我想食既野 😆日式便當$78🏵南瓜薯餅 薯餅炸得蘇脆，南瓜蓉甜度啱啱好，薯蓉入口即溶，值得一試🏵鯖魚 鯖魚外皮煎得剛剛好，吾會太乾，加點檸檬，鮮味更突出🏵炸雞 外皮脆，肉吾乾，加埋個醬汁就更好味🏠Great Food Hall 國際美食購物廣場📍LG 1, Two Pacific Place, 88 Queensway, Admiralty

金鐘返工都知食野貴發現咗原來Pacific Place 樓下個Food Court 認真多選擇、又抵食！唔好睇佢個樣好似係City Super，一定又貴又唔飽～呢個越南車仔麵係人氣之選 🔥$68 一麵三餸 🫶🏻 配料有白蘿蔔 + 炸蒜 + 芫荽 + 生菜 + 芽菜🥬 麵選擇： 蛋麵 / 河粉 / 米粉（我多數揀蛋麵，因為索得最多湯 🥹）餸：今次揀咗雞胸+豆卜 + 滷水雞翼（夾餸個個姐姐好大方，雞胸2大舊+ 5-6 舊豆卜+ 3 隻chicken wings） 不過都要睇彩數，去過幾次，唔係次次都卑咁多，有多有少 😂湯底可以揀雞湯/冬陰功湯，雞湯真係高濃味～總結，平 靚 大份！

係金鐘翻工經常會係Great Food Hall買野食 試過幾個熟食既area 呢碗粉面係最抵食同味道都真係唔錯首先湯底有分冬蔭公/雞湯或者mix 試過幾次Mix 湯底都夠香同熱辣辣面底有分米粉/河粉配料雖然無話超高質 但姐姐每次都會俾好多 例如魚蛋有4粒 雞翼有4隻 扎肉有7塊 $68有3餸既面 而且份量咁多 味道又好 真係無得挑剔！雖然賣相唔係好靚 但味道真係幾好！ 最重點係唔需要等 所以平時lunch趕時間又想食得飽 food hall係個好方便既地方

每次放工想食啲fresh d 既野食就會去佢地個salad bar性價比極高！六十幾蚊既價錢絕對飽肚同時極多選擇No limit for your ingredients choices!!Already shared to many colleagues 😋

要去金鐘搵食都唔算容易，太古廣場樓下呢一個Great Food Mall，一到12點，就已經勁多人排隊買沙律，我諗我都排咗15分鐘先至買得到，呢一個係中size $67 ，如果想食啲輕盈啲嘅嘢，係一個唔錯嘅選擇，佢哋嘅沙律都算爽脆，款式亦都相對多，亦都有唔同嘅肉類可以揀，有雞肉豬手或者吞拿魚如果唔想食沙律，入邊仲有角色嘅麵包，日式或者韓式嘅午餐都有提供，喺金鐘呢個地方來講都算係一個比較平嘅選擇。另外佢哋仲有咖啡，入邊仲有漢堡包🍔

新一年，有咖啡加持，繼續拼搏。-嚟到金鐘太古廣場做做吓嘢眼瞓，匆匆去買咖啡。-超市內有food count，其中一間就係咖啡外賣店，店舖紅色咖啡機矚目，唔同種類咖啡豆直立喺舖頭當眼處，店員服務正常，有問必答，走近時會遞上餐牌。-Cafe latte $40 (small)咖啡香濃，牛奶普通，單純減低苦味，唔酸，味道普通。-整體而言，冇特別，味道正常，過口癮可以。

-🦄GREAT FOOD HALL -VEGGIES Hkd18/100gRating🌕🌕🌕🌑🌑KOREAN KIMCHI Hkd18Rating🌕🌕🌕🌑🌑-呢個係我上星期日 食Omakase前嘅午餐😂一向我食大餐前 都會食得比較清淡 心理上平衡返要唔係餐餐都咁罪孽深重 係唔得掂架 會好擔心…我就隨隨便便係Great Food Hall入面叫咗啲菜佢嘅選擇都Ok多架 仲有我最鍾意嘅炒蘑菇 好食同埋比較少見嘅Artichokes 自己係屋企整都比較難好難整得好食 不過呢度就整得幾好食 軟綿綿咁同埋唔會有個種苦澀味 所以有啲後悔只係叫咗100克不過整體上 啲蔬菜都比較油膩 我就唔會再去食嚕個日只係是但係超級市場入面劣食 食吓菜咁Great Food Hall個Food Court其實都有好多選擇跟住我又是但拎咗盒韓國泡菜 不過呢個泡菜偏辣-有啲泡菜嘅味道就比較酸 我自己麻麻哋酸嘅而呢個泡菜就係辣為主 無酸味 辣到我條脷好痛感覺上 我人生中都未遇到我最鍾意食嘅泡菜呢🤣好吧…呢個係一個頹食劣食嘅分享 純粹刷下存在感-

再次去食lunch時發現已經換左packing，金鐘呢個美食沙漠，中間野食選擇不多，所以呢到永遠大排長慮，$72有two hot dishes and two salads，基本上日日都差不多款式。如果叫泡菜炒飯或韓式炒麵，店員係會拎去微波爐叮熱比你，其他就唔會，我揀左泡菜蝦餅和茄子，泡菜蝦餅係凍的，偏油，而且唔太食到有蝦，泡菜味亦唔濃，整體係食緊一舊粉餅。茄子就微溫，有啲油，但味道還可以，正常茄子，同韓式扯不上關係。最多人食的係雙色蕃薯蓉，入口綿滑，好似食緊雪糕，可惜當日比較多筋，要邊食邊挑走。揀啱配搭的話，性價比係可以的，建議都係配飯同粉絲飽肚啲。

Great Food Hall always springs to mind whenever I need a quick meal/have no idea what to get in Admiralty😇 For those of you who dunno where it is, it’s right down the escalator beside Starbucks. This place offers a variety of options from pasta to Korean food. For vegans, the salad bar and Green Common stall are not to be missed💚 My personal favs here are sandwiches and quiches. Affordable and yummy. Never disappoint😋 Sushi looks pretty good too, especially that they’ve got discounts in the even

喺金鐘做嘢，晏晝食野嘅選擇唔多，great food hall係個買飯好地方。咩國家嘅菜式都可以揀，次次經過都見到韓國嘢好多人排隊，熱食有好多選擇，有燒豬藍玉、炸餃子、泡菜飯、炒粉絲、煎魚快、牛仔骨等等...至於沙律，可以揀冷豆腐、羽衣甘藍沙律、涼拌蓮藕、涼拌芽菜、番薯蓉等等……$72可以揀兩個熱食加兩個沙律，我揀咗炒粉絲同埋炒牛肉，沙律就揀咗蓮藕同埋蕃薯蓉pack得好整齊 ，啲嘢幾好食，但係唔會太濃味，止下韓國癮係唔錯