Greyhound Café (時代廣場)

营业中

休息中

銅鑼灣Times Square食通天有幾十間餐廳選擇，同朋友揀咗去Greyhound食，卡位枱椅闊落，服務正常👌🏻 「薄切三文魚配泰式辣汁」($142)用三文魚代替咗一般嘅生蝦，配泰式辣汁、香草、蒜片，作為冷盤味道夠醒胃👍🏻「泰式炸蝦配魚餅球」($98)熱辣辣，質地Q彈🦐「泰式烤南瓜豆腐沙律」($108)烤南瓜香脆似食緊薯片，沙律菜新鮮，配豆腐配搭清新🥗👍🏻「招牌椰子千層蛋糕」($78)好多椰子肉，椰子味濃，忌廉入口即化🥥「鮮果千層蛋糕」($78)生果清甜；兩件蛋糕忌廉清爽舒服無負擔，千層皮軟硬度濕潤度適中，份量大件，可以兩個人share食，收$78合理😀

傳聞Greyhound 的千層蛋糕可以媲美Lady M，今次跟朋友決定去品嘗一下。**泰式黃薑炸豬頸肉($118)**這道菜色的豬頸肉經過了炸的過程，外層十分酥脆，內裡則是肉質鮮嫩多汁。**海鮮菠蘿炒飯($148)**炒飯中加入了蝦和菠蘿，味道非常清新，而且炒飯的飯粒鬆散，口感不錯。**招牌椰子千層蛋糕($78)****抺茶千層蛋糕($78)**千層蛋糕方面，我們點了招牌椰子和抺茶口味的。這兩款蛋糕都非常的細膩，口感柔軟，而且層次感十分豐富。尤其是椰子的味道非常的濃郁，當中夾雜著椰子肉，甜度剛好適中，非常的好吃。總的來說，甜品確實非常出色，但主菜沒什麼特別，可以只嘗甜品。

今日拎住時代100蚊卷就去左GreyHound Cafe到食下lunch，我地叫左燒羊架配黃薑飯，脆脆杏仁蝦餅，泰式豬肉炒河GreyHound係一間幾大間嘅餐廳，就算午餐時間都坐得好舒服！燒羊架配黃薑飯羊架幾香，不太生太太熟，燒得剛剛好，但黃薑飯比較油，而且入面有d比較硬嘅粒粒要食得比較辛苦！脆脆杏仁蝦餅賣相好靚，有2款蝦餅，一款杏仁片蝦餅，一款係脆脆似米通蝦餅，杏仁香脆又好食，米通又硬又黏牙，呢款我真係唔鍾意！泰式豬肉炒河正常炒河，對佢冇乜意見總括黎講味道係ok,但比較油同埋d脆脆好硬！

今次搵返啲舊同事食飯，揀咗中間點，銅鑼灣，等大家都就腳啲。放工去唔洗好遠，食完飯返屋企都方便。其實食過哩間餐廳幾次，仲記得第一次食係好多年前去IFC分店。反而後來餐廳越來越多分店，就冇再食過。泰式柚子沙律 ($128)賣相同平時啲柚子沙律有啲唔同，放咗幾片大生菜喺底。柚子肉上面有乾椰絲、花生碎同脆魚乾，加埋沙律汁一齊食幾好味。好開胃，第一道菜食佢就岩哂。脆脆杏仁蝦餅 ($88)蝦餅表面沾滿杏仁片，令到個蝦餅唔會好單調。杏仁片炸到脆脆，好香口，好鍾意哩個蝦餅嘅口感，幾特別。泰式虎蝦炒椰菜伴粉絲 ($268)嚟到主菜，今日揀咗一個伴粉絲。真係要趁熱食，凍咗之後，粉絲變乾會黐埋一舊，好難夾，又唔敢好大動作，驚彈到周圍都係。撇除難進食哩個部份，個粉絲係唔錯，好惹味又唔會太咸，推薦❤️Iced Lemon Tea ($42)以前每次嚟食，都一定會叫杯檸檬茶，今次都唔例外。真係必飲，同記憶中嘅味道一樣。芒果千層蛋糕 ($78)最後，叫咗一個甜品做結尾。以前一直都冇試過佢嘅甜品，因為賣相唔吸引，而且價錢又唔算抵。有一次無意中聽到有朋友提起佢哋嘅蛋糕幾好食，於是今次就叫咗芒果千層蛋糕試下。份量原來都幾多

同朋友係銅鑼灣時代閒逛完搵左greyhouse 見有個海鮮patter幾吸引於是就入左去 環境都闊落 坐得舒服 員工有禮Menu都幾多選擇 類似越泰fusion菜式我地兩個人叫左海鮮拼盤 賣相好吸引 個汁好濃好惹味 夾埋海鮮個味道唔錯 連啲配菜好惹味不過份量略小 感覺唔係好抵食龍蝦唔算新鮮 其他海鮮有青口 就好大隻👍🏻另外order左個鴨髀湯麵 呢個份量仲細 一人一小碗就冇哂了湯底濃郁 不過隻鴨髀就有啲過鹹同乾甜品我地叫左個椰子雪糕配粟米紫糯米椰子雪糕好清香 配埋紫糯米粟米煙煙韌韌咁個口感好得意 本來以為食唔哂 食食下就食哂成個

時代廣場美食劵最後衝刺間餐廳都好多人，greyhound排第8但唔算等得耐太耐無食，好多嘢都想食，用劵唔可以點set, 價錢相對貴辣青木瓜沙律配菜配搭幾特別，清新但又夠辣串燒雞沙嗲醬淡香而不濃,簿餅鬆軟有溫度脆脆杏仁蝦餅有兩種口味，一款係米餅咁，比軟硬及黏牙，而杏仁餅則鬆軟有口感泰式豬頸肉炒河河粉質地係比較特別，硬身又滑，唔碎，但少肉，唔值得等半個鐘見好耐未嚟lunch time又就完就問下，睇都唔睇就答你整緊，隔離兩枱都有追餸嘅遭遇，如果唔係成兩個鐘飯嘅你唔好揀lunch time 同朋友嚟，食得嗲嚟又傾唔到計

Greyhound在我印像中，其實是一間很不錯的餐廳，太古城和又一城分店我都幫襯過， 餐廳環境好舒適，侍應服務亦都很有禮貌，又會經常幫你斟下水。今次幫襯銅鑼灣分店，點了一碟黃咖哩海南雞，和帶子露筍香草寬條麵。帶子露筍香草寬條麵醬汁好creamy, 略嫌份量少一點，但係都係好食既。至於次碟咖哩海南雞就真係出事。首先賣相唔合格，我諗任何一個學過廚藝嘅人，應該都唔會接受呢個賣相，雞肉質素勉強ok, 另外碗咖哩似清湯，冇辣味冇咖哩味，我知道有些泰國餐廳為咗迎合香港人嘅口味，會把辣味調淡一點，不過唔會淡好似清湯咁。其實廚師有冇心機做菜，食客係一定食得出。總結今次再幫襯完Greyhound, 我見到它們在食物質素方面，仍然有一些改善空間，我相信它們將來一定可以做得更加好。

平時都有幫襯開食泰國Menu。今天男朋友試新嘢，點了西餐餐牌，中曬伏。我沒有看過餐牌上的圖片，所以不知道有什麼期望….1. 軟殼蟹沙拉芥末醬 $168隻蟹超級細，性價比超低。2. 咖喱牛肉連薄餅兩三舊牛肉，性價比偏低3. Penne 不過不失，比他好的選擇超多看看其他檯，都是泰國菜，啲食物都比較正常，我覺得可能點的菜剛好都不太好…. 但不太好為什麼還是要推出呢？大家都係點泰國菜吧。最後要讚讚其中一位staff，我問他是否換了menu或廚師，他直接問我是否有什麼問題，耐心聆聽feedback，並承諾會向他上司反映。 謝謝！

Greyhound 唔只食過一次，但服務咁差真係Time Square 呢間先遇到😂 門口排隊等入，15分鐘內同一個店員問咗4次我地幾多位，另一個店員又問咗2次，其實我地一直冇加減人數，未入去一共重覆咗6次“我地3位”。 餐廳出面一直有人排隊，冇mark低又冇記住，問完就冇咗回事，都幾無奈😂終於坐低落完單，上咗一杯冇嗌到嘅野飲，隔咗一陣又上多杯錯嘅，於是問一問係咪落錯咗單，店員回覆係“冇落錯單，只係同另一張枱調轉咗” （呃……咁咪即係落錯），以為之後調返啱張單啦，神奇嘅事發生咗，第三樣上嘅食物又係人地嘅。最後上錯咗3次菜之後，先食到我地嗌嘅野🥲仲未完，埋單都要玩三轉😂 嗌埋單，服務水平好一致，都係應完“好”，然後就沒有然後。我地唔趕時間，冇話要1分鐘內即刻要張單，真係等咗好一陣都見唔似有人幫手埋緊單先再問，最後真係嗌咗3次先成功。去嗰日full house，忙中有錯係明嘅。只係一句sorry 都冇，應完你就冇咗回事，咁嘅服務真係唔會再去 😂😂 樓上樓下仲有好多選擇，唔洗嘥錢黎呢間

年初一 ，周圍冇野食..去完睇戲系openrice見到哩間仲有開真系辛苦哂各位員工。 但系...雖則價錢略貴，選擇比較小。但新年一家人都系想食得開開心心～ 最後Order左柚子沙律，泰式雞肉意粉， 金邊粉，香煎肉眼扒，海鮮雜錦湯.... 柚子沙律正常價值318既肉眼扒..可以熟到禁又un..又難咬,可能我見識小.收禁既價錢...吾期望塊扒有幾令,但吾會系禁。唯有講句.泰餐有扒食.仲想點？？？哈哈哩個海鮮湯酸辣度ok。4個人share...問一位女侍應生拎一隻大湯羹去分湯我：你好，想要隻大湯羹去分湯，吾該哂女：er.... 我地冇我：冇？？（滿頭問號）女：er..系阿。我地冇，要用枱面上個隻結果啲菜上完, 我都一直仲用一隻禁淺既匙羹去分湯諗住叫人黎熄火，想直接成個倒落碗廢事慢慢分叫極都冇人理 ....新年想食得開開心心點知....太無語了想叫人加水又冇人加，眼看冇full house 但服務態度都真系太一般，可能系我吾夠體諒佢地可一不可再 BTW.真心講句，收哩個價錢...真系需要去改善下。

服務員態度惡劣，都什麼年代了，小朋友拿著奶茶進店，服務員硬是不讓小朋友喝奶茶。也沒有在一開始就說清楚，後來就拿出一個要罰款150港幣的牌子，真是滑稽！如果不是因為新年了，以和為貴，真是不想在這種店裡受氣。食物味道很一般，酸甜魚不入味，咖哩蝦吃起來很老，不新鮮，只有那個薄餅味道還行…蟹肉飯非常咸。總體來說就是服務跟不上，態度惡劣，對顧客很不友好。食材也很普通，像是速凍的。就是靠一些醬汁調味，以後肯定是不會再光顧的。

🥩 和牛咖哩金麵（$188）咖哩汁香濃，麵嘅口感幾彈牙；牛肉都算淋，有幾片，唔算多。加少少青檸汁可以冇咁「溜」🙌🏻🌶 秘製辣肉醬手包粉卷（$108）呢個係每次去 Greyhound 都會嗌嘅，自己手動包嚟食，除咗好玩外，醬汁鹹淡度都可自己調節。包出嚟似生菜包多一塊粉皮，口感豐富。個肉醬唔算太辣，加少少汁，酸酸哋鹹鹹哋，不錯👍🏻🥙 雞肉沙爹配印度簿餅（$78）普普通通，唔太特別，唔算特別吸引😅🍹Fruity Shaky Yogurt ($68)食完濃味嘢，飲返杯 yogurt drink，杯飲品感覺似用新鮮水果整成，refreshing👏🏻

今日下午透過OpenRice 預訂檯2位，但因為交通擠塞而遲到了十五分鐘，趕到後站在reception的人員表示系統已取消，但眼見餐廳只有兩檯客，便問問可不可以walk in，最後他們好像很為難似的便帶我入座。整間餐廳只有兩檯客，但侍應偏偏帶我們到一張很細少的二人檯，唯有照安排坐下。剛巧收到另一個朋友來電表示可以一起用膳，正趕來，所以我問侍應可否安排三人檯。以下是我和侍應的對話：侍應：你的朋友幾點到？我：大約7:30（當時是6:30）侍應：我們限每檯客90分鐘用膳時間我：但餐廳只有兩三檯客，又不是full house侍應：如果無人你可以坐兩個鐘，但你朋友7:30才到，不如到佢真係黎，我先再換比你啦。我：我食到一半，你先換比我？成間餐廳咁多檯，點解唔可以而家轉？你今晚full booking咩？侍應：………總之係公司規定同朋友商量後，我們頭也不回便離開了，很失望的一間餐廳，完全不想做生意一樣。印象奇差！

今日叫左好多野食，叫左一碟啖啖蟹肉奄列，唔錯但糸太少蟹肉，個汁幾好味，另一碟系辣肉碎配牛油包，超辣超好味，配d生菜同牛油包剛好，再叫左泰式辣汁木瓜沙律，味道唔錯，再叫左冬陰海鮮炒米粉，超好味，米粉幼，冬陰公味剛好，叫左一杯Fresh Coconut Juice，一般，椰青會好啲，另一半Longan Juice in Crushed Ice，都係一般

落單到等上菜等咗45分鐘，仲要個金邊粉得幾啖😰(趕住返工無影到..) 講真唔想做西客，十幾分入座，54分先食到第一樣野🫠麻煩侍應去廚房睇一睇，中途佢就走去幫人埋單，就無再見到佢幫我哋追下。又再等多10分鐘，想取消嘅時候先有個人同我哋講炒緊🫠好啦好啦，終於等到出嚟！見到一次炒5個... 隔離枱遲過我哋落，又咁啱同一樣野，仲早過我哋上！🔥啲野食其實唔差，都幾好味，但要等咁耐真係無下次👋🏻 尤其是返工放飯時間真係趕唔切🥲