GUM "JENG!" X 御前上茶 (已結業)

旺角不難發現美食，這裡標榜抹茶及綠茶甜點，不妨試試看。晚飯時間都試下其他食物質素，點了沙律、餃子、冷烏冬及雪糕豆腐布丁欣賞食品的味道尤其烏冬的質感彈牙不過叫得冷烏冬，可以再凍些，只是室溫就是美中不足了。至於服務就好一般的，客人有太多，坐下來被左右各3位客人夾著，真是令人大大的壓迫感，傾計都難至於甜品，就是一般吧，不是想像中的好味。抹茶冰淇淋較好，不過豆腐布丁沒有豆腐味又不夠滑，差少少了都欣賞價錢平易，尚算抵食

I have wanted to try this place for awhile, but was always in such a rush when I walk by. Finically tried it today and I have to be honest, I am somewhat disappointed. I didn't order any dessert and maybe that was my mistake. My husband and I only ordered our mains there and it was pretty average. I ordered a cold udon dish and my husband a curry pork cutlet rice. My prawns in my dish wasn't very fresh as it tasted super fishy. Not great for tourist as there isn't an English menu. So I had

遇上烈夏,行出街已經簡直一步腳三滴汗,真想快點去到有冷氣的地方,平時習慣夜d先食晚飯.但真的實在太熱,決定提早食飯~入去涼涼冷氣。所以首要的選擇想找一間舒適又有冷氣的地方食飯。而看到這間的御前上茶,看到不但有飯,有烏冬,也會有雪糕甜品,感覺也很多元化。而時間尚早,人流並不多,就決定和朋友入去食呢間。看到餐單後,就決定拍板叫一個三文魚子茶漬飯($68)。一個餐包一杯抹茶(凍/熱),又或者湯。不過我偏好飲抹茶,熱乎乎的抹茶,配上一條木匙,有一番日式的風味。抹茶略甘,茶味並不算濃,但入口也有一種清醇的味道。滿滿的三文魚子佈滿在飯上,而飯也採用了日本米,小巧而圓潤,配上茶湯倒在飯中,令到飯味帶來微咸的效果,味道不會太寡,三文魚子也算新鮮,入口會有點爆珠的感覺。夏日裡配上這個茶漬飯,也能為沒胃口的食欲,帶來一絲的驚喜。本來想食甜品,但奈何發現趕時間去戲院,還是作罷,也和朋友相約有機會再一嚐這裡的甜品。

星期六同好朋友黎食宵夜🌟諗住係雜誌同網上都有唔小食評人介紹過呢間野就去試試‼️9點幾去到，好多人係出面等，等左30mins 多d 咁 終於有得入坐，啲位老實講小小迫😪 我地食開抹茶野，心中對好食抺茶味有個price list. 完全覺得佢over priced 🤦🏻‍♀️培茶凍飲都幾特別嘅個味道，不過抺茶野嘅味道好淡！ 而且一個set 成舊水。仲要加一😂啲waiter 服務都唔係好好，成日吹人咁。一食完就想趕人走！🤢

糖水時間， 見雜誌介紹， 所以黎試。約十點幾到達， 等四張飛， 約十五分鐘有得入座。我地三人被安排坐二人檯，好迫。入座時， 老細（應該係）提醒限坐45分鐘。坐低叫野食，朋友A叫左 T12 御前戚風聖代 （$62）， 比menu 張相， 個杯又細又窄。我叫左T16 霜淇淋配豆腐布丁（$48）， 黎到雪糕有啲溶，已經倒下，個擺盤唔得，求其用個日本碗，不過， 味道都ok，個豆腐布丁好重豆腐味，雪糕可選雙色 （抹茶 x 焙茶）朋友B叫左T07 御前霜淇淋盛合（$78），個presentation 好勁，下面有乾冰，出哂煙咁上檯，但碟甜品其實好細碟。總結，味道係唔錯，但定價偏貴。我地每人為自己個甜品定個心水價，都比佢個定價平，哈哈！

一個人晚餐吃甚麼好？在旺角街頭徘徊了一會，看到了御前上茶~之前在這裡吃過雪糕，感覺平平，但它原來也有正餐menu，而且選擇不少，見有最近想吃的茶漬飯，便決定在此用餐在多款茶漬飯中，我選了蟹羔蟹肉親子茶漬飯，$68，配一杯抹茶，十分相宜蟹羔蟹肉親子茶漬飯($68)：整體上，飯的份量不少茶湯是鰹魚湯汁，微鹹，但個人認為，既然這裏是綠茶專門店，茶湯如能用上綠茶，添一份茶香，會更好。不過，湯汁的微鹹和本來帶鹹的飯素配合得剛好蟹肉未算鮮甜，但味道和口感尚可；蟹羔和蟹籽的分量更多會更好但整體而言還是不俗。

對於我黎講，一間餐廳/食店，食物質素固之然重要，但當中既服務態度同樣不可忽視！就算食物質素更好，但服務惡劣的話亦只會令我覺得“貼錢買難受”-而個晚我就正正有呢個感覺當晚我同朋友大概2215到入坐，門外冇人排隊，店内亦未見滿坐，相信不見得係繁忙時間，但店員態度極度差劣！！！當晚我地兩個人叫左兩款甜品，要求店員俾多隻匙羹既時候，某女店竟然係“pad”隻羹俾我地跟住窩夫食到尾段，我拮埋最後一舊但都未放入口，店員已經問都唔問就收起我隻碟，我同果位女店員對望左一眼，佢竟然係對我冷笑左一下就走左！！！當下我都真係黎唔切反應就俾佢收起晒我啲野我唔理解點解可以咁，我連舊窩夫都未放入口就已經收起啲碟，咁同趕客係無分別！！！呢度既食物亦未見特別出眾，窩夫有茶味但偏乾偏硬，而雪糕係ok既，但整體都只屬普通，性價比唔高！加上咁樣既服務態度.....我諗我唔會再想黎俾錢受氣

近來積極和好友們見面，不論幾年沒見的還是時有相聚的，見面時大家還是吱吱喳喳說過不停，好不舒暢。是晚和好姐妹出來吃上海菜，吃畢後正餐後意猶未盡，好友提起之前想試的雪糕店，動身前往。這店紅極一時，我們星期一晚九時來到幸運的不用等位，而這裡設有最低消費，每人最少要點一款食物或飲料。剛才吃得飽，雖然那些芭菲看上不錯，還是點個基本的雪糕嚐嚐。焙茶綠茶霜淇淋紅豆白玉 $48/ 焙茶霜淇淋甜麥白玉 $48用木托盤和竹筒型器皿盛上的雪糕看上去可愛吸引，草草拍過幾張照片便滿懷期待放入口；雪糕冰感重，奶味茶味皆不濃郁，兩款口味也令人失望，性價比低，隨便都能數出比它好的同類型雪糕店，試過一次便夠。

御前上茶之前一直好像只賣甜點，但不知從哪時開始有正餐出售。朋友見有多種茶漬飯選擇就不用想選了這用餐。要知道不是很多地方會主攻茶漬飯的。入內聽侍應生用心地介紹它們的茶漬飯就知道應可期待到好貨了。本想點多一些來試被侍應生哥哥阻止，叫我們吃完再點。。。好吧!聽話就點了一個鮪魚蓉茶漬飯和一個冷烏東。※鮪魚蓉茶漬飯： 用鰹魚乾的湯泡滿到飯面，完全的攪拌至飯都泡到湯汁，吃下有濃濃的湯汁香，很棒!※蝦配胡麻醬冷烏東：放了小蝦和大量小銀魚和玄米增加口感。冷烏東配胡麻醬本來就惹味，再伴清爽的蝦仁真的非常好※抹茶waffle: 選了培茶綠茶双拼軟雪糕（沒有很甜，培茶很香）配紅豆和 綠茶窩夫味道很搭。因為配雪糕吃就蓋過了窩夫不夠脆的缺點了。那些小蕨餅有濃郁抹茶味，在吃完甜的雪糕來平衡一下剛好! 這裡的價錢比較平易近人，是喜歡抹茶或日本輕食的人的好去處!

夜晚10點係旺角唔知食咩好，揀左好耐最後決定試下呢間主打甜品既御前上茶主食大部份都送抹茶/湯（唔識欣賞呢杯抹茶 無咩味）牛肉飯 普普通通 飯偏淋 好多汁 同吉野家無咩分別🙈冷烏冬 幾好食 烏冬咬口彈牙 而且唔貴！ （$～50）夏天好岩食呢個甜品咩都有 豆腐花、脆脆、綠茶涷、蛋糕。 幾抵試雪糕好多 培茶味幾好味 重茶味。但我個人覺得個雪糕唔滑，質地偏沙冰。總括而言呢，呢間主食抵食過甜品（主食～$50，甜品～$60）。所有野都不過不失，試一次就夠😂

係旺角食完晚飯都會不忘去食個甜品 旺角多甜品鋪係人都知 今次就去左御前上茶到食下抹茶野～呢到就要每位都要至少叫一個甜品或者飲品既～咁就同朋友一共叫左3樣👏🏻第一個就係雪糕配甜麥白玉～焙茶雪糕都唔錯 唔算太甜 食落有少少甘甘地 好濃郁～食飽飯食佢感覺上無咁膩👍🏻白玉都夠哂煙un 而甜麥就脆卜卜 口感都好豐富👍🏻另外仲叫左抹茶雪糕配紅豆白玉～抹茶紅豆係絕配唔洗多講 但抹茶雪糕比起焙茶就無咁濃郁 但都係少甜少少甘甘地 都唔錯～個人比較中意焙茶 最後就係御前雪糕盛合～ 呢個就試埋白玉雪糕 呢個就食落個味比較淡啲 而啲綠茶啫哩個人黎講唔係幾like 但70幾蚊有埋乾冰效果都幾好既 可以比人影下相～

今天我夫婦和小女三人去了「御前上茶」。看見店內寫著「每人消費最少一個飲品」，便問了店員我的女兒是否也計在內，那店員毫不猶豫的答我們不需要，於是我們點了一個飲品和一個甜品。最初我奇怪為什麼那店長沒有給我們發票，過了10多分鐘後，那店長走來問我們是否已沒有東西叫，我們答是。那店長立即有點不禮貌的指着那張告示，叫我們下次不可以這樣。我感到很憤怒，我告訴他是他的店員告訴我不需要計小女的，那店長一聲不響，沒有回應也沒有道歉。這次經驗使我們對這店的印象很差。本來店內的食品和賣相可以，但以這種服務態度，真叫人不想再來。

又去！又去！抹茶控的朋友，總愛到同一間抹茶店喝她、吃她愛的抹茶製品！我不是說了我沒吃飯嗎？好，你贏！你請客，我只好跟隨！我點了牛肉飯+凍抹茶！凍抹茶超讚，好香濃，又唔會苦，炎炎夏日飲，超消暑！牛肉飯食到想發脾氣！牛肉無味，牛肉汁超油膩，攪到成碗飯油亮亮，未食先滯！唔係去到三點都未食過野，我一定唔會食！仲要$58問心，吉野家好食好多！總評：食甜品，賣抹茶的地方，你都係食番甜品，或者飲杯野好啦！千祈唔好，好似我甘傻！

返咗一晚通宵，瞓到日上三竿，晏晝三點幾約朋友出街開餐。今日真係太熱，都冇乜心水食店，咁岩經過見到有綠茶專門店又有飯食，所以就入去試下！太想食鰻魚嘅關係，所以叫咗個鰻魚飯，跟餐有杯抹茶可以揀凍或者熱， 由於今日真係太熱，所以就揀左一杯凍嘅抹茶。友人就揀左個大盛和風牛肉飯。鰻魚飯特寫，肉質有彈性但個汁稍甜，有待改進！飯好黏，黏到成餅野咁，要用筷子篤鬆店家要好好研究下個飯點處理會無咁黏。呢個大盛真係O咀，唔知佢大左係邊，飯量同我碗鰻魚飯一樣！牛肉同個汁都麻麻。朋友話食吉野X好過😂杯茶👌🏻埋單百零蚊，但同質素唔成正比。侍應服務不錯但環境衛生有待改善，見到有隻5蚊咁大的蜘蛛係地下行

是晚與損友們深宵遊蕩，蕩到來旺角的糖水街廣華街。有中式﹑西式﹑日式甜品選擇，沒人拿上主意的話，就「點指兵兵」選了GUM "JENG!" X 御前上茶。記憶中這家店剛過江而來，每日也人山人海排隊朝聖。友人紛紛點了招牌的綠茶甜品，我卻不入流地對焙茶饒有興致：豆腐焙茶霜淇淋先論賣相，與餐牌的大致無異 (不少食評說豆腐花實物與餐牌極大偏差的)，只是份量稍為「的式」。食材：焙茶霜淇淋夠凍，即使屬軟身亦能在花上幾分鐘拍沙龍後屹立不倒。焙茶味醇厚，清透的深褐色，營造出溫和感。豆腐出奇地幼滑，豆味濃郁。如果抹茶與砂糖牛奶都能完美融合的話，那麼焙茶也絕對可以完美和豆腐融合成一道新的美味。這晚損友們心情一直保持在怡情悦性的程度… 嗯，連店主在旁聽見也竊竊而笑，後來加入聊了幾句，原來店主也是性情中人呢!