GYU TOWN 牛舌專門店

营业中

休息中

位於繁華深水埗的GYU TOWN牛舌專門店,無疑是牛舌控的天堂。這家店專注於日式牛舌料理,賣相精緻,味道更是出眾首先推薦的是「香蔥薄燒牛舌芯配日式牛排汁」。牛舌肉質鮮嫩,外層微微焦香,入口即化。搭配日式牛排汁,酸甜可口,為這道菜增添了層次感。 另一道「套餐白飯升級滿湓牛舌筋溫泉蛋丼」同樣讓人驚艷。牛舌筋Q彈有嚼勁,溫泉蛋流動的蛋黃與之交織,再淋上特製醬汁,整個丼飯香味四溢,口感豐富。最後必嘗的是「美國牛小排配牛舌尖」。牛小排肥美多汁,牛舌尖則柔軟鮮美,兩者搭配恰到好處,層次豐富。值得一提的是,這家店的用餐環境也頗具特色,復古日式裝潢營造出舒適愜意的氛圍,讓人彷彿置身於東京的小酒館。總的來說,GYU TOWN牛舌專門店的每一道菜品都讓人難忘。無論是牛舌的品質,還是料理手法,都展現了店家的專業水準和對細節的追求。這裡無疑是深水埗美食地圖上的一顆明珠。牛舌愛好者們切勿錯過!

前排約咗朋友行街，諗食咩～然後又去左食牛舌😂想講已經連續三次見面都係食牛舌，究竟我哋有幾鍾意食牛舌？🤣不過今次食牛舌專門店，有唔同部位簡！佢哋全部都可以加錢轉套餐（套餐跟沙律、湯、汽水）-鐵板系列～美國牛小排配牛舌尖🥩依個鐵板的主角是美國牛小排，有兩大塊！經過鐵板煎烤後，外層微焦，內部則保持多汁。而牛舌尖好厚實。而醬汁方面我揀咗燒肉汁，調味到位，完美襯托了牛肉的鮮美。-御• 重盒～三重牛舌🐮三重係指牛舌芯、牛舌尖、牛舌筋。我覺得店員煮牛舌嘅生熟程度控制得啱啱好！對比起鐵板，唔可以等咁耐先食😖第一次食牛舌筋，細細粒好似五香肉丁咁～有嚼勁但係唔會咬唔斷。而牛舌尖則好有彈性～我最鍾意係牛舌芯！大大塊好柔軟，而且仲要半生熟，裏面係粉嫩好有牛味！！

同屋企人嚟深水埗購物，買完就順便喺附近食埋晏先走。記得之前有朋友推介過桂林街呢間牛舌專門店～鋪面地方不大，堂食只有 6 張檯，但裝潢很有特色，以日本居酒屋為靈感，別具風味。餐廳主打牛舌料理，將牛舌細分為 3 個唔同部位，再配合以不同煮法及配料，炮製出超過 10 款不同牛舌美食，非常厲害。點咗客鐵板香蔥薄燒牛舌芯，+$38 可以升級套餐，包沙律、湯、汽水及滿溢牛舌筋溫泉蛋丼，+$15 更可配多條司華力腸。牛舌芯賣相好吸引，以高溫鐵板盛上，面頭鋪滿了大量炸蒜和蔥花，肉質鮮嫩多汁，唔會太腍太韌，細嚼更可嚐到陣陣脂香，同燒肉汁好夾。伴吃嘅丼飯，味道亦唔錯，牛舌筋切成粒狀，再用味醂及醬油等炆煮，入口軟嫩味濃，撈埋隻溫泉蛋一齊食，真係冇得輸。另外呢客美國牛小排配牛舌尖御‧重盒亦係必食之選，牛小排肉味相當濃郁，牛舌尖彈牙富嚼勁，但又不失韌性，用嚟佐飯一流！+$18 仲可以轉套餐，跟沙律、湯同汽水，性價比極高👍

似食緊台灣野（肉粒飯+燒汁）、個湯都係似中式（洋蔥味胡椒粉湯），食落去個口感唔係日式，有啲奇怪。同埋牛舌應該本身係硬，但食落去係腍啤啤，雖然我唔知係咪呢個口感，但我覺得一般，可能出去食日式嘢仲好過，個價錢都比較偏貴，性價比唔值得。可能寧願去食燒肉都會俾佢好食。呢個係我嘅真心食評，如果大家試咗唔好食，建議都留言一下。不過你話純粹想試吓牛舌係咪咁，你有錢就可以去試吓…我唔知佢係咪本身以前好食呀，不過最近去食佢係一般般一。可能係佢啲牛舌太熟嘅關係唔係太有口感。你叫一個套餐差唔多大約最平都係$100到。入邊間舖頭嘅位置都比較細，應該坐到10幾個人，如果你想要多啲空間的話就唔好去揀到吃。

今日同朋友到深水埗食飯，去到餐廳剛好不需等位就可以入座 。我們叫了兩個套餐，牛舌芯配燒肉汁、湯加迷你丼和香蔥薄燒牛舌芯配日式牛扒汁、湯加白飯 。牛舌芯的質地極為柔嫩，經過精心的低溫慢煮，肉質鮮美，入口即化。燒肉汁的濃郁與牛舌的鮮甜相得益彰，讓人忍不住一口接一口。湯品清淡卻不失風味。另一道香蔥薄燒牛舌芯配日式牛扒汁，則是另一番風味。薄燒的牛舌芯外焦內嫩，香蔥的清香與牛扒汁的濃郁形成了完美的對比，讓人感受到日式料理的精緻與用心。這道菜的火候掌控恰到好處，讓牛肉的鮮美得以充分展現。整體而言，這間餐廳的食材新鮮，特別是牛舌的選用，讓人印象深刻。服務人員的態度親切，讓我們感受到賓至如歸的感覺。

📍 GYU TOWN 牛舌專門店 @gyutownhk深水埗桂林街46B號地舖位於深水埗的人氣牛舌專門店 吸引左唔少牛舌控排隊試一試 👅店面唔算好大 但成日都大排長龍 今次終於可以試到了 ➿✨ 美國牛小排配牛舌尖 $206+$28轉套餐 用鐵板送上 食既時候仲可以 Keep住溫度 而且份量好大 🍴牛小排牛味都幾濃 牛舌尖就淋啲 店員話好受同區的長輩歡迎 呢個餐真係啖啖肉啱晒食肉獸Ahhhhh！✨ 牛舌芯 $186+$28轉套餐牛舌芯顏色粉嫩好厚切！食落十分爽口且啖啖肉 好有滿足感 💯是牛舌中最好味的部份 質素都很高 值得一試 🎉套餐加配（+$28）轉套餐可以加洋葱牛舌湯、沙律、白飯同汽水 🥤升級满溢牛舌筋溫泉蛋丼（+$10）牛舌非常入味濃郁 配上流心嘅溫泉蛋真係無敵啊 😈#深水埗美食 #吃貨人生 #食好西 #牛舌專門店 #gyutown #牛舌關注組 #牛舌丼 #食評 #鐵板料理 #日式定食 #香港食評 #香港美食

牛舌係牛部位裡面我最喜歡食嘅部份,今日專登揾間食牛舌嘅專門店去試。入到去黑黑沉沉,光綠唔充足,只有幾枱食客,不過香噴噴令人好有食慾,店員安排我坐喺近門口位置,雖然光線射到入嚟,但仍然覺得昏暗。坐低即刻叫咗個二重牛舌同香蔥薄燒牛舌芯。二重牛舌--牛舌芯味道麻麻,似白灼加少許鹽嘅,味道,厚唔一定好食,反而牛舌尖彈牙有點牛香,比牛舌芯好味,蛋絲夾喺牛舌芯同牛舌中間,賣相唔錯,但蛋香唔濃,仲感覺有啲乾。香葱薄燒牛舌芯--係香口惹味,我所指係啲炸蒜同啲蔥,太濃味反而蓋過牛舌芯應有嘅原味,所以調味適中就可以。總括食物味道普普通通,但下次仍想試試其他,比多次機會我同間店。

牛舌關注組見到好多人推薦，特登黎深水埗試吓佢🤩店面比較細，座位都比較擠迫記得要人齊先可以入座，今次我哋排隊排咗半個鐘左右有得食Order咗鐵板牛舌芯同鐵板二重牛舌，加$38升級套餐，有牛舌湯、沙律、汽水同埋滿溢牛舌筋溫泉蛋丼二重牛舌包括牛舌芯同埋牛舌尖：牛舌芯真係好出色，好彈牙，熟度都岩岩好！牛舌尖就似平時食到嘅普通牛舌咁，唔太特別，可以唔使特別試牛舌筋丼嘅牛舌煮到好腍好有味值得一提係牛舌湯好有味，有驚喜

深水埗繁榮的街道隱藏了一間不太顯眼,但一試難忘的牛舌專門店, 特別是他們的牛舌芯,試完必定顛覆對過往牛舌的口感感覺入坐後店員送上餐牌,我花多眼亂樣樣都想試, 店員見我如此糾結,主動向我推介了招牌二重牛舌,可以配鐵板上 / 御.重盒上, 又可以考慮單點/ 跟餐, 任君選擇美國牛小排配牛舌尖-御.重盒(套餐)我們叫了兩個餐,牛小排套餐包了很多食物, 除了主角外,有沙律、牛舌洋蔥湯及汽水。牛舌及牛小排的份量好足,每樣都有4-5塊的份量!牛舌尖口感嫩滑柔軟、油脂多,不會過乾,做到外脆內軟。牛小排只用最基本的鹽來調味,帶出濃厚的肉味,熟度也剛剛好,外焦內嫩,加上牛的肉汁滲透米飯,每一口都吃到濃郁的牛油香二重牛舌-鐵板這個套餐飯是另上,是牛舌粒飯,肉食愛好者一定要來😜鐵板熱辣辣!牛舌芯是厚切,用鐵板煎至外表微微焦黃,鎖住肉汁之餘又保持到裡內的鮮嫩。用了洋蔥放底,剛熟的洋蔥配搭爽脆的牛舌芯,有豐富的層次感。另外還加了司華力腸,大滿足!牛舌洋蔥湯有驚喜! 雖然是伴隨套餐所附上的, 但一點也不遜色!湯色清澈,調味只有鹽及胡椒,每一口湯都感受到牛舌的鮮與洋蔥的甜香。

已經第二次到訪喇～牛舌芯出色👍🏻彈牙唔韌，有肉汁，再加埋側邊辣辣哋嘅青椒麵豉一齊食，好夾！😋建議唔算食得好辣嘅都係夾少少就好，因為真係幾辣下😆套餐附送嘅牛舌湯都好足料，入面嘅牛舌煲到好軟嫩，個湯好鮮甜但係牛扒豬扒就好一般，會韌，普通牛舌還可以，最好食都係牛舌芯😂牛舌店都係食返牛舌喇🤭

去開黃金買野，順便搵下深水埗附近有咩好食😆 不得了❗不得了❗見到有一間叫牛舌專門店，鋪頭細細但坐滿晒人🤣等左15分鐘左右，一入到去枱枱都係食緊鐵板牛舌🙈⭐鐵板系列二重牛舌二重牛舌係牛舌芯同牛舌尖組合，燒至五成熟，再放在鐵板上熱度岩岩好👍🏻牛舌尖比較淋D牛味比較香👅牛舌芯就比較厚身爽口，完全可以滿足到鐘意食牛舌既你🤤⭐安格斯牛板腱配牛舌尖呢個叫左升級套餐，重點係白飯升級為、湯、沙律、汽水。升級既牛舌筋飯，真係肉量十足，成碗都係牛舌筋，大大粒要夾D出嚟先食到😆安格斯牛板腱相對牛舌尖黎講無咁出色，但勝在牛味亦都夠濃🤣

位於深水埗桂林街嘅牛舌專門店簡直係牛舌控嘅天堂✨呢度主打多款唔同部位嘅牛舌，一次過滿足唔同嘅需求。⭐️香蔥薄燒牛舌芯 $128一上枱已經好香，牛舌有大約6塊😋以為佢係薄薄地一片嘅牛舌，點知其實目測都有大約1cm嘅牛舌👅所以其實一啲都唔薄！牛舌撈埋大量蔥同蒜蓉食落勁香口勁惹味！不過食完就有少少熱氣🤣⭐️鐵板系列二重牛舌 $108二重牛舌入邊包括牛舌心同牛舌尖，牛舌尖比較腍牛味比較香👅牛舌心就比較爽口，可以滿足任何人唔同嘅願望🤣😋雖然牛舌真係好好食😋但套餐要額外+$28 包括飯湯沙律汽水+$38白飯升級溫泉蛋牛舌筋丼牛舌份量偏小成個餐加埋咁樣就好似有少少性價比低🧐同埋呢度嘅店員可能比較忙🤣🤣態度語氣有啲唔係咁好😂😂一上枱諗住影張相就即刻俾佢哋鬧嚇死我🤣🤣🤣

張單係俾咗錢先會收到，你係唔知道個項目係有啲乜嘢，叫鐵板跟餐只需+28就有汽水、湯、飯同沙律。由於我對沙律同湯都冇興趣，所以冇諗住嗌，就單點咗汽水同飯。到最後店員原來將汽水項目睇錯沙律 而錯誤嘅沙律黎到我唔小心食咗（因為我冇諗過會店員落錯單 以為一細碗係跟牛舌上）埋單結果就要分開項目收取$30 ！！！明明個餐只需另加$28但係店員話我單點所以不但少咗個湯仲要俾多兩蚊！！

今次呢間真係相當驚喜、除咗專門係牛舌至尊、仲要係新鮮直到朝頭早九點到貨當日買晒嘅一間牛舌專門店！就去一睇點解佢咁受歡迎先！點解我話受歡迎因為呢間鋪經常爆場，Lunch嘅時間仲排隊先有得食！呢度呢除咗用鐵板系列之外，仲有單點牛舌！份量都可以自己控制到！仲有一啲套餐加$28仲可以包埋湯沙律汽水同飯！加多$300仲可以㗎溫泉蛋同牛舌飯！今次叫咗相對好限量高質嘅牛舌黎食！相對來講佢有沙律同埋牛舌洋蔥湯係好好既開頭！佢個溫泉蛋非常之滑！三重牛舌套餐三重牛舌有兩款唔同嘅牛舌！配合埋佢地特製既醬汁、同埋辣椒、真係好開胃！牛舌切落去粉粉地、食落去彈滑！口感都好juicy!香蔥簿燒牛舌心香蔥同蒜蓉不嬲都係非常好嘅食物拍檔！再配上厚度啱啱好嘅牛舌，成件事更加有層次！再加上鐵板嘅溫度牛舌推持口感咬落去啱啱好！最後提提大家出面有好多牛舌屋，但係呢間係第一間分店嘅咋所以喺呢度先有得食！見到其他區嘅就唔係同一間啦Guy town牛舌專門店深水埗深水埗桂林街46B地舖

牛舌專門店開咗一排, 生意非常好, 門庭若市。趁落雨少人排隊，一試。二重牛舌，另加38蚊配蛋牛舌筋飯套餐。牛舌尖極一般，味如嚼蠟，可以不吃。牛舌芯肥厚，已熟，多汁，彈牙，香口。屬佳品！（唯睇返其他人食評，褒貶不一，或有個體差）安格斯牛亦有點韌，不算好吃汁燒肉汁和日式汁，我揀了燒肉汁日式汁是炸豬排汁，與牛舌一啲都不夾。芥末亦可有可無，有點過辣，個人不喜。目測食客亦多有食剩。黃薑本人不吃，pass。滑蛋同飯係分開上，見到隔離枱倒時成粒跌咗(陰功)牛舌筋淋埋燒肉汁，撈飯有啲似滷肉飯。ｏｋ服務不佳。上錯汽水，嗌兩個zero，其中一個俾錯肥仔可樂。隔離枱嗌薄燒牛舌芯，女服務員用命令語氣叫個食客：即刻翻起佢!!!(翻轉塊牛舌)咁惡既服務態度都相當少見環境擠迫，坐得唔太舒適，以小店來說，可以理解。總結牛舌芯有點料到，可以再食，無需要揀二重、安格斯無需再吃，不值一提。