GYU TOWN 牛舌專門店

营业中

休息中

#GYUTOWN牛舌專門店 #sorriso_深水埗區 -呢間深水埗牛舌本身就已經係人氣店，未開門已經見有人排緊，包括我地🥃【二重牛舌套餐 白飯升級滿溢牛舌筋溫泉蛋丼】$108+$38=$146 (8.7/10)套餐有汽水、沙律、湯，本身諗過叫牛舌芯套餐但貴多$30所以冇叫汁揀左日式牛扒汁同燒肉汁，牛扒汁比較甜，燒肉汁偏鹹，二重牛舌有牛舌尖同埋牛舌芯，牛舌芯大小不一，煮到恰好帶有粉紅色，口感比牛舌尖厚實，主要以黑椒做簡單調味，而牛舌尖切片上，較淋同爽口，當然我比較鍾意牛舌芯升級左嘅牛舌丼真係牛舌筋粒裝到滿哂，牛舌筋味甜偏淋，非常濃郁，係出面係牛舌飯嘅味道一樣好食，牛舌丼同白飯套餐價錢只差$10，加完就多咁多牛舌，所以見個個都有加到#sorriso_深水埗 #sorriso_九龍 -📍【GYU TOWN 牛舌專門店】 @gyutownhk 深水埗桂林街46B號地舖🕑Mon to Sun 12:00~15:30; 17:30~22:30-

位於深水埗的人氣牛舌專門店，呢度地方唔大，餐廳座位之間比較擠迫，只有大約20個座位，枱與枱之間很近，有少少居酒屋feel, 如果同行友人比較健壯，用餐時應該會比較辛苦。小店主打各類牛舌料理，有便當亦有鐵板，廚房上菜速度極快。香蔥薄燒牛舌芯（配燒肉汁）+套餐28轉白飯、湯上菜要即時反轉烤熟另一面，牛舌口感好獨特，不同部分的口感及味道參差，有些部位真的因為太熟而非常難咬嚼，牛舌芯雖然比較軟腍爽口，但味道比較清淡，配合師傅自家製燒肉汁係近乎完美。三重牛舌（重）+套餐18轉沙律、湯牛舌鐵板可說是最吸引，淨係聽到吱吱聲已經夠曬食慾，簡直胃口大開。三種不同部位的牛舌，厚切的牛舌非常美味，牛肉的味道濃鬱，份量夠大而且很飽，令人非常滿意。野菜沙律份量適中，沙律菜同車厘茄新鮮，混入日式醬油好特別同好好味。最出色的菜餚是牛舌湯，起初以為係普通麵豉湯，一飲至知原來係法式牛舌洋蔥湯，味道鮮美，仲有少量牛舌肉粒，幾惹味，呢碗湯係全個set最大嘅surprise，大大提升個set嘅好感度，非常適合寒冷的一天。飲品方面只得罐裝汽水（可樂、雪碧同零糖可樂）總括來說，店舖細小，座位不多，裝修環境尚算整潔，工作人員細心、

認真覺得呢間店好唔掂，waiter服務態度特別差同囂張，本來間店嘅檯就細，張檯中間有隔板，我想將個點餐紙筒和牙籤筒擺係隔離檯都唔俾，waiter話唔會阻到我，即刻就擺返係我檯，隔離台又冇人坐，咁都唔俾我擺，我覺得兩舊嘢阻先擺隔離檯。牛舌係生嘅，我叫廚房整熟啲，出到嚟依然係生嘅，其實我想叫佢連個鐵板一齊幫我燒熱等佢熟，點知佢就隨便攞塊牛舌出來嚟煎兩下，煎到燶咗又唔熟，入面仲係jelly 狀，waiter仲要話我哋啲牛舌可以生食，但問題係我唔想生食呢，第一次叫咗佢哋整熟啲，所以就唔敢再叫第二次，驚佢哋會吐口水。一句講曬，冇下次

之前就聽朋友講有間牛舌專門店好正😋前排就同f去試下。叫左2個套餐，都係有加錢💰配成套餐！日本雞扒配牛舌尖佐燒肉汁呢個係直接鐵板上，滋滋響！又聞到陣陣香味！➕38蚊迷你牛舌粒丼🍚仲有溫泉蛋🥚濃味牛湯🥣小罐可樂汽水🥤新鮮沙律🥗真係🈵🈵牛舌香係口裡面翻滚，簡直味蕾享受😋仲配有雞扒嫩香脆雞皮，雙重享受😋正！另外一個套餐係Angus牛板腱配牛舌尖盛盒都➕18蚊配有牛湯🥣沙律🥗牛板腱香牛肉味又食牛舌，好有嚼口又嫩！除左牛舌尖，仲有其他部位可以食，有4個部位食，下次試試其他部位，感覺鐵板上會正點😁😋

今日出深水埗逛逛，朋友準備飛，有排冇得食日本菜，專程帶佢嚟牛舌專門店一次過食到夠。美國牛小排配牛舌尖(御·重盒)~牛小排~牛肉味香濃，有口感，正！牛舌尖~一咬就開，有口感得嚟爽滑也夠淋。香蔥薄燒牛舌芯(配燒肉汁)套餐~上菜要即時反轉烤熟另一面， 牛舌口感好獨特，咬落少少煙韌。師傅自家製蒜蓉醬汁，加入豆豉，特別美味。滿溢牛舌筋温泉蛋丼~飯上面鋪滿牛舌筋粒粒，炆得好淋，仲有香濃嘅牛肉汁，店員提醒食少少先好加溫泉蛋，太滿了！洋蔥牛舌湯~加入大量洋蔥，仲有啲黑椒，牛舌湯味道好香口。

深水埗係一個美食天堂🤤聽聞有一間係食牛舌專門店😘原來黃金商場對面😃非常之方便👍我哋14:30過咗繁忙時間😉但係都係咁多人🤭不過等咗一陣間已經有位😘趁有時間睇吓食乜先😍我哋order咗兩個鐵板系列再加$38轉套餐（有飯🍚沙律🥗湯🫕汽水🥤）🤤香蔥薄燒牛舌芯（揀燒肉汁）好香嘅香蒜燒汁味～味道👅賣相好吸睛😏鐵板上枱仲係熱辣辣要即時反轉個牛舌芯🤤再辣一辣😜肉質更加好味👍真係冇錯，好惹味👍仲有一碗鋪滿牛舌粒飯🍚牛舌粒有少少甜甜地加入流心蛋成碗食晒🤤美國牛小排配牛舌尖，肉質好腍唔需要用刀叉已經食到😆仲有一小點嘅青辣椒醬係廚師秘製,都幾辣下😖唔怪得知少少已經夠啦🫢一個套餐已經夠晒飽👍👍👍會再encore😜😜😜

𝕳𝖆𝖕𝖕𝖞 𝕹𝖊𝖜 𝖄𝖊𝖆𝖗 新一年2024 希望大家事事順心 食極唔肥🥳今年要繼續努力同大家分享美食😋 率先寫番間好出色好滿意既牛舌店, 牛舌關注組注意⚠️香蔥薄燒牛舌芯 單點HKD128 一上枱已經好香！ 侍應提我地要盡快係堆蔥蒜入面反啲牛舌～ 薄燒牛舌有6 塊 ，但其實真係一啲都唔薄，目測都有1cm厚！牛舌芯邊位少少韌， 但中間都好軟！ 好香好惹味！ 牛舌芯鐵板套餐 HKD176 / 二重牛舌鐵板套餐HKD146 本身套餐+ HKD28 包飯、沙律，汽水、牛舌洋蔥湯， 只係加多HKD10 可以升級做牛舌筋溫泉蛋丼。 丼飯好足料，味道都ok ~ HKD10真係好抵！ 不過我有時覺得配白飯清清地送牛舌都ok 🍚 底既洋蔥感覺只係墊底 冇煮好耐/ 有同牛舌一齊煮。有跟個辣椒面豉 ，但椒味好重麻麻地 🙈牛舌芯套餐：牛舌芯有兩大塊 好塊好似手掌心咁大🖐️ 牛舌芯中間都煮得好粉嫩 🥩 二重牛舌套餐： 有1 塊牛舌芯同幾塊切片牛舌尖 ，驚喜係牛舌尖都唔會鞋口！ 可惜兩個餐都冇跟蔥蒜， 因為蒜蔥送飯好好味😋雖然餐廳係深水埗黎講唔算平， 人均HKD225，但真係好好味😋 冇令人失望。 餐廳人齊入座，

呢間深水埗嘅牛舌專門店成日都大排長龍，咁啱今晚去開深水埗買嘢，大約六點嘅時候見到間鋪冇人排隊就即刻入去食。今次兩個人去食，但係就唔算太肚餓，所以只係叫咗一個套餐，同埋一碟單點嘅鐵板牛舌。鐵板牛舌套餐，有沙律湯同埋汽水，都係加$18。🐮香蒜簿燒牛舌芯店員話要即刻食，口感係最好嘅，同埋啲蒜蓉用嚟撈飯真係超級惹味🐮二重牛舌我見呢個餐都比較多人叫，我諗性價比比較高，同埋可以一次過食晒兩隻口感食物味道很好，不過店舖面積比較細，坐得比較迫夾，如果買完嘢之後，會坐得比較辛苦。

呢間牛舌店保關注組都算出名，平時都排哂長龍，今日就幫襯吓天氣咁凍，叫咗一個鐵板牛舌芯$138，有三種醬汁揀，而家仲可以加$38升級，將白飯變牛舌筋溫泉蛋丼。上枱熱焫焫，醬汁非常香濃，牛舌芯有兩條，份量好大，入口非常彈牙，有肉香，芯位夠爽口，好食到不得了。跟餐洋蔥湯都用料豐富，入口清甜有牛味，仲有一個辣嘅麵豉醬，辣度都幾勁，一齊食會更加惹味同埋冇咁油膩。升級嘅牛筋飯，加埋溫泉蛋又滑又香，牛筋處理得非常淋又香濃三重牛舌重盒$143， 裏面有牛舌芯，牛舌尖及筋，一次過滿足三個願望，牛舌一樣咁彈牙爽口，配埋啲酸薑，風味會更突出。小店用料好認真，無論醬汁及湯水都非常出色，呢個價錢絕對合理，食完已經諗定下次再幫襯嘅香蔥薄燒牛舌芯，同埋牛舌溫泉蛋丼！

今日要幫公司去深水埗買聖誕飾物🎄，行過見到間牛舌專門店就去試吓。叫左個牛舌二重鐵板燒🐃，平日仲免費升級牛舌飯，即係有三款牛舌，最初以為三款牛舌都係用一個味，但原來三款都唔同調味，唔同煮法，食落無咁單調牛舌芯最厚，亦係最好食👍🏻，食落唔會柴，上枱時生生地，要係自己係鐵板煮，生熟情度自己控制牛舌飯雖然免費，但一d都唔輸蝕，加左味醂好有日本居酒屋嘅味道👅每份都有一碟調味料，店員話係青椒麵豉，味道唔會好辣，但可以減輕牛舌肥膩感

有人曾經講過， 走路是一件好純粹、簡單而最易令人感到快樂的事。所以今日在明愛醫院抽血後，定好了要到深水埗買打邊爐的食材後，便開始走起了路。雖然走在正午時份，但深秋的天氣很是清涼，徑直走到餐廳也不覺有滲汗，反正肚子餓起來...閒日正午時份的餐廳，只有我和另一位女士在外張望，可能恰巧今天餐廳的抽風也說會故障一陣子。  沒有想太多，直接點了一份二重牛舌御重盒really 等待的期間突然人有內急去了黃金廣場方便，回到店內後，聽到店員跟廚房說可以上菜，這點還蠻貼心的上菜後，看見被牛舌佔滿的便當盒，已經按捺不住口水直流...雖然便當盒是膠的，少了些正式感， 不過如果係鐵板燒上儀式感應該會滿滿的tongue 先吃了佔據左上方的牛舌尖一口，質感扎實、帶少許咬口、但不會韌，因為這個部位比較韌，更適合燉煮。估計店家應該是先燉煮過牛舌尖，再煎香的，所以口感剛剛好。調味應該是常見的日式醬油，對於我食開淡口而言，味道剛剛好。右上方閃著油光的自然是肥美的舌芯部位，油脂相對較豐富的位置，咬下爽脆的一口，內裡卻很軟嫩多汁cry雖然不是舌腩，但已叫人大滿足!! 比較可惜的一點是，另外一塊比較厚身的熟度不夠，咬落有點生及

今日嚟到深水埗「牛舌專門店」，呢間店舖12點開門，11:30已經喺門口等候，好多人都慕名而來，主要就係食牛舌，一共有三種醬汁可以挑選（燒肉汁/日式牛扒汁/英式芥末）。牛舌好軟熟，味道香濃，一啲都唔油膩，用佢哋嘅秘製醬汁真係好入味，而且佢哋呢個質素，價錢真係好貼地，難怪經常大排長龍，呢間餐廳食完之後下次想再去。牛舌芯$138香蔥海燒牛舌芯$128GYU TOWN 牛舌專門店 (深水埗)深水埗桂林街46B號地舖

其實去深水埗考車牌筆試，咁就去食呢間牛舌專門店！日式風格！一入門口已經聞到好大浸鐵板牛肉味入面唔算坐得多人，大約15個左右，所以都係盡快食完就走。費事阻住其他人。我就叫咗佢個鐵板系列二重牛舌，+28蚊升級套餐，店員話做緊優惠，俾$28等於比$38升級牛舌筋溫泉蛋丼！個餐本身就係牛舌芯+牛舌尖=二重牛舌，而三重牛舌係指牛舌筋，因為個飯上面嗰啲已經係牛舌筋，所以我就咁嗌二重算牛舌筋非常之淋，冇牙都食得，用條脷頂一頂 ，都已經散晒！用嚟送飯一流牛舌尖同樣非常之淋，牛味濃啲，啲肉質一疏疏咁，都幾好食牛舌芯肉質非常爽口！咬落去索索聲！今日嘅冠軍！而且非常有牛味！配埋個醬汁，甜甜地，非常夾！加少少洋蔥食，簡直冇得彈！

繼土瓜灣的牛舌專門店後，窩夫與蝦子餅終於試了深水埗的GYU TOWN 牛舌專門店。日式小店格局，座位不足20個，用餐期間(星期日下午二時左右)一直坐滿食客。牆上掛着一幅牛舌圖。看看餐牌，食物分三大類，分別是鐵板系列、御．重盒和單點，單點類有丼飯、烏冬和漢堡。點了一客鐵板二重牛舌，加38元轉做升級版套餐，有湯、沙律、汽水，以及滿溢牛舌筋溫泉蛋丼，自製三重大滿足，看來比三重牛舌「飯盒」更吸引。二重牛舌有牛舌尖和牛舌芯，原條牛舌芯非常爽口，入面偏生，未必人人可以接受。牛舌尖口感彈牙，較為軟腍，大人小朋友都喜歡。滿溢牛舌筋溫泉蛋丼的份量比預期多，真的做到「滿溢」的效果，牛舌筋煮得夠腍又入味，味道甜甜的，伴飯一流。安格斯牛板腱配牛舌尖的牛板腱相對遜色，窩夫與蝦子餅的結論是下次再光顧時只吃牛舌就好。

牛舌深水埗桂林街有一間牛舌專門店，夜晚勁多人排隊，今日終於搵到機會同媽咪試吓！今次我哋叫咗一個二重牛舌，配左燒肉汁，套餐升級左佢哋嘅迷你丼～佢哋嘅牛舌真係超好食，份量勁多，基本上一定會勁飽。。。我超鍾意佢哋嘅牛舌芯，軟綿綿，夠晒彈牙，配埋佢哋嘅丼飯，上面仲有牛舌同埋溫泉蛋，超級滿足，唔使怕唔夠蔬菜，因為佢哋仲會有埋個沙律，基本上呢個價錢性價比都算高！另外仲要咗一個香蔥薄燒牛舌芯，呢個真係超級推介，如果大家十五十六唔知食邊個，呢一個一定可以滿足你！佢哋嘅香蔥係自家製，好香口，我同媽咪都大贊！記住上枱嘅時候要反一反牛舌芯，咁樣就可以啱啱熟，呢個套餐勁滿足，直頭想叫多一碗飯伴埋啲香蔥🤤🤤🤤🤤