Hands-On Coffee (已結業)

今日約了朋友收工去旺角食飯，因為事情提早完成所以有一段較長的時間等待朋友，然後就上網尋找有無適合的地方消磨一下時間，結果就來了hands on。上到3樓找了個靠窗位置，直望下去就是鬧市，環境不錯，有種在高處置身事外的感覺😂點了一杯熱mocha，上面有可愛的泡泡龍拉花，不是常見的洋蔥心或者葉紋，見到都覺得有些驚喜。飲落味道不會太甜，感受到朱古力甜味亦品嚐到咖啡香味，值得推薦

落雨的星期六，誤打誤撞同個fd入左呢間隱世咖啡店（竟然中移動樓上有間咖啡店）叫左兩杯普通的Matcha  Latte同Mocha，竟然有小驚喜！個女仔咖啡師好有心機沖左兩杯好可愛的野飲比我地（因為我個fd超鍾意龍貓！）個女仔同個男店員都好好禮貌，以後再出MK會再黎上黎打發下時間，nice  day！

係網上搵到嘅樓上cafe，裝修好特別，用咖啡tamper做Background🤩成間舖好pinky，女朋友好鍾意。餐牌有好多野食都野飲選擇，今次我揀左lunch set 個龍蝦汁大蝦義大利飯，好好味，啲大蝦嘅鮮味好出🤪lunch set 仲有埋湯同野飲，好抵食😆女朋友試左個英式全日早餐，好豐富，份量好多，我冇影到，味道都幾好😋 服務同環境都唔錯，侍應好有禮貌，我地唔明啲優惠，佢都好有耐心解釋，加分！

6點半上去，得我地一台客，門口男店員好有禮貌！👍👍👍👍我地叫完野食就影下相，影影下個女店員行過，態度超串對住我地講：「凍哂喇！仲影！」嘩，O哂咀，俾錢上尼食，影相咪當幫你鋪頭宣傳，竟然影下相都俾人鬧！又唔係阻到你地方/阻到人，當時得我地一台客！未完！叫左個蛋甜品，等左半個鐘未到，吹左一次，望下廚房，一望，個女店員大聲呼喝: 等一分鐘啦！嘩，好惡呀，自己整得慢仲鬧翻人，勁呀！好，等到個甜品到，見到個面好啡，燶晒，都算，試下咩味啦。唉，燶到苦，好苦。 整到失敗左仲夠膽拎出嚟？唉，之後甜品冇食，退翻錢。其他食物: all day breakfast,意粉都ok 係偏咸。做人就公道啲，好就要讚，衰就要彈。門口男店員態度好好，有禮貌，又要收錢又要落單。個女店員就，態度超級惡劣，睇翻其他comment都有人中過佢招啦。認真係公關失敗，超級無敵趕客！永久唔會再去食。俾錢受氣，影相都唔俾，冇人影相你openrice何來會有相俾人睇呀？

唔講唔知原來旺角中國移動上面係有餐廳 仲要係一間幾精緻嘅Cafe午市套餐價錢相當經濟 店員服務態度好好 呢個肉丸法包就係其中一個午市套餐 男仔就未必夠食 肉丸其實本身OK嘅 但係個番茄汁太酸 有少少影響咗個味道 法包熱辣辣非常新鮮我哋嗌左另一個套餐肉丸闊條麵呢個肉丸嘅味道冇咗番茄汁就更加突出 好味好多 好可惜個闊條麵嘅味又比較淡 同埋質地似係蛋麵 或者自家製嘅麵條 唔係一般意粉嗰啲比較彈牙嘅質地 相反散叫嘅蜜餞鴨胸 非常好食 鴨胸煎得啱啱好 皮有少少脆 甜度適中 店員仲好貼心咁問使唔使切埋 非常加分 至於咖啡 我飲嘅係 americano 味道帶甘 幾好味 係一個旺角飲咖啡嘅好選擇😍

旺角難得的好地方！環境舒服，出品睇得，影相得，味道得！員工親切！不厭煩的詳細有趣地教我呢個咖啡初學者！咖啡品種豐富！一定會再回來！😊（…要試晒嗎？😂🤔）重點已經講完…無奈open rice 要最少80字…咁講多句…happy sunday!! ❤️

 難得放假出去㕵角行街見肚餓，就係eatigo睇下有靚靚cafe食野啦，上ig見到啲相都唔錯仲有八折 咁就衝啦！！！！首先，地點其實都有小小kick，有啲難搵因為間野係中移動入面搭𨋢上去，可能門口有工程有啲板擋住左加上缺乏指示，大熱天要搵都辛苦。之後，上到去環境嘅第一印象都唔錯嘅，同網上啲相差吾多，同埋都有兩三個人等緊埋單，亦有吾少人上緊嚟！待應得一個，禮貌唔錯，帶左我地坐低之後都有簡介下餐牌係for乜嘅，呢點係要讚下嘅第一問題嚟喇！！！！！個餐牌真係太太太亂喇 好難睇餐牌有好多頁，伹每頁都好簡陋！又無主題 又無突出點去吸引人睇！最尾我都係上返openrice睇下最多入叫嘅野食跟住嚟叫野食嚟講呢！我地兩個人叫左一份 All Day Breakfast 全日早餐, 一份 Caesar Salad w/ Smoked Salmon 煙三魚凱薩沙津🥗, 一個 Spaghetti Carbonara卡邦尼意粉 ，一杯凍嘅抹茶Latte同埋一杯熱Latte。因為佢地係開放式廚房嘅關係見到得兩個員工做野，一個水吧一個廚房，野飲就等左15分鐘啦，其實都有少少耐嘅！不過放假吾趕時間冇所謂啦雖然佢上錯左

叫咗嘅嘢食冇黎到，俾咗另一樣嘢食我，我都未投訴或者發火⋯⋯竟然係個店員首先發火話無呀！！！我平時食嘢都好隨便，其實佢俾咗另一樣嘢我都無所謂，但係佢啲態度真係太差同埋我想講我同朋友都係每人食咗一半個意粉好難食，普通卡幫妮意粉咋喎朋友嗰個漢堡包叫做不過不失⋯⋯如果唔係有咁嘅裝修佢應該執咗啦

依間cafe係一間電訊旗艦店嘅三樓，感覺好搞笑！上到去舖頭主要嘅色調用左粉紅色，行復古少女風style，打卡都幾靚嫁🤪**********<白酒忌廉煮青口> $88依個白酒忌廉汁味道幾出色，雖然個汁唔係好杰但係味道都好濃，奶味都算幾出！青口好厚肉，又唔會煮得好老，同埋份量都幾多下😍**********<蕃茄海鮮扁意粉> $118依個扁意粉就真係麻麻地，意粉煮得太耐搞到口感好淋，感覺係用水煮完後再加蕃茄醬，個醬都偏稀身，所以味道唔太重！**********<朱古力泡沫甜蛋> $90個泡沫甜蛋其實有啲似疏乎厘pancake，不過口感更加鬆軟，真係好似食左啖空氣落肚咁，味道方面唔太重蛋味！值得一提嘅係旁邊個兩舊brownie好好食，食嘅時候仲暖暖地，朱古力味濃之餘又唔會好膩🤤

驚出事嘅千其唔好去🙏🏻事出突然，所以無影到相。係7月12號嘅下午3點到左hands on諗住食下午茶，見到廚娘無帶口罩。明白做廚房熱嘅，但畢竟依家疫情期間都會擔心。係落單嘅時候，同時叫waiter提提佢。提第一次未果，咁再叫waiter提第二次，點知廚娘好大聲話：「投訴囉，見唔到我做緊嘢好忙嘅咩？咁驚死嘅咪返屋企囉，唔好出街囉」本身叫左一個嘢食一杯嘢飲，咁嘢飲都上左，亦無謂難為其他同事，怕死嘅我惟有飲完之後馬上走。唔係想公審佢，所以無影到廚娘相，但係openrice語重心長地告訴各位驚死之人千其唔好去hands on cafe 🙏🏻

星期日朝想去Jccac行下，同老公過嚟食個brunch 先。因為前一晚好想飲coffee,上openrice search 下就見到Hands On. 佢個Location又真係幾秘密，但sundaymorning 冇咩人坐窗邊都幾正。D staff同好nice, 我見同d客吹水吹得幾開心。 我地叫左個 veggie all day Breakfast 同一個正常，喂，兩個都好好食wo. 份量都合理，如果veggie個茄汁豆俾多d就好啦。再叫左個 ice coffee 同mocha, 老公杯mocha唔錯，我嗰杯 就偏酸…我下次會try try其他。不過我見openrice有discount最後都冇discounts俾我？？我都係行遠左先發現。

開始只係諗住求其搵間野填下肚就算，因為無端端比人放飛機，係旺角行左陣抬頭望到呢間cafe.決定上去hea下。不過入口好難搵，原來係中移動入面，好鬼隱蔽。間野就唔太逼可以接受，個餐牌就唔算多野，但我都唔係好睇得明，好在有個幾Nice又肥肥地嘅哥哥仔過嚟同我好親切咁解釋左一番，推介左呢個蕃茄大蝦意粉🍝，正，啱我食，唔太甜！杯咖啡仲好鬼棧鬼，整左隻貓貓係上面，如果係女實會好鍾意，下次帶埋女朋友嚟一齊食先！

這間超隱秘咖啡店在旺角鬧市樓上，要識路先搵到上去，升降機門一開就柳暗花明又一村。除了環境幾靚好適合網美打卡，Menu上面竟然都搵到幾款素食，又真係估佢唔到喎。 咖啡店在中國移動旗艦店樓上，呢個位置其實有少少唔好彩，好多人可能唔想入中移動門口搭升降機上去。中國移動旗艦店門口宜家仲圍晒木板，搵個門口真係難上加難。環境走華麗風，中間個吧檯勁靚，粉紅色配色充滿少女心。你睇清楚d圓盤中間，原來係press咖啡粉個手柄，設計幾有心思。最正當然係平日午飯時間都無咩人，唔洗驚排隊等位，亦唔難影到打卡相。午市套餐真係異常抵，用手機開FB掃QR code可以加入會員，入左會午餐有85折又唔收加一，仲可以儲印仔儲免費咖啡，好適合精明師奶仔。午市套餐有兩款佢標明係「Vegan」，不過我食個未來漢堡係有芝士，個包食起來都幾香牛油味，我諗應該有蛋奶。我食完有現場向店員反映返，唔知佢地會唔會調整，如果你不吃蛋奶的話就要問清楚啦。坐窗邊可以望下街，採光又好，都幾舒服既。 午餐(9) 未來肉漢堡 HK$66(會員價) Caffe Latte +HK$8我杯咖啡有熊仔(定貓仔)拉花，都幾得意，而且個espresso竟

🎀粉紅系cafè 咖啡選擇多☕️等食牛大人前去咗附近呢間cafè hea，係樓上cafè加要穿過中移動，都唔係咁易揾。裝修幾靚，咖啡價錢亦唔貴。正因為唔貴，唔點飲咖啡嘅我貪得意點咗杯特別啲嘅咖啡（？）🤣▫️🔸Ecuador Finca Maputo Rancho Tio Emilio Typica (washed) $58 5/10🔸Lemon, rosemary, hint of honey, super sweet floral俾以上味道吸引咗，店員俾咗一細杯咖啡粉我聞，聞到少少花味💐同檸檬味🍋，其他唔太覺，之後就上咗杯咖啡☕️，茶色偏水似茶，飲落淡味，吞咗之後慢慢有苦味。仲有好多其他款，識飲咖啡嘅可以去試下🤣▫️🔹Iced Chocolate $48 5/10🔹面頭係大量可可粉，朋友話飲落係一杯正正常常嘅朱古力，冇特別濃朱古力味。

今次嚟到旺角鬧市入邊一間coffee shop食lunch唔search下都唔知呢幢大廈樓上有間餐廳入到去環境都幾靚聽講佢哋係以咖啡為靈感設計呢間舖頭，佢哋仲有一啲單品咖啡豆賣，原來係佢哋自己舖頭炒嘅望落包裝都幾吸引，下次有機會可以買來試吓呢度lunch價錢唔會太貴仲會送一杯black coffee我哋一致覺得龍蝦汁闊條麵幾好食佢啲龍蝦汁唔會太假掛落闊條麵上邊又唔會太膩，我哋仲叫多咗兩杯咖啡，一杯flat white,同埋一杯黎自埃塞俄比亞嘅手沖咖啡flat white 就正常水準, 而手沖咖啡就沖得唔錯帶少少花香，仲有一啲莓果嘅味道， 第一次飲咖啡唔會抗拒佢果種，飲完反而覺得幾Fresh清新。