Helen’s

营业中

休息中

想靜靜的bar又有野食下，私人空間大d，我地去左厚福術食。同肥仔試下2人世界先！裝潢好有摩洛哥d風情甘，幾有情調。menu好多酒飲。Pina colada$68Pina colada$68蘭姆酒混合椰漿、鳳梨汁的雞尾酒，酒精濃度不高而且味道甜甜的，女士們都可以試下！蘭姆酒混合椰漿、鳳梨汁的雞尾酒，酒精濃度不高而且味道甜甜的，女士們都可以試下！Mojito$68冧酒味香，帶薄荷、青檸味，加埋有氣梳打水好冰涼清爽，勁清涼。海鮮忌廉汁意粉$68見到好多人like，就叫左食，意粉軟硬適中，忌廉汁好濃好creamy，海鮮份量都多，性價比高，一路飯一路飲酒都不錯。炸魚薯條$68魚柳炸到好香脆，咬落去嫩滑，薯條都係脆卜卜，配埋酒一流！

係尖沙咀有好多酒吧就係人都知，但原來H8大廈有好多餐廳之餘，仲有間性價比好高既酒吧😍😍😍Cocktails每杯都只係$68，選擇亦吾少我地點左My orchard & Prairie ($68)一杯酸酸甜甜，另一杯有passion fruit 相對比較甜d既menu上仲會比較每杯既酒精濃度，好貼心😆酒量吾好既就要叫杯弱啲架啦嘻！-連食物都好有驚喜，伴酒小食好味又抵食，好適合三五知己去談心啊😆串燒($48) 一份串燒有齊豬 牛 雞，實在太抵食！平均都吾洗$10一串啊😆 豬相對有啲硬，牛同雞好食啲~ 點埋甜甜地既沙嗲醬，好味道❤️海鮮意粉($68)白汁海鮮意粉大大碟好有驚喜，有蝦蝦 蜆肉等等，都好大碟好扺食呢~如果有多幾款意粉揀就更好啦！一口炸芝士 ($68)中間有碟醬，以為係茄汁，點知係紅桑莓醬，點落流心炸芝士可以解除芝士既肥膩，吾會好漏😍反而酸酸甜甜，好好食啊！

係尖沙咀食完飯冇野做又唔想咁快返屋企，所以上左去helen’s飲吓野，傾吓計，玩下大話骰。餐廳裝潢走東南亞風格，從木雕、巨型木製雕車輪到石像都可以感受到濃厚既異國風情。而且空間感大，絲毫無侷促感覺。音樂亦唔會太大聲。餐牌上每一款signature cocktail既旁邊都會冩上強度，呢點非常好。我揀左強度最高既whisky-based cocktail，叫yesterday。開蓋時聞到強烈既橡木味，有少少煙霧離漫，非常夢幻。飲落比一般whisky on rock更易入口，苦中回甘，亦有甜味既存在。女朋友叫咗杯強度最低既cocktail，飲落酸酸甜甜，易入口。飲cocktail飲到有啲肚餓，所以叫左兩款食物。海鮮忌廉汁意粉非常creamy，蜆肉幾鮮甜，$68非常抵食。另外就係炸魚薯條，薯條炸得幾香脆，而且有另外調味。炸魚既外皮唔會太厚，食落唔會覺得「粉」。總括食物飲品性價比高，以上兩款cocktail都係$60左右，另外，職員笑容親切，服務貼心，值得下次再嚟暢飲。

今晚寶寶說要帶我去慶祝三八婦女節😳，還說慶祝一定要去乾個杯🙈，他便帶我來到這家位於尖沙咀厚福街街尾 H8 大廈3樓的Helen’s。一抵達3樓，已深深被很有異國風情feel的環境吸引着，還有兩位年青的男職員在電梯附近歡迎客人，真想不到尖沙咀區也有這麼有特色的餐廳/酒吧！而且每個座位也有座墊，坐得蠻舒服的❣️順帶一提，每張桌上還有骰盅給你玩🤓這裡有不少酒精飲品及小部份小食。眼看signature cocktail, menu 有「強度」級數之分，即問職員查詢濃度～ 得知這個「強度」只是「酒精」與整杯飲品的相對水平，沒有明確的酒精成份指標。整個講解過程中，職員的態度親切友善，讚👍🏻。但話說我今天不太適合喝酒精飲品，本來今天就不喝了，但竟然bar職員話可以幫我整Mocktail😳, 很貼心呢❤️！點完菜後，隨即會請客人先結帳付款，順帶一提，這裏竟然沒有加一服務費的😳，在尖沙咀一帶實屬少見～（突然覺得很划算😝）我們點了一個意粉、兩個小食及兩杯Signature cocktail。先來的是兩杯飲品。Helen’s Tea $68果香及甜味較重，酒精成份不多，而且容易入口，非常推薦女生來試試❤️5.2.

想去尖沙咀飲杯野，又想靜靜哋？Helen’s就啱晒😍呢間係H8嘅酒吧地方大，座位夠晒闊落，可以同朋友盡情傾計飲酒🍻目錄係用膠表住，可以畫係上面比侍應睇，又清晰又環保👍🏻同朋友餓餓哋就叫咗小食，海鮮忌廉汁意粉、燒雞骨腸同埋串燒（豬/雞）。分量不少，啱晒醫肚，串燒配嘅特製醬汁仲好惹味！野飲都好扺！星期一晚上黎到冇加一，平均都係70蚊一杯！叫咗一杯古桑迪，口味清爽，加埋甜度適中嘅柚子👌🏻另外一杯百里香都好香熱情果味，兩杯都好味又特別，想試出色嘅cocktail可以嚟試試！**呢度係用紙飲管架，減塑人士可以來撐下！

平時去尖沙咀飲野都係去諾士佛臺，朋友介紹厚福街開左間新酒吧，地方夠大唔洗同人逼，位置又就腳，就試下新地方😆😆平時轉新場都好驚中伏，入到去一望環境就知無中伏，面積都有4000呎以上，檯與檯之間隔有一定距離，大聲左講野都唔會太嘈到隔黎檯，座位好鬆動望一望餐牌，小食大約有十款，飲品比較多種類，叫左2款小食同2杯cocktail😗🔸唐揚魷魚圈 $68食材新鮮，魷魚唔會炸到勁厚粉，咬落香脆🔸香辣烤雞翼 $68雞翼不過不失～🔸Helen’s Thyme $68Helen’s Thyme味道甜甜地幾易入口，vodka味唔會太重。🔸Savage $68飲落好重果味同好酸，中意果酸既朋友可以一試，酒味比果酸味蓋過去，唔會太苦澀。落完單後發現檯面有骰盅就同男朋友拎黎玩，一路玩一路傾下計飲下酒簡簡單單都可以開心，無論係2個人定定係一班人聚會，呢度都好合適做聚腳點，今次對呢個新場十分滿意😝

同朋友係尖沙咀食完飯，行左陣街，大家都唔捨得返屋企，所以就係厚福街附近睇睇有無酒吧，可以坐低傾下計。見到H8得呢間海倫酒吧，所以就決定坐下。一出lift就令我眼前一亮，酒吧嘅佈置好有異國風情，有種神秘古老嘅感覺，好特別！每張枱都有骰盅。 令我地意想不到嘅係，雖然位於尖沙咀地段，餐牌入面所有嘢嘅價錢都好親民，所以我地嗌左幾樣小食😆《炸魚薯條》$68以往多數食嘅炸魚都係手指狀，第一次食禁大件既炸魚，好新奇🤣魚柳炸得好香脆，肉質尚算滑，薯條係幼身薯條，味道還可以。《香烤辣雞翼》$68份量好多，同朋友食極都食唔完，啖啖肉好滿足，辣度岩岩好👍🏻《串燒》$48豬、牛、雞各兩串，有肉汁唔會乾👍🏻沙嗲汁裡面加左蒜容，味道更濃郁美味。Cocktail《5.2.0》$68呢杯係野莓同榛子，粉粉紅紅貌相好靚。佢係酒精濃度最低既一杯，較易入口，好岩無飲開酒既人😃莓味突出，但榛子味就顯得較薄弱，不過口感好creamy，整體味道都唔錯👍🏻朋友就嗌左杯《Bombay Gin》$58好大杯，好抵飲！！ 呢度食物同飲品都性價比都好高，佈置方面別具風格，環境好舒適唔會十分嘈吵👍🏻店員服務都好貼心，同有禮貌👍🏻好

最近閨蜜成日打電話比我，好似樣樣事都唔願意，索性約佢出嚟 happy hour，猜番幾轉，俾佢吐下苦水。(其實係我困左太耐，出來抖抖氣)三角嘜的外形似足薯餅，原來是一口炸芝士。 中間的 raspberry 醬，酸酸甜甜可以增加食慾，這樣的配搭都唔錯。雞柳串味道本已恰到好處，我老友一串接一串咁食。我就鐘意乾身一點，再點少少沙爹醬就啱晒我口味。我間中都用卡邦尼汁煮意粉，但唔知點解，梗係冇呢處咁好味，so....呢碟我食晒咁滯。黎得酒吧預咗要飲酒，不過冇辦法。要等BB出左世之後才可大喝特喝，呢段期間飲住 lavenda lemonade 同埋 5.4.5.2.0先。

近排工作壓力大，日日俾老細照X光，放左工唔去relax吓，真係遲早爆煲。我幾鐘意呎間酒吧，夠晒就腳，嚮公司行過來都係十零分鐘。呢到提供的輕食都算係咁，雖然海鮮份量不多，但白汁味夠晒味濃香滑。炸魷魚圈口感煙韌夠彈牙，用來伴酒，邊食邊飲邊吹水就最啱，可惜明天返早，今晚不能沾酒精太多。雞柳串也是我喜歡的小食，醃得很入味，不另外加添醬汁也很好味。呢兩杯分別叫做 Freshco & 5.4.5.2.0的飲品，雖然唔知有乜成份，but never mind，我不是bartender，只要覺得好飲便足夠。

「Helen's 海倫司小酒館」平日夜晚岀尖沙咀，岀奇地條街都唔係好多人，想搵個地方志在食少少野，靜靜地傾計，就上左厚福街H8 3樓嘅餐廳。岀𨋢一下都俾佢特式裝潢震一震，有少少泰式感覺，燈光偏暗，大掛牆藝術品，應該用左唔少費用同心機裝修。睇一下menu, 反前反後都係飲品，原因只係做數款小食同意粉。簡單點左D 串燒同一款意粉，試左2杯 Mock-tail ~環境真係好好，服務都好好，人唔多，好靜，真係適合傾下計。不過食物就可能要多少少款式喇。盛惠$2xx /2位

喺尖沙咀行街行到攰，想同朋友有個地方落腳，飲杯野傾下計咁，今次俾我發現H8呢間餐廳非常好坐～裝修好有特色，有Ｄ異國風味。仲可以玩骰盅！咁岩我去果日撞正酒牌續期，所以飲品選擇相對冇咁多，但係就簡而精，每杯睇落賣相都唔錯，雖然冇酒精，但飲落都好好味～有時冇酒精都唔錯架～Cinnamon pina $48主體係菠蘿汁，有少少似Pina Colada,但飲落冇咁甜，但就唔係加椰汁，反而係加左香草調味，酸甜得來帶點辣的感覺。5.4.5.2.0  $48飲落似覆盆子味奶昔，口感比較厚身，愛吃甜品的女生一定喜歡。上面還有玫瑰花瓣及糖果，非常浪漫～Lavender Lemonade $48又係以賣相先聲奪人的飲品～那紫色太惹人喜愛了吧！相對來說沒那麼甜，有香香的花味，飲落就係清清地的檸檬水咁。海鮮忌廉汁意粉 　$68幾足料，蝦肉不少，而且也算鮮甜。忌廉汁夠香夠creamy，抵食之選。炸魚薯條  $68魚柳炸得很香，內裡的魚肉仍然很嫩滑.至於薯條則是比較幼身，食落都唔會好油。整體來講，裝修特別，環境舒服，食物、飲品都不錯，而且價格也不高，是性價比之選，很適合收工同朋友來聚會！

今晚到尖沙咀厚福街食野，貪依棟樓夠多選擇，中美日韓咩都齊揀左間未試過既，上樓環境似係酒吧，天花掛哂萬國旗，莫非為下一次世界盃做準備?menu上暫時未有酒精飲品，不過我就無所謂，本身都唔飲酒~揀左杯小清新Freshco，有菠蘿西柚的果汁mix soda，真係好fresh，飲完好開胃。個酸度我覺得剛剛好，絕對唔蝦人飲。例牌都食fish & chips，份量好對得住68蚊依個價錢，因為2件炸魚都幾大同厚身。個皮炸得好酥脆，又唔會太厚，魚真係好大舊又啖啖肉又嫰，完成冇腥味 (食過有d炸魚唔知點解腥到不得了)。雞牛豬串燒三兄弟，都係68。個雞肉好嫰呀~又好夠味，咸淡我覺得幾適中。辣味雞翼，個辣度我接受到，上枱果刻真係好香。又一樣係68蚊份量一點都不孤寒。成個menu唯一一個意粉，一樣係68。成餐飯除左餐廳燈光有d暗需要人手打燈睇menu外，其實CP值好高

朋友提議去呢間餐廳食飯，咁我當然無所謂，咁就決定去呢間餐廳食。呢間餐廳環境幾有異國風情既味道。好似處於泰國或其他國家。雖然餐牌唔算太多野食，不過對我地黎講都足夠。每張枱上都有骰盅，可以與三五好友一齊玩，令相處越來越融合，及帶來歡樂。我朋友點了Mojo，我毫不客氣試左啖，味道酸酸地，都幾好味。而我就點了Cinnamon-Pina，味道都係酸酸地，幾開胃。另一個朋友就點左Freshco(小青新），我亦毫不客氣地試左一啖，感覺好似雜果賓治，幾好味。炸魚薯條-薯條唔點茄汁都有味道，不過我都係鍾意點茄汁，可能由細到大都有點開黎食。（情意結）魚柳都幾脆，都幾大塊。香辣烤雞翼，雞翼肉都幾juice ，味道唔錯，唔會太辣，剛剛好。沙嗲串（雞/牛/豬），雞串本身甜甜地，我覺得唔需加沙嗲汁食都好食，而且又嫩。牛同豬味道唔錯，不過點沙嗲汁就增加香味。海鮮忌廉汁意粉-拌混醬汁黎食，超正。配料都幾多下。唔錯。仲要在天氣涼涼地時食一碟熱騰騰既意粉，的確唔錯。

兩個人放工後約尖沙咀見面, 今日放工放得早, 未到7點便周圍遛, 行過厚福街H8, 見到樓下招牌寫住Helen's海倫司小酒舘, 便上去諗住食D嘢, 順便Happy hour一下.上到去, 嘩! 係一間有好多好靚木雕的餐廳酒吧, 睇得出個老闆係用心裝飾過, 而且用過唔少時間搜集過藝術品. 立即決定今晚係度食飯飲嘢!可能因為太早的關係, 人唔算好多, 俾我地揀到一個近窗口的靚位, 自成一國, 相當舒適.打開餐牌, 食物選擇不算很多, 相信老闆對自己的出品有自信, 貴精不貴多. 我們點了Helen's的signature drink Helen's highball, 及一杯Freshco小清新, 食品方面我們點了雞翼, 豬串燒, 同埋海鮮忌廉意粉.飲品先上, Helen's highball好特別, 佢上面有一串杏甫肉, 我其實好鐘意食杏甫的, 立馬給我吃掉. 飲品上面有一層好似奶蓋咁, 有一個用Tonic打既泡泡, 好睇得黎亦都酸酸地幾好味. 成杯飲品好好飲, 而且唔係好甜, 好解渴. Freshco上面有一舊新鮮西柚, 成杯飲品酸酸甜甜, 好開胃!食品方面, 雞翼燒得香口, 而且開邊

今日早食中午，所以行到差不多6點有啲餓，但女友話食左下午茶飽飽地，卒之又畀我地咁啱搵到厚福街都有bar -restaurant，我地就索性上去happy hour原來呢橦大廈仲有間幾有異國風情既酒吧，以木為主調又有好多同大象🐘有關既佈置，幾有泰國🇹🇭風情個bar絕對係打卡位，亦有好多卡位坐得舒服，幾有氣氛！Menu相對簡單，食物唔算好多款但價錢好吸引！炸魚薯條🍟都係68蚊？會唔會好細份、不過細份都值得試下！結果我有啲驚，又大份，而且新鮮炸出黎好香脆，平時去餐廳要畀多100蚊都唔止wow! 即刻想叫多幾樣野食，男友話飽都照食，因為實在太抵！個炸魚係鱈魚柳，一份有兩條，仲要加埋薯條🍟，佢係老M嗰款既幼身薯條，食落仲有咁少少橄欖油香同有少少黑椒，証明佢對食物質素要求都幾高，抵食得黎一絲不苟👍🏼除左炸魚，即刻忍不住加埋個炸魷魚圈同🦑炸雞🍗同樣又係好大碟好足料，炸粉唔厚，個魷魚好香而個炸雞都食得出佢有醃過，冇諗過佢做吧都會整食物整得咁認真！飲品我地就叫左兩款冇酒精類飲品，mojo 同freshco都幾清新，食咁多炸野飲返mocktail當解下油，店員都幾有禮親切，最緊要仲係冇加一，食到飲到飽都係