Helen’s

营业中

休息中

今日去左尖沙咀搵野食，最後我地來左呢一間食西餐同有酒飲既地方🤩，入到去餐廳燈光比較暗，又播住d西方音樂，每張枱都有骰仔，好適合飲番杯傾下計或者劈下酒💁🏿‍♂️。坐低之後我地叫左一份炸魚薯條🍟、香烤辣雞翼、烤雞骨腸。然後我地就點左幾杯野飲，有可樂、有紅酒🍷白酒。佢既香烤辣雞翼夠晒辣而且燒得岩岩好，夠入味！推薦👍🏿👍🏿👍🏿👍🏿烤雞骨腸皮烤得夠脆，咬落入面啖啖肉👍🏿烤魚薯條有兩大塊，加埋薯條真係食到飽飽。佢既白酒同紅酒都唔錯，易入口！不知不覺就飲晒要飲多杯🙈呢道既員工全部都好有禮貌，落單快，上菜既速度都好快👍🏿

今晚想同男朋友飲少少酒，所以專登唔揸車出去。之前已經知道尖沙咀H8有好多餐廳，平時晚飯時間多數都會排長龍等lift，今日收工過到黎都已經差不多10點，所以無咩人。上到去見到餐廳既裝修幾特別，一坐低就見到枱面仲放左幾個骰盅。menu上食物款式唔算多，主要都係送酒既最佳配搭。Seafood Spaghetti With Cream Sauce雖然賣相唔算特別，但味道的確一流👍🏻 好過好多西餐廳。Roasted Spicy Chicken Wings呢個係必食⭐️⭐️⭐️ 呢個雞翼我同我男朋友係邊食邊讚！夠辣夠juicy！Roasted Sausage個汁好match，口感一流，好適合配酒！Yesterday我男朋友決定試一試呢度既 Signature Cocktail，每一杯cocktail都有好貼心咁寫低酒既強度，由1-5，我地就決定揀杯強度5既試下。店員一送到黎就已經好吸引，睇住佢倒出黎噴哂煙咁，視覺效果一流！我自己就order左一杯紅酒。呢間餐廳我同男朋友都覺得好值得encore，每樣食物普遍單價都只係HKD68，好抵食！

今日同朋友行開尖東附近 ，咁就想搵一間吧想飲一杯嘢同埋食少少小食， 經朋友介紹下.就搵咗呢一間Helen。入到去格調同埋裝修都非常之好 環境好舒服， 畀人真係好有一種relax嘅感覺， 咁我哋就叫咗一啲小食同埋我叫咗一杯520。呢一杯520其實真係幾好飲同埋好靚，佢入面有一朵玫瑰花係入邊，同埋佢又唔會話酒精味太濃，佢有士多啤梨味啦同埋有少少玫瑰味 ，留意埋個杯身黐咗啲椰絲喺出面，飲落去其實真係好啱女仕飲嘅。小食方面我哋叫左個fish 🐟and chip， fish and chip， 尤其是個魚雖然我唔知係咩魚啦，但其實佢真係好似外國整嗰啲fish and chips咁又脆同埋都有魚味起碼冇咗啲雪藏味。 薯條亦都啱啱炸出嚟熱辣辣咁。 其實呢個fish and chips好適合送啤酒。跟住我哋叫咗個沙嗲雞串🐤， 佢呢個雞串都整得非常好，起碼沙嗲亦都好香濃，同埋亦都唔係話太辣啱曬我哋啲唔係食得太辣嘅女仔食。最後一定要試下佢過香辣雞翼🐥， 雖然自己唔係話太食得辣，但佢辣度都係適中 同埋個雞翼D肉亦都非常之滑。 啲汁鎖死曬喺雞翼入面 。幾正同啱曬happy hour。最後順帶一提就係佢啲服務

難得一晚唔駛OT，快啲捉左個朋友去尖沙咀happy hour輕鬆下。朋友介紹左Helen’s，厚福街樓上舖。上到去，人唔算多，昏暗既燈光，唔係嗰啲音樂嘈到傾唔到計既酒吧👍🏻重點係，啲侍應nice同有禮貌到爆👍🏻話明happy hour，先黎一人一杯hoegaarden 先啦，摸住酒杯底傾計係爽既。朋友嗌左杯glenfiddich on rock，太dry，唔岩我。飲飲下餓，又未飲完，就係度食埋飯。先黎一份fish and chips，本身對酒吧食物無乜期望，但係個魚好外脆內軟，新鮮炸起，無油yik味。黎多個海鮮汁意粉，creamy得黎好鮮味。

尖沙咀想搵間舒舒服服、靜靜地嘅酒吧 happy hour，都真係唔係太容易。有d就有好多啤酒妹巡黎巡去、有d就好似劈酒場咁、又或者有d定時定候就會有好嘈嘅音樂阻住你傾計。呢間海倫司小酒館位於一間幾新嘅大廈入面，唔太嘈又唔太多人。啤酒類就一定係正常水準啦，基本上只要係同一牌子嘅生啤我諗間間酒吧都會係呢隻味道。Cocktail 有少少特別，可以講講。另一位朋友叫左杯 My Orchard，有好香嘅百里香同接骨木花嘅味道，base wine 唔太濃烈，幾適合女士飲！至於食物方面，都係一貫酒吧水準。建議多選煎炸類食物，通常酒吧做呢類食物會出色少少！Fish & chips 絕對係炸得香之餘仲要比其他西餐廳平，係啤酒嘅最佳拍擋！

好耐無見友人了，今日就約左個朋友去尖沙咀傾計，比我地發現左呢間餐廳，有酒精飲品同有啲小食。氣氛好好，最岩傾計休閒。首先我地選左杯百里香，個杯係玻璃白色既外表好飲白雪公主主題咁，飲落去有一估香草花香既味道，甜甜地，好香口，好好飲，強度是2，酒精含量適中，最岩年輕貌美既女士門。之後友人就選左杯古桑迪，金黃色既杯，外型似個皇冠咁，香濃既日本柚子味，飲落去好清爽，強度是1，容易入口，唔會好易醉，可以慢慢享受下。小食方面我地選左碟唐揚魷魚圈，炸到好香脆，脆到岩岩好，口感一流，份量岩岩好，點咪啲醬食真係好好味，魷魚既香味出曬黎，好爽好脆。朋友比較大食啲就選左碟海鮮忌廉汁意粉，食落去好creamy,一啲都唔會溜。意粉口感一流。都係唔錯既選擇

It‘s a happy Friday. I met up my friend in Tsim Sha Tsui. We both wanted to have a drink tonight so we found a bar nearby called -Helens.The environment there with soft music made us feel relax. As we were not very hungry, we order a drink and a snack for each. I ordered “5.2.0”. The name of cocktail matched with its appearance. It’s pink in colour with white sugar sticked on top. The drink was easy to take-in and full of rose and raspberry. Highly recommend this for the cocktail beginner. My fr

平日尖沙咀返工嘅大家一定知道厚福街多野食。平時除左去諾士佛臺之外，就多左個地方可以飲下野。今次放工就約左朋友黎到位於厚福街街尾名為H8嘅呢幢大廈位於3樓嘅Helen's. 係尖沙咀地鐵站B2出口行過嚟只需要5分鐘路程。雖然7點鐘happyhour時間去，但係已經有十幾個人排隊搭聶，要去嘅朋友仔記住預返時間排下隊。酒吧環境好有異國風情feel, 成個格局令人好似置身於外地。排完隊熱辣辣一嚟到緊係嗌返杯嘢飲涼下先。我就叫左杯draft Beer 夠哂冰凍。朋友就叫左呢到嘅signature cocktail - Helen's Tea 杏桃果味濃郁，慢慢淡出清新嘅石榴味，甜味稍為掩蓋左酒精嘅強度，令到更容易入口。怕酒精味重嘅女仕們可以留意返個menu 每杯cocktail 都有列名酒精強度作參考。唐揚魷魚圈炸粉唔多，熱辣辣，好有魷魚味，推介。一口炸嫩雞真係一口一件，外脆內軟，好多肉汁。總括黎講係一間性格比好高嘅餐廳，環境氣氛都好唔錯。

· 尖沙咀樓上浪漫情調 × Chill 聊天酒吧 🙌一上到嚟呢間小酒館聽到啲音樂已經好興奮😆餐廳的環境好靚, 佐酒小食都好好食 小食和酒的價錢非常有驚喜 出面一杯可能都百令蚊先飲到杯Signature Cocktail 呢度$68 就有杯特色Cocktail ~仲要係高質估你唔到幾好飲 ! 最鍾意杯Yesterday ~ 似飲開嘅Old Fashion 有肉桂嘅煙燻香, 再帶橙甘香甜的層次感味道都幾易入口, 唔覺唔覺就飲曬😂由於飯都未食, 就先叫咗個海鮮忌廉意粉👅份量都幾多意粉同忌廉汁配合得非常入味😋 再叫咗洋蔥魷魚圈和炸魚薯條~ 全部都係新鮮即整熱辣辣佐酒小食嚟講我俾滿分💯👍 都幾飽肚 😝Happy friday 就當然要飲番幾杯啦加點咗Signature Cocktail Maze 和Menu無嘅Longisland Maze 飲落幾Fresh! 夢幻紫粉色女生會喜愛的❤至於Menu上無嘅Longisland都唔錯 👍夠檸又夠勁😝酒精強度係菜單上面有標明, 唔怕飲得太多也能盡興✌仲有骰盅玩, 岩曬兩個人浪漫之餘仲可以同一大班朋友嚟chill out 下添呀🙌

星期五，六，好多酒吧都話有最低消費，但係得地得一個鐘，消費唔到咁多，好彩搵到間新蒲點! 好抵飲，無最低消費. 呢到cocktail 選擇都算多，又夠特別，仲見到一大班人開beer tap 玩，勁正! 下次多人啲都可以黎玩Yesterday 📍 $68酒精濃度係cocktail 入面最高架 🙈 whiskey 底，所以飲落都比較濃，但係加埋啲柑橘味，又幾清新，男女都岩飲。最特別就係佢上枱嘅時間好似有人表演咁，好smoky

喺網上見到呢度一面倒嘅好評，裝修又夠心思，上星期就去咗Happy Hour喇當日未夠7點就坐低，只有我哋一枱客因為收工直接過去嘅關係，諗住食埋晚餐...點知餐牌食物大部份都係送酒小食類，唯有加個意粉頂下肚值得一讚嘅係所有食品都即叫即整，夠晒熱辣辣【唐揚尤魚圈】唔會過咸，送酒一流【香烤辣雞翼】味道同Pizza Hxx嘅有9成似不過呢度醃得入味D【海鮮忌廉汁意粉】入口creamy，一個人食可能會太膩飲品方面就叫咗兩杯大熱Cocktail:【Yesterday】聞落有陣陣煙燻味，入口係有淡淡橙香嘅威士忌，有唔同層次，味道都幾特別【5.2.0】沾滿椰絲嘅高腳杯，最啱要嚟影相個人覺得飲落有少少似藥水味，而且擺耐咗有「倒汗水」沿住杯腳流落嚟，會攪到成手痴立立到我哋臨走開始陸續多客人，環境適合一大班朋友飲下酒玩下骰盅，但如果想靜靜地傾下計相信比較困難喇

星期日，係厚福街食野大廈同朋友食完野，決定飲番杯先走。本身想去諾士佛台，但我地見到棟大廈都有bar，就決定黎睇下。一開lift見到好retro既設計，加上間bar又唔嘈，好似幾岩傾計。我叫左一杯5.2.0，呢杯係比較女性向既cocktail。睇menu見到佢話強度只有level1，應該幾岩唔係好飲得既女仔飲。先講樣，杯酒好elegant，上面有一塊花瓣，入面仲放左幾粒銀色既糖珠。飲落口係莓味好濃，的確唔重酒精味。杯有椰絲，其實同杯酒幾夾，如果佢可以直接將佢放係杯邊，可能會更好！朋友係old fashioned既fans，佢叫呢杯yesterday就有d似old-fashioned。不過呢杯cocktail好fancy，上個陣有個waiter玩埋煙慢慢係壺度倒出黎。細心飲，發現個d煙係burnt oakwood既煙，都真係infused入杯酒度。我試左一啖，唔太頂得順咁濃，但男仔／飲開酒既飲應該完全無問題。坐多陣有個朋友黎左，因為佢未食野，就叫左個忌廉海鮮意粉。個意粉就正常發擇啦，不過好少見酒吧會有飽肚既野食，可能為左D人可以飲多少少，哈哈！我見佢menu上面仲有好多送酒小食，不過我地太

呢間真係好鬼正佢嘅走一流好好飲然後價錢相當適中再加上佢哋嘅嘢食都好多款好多種類例如炸物 我亦都帶咗一碟白汁卡波哪意大利粉啲白汁同肉同蘑菇都配搭得很好肉質加棉質非常柔軟好適合大家食好想叫大家去試一試再加上呢一間餐廳環境好好地點有相當近屬於尖沙咀區大家好容易就會搵得到㗎啦同埋我想順帶提一提佢哋嘅服務員真係好有心好親切如果有咩唔明佢哋都會好悉心咁樣解答我哋嘅問題作為消遣同唔同朋友談心一個地方10分值得大家去好強烈建議大家

知道這間小酒館很久, 趁有promo 約友人P 來個happy friday, 謝謝她犧牲運動時間相聚。6:30來到人數不多, 穫安排窗邊坐位, 和P點了兩杯大草原, 炸魚薯條, 海鮮意粉和一個忘記名字的肉腸, 味道不錯, 特推炸魚, 今時今日魚有魚味屬難得。特別一提服務人員非常有禮, 由點餐, 送餐, 送客都是五星級, 癲覆了對酒吧的印象。和P暢談兩小時, 細說風雨, 個人認為這裡很適合三兩知己暢談, 小飲兩杯, 推介。

大約個幾月之前嚟過呢一間餐廳，覺得環境舒適、飲酒傾計就啱晒啦，今次再嚟到呢一度幫襯。比較特別嘅係餐廳嘅食品全部都唔使加一服務費，就算夜晚去都已經係Happy hour嘅價錢。一口炸嫩雞$68雖然啲炸雞細細粒，但係每一粒都好juicy,口感啱啱好。呢度嘅炸物，全部都係即叫即炸嘅，配埋酒精一齊食，真係冇得輸。炸魚薯條$68炸魚柳炸皮薄脆、魚肉嫩滑，鮮味多汁，配上檸檬汁同他他醬，清新解膩。極力推薦比大家！Mojito$68本身比較鍾意飲簡單調製嘅雞尾酒，呢一個係我至愛！雞尾酒用上許多薄荷葉，酒精濃度恰到好處，加上青檸，入口清新醒神。大家如果行開尖沙咀，想搵一間價錢合理，食物質素又好嘅餐廳，呢一間酒吧的確唔錯！