Helfit Lifestyle Club (已結業)

呢間舖頭好多樓上上完Yoga既人嚟食 食品都算健康低卡呢度既午餐主要食lunch set 但係你都可以單點其他野食今日同friend兩個人嚟食 lunch set選擇都算多 配湯/沙律同埋飲品每一樣主食佢都會介紹食物功效同埋卡路里 方便keep fit既客人選擇佢另外散叫既選擇都好多 搵次都想夜晚嚟試下我叫左比吉打豬伴嫩菜及薯條配燒汁我揀左餐湯 佢另外仲有餐包餐湯係雜菜湯 配料都幾多而且煲得夠淋雜菜湯有別於茶餐廳果d得個辣隻 佢味道比較鮮甜 飲到菜既味道 調味唔會太多 我覺得剛剛好 配上一個暖既餐包就適合不過啦餐湯一飲完 主菜就嚟到啦有兩大塊吉打豬 份量好夠豬扒味道好濃 我只係沾上好少量既汁食都好夠味肉質鬆軟唔會鞋到痴牙亦都唔會好多肥膏 肥瘦適中薯條係我好鍾意既粗薯條 脆卜卜好好食另外仲有d瓜同埋番茄仔 味道鮮甜我另一個friend就叫左日式照燒牛柳粒配糙米飯 份量一樣好多牛粒好淋 牛味濃 配上微甜既照燒汁好夾燈籠椒好鮮甜 洋蔥都唔會辣整體覺得味道好開胃 個friend好快就食曬成碟最後我地叫左凍咖啡同埋凍檸茶嚟個perfect ending我見到另外有d人叫熱茶 聞落都幾香我覺得呢

平時好少會因為健康而去幫襯一間餐廳，通常都會覺得味道太淡或者冇乜特別。今次因為朋友介紹就去左呢到食野呢間餐廳同樓上一間yoga地方好似係同一間公司，感覺上唔同出面巧立名目話自己健康但其實冇乜特別嘅餐廳。餐牌上面佢會有唔同嘅營養成分介紹，特別之處係佢唔係淨係好悶咁話俾聽有幾多卡路里，而係會有埋食材成份，有啲咩特別咩人適合等等資訊。出奇地menu比想像中選擇多，一啲你唔會expect係健康餐廳度見到食材都有，例如豬手同肉類。而入面係有埋介紹既你知佢有咩營養。個人覺得幾得意。平時死戒口既朋友應該會好開心。唔使晚晚食白烚雞胸所以最緊要帶啲味道啦。的確唔會有出面咁油膩，但一啲都唔會過於清淡。反而食材嘅味道會比較特出。坦白講以前都有食嗰啲沙律啊，Gym時嗰啲好細分嘅飯盒啊，比起嗰啲呢度簡直差天共地，可以食返啲真係豐富小小嘅晚餐。建議做開尖嘅朋友可以一試。

做完運動正想搵野食，就見到helfit lifestyle 立在馬路旁的廣告牌，有d好奇，呢間餐廳sale健康，仲要系由注冊營養師設計餐單，星級廚師創意主理，感覺即神秘又新潮。本身做完運動就諗住隨便食d,點知被廣告吸引左上樓一探究竟。餐牌竟然標明了卡路里，時刻提醒keep fit 人士。實在系健康之選。set dinner 好吸引。可以單點也可以揀set我地揀鱸魚同西班牙豬兩個餐首先系沙律：天婦羅伴菜沙律天婦羅不嬲比人印象系熱氣，油膩，雖然好食都令人止步，但這一碟天婦羅咬落口不會感到油，而且炸粉十分薄，有黑醋汁，口感非常fresh,冇改變食材原本的鮮，茄子，南瓜，蕃薯的甜令心情好好。食完沙律，侍應為我地換上餐具，准備餐湯。白苦瓜忌廉湯餐包好新鮮熱騰騰。白苦瓜忌廉湯口感似薯仔湯的綿密，甘甘地，好香。白苦瓜有豐富的維他命，有助增加抵抗力。對身體十分有益。主食上場：智利鱸魚柳配黑松露片，以地中海烹調方式，非常健康有益，眾所週知，鱸魚含不飽和脂肪酸，加以地中海式少鹽，少油，少糖的原則，想必好味得來又健康。講講下，好似記得之前有聽說過地中海飲食減肥法，曾經仲好流行。原因在於不用挨餓，且瘦下來不易

同事介紹北角有間在商廈裡的西餐廳 Helfit Lifestyle Club，主打健康有營的菜式，菜單由營養師設計，餐牌上的每款食物都標明卡路里熱量，令關注健康的香港人吃得放心。餐廳燈光柔和，讓人感覺舒適放鬆晚市套餐菜式種類多元化，定價較一般西餐廳略高，每款主菜都各具特色點了一個晚市套餐、煙三文魚沙律、同三文魚忌廉意粉先黎既係跟餐頭盤: 天婦羅伴菜沙律分別有南瓜同茄子天婦羅，粉漿薄脆，南瓜香甜，內餡味美，質素不錯啊羽衣甘藍凱薩沙律配煙三文魚沙律菜和羽衣甘藍新鮮爽脆，加入了沙律醬和黑松露油香氣撲鼻，格外美味！煙三文魚夠油潤白苦瓜忌廉湯湯質地濃稠，白苦瓜味不算重所以易入口，滿滿的忌廉香！餐包鬆軟可口智利鱸魚柳配黑松露片份量十足的鱸魚柳色澤光鮮，魚皮烤得香脆，魚肉厚實鮮味！伴碟的南瓜蓉是天然香甜味~ 旁邊的藜麥亦十分出色，加入了蕃茄乾、蒜頭，橄欖等等一同烹煮，酸酸辣辣的，有別於平常藜麥的味道，很特別的啊煙三文魚青蘆筍忌廉汁意粉滿滿的餡料充滿整個意粉。意粉煙韌有咬口，掛汁程度佳，每口都是奶油香最後係甜品藍莓奶凍

第一次來Helfit Lifestyle Club，餐廳有帶給我驚喜。餐廳位於商廈三樓，地方簡潔明亮，侍應招呼殷勤。餐廳以健康飲食為主，menu寫上每種食品的卡路里，客人可按照自己的需要下單。天婦羅揸得鬆脆，伴上新鮮的蔬菜，淋上黑醋，很開胃的前菜。第一次喝白苦瓜忌廉湯，餐湯帶微甘配上香滑的忌廉，健康又好味。餐包不再跟牛油，而是配上黑醋。烤西班牙豬柳梅伴木瓜沙律，木瓜清甜配上薄荷葉很特別的組合，烤豬柳梅有點兒像港式叉燒。智利鱸魚配黑松露片，賣相已經非常吸引人，黑松露片矜貴味濃，跟鱸魚一起吃，更能把鮮味帶出來。藍梅慕絲，士多啤梨及藍梅都酸酸的，配上甜甜的慕絲剛好。

一向以為好味的食物是不健康的，健康的食物是不好吃的，今次嚟到 Helfit Lifestyle Club另我改觀。餐廳提供不同的晚餐，而且亦寫上每道菜的卡路里，要保持身材的男士和女士們，可以安心地參考了，非常貼心的餐廳。天婦羅伴菜沙律，天婦羅有炸南瓜、炸番薯和炸茄子，伴著新鮮的蔬菜後再淋上黑醋汁，很開胃的一道前菜。白苦瓜忌廉湯：第一次飲這個湯，上桌時，還以為說薯仔湯，白苦瓜湯微微苦，湯裏還有松仁子，微甘香的湯。跟湯的還有一個小麥包配意大利黑醋海參帶子意大利飯配蟲草花汁：意大利飯配上上湯及忌廉汁煮，美味入味，加上帶子、蟲草花和海參，很成功的crossover。美國天然安格斯肉眼扒拌時菜炒薯配頤松茸汁：牛扒五成熟，剛好鎖住肉汁，好味。

朋友約咗我嚟佢做開瑜珈間centre開嘅餐廳食飯，本身我帶住成見以為呢類健康餐會唔好食，但原來佢哋全部菜式都係由註冊營養師設計、酒店級行政總廚主理，加埋食材又新鮮又高級，都幾高水準餐廳雖然唔大，但座位都幾闊落，唔會逼「劫」餐牌上每一款食物除咗寫明食材對身體嘅益處之外，都會有埋卡路里數，好方便嚴格控制卡路里攝取量嘅人。不過我就冇注重開呢啲嘢，想食就叫，乜都試啲［羽衣甘藍凱撒沙律配煙三文魚（123卡路里），$98］羽衣甘藍屬於super food之一，佢含有葉黃素，再配埋挪威三文魚嘅omega-3，好味得嚟又可以改善黃斑病變、眼睛疲勞等症狀［鮮香草焗萄國乳豬（320卡路里），$238］乳豬脾燒到金黃色，賣相非常吸引我哋影完相後店員就拎佢返廚房幫我地斬件，方便我哋食，好貼心。乳豬嘅蛋白質豐富就不在話下，加上皮下脂肪少，食多幾件都唔覺油膩［香煎智利海鱸魚鮮香草蕃茄汁（549卡路里），$238］海鱸魚煎得十分嫩滑，而且有豐富維他命A同omega-3，食咗可以提升免疫力同延緩皮膚衰老。而個香草蕃茄汁更加係加咗蝦入去熬，非常鮮味食到呢度，店員突然間喺度set嘢，原來係有世界杯直播睇呀！（呢間餐廳做緊

KEEP FIT 一直都係我既目標 (宜家係微胖, 以前係支竹咁瘦), 但健康亦都係永遠第一。飲食方面下功夫自自然然已經成為習慣。不過有時真係控制唔到出去食飯少不免都會以好味為先。今次想分亨下呢間餐廳。餐牌上已經下足功夫, 有顯示食物的卡路里/健康資訊, 我覺得好貼心的方式。前菜: 羽衣甘藍凱撒沙律配三文魚。羽衣甘藍同其他配菜好新鮮, 三文魚好厚身。主菜:鮮香草焗萄國乳豬。乳豬脆到不得了, 加上不會是一般燒味店的乳豬, 會吃到一口油就連連伴菜亦好新鮮值得試架！通常我見到海鮮對眼就會發哂光, 除左魚XDDDD, 不過今晚見到隔離枱既人都有叫魚, 我就試下啦,。主菜: 香煎智利鱸魚。一上碟首先最基本係熱, 熱真係好緊要XDDD。好想好想特別講: 好好味好好味, 又滑身又厚肉, 少少咸咸地海水味。碟上面有2種醬汁, 尤其是黃色那種有微微的蟹黃味道(唔知有冇FEEL錯, 但我真係食到架😋)甜品: 法式焦糖燉蛋。我以為係一杯杯上。我覺得好靚呀, 其實食落唔會太過甜, 配埋生果小小酸MAYMAY, 仲有自家製雲呢拿醬, 又真係好夾喎。門外有少少單張可取, 時刻提醒健康資訊。另帶一提: 餐廳配合返宜

店內環境非常舒服，服務亦很好，餐牌上全部有列明卡路里，一坐之下很快便消磨了一個晚上。前菜先點了一客紅菜頭沙律開一開胃🤓🤓單點了燒頂級牛柳伴鵝肝配白蘭地，揀了七成熟，鵝肝煎得好香口，而且真係頂級質素，裡面質地夠軟身，入口即溶，味道又香又鮮，暫時係食過最好食既鵝肝。牛柳七成熟，裡面有小小紅，這個生熟程度剛剛好，牛柳質地滑嫩無比，肉質夠鮮嫩之餘肉質口感十足，內裡仍然充滿肉汁，配合白蘭地汁，味道一流。鮮香草焗葡國乳豬，店員會為我們切好一片片，乳豬皮色澤金黃，份量都幾多，食落肉質肥而不膩，肉質鮮嫩無窮。飲了一杯蘋果紅蘿蔔汁，飲落夠足料，好鮮甜好味又夠解渴。而且晚市有套餐供應，包甜品，店員話餐牌都是時令的，是跟時節而改變選擇都幾多，食物選擇較多及多元化。

平時出街食飯最怕多鹽多油， 怕食得多好易怕肥婆， 所以出去食飯要食得健康又好味都唔易架！ 最近發現左呢間喺炮台山既餐廳， 見到佢地既menu係有計晒每碟既卡路里出黎， 而且d食物果樣仲好似幾好味， 所以就帶左爸爸去試下～ 間餐廳都易搵既， 炮台山站出然後行大概5分鐘就到！餐廳係以日式裝修， 燈光柔和仲有音樂， 感覺好舒服😊 喺度食飯傾計坐下都幾唔錯 晚餐有套餐同散點， 套餐都好抵食啊， 有湯、沙律、主菜、甜品同餐飲， 款款都有列明卡路里同營養價值架 茶同咖啡係有機的甚至係酒都係有機架！ 食落肚既野， 當然係愈健康愈好啦， 食都食得安心d 首先黎既係扒大蝦沙律配芒果汁 蝦好新鮮呀， D肉好彈牙而煎得好香， 好好味～ 沙律就有d沙律菜同紅菜頭， 配埋芒果汁酸酸甜甜， 食完呢個好開胃～ 湯係意大利雲吞清雞湯平時食西餐通常都係creamy d 既湯， 呢個雞湯清清地， 入面有隻意大利雲吞， 一隻唔夠喉呀。。XD Si揀既main course係香煎智利鱸魚伴南瓜白菜汁鱸魚個皮煎得香，肉都好嫩滑，有D似食銀鱈魚呀～份量細細件，岩岩好唔會太飽爸爸係揀左香煎和牛粒伴時菜配黑松露鹽原本以為係一粒粒既

收工比D野老朋友順便一齊食飯，識途老馬就帶左我黎LEE間佢平時成日黎食LUNCH GE餐廳，環境都幾有 FEEL先黎左兩杯 APPLE CARROT JUICE 幫手排下毒。冷壓果汁可以更好咁保存蔬果營養價值，所以近年都好受歡迎，LEE一杯蘋果同紅蘿蔔比例幾好，好飲得黎又解渴！老友夜晚習慣輕食，所以就點左個嫩菠菜蘋果沙律配燕麥及乳酪做晚餐個沙律份量都幾大阿而且色彩繽紛賣相不錯，老友表示菠菜夠嫩，配燕麥，提子同其他果仁黎食口感好好，而且沙律用乳酪取代沙律醬夠晒輕盈，好岩佢口味我就叫左個 SET DINNER 啦，前菜係扒大蝦沙律配芒果汁。隻蝦煎得好香，肉質爽彈，沙律配甜甜地 GE 芒果汁味道好清新意大利雲吞清雞湯配餐包，加左D菌菇，個湯堅係好好飲，夠晒清潤餡料內藏芝士，食落更加香濃惹味主菜揀左香煎智利鱸魚伴南瓜香菜汁，賣相依舊精緻奪目智利鱸魚肉質白嫩鮮美，煎過的魚皮十分香脆，入口仲有魚脂香，好正估唔到伴菜GE南瓜都好岀色，自帶天然香甜味，口感鬆化又不失嚼勁最後甜品係茶味奶凍，甜度適中，淡淡茶香味道清新，今晚整體食物GE質素都不錯！

夏天就到，今日女朋友拉左我去做瑜珈🧘‍♂️做幾下就已經出汗，估唔到會咁大運動量，睇人做好似好簡單，不過做完係舒服，瑜珈好適合香港人，可以慢下來靜下來...做完女朋友話樓下有間有營餐廳，配合健康既飲食keep fit就更得心應手！我叫左個dinner set，頭盤係阿拉斯加蟹肉沙律，賣相相當吸引，由幾種新鮮既蔬菜混合阿拉斯加蟹肉，蟹肉味道鮮甜，配合埋酸酸咸咸既醬汁好開胃！之後就有鮮茄薄荷湯配芝麻包，平時飲蕃茄湯就罐頭溝水，呢度既蕃茄湯俾到驚喜我！啖啖都好似食緊新鮮既蕃茄咁！芝麻包本身已經好香芝麻味，沾上醋同橄欖油香味更突出。我既主菜係慢煮牛仔骨伴野菌，烤焗過既燈籠椒非常清甜，另外仲有雞髀菇、西蘭花、焗原隻蕃茄、意大利青瓜花等等雜菜野菌。牛仔骨非常入味，但肉類纖維沒有太大破壞，因此質感比較嫩滑！最後仲有個朱古力蛋糕做甜品，有香濃既朱古力味，而且有唔同層次既口感。佢地仲有鮮榨juice 真係啖啖都好健康呢餐咁豐富既晚餐先得700幾卡路里，女朋友表示食多幾餐都仲得！🤣不過對飲食有要求既呢間餐廳真係不二之選。

今年夏天來得特別早, 女仕們要努力keep fit, 男仕們都唔好得去邊，女朋友要keep fit¸ 作為男友的也要和另一半同甘共苦。 男友見我日日去Gym咁勤力, 於是為了獎勵我，所以比個surprise 我，帶我到炮台山 Helfit lifestyle Club食餐好。聽個名都知是一間主打健康食物的餐廳, 雖然在大部份人心目中, 健康食物等於難食。 但當我在Helfit試過晚餐後, 就明白乜野叫食得健康又美味。 餐廳裝潢如一般西餐廳，燈光不會太過昏黃, 近窗的一邊可以看到街境, 感覺幾舒適。 晚餐 由價錢合理,  由 $238 – 308 已經包括頭盤、湯、 主菜、甜品等。餐牌上每一道菜也顯示了每款菜色的卡路里和營養、成份,令keep fit 中的客人食得更輕鬆。頭盤   大蝦蛋白質豐富, 脂肪又低絕對可以食多幾隻。 大蝦啖啖肉,  蝦肉富彈性; 沙律菜配上分輕柔的醬汁 ,  感兜相當健康。  意大利云吞清雞湯 配餐包 / 黑糖餐包意大利云吞形狀漲卜卜,未食入肚，印象都攞滿分。餡料有芝士和肉碎，芝士將皮黏實，令雲吞更彈牙, 微微咸香配鮮甜清雞湯， 味道相當匹配。  餐包微暖好好味

近排，母親大人非常忙碌，令我同細佬都冇住家飯食，甘就唯有趁呢個機會出街食飯喇!! 細佬帶我食好西，佢話同事介紹佢去食餐健康西餐。餐廳位於炮台山，地鐵站行過去都好快!! 菜單係由營養師親自設計，標明卡路里，感覺令人好安心，食幾多自己可以決定呢。餐廳裝修柔和，令人覺得好舒服，可以輕鬆用餐。同細路最好決定左叫兩個set dinner，食慢煮牛仔骨同紅蝦意大利麵。前菜係阿拉斯加蟹肉沙律，賣相好精緻好靚，上面有少許食用花瓣。蟹肉份量唔少，好好味!! 沙律有牛油果同青瓜，食落好清新。鮮茄薄荷湯有麵包伴上，麵包好鬆軟，點少少油醋已經好好味。鮮茄湯望落以為好濃厚好滯，但飲落係清清地，有濃郁蕃茄味，少少酸，好開胃!!!慢煮牛仔骨都幾大份，牛肉都幾淋，而且肉質都軟嫩，牛仔骨慢煮後再煎香，都幾惹味，牛仔骨好似只用鹽同胡椒調味，所以食落牛肉味比較濃郁，唔怕醬汁蓋過肉味!! 伴菜好多元化同色彩，蔬菜好新鮮鮮甜，細佬都話野菌都好好味!!!西班牙紅蝦意大利麵配龍蝦汁，紅蝦大大隻，煮到9成熟，所以蝦肉都保持肉質彈牙!!! 意大利麵索哂嘅龍蝦汁味，好香好濃郁，而且麵質都彈牙，好好味!!食完主菜，當然要上甜品喇!!! 焦

夏天就到啦！係時候減下肥同陽光玩遊戲😂同事介紹呢度有間有營餐廳，餐單由營養師訂制而且仲有瑜珈課程可以參加，一於放工同男朋友黎試下。炮台山地鐵一出行5分鐘左右就到，非常方便！餐廳位於錦平中心三樓，一出電梯就係餐廳，環境好舒適，位置都好寬闊，同好姊妹傾密計都唔洗驚俾人聽到！😝我地一人叫左一個dinner set...頭盤有阿拉斯加蟹肉沙律🥗用左阿拉斯加蟹肉配合新鮮雜菜，阿拉斯加蟹啊肉質鮮甜，再配合埋沙律既醬又咸又甜，十分開胃！餐湯有鮮茄薄荷湯，超級濃郁嘅鮮番茄味，絕對唔係用罐頭湯去煮，淡淡湯都好似食緊蕃茄咁，好健康！另外仲配有芝麻包，芝麻包沾上醋和橄欖油既能提升香味，又能夠消滯！主菜我就叫左菠菜西班牙紅蝦意大利麵配龍蝦汁，裏面有冬菇片、雞髀菇條、筍、龍蝦肉、紅蝦等等既配料，意大利麵煮到岩岩好，唔會好硬又唔會好淋，配合龍蝦汁整個菜鮮味十足！最後仲有甜品同餐飲送，甜品係朱古力蛋糕🍰蛋糕有四層唔同嘅質感，香濃嘅朱古力味，食完朱古力蛋糕，食返少少水果感覺好fresh~餐廳嘅食物質素高，考慮緊同男朋友一齊報名學瑜伽，上完堂仲可以一齊落嚟食美味既健康餐。