HELLO Kitchen

营业中

休息中

第一次食，午餐叫左F餐，安格斯西冷牛排配意粉，薄切就算仲無牛味又難咬，咬極都吞唔到，刀切都難切。唔會再食，搵錢都唔係咁搵。真係唔會再有下次，被逼80字打唔晒，係咁。

因為疫情關係好耐都無出街食飯啦⋯呢排天氣回暖風和日麗wfh都work到有啲悶決定今日出去抖抖氣睇吓有咩好嘢食。行到田心村附近大多數都係茶餐廳嚟真係興趣不大點知再行多幾步見到有間西式餐廳就決定試一試。餐牌上有幾個set lunch可供選擇，竟然見到有個burger平時都係食碟頭飯多所以決左試吓個burger睇吓有無驚喜先！等咗一陣店員上菜嘅時候我睇到個賣相當唔錯！burger size比出面一般嘅大入面有芝士，烟肉同一塊厚度適中嘅牛肉，咬落啲肉汁豐富非常juicy另外仲付上了薯菜，薯條係舊式快餐店嘅波浪形薯條真係好有兒時回憶，最重要係佢只係賣$58！另外我加錢試埋佢杯即磨咖啡味道非常香濃今餐lunch真係好滿足好有驚喜！店員仲話佢哋app外賣服務以後我wfh又多一個選擇啦

聞說田心村有間西式小店價錢經濟實惠食物質素性價比高所以趁今日放假專誠過嚟試一試睇吓傳言屬真屬假。地點屬於田心村頭段對着巴士站方向很容易就揾到，原來呢度有幾張露天座位真係好適合而家嘅天氣及環境。先睇睇餐牌午餐選擇都算多有意粉，牛扒，pizza，burger等等，我點了最愛嘅卡邦利意粉及一份雞翼，呢度仲有即磨咖啡可供選擇。等咗一陣我嘅午餐終於嚟到⋯卡邦尼意粉雖然睇落做法簡單但我亦曾經食過好差嘅，呢度個卡邦尼水準超高意粉煙靭有口感味道濃厚又唔會太乾身，最重要係個價錢只係賣$56 喺超市買個叮叮意粉都要差唔多二十蚊啦呢個真係超級十分抵食！雞翼味濃亦夠juicy唔會炸得太乾身，另外我點了杯即磨咖啡，味道非常香濃而且細滑。呢個時勢真係好難揾到一間價錢相宜而食物質素又高嘅店舖，希望小店可以繼續維持落下等多啲人嚟試吓用心經營嘅店舖！

意大利粉 無味。意大利飯 無味。話有雞食晒成個飯得2舊。，菇就多到喊，食左一半都已經唔想食又唔想晒野，價錢唔貴，但俾我揀多次食茶記算真係稱得上難食。另外叫左個湯，佢俾個杯裝裝左一半😅😅。

本身想去隔離間餐廳既, 但原來果間餐廳星期一休息, 搵路搵到熱辣辣, 見到呢度仲有間餐廳, 照入啦一坐低侍應先送上餐湯睇左陣menu, 我叫左個安格斯肉眼扒跟薯菜, 朋友叫左個芝士龍蝦拌意粉, $6x有龍蝦有牛扒揀, 幾抵食既碗餐湯, 飲落去, 同平時飲既西湯唔同, 感覺...有少少似中湯mix西湯牛扒到左, 切開都幾靚, 呢塊牛扒對得住佢價錢$68, 但只系平價西餐/茶餐廳水平, 唔算話好食最後加錢轉即磨咖啡, 聽到咖啡機聲, 心諗可能杯咖啡會正常好飲呢點知, 杯咖啡先系最伏, 淡如水諗真一層, 隔離間餐廳咁多食評, 呢間一樣系西餐, 但食評數量相差咁遠, 就知伏

叫左個牛排飯同龍蝦意粉。牛排叫左6成熟，厚度得個1cm 兼硬到咬唔開。龍蝦都係極硬兼有腥味。服務態度都真係麻麻，都係黎一次中過伏就算。各位黎之前要有心理準備。

之前0係附近食飯偶然發現呢間西餐價錢平民化款式又多就訂位黎試下呀訂左位唔駛等menu實在花多眼亂最後決定點個二人餐二人餐有個沙律菜同蟹子都好新鮮食落好fresh仲有個海鮮拼盤呢個都好讚呀海鮮好新鮮有芝士蠔, 龍蝦, 蝦,  鮑魚全部都食到我地lam lam 利仲有個牛扒我地點左5成熟但黎到大家都覺得over左唔知係肉質既問題定係over cook左就有少少un呀仲有個黑松露意粉朋友話好好味呀我自己唔好黑松露就無試總括黎講海鮮好推介意粉都可以一試呀PS 唔肯定二人餐係咪包晒D野食可能朋友散點左我唔記得

當lunch 諗唔到食咩嘅時候，意外發現呢一間係田心村嘅西餐廳，見到門口嘅餐牌好似幾抵食，就去試吓啦😎我哋兩個人叫咗兩個lunch set, 平均都係$50-60一個，真係幾抵！芝士龍蝦併意粉，龍蝦唔算好大隻，但味道唔錯，個白汁好好味，$62，仲要配埋嘢飲同餐湯👍🏻👍🏻安格斯肉眼扒配薯菜，個牛扒我哋叫咗五成熟，好林，好味，係細份咗少少，同埋牛扒比較溥，但$68，有埋野飲仲想點😏凍檸茶，餐飲都幾大杯ga~ 跟餐仲有個羅宋湯，因為真係有啲鹹，所以食完啲蕃茄就算啦🙃🙃Lunch 餐牌，所有set 跟飲品同湯，真心抵。整體來講，真心值得一試，環境同食物質素都係性價比高👍🏻

即慶同朋友去左呢間餐廳食Lunch，對呢間餐廳完全無期待，只係諗住搵個地方坐下！坐低一人叫左一個Lunch，印象中係50蚊以上，100蚊以下嘅價錢，Lunch係包括一個餐湯及一碟main course同埋一杯餐茶嘅！餐湯係洋蔥湯，味道ok ge，係西式湯，自己煲果種，食得出係有心機整嘅，唔係例湯。Main Course我朋友叫左個burger餐，上枱擺盤都幾精美！我朋友話味道好出色嘅！一百蚊以內嘅價錢係好抵食咁話！之後到我嘅Main Course嘞！呢個時候，我真係覺得有驚喜嘞！個龍蝦意粉，我想像中係幾粒仔龍蝦肉果種，無諗過一上枱係有半隻龍蝦喺度！仲有一大揸蟹籽喺龍蝦上面！而最出色嘅係，佢個意粉sauce係自己整嘅，食得出淡忌廉果種清新嫰滑嘅味道！我覺得一百蚊以內，有咁嘅質素，喺香港地應該無乜可能！非常之抵食！美中不足係杯餐茶少甜左都係正常甜嘅！下次我會選擇叫走甜！我嘅評語，呢間餐廳係值得一試再試嘅餐廳！

呢間餐廳都去過幾次，地點喺田心村，位置雖然唔算起眼，但都唔難搵，因為住沙田關係，都知田心有唔少好野食，而呢間西餐廳最吸引嘅地方就係平得嚟好食，份量仲要唔少添。而環境就舖頭細細，不過枱與枱中間都有距離，唔會好迫。今次係第 3次嚟，可能時間尚早 (未夠 7:00pm)，唔駛等位，一入即坐。今次揀之前無食過嘅野﹐樣樣都想食樣樣都好吸引哇~! 最後個個都飽到上心口，我自己覺得最好食嘅係卡邦尼煙肉意粉，比起出面，個汁真係食晒 d意粉都仲會慢慢品嚐，可能我自己鐘意濕濕哋嘅意粉，所以我好鐘意呢個，$50唔駛喎，出面真係比較少見。下次可以再試其他野。