Homemade Pizza (已結業)

之前行過見到幾吸引，但食得飽得濟所以無肚食，今次終於可以試到🙆🏻餐店附近都係小食鋪，撞正星期日條路又窄又逼，好彩唔洗等位，下午茶時段都算幾抵食。叫左個pizza餐同焗薯餐，另外加左個炸魚薯條。下午茶餐跟野飲同薯粒，杯檸水又幾好飲。pizza $34有三款口味可供選擇，我地揀左夏威夷，感覺菠蘿火腿較大路同保險🙈上碟熱騰騰，面頭好多芝士，食落香口，感覺製作用心👍🏻原隻焗薯餐$26，賣想看得出心機，又大個，配有大量芝士醬，卻不會覺得好膩，而且薯仔食落硬度適中，比薯仔粒淋。食半個已經飽哂😂至於份炸魚薯條，雖然表面炸得幾靚，但食落發覺好厚粉，塊魚真係好薄😭薯條雖然唔差，但就唔夠香脆。炸魚最貴，要成$48，但就係三樣入面最差的😞pizza就最抵讚抵食😍

返工放工返工放工返工放工……………今日好似比較得閒少少，又好耐無買衫，所以嚟葵涌廣場放放血趕放血之前，當然要速戰速決個晚餐啦～每次嚟葵涌廣場…其實我都會諗起嚟homemade pizza, 因為自從第一次食過佢個魚堡之後，間唔中午夜時分訓唔著…我都會抽下抽下咁諗起佢...新鮮炸出嚟嘅魚柳兩大件，配少少沙律醬同生菜…其實食起上嚟都幾呢hea…太多料! 拎起一件魚柳都夠食晒個包…剩低一件魚柳齋啪 打打下呢篇野都肚餓 果幾舊薯塊…ok la

下午茶時間， 出名多野食既葵芳廣場由以前大多數食店係3樓，到而家2樓都咁多食店， 今次就試下homemade.pizza食e間係比舖頭吸引， 佢既裝修帶少少外國feel, 在牆身寫上menu, 有一邊既牆放置高腳櫈，中間有4，5張枱仔， 地方細細， 可容納約15人左右既小店， 門口位仲有個存放pozza ga櫃，吸睛指數大增我同老公叫左2個 tea set, TEA SET  A.澳洲穀　牛漢堡包+檸檬水TEA SET B. 夏威夷PIZZE +薑味檸檬水左邊係檸檬水, 右邊係薑味檸檬水兩杯個樣都一樣佢個檸檬水有D 汽既，GA...薑果杯，飲左幾啖冇飲LAPIZZA 好味, 最好味GA係放係隔離GA 薯角，夠熱、淋, 唔硬, 好香薯仔味...即叫即整GA 漢堡，好大塊又熱GA牛肉係中間，配搭小甜蕃茄加新鮮既菜，佢上面仲有D 芝士，磨菇, 整體唔錯但如果佢塊肉可以打得實D就會更好個漢堡好高身呀, 差D 就同隻杯一樣高LA

今日近近地去左葵芳食lunch, 見依間小店幾多好評，就去一試吧 Lunch set $48 澳洲牛肉漢堡+薯粒+lemonade. 十分抵食!!! Burger即叫即做，等左約五分鐘。賣相唔錯，一咬!! 漢堡扒夠“林”，好juicy, 好有牛味，配上淡淡黑椒香氣!!!good! 配菜都唔少，有生菜，蕃茄，蘑菇(炒香啲會更好)，同拉到絲嘅芝士! 整體配合幾好，拍得着好多高級餐廳!配菜薯粒賣相黑媽媽，但食落又唔錯。有薯味，邊位少少脆。飲品要左ginger lemonade, 好特別，但對我黎講辣左dd整體份量夠，價錢平，漢堡扒更係有驚喜!誠意小店，下次試下pizza!

同Yin去葵涌廣場行街,見到呢間pizza店,之前上網睇到介紹,都幾吸引,即去睇下先。見到就想食。可以堂食呀。見到有下午茶餐,PIZZA SET,$34,有檸檬水+配細薯粒,薄餅有三款口味揀:夏威夷、佬墨推介及經典等。檸檬水,不太甜,感覺fresh。佬墨推介薄餅,材料有免治牛肉、洋蔥、墨西哥辣椒、蕃茄碎、水牛芝士及秘製蕃茄醬,好足料呀,味道濃郁,少少辣,幾好味呀,細薯粒有少許蜜糖味,不俗呀。夏威夷薄餅,材料有免治牛肉、火腿、菠蘿、洋蔥、水牛芝士及秘製蕃茄醬,有菠蘿及火腿,味道清新。味道不俗的薄餅,而且幾抵食,聽聞漢堡包仲好味,下次要再戰呀。

突然間，又想吃個漢堡，故又舊地重遊，所以到了葵涌廣場。Homemade Pizza 雖不只第一次來，個對其漢堡有信心，故又來一個作為今天的午餐。吉列豬扒漢堡是今餐的主食，今次豬扒，卻炸得有點濃，不過外層仍然是脆口，內裡仍有點肉汁在內，而漢堡包內生菜，也頗爽口的。來一杯 Lemonade 原味作為今餐的餐飲，有種檸檬的酸味，凍飲可以涼快一點吧。再次來到，依然是吃漢堡，不吃薄餅。

打算往葵涌廣場shopping，就順道吃點東西先，今次試新食店，主打的pizza。Ginger Lemonade $12感受到薑味的汽水，不過味道較普通不太吸引。夏威夷pizza $34，主打的pizza 誰知令人失望，餅底很薄似餅乾，不是我杯茶。炸豬扒包 配 薯角 $43+5套餐配薯粒，轉薯角是想吃平日長條形的那款，店員說加錢只是size大點，上檯後真的如店員所說，不是我想要的薯角，嚐了覺得炸得過火候很硬，很失望。而炸豬扒包有點驚喜，烤的有點鬆脆的麵包夾著熱騰騰的豬扒配上沙律醬，絕配絕配。蒜蓉薯條 $16薯條炸得有點乾，而配上太多蒜粒變得很熱氣，所以很難吃完。

一個人行完葵涌廣場search下OpenRice就決定來呢間試下澳洲牛肉漢堡包。門口無晚餐價，問下就係午餐價唔包飲品，甘我就叫左個澳洲牛肉漢堡包。來到賣相唔錯，咬落又好Juicy內有鮮蘑菇、蕃茄、生菜又爽脆，完全顛覆左我對漢堡包幹爭爭地感覺。西餐廳即整漢堡包要80-100件，呢處真係幾抵食，但因爲晚餐加杯Lemonade要$12，想再抵食都係午餐來好點。

繼韓國菜後，葵涌廣場還有甚麼好吃？這次看中了Homemade Pizza。門外站了很多人，都是旁邊小食店、窩夫店和對面貢茶的客人。的確，Homemade Pizza的門面除了黑紅的配搭，實在不太起眼。櫥櫃內的Pizza，餡料不多，看上單調又不吸引。看一看餐牌，Pizza全都是秘製蕃茄醬，配不同餡料。對賣相有點保留，而且午餐更抵食。薑味檸檬水很自然的味道，不算太甜。喜歡少少嗆的薑味，十分清新。焗肉醬意粉＋蒜蓉包肉醬意粉是兒時至愛，每星期吃上好幾次，自從戒牛肉後，都沒吃了。這個註明是豬肉的肉醬意粉，實在難以抗拒。蒜蓉包外脆內軟，蒜香突出，中間滿佈牛油，滋味無比。意粉不是茶餐廳質素。幼細的意粉浸在蕃茄醬中卻夠硬。看來這就是鎮店的秘製蕃茄醬。濃郁茄味，稀卻超入味，又不會太油。少少的蕃茄酸，添上清新。面和底都是肉醬，夾著意粉，而且肉碎頗多，很好吃。要是面層加點芝士去焗，就完美。澳洲穀飼牛漢堡包＋細薯粒友人的漢堡包，香氣撲鼻。看著她邊吃，肉汁邊滴下，加上她一臉陶醉，便知道多好吃。"肉味香濃，十分juicy。還有芝士跟蘑菇的香、蕃茄和生菜的清新。"試過肉醬意粉，對薄餅有點期望，下次再試。看著門外拿著

剛好與朋友相約到葵芳，又係時候試新野，今次輪到Homemade Pizza喇！雖然個名叫Homemade Pizza，但睇網上評價好多人都讚佢地啲burger好出色，我就梗係唔執輸去試下啦！見好多人都大推澳洲穀飼牛漢堡，於是我就點了澳洲穀飼牛漢堡 lunch Set (配薯條及檸水)，與外面的漢堡專門店比，價錢不貴。澳洲穀飼牛漢堡 lunch set $48由於是跟朋友share，我們用刀把它切開一半，發現它的麵包烘得很鬆脆，輕易地就能包漢堡切開，而牛扒亦煎得剛好，可以看到中間還是嫩紅色的，不會過熟以致肉質變嚡。一口咬下去，滿滿的肉汁流出來，牛扒與配料的味道很夾，當下已經覺得會再來encore！至於配菜薯條，我們點的時候店員有強調薯條是用原隻薯仔切條炸的，以致我有很大的期望(我是薯仔fans!)，可惜事實是薯條炸得不夠乾身，看上去油淋淋的，而已也沒有香脆的口感，個人覺得為這個set扣了分，有點失望。檸水味道還好，但有點過甜，希望下次能減少甜度。此外我和朋友亦點了一個肉醬意粉lunch set ($38)，個人覺得不過不失，能吃得出不是光用蕃茄醬煮的，亦有香草味，始終意粉不是主打，味道合

其實呢間小店都開咗有一段時間，一直都無意欲去試，老實講，心裡面成日都會覺得，響葵涌廣場呢種地方開漢堡薄餅店，做出嚟呃下細路就得，邊會好食㗎?! 點知試過一次之後，足以完全改觀!!寫呢篇食評當日其實係第二次食啦。水準保持得好好，價錢亦無變。本來今日無諗住要食Burger咁heavy，其實呢個都係臨時改變嘅決定，但只係食第一啖就知道決定無錯。今日點咗個L3 set，澳洲穀飼牛漢堡配薯條及薑檸水。買票後坐低就得，佢哋會送過嚟俾你。好快就俾咗杯薑檸水俾我先，記得上次飲過佢嘅薑檸水，覺得好淡唔夠甜，今次就真係剛剛好，抵讚。大約等多五分鐘多啲，個漢堡都送到嚟啦。睇見個高度就嚇親，但按一下個包就知道係幾咁鬆軟，由於個包有烘過，所以熱熱地，又軟又香真係加晒分，好在我口大，第一啖咬落去，食得出件厚漢堡牛肉非常重嘅牛味，超正，剛剛熟嘅牛肉非常juicy，肉汁沿住個包一路流落嚟。而更值得加分嘅係牛肉上面有塊燒過嘅芝士，煙煙韌韌，配上新鮮蕃茄，生菜，同埋燒蘑菇，呢個漢堡肯定係葵芳最好食嘅漢堡。薯條亦係新鮮即炸，唔會有油益味，不過薯條份量比較少，我覺得可以再多少少。食完個好味嘅午餐真係人都開心啲呀!

同好朋友食飯，間間都食過，唯獨呢間每次經過但都未食過，一於入去試試～兩個人叫左2個牛肉漢堡，見佢間餐廳細細間，覺得食物既質素應該同麥記差唔多～點知當個包黎到，嘩，塊牛肉厚過麥記幾倍，咬落有口感，仲好多汁，個包烘過，脆脆地，好好味～跟餐薯條新鮮炸，好味～下次會再黎過～

逛街途中有點累，亦有餓意，經過此店，有小點下午茶，好奇地試試。下午茶有一款主食，配薯條及檸檬水。與朋友共點了兩款，是美式焗薯和夏威夷薄餅。待了數分鐘，兩款套餐送來了。先是夏威夷薄餅，熱騰騰的，餡料份量適中，香口鬆軟。美式焗薯隨後，與沙律餡料(有煙肉、香草、蔬菜)一同送進口中，焗薯的軟綿與香滑的沙律餡料，吃下感覺有特色，配搭得很好，值得一讚。

某個星期六Lunch去咗葵涌廣場食漢堡包，不是食M記漢堡包咁簡單，喺入了間門口櫃面放滿自家製的 Pizza 的店舖 , 隨咗有Pizza 食之外，還有漢堡包及意粉選擇，店舖雖然唔大，有 5 張 2 人檯及一排高櫈，環境尚算ok。點餐食要到門口落 order , set Lunch around $32-$48 ; order後首先遞上餐飲，餐飲可揀凍檸檬水or 凍薑味檸檬水，當然要試吓凍薑檸檬水啦，皆因未試過，不過好甜冇乜薑味;大約等了 10 分鐘左右漢堡包上場了，筆者揀咗 $48 澳洲穀飼牛漢堡包 + 薯條，影相前塊牛已經開始流緊d肉汁出嚟，個包連埋塊牛及配料加起上嚟都有 2吋高，好正呀 當咬落個塊肉時肉質好juicy 絕對冇乾淨淨的感覺，而d 餡料更加冇流晒出嚟，非常之好。至於薯條就一般，沒有新鮮炸起嗰隻感覺。而友人就點了魚柳飽，魚塊都好大塊吓，雖然魚塊喺雪藏，但炸完後那魚塊可以整到外脆內嫩，魚肉沒有硬實實，好有 fresh的感覺。經過今次的品嚐後應該都會再來多次的

見有朋友推介，特登揸車去葵芳試下。 鋪頭係典型BURGER SHOP，跟朋友一共叫左兩個TEA SET，90蚊有找，超級抵！！朋友既澳洲穀飼牛漢堡包好重牛肉味肉汁豐富，蕃茄同沙律菜新鮮！加埋好好味！！！  我既魚柳包都好有驚喜，魚唔係一般既冰鮮魚，係比較厚＋有魚味既魚塊，可惜將魚分開左兩件炸，比較熱氣，如果一件過會更加好味！：）2個餐都配薯條，薯條好香，炸得唔算油，不過如果無咁SALTY會更加好！最後朋友稱薑味LEMONADE不過不失，不過我點既原味LEMONADE 就極之超級甜，連一向飲野超甜既我都項唔順，LEMONADE 亦都無檸檬味只得糖水味！對野飲有D失望，RUIN左個餐！ OVERALL 有／極之物有所值，亦都食得出老闆既用心！！ 唯獨飲品有待改善！希望能用多好多新鮮檸檬去渣LEMONADE去取代現時只得糖水味，咁樣可以係食完煎炸野後有消滯REFRESHING既感覺！！加油！期待下次幫襯有進步