House FiftyEight

营业中

休息中

今日同朋友一齊帶埋狗狗出街，係觀塘行到攰攰地去左House fiftyEight到坐下食個tea,餐廳好大，有户外地方可以比我地同狗狗Chill下。餐廳有專門比寵物嘅pet love menu,我地叫左個汪星人什錦拼盤，材料豐富，食材新鮮，我家狗狗都食得好開心👍🏻我地就每人叫左一款蛋糕同飲品🥢香蕉甘筍蛋糕🥢藍莓杳仁蛋糕兩款蛋糕都好精美，食落唔太甜，味道不錯🥢藍莓乳酸梳打拿鐵🥢土多啤梨乳酸梳打兩杯飲品味道調配得好好，天氣熱辣辣，飲啲酸酸地嘅野好清新👍🏻一個可以比毛孩同人類休息嘅好地方

【觀塘區】【House Fifty Eight】之前喺附近搵嘢食嘅時候，見到呢間西餐酒吧有桌球檯，已經覺得勁啱春哥，點知佢就走嚟搵我一齊試呢間嘢，咁啱喇喎，就梗係去試吓佢啦。去到一人試一份午餐，一人試一個餐湯，佢話佢個「蘑菇湯」勁好飲，我就覺得我個「雜菜湯」okay 咁啦。食完都幾軟熟嘅「餐包」之後就到主菜，我哋 share 食，一齊試咗各 $148 嘅「慢煮美國安格斯頂級牛板腱」同「澳洲去骨羊臀肉」。前者用慢煮方法整，鎖住啲肉汁之餘個肉質亦都非常鮮嫩。後者都整到好腍，用咗臀肉係啖啖肉嘅，感覺係好過羊架。跟餐加 $16 配「薯條」，好味嘅。加 $22 試埋是日甜品係「Tiramisu」，淡淡哋嘅甜味唔會太膩。餐飲方面，春哥試加 $3 嘅「凍檸茶」，我就試加 $13 嘅「凍朱古力」，都幾好。最重要係佢哋可以帶寵物去，仲有寵物餐提供。兩點後午市仲有八折添，抵呀。。。（地址：觀塘駿業街58號電訊數碼大樓4樓）@House_FiftyEight#1amfoodie #foodie #hkfoodie #thatfoodiething #hkfood #food #instafood #yumm

Weekday Dinner 餐廳環境闊落，裝潢型格有格調。除了室外用餐位置，室內更有桌球、飛鏢及Beer Pong等等的玩樂設施，很適合一大班朋友聚會。夜市更有$308/位的晚市套餐，包括了是日餐湯、前菜、主菜、甜品及飲品。餐湯蘑菇湯足料濃稠，啖啖都是蘑菇粒粒，更會附上熱辣辣的餐包。前菜烤慢煮嫩雞胸凱撒沙律沙律菜新鮮，雞胸不鞋身，加上凱撒沙律醬汁，是不錯的前菜。烤鐵板吞拿魚沙律表面烤過的吞拿魚配爽脆沙律菜，開胃清新。主菜美國頂級肉眼 + $78肉眼份量大，有炭燒香氣，表面烤至焦香，有肉汁又嫩腍。明太子海鮮意粉意粉味道濃郁，有不少海鮮，每一口都是鹹鮮的明太子醬汁，很滿足。擺款精美的Tiramisu是不錯的飯後甜品。餐飲選擇了熱檸茶及凍檸水。

約了朋友食lunch，入到餐廳，地方好寬敞，環境舒適，感覺好chill 。🌟 蘑菇湯用鮮忌廉烹調，好濃郁及creamy，並且加入許多蘑菇碎粒， 好香滑有咬口。🌟 雜菜湯用新鮮雜菜、多菜，我鐘意。🌟 麵包細細件又軟熟。🌟 紅酒燴牛尾，有車厘蕃茄，薯仔，菇菌、洋等蔥配上醬汁，加入紅酒用慢火炆煮、好淋、好入味。🌟 加拿大豬肉眼扒，配菜有薯仔、菇菌、車厘茄等等，肉質帶點油脂及充滿油脂香，口感彈牙，配上燒汁夠惹味。🌟最後梗係要加返一個飯後甜品，香滑鬆軟的tiramisu cake，才是完美。服務員態細心告知lunch14：00後有8折。原來星期六、日可以帶寵物，餐廳有專門for寵物食物嘅寵物餐。餐廳娛樂設施還有篤波和放飛鏢，飯後可以玩玩。

朋友推介觀塘呢間酒吧餐廳「House FiftyEight」，趁放假專登同閨蜜過嚟食個午餐。餐廳面積頗大，擁有特大露天陽台，室內設有桌球檯、飛鏢機、Stack Cup 和 Beer Pong，適合同一大班朋友嚟玩；而戶外座位更可以帶埋寵物一齊用餐，環境好 chill。餐廳午市有 Set Lunch 供應，價錢由 $98 起，2pm 後惠顧，更可享 8 折優惠。另外餐廳設有專門畀寵物食嘅寵物餐，非常推薦主人們與朋友帶埋毛孩閒聊休憩。我哋點咗 2 個午餐，套餐配有是日餐湯、餐包及熱飲。今日嘅餐湯係蘑菇湯，非常足料，蘑菇味道好濃郁，食到啖啖蘑菇碎粒。慢煮美國安格斯頂級牛板腱 ($148)  牛板腱有兩大塊，非常厚身，以慢煮方法炮製，肉質柔軟細嫩，入口完全無渣，保留到食材嘅原汁原味，點少少燒汁食，更添滋味。香煎紐西蘭魽魚柳 ($118)  魚柳煎得啱啱好，魚皮香脆，魚肉嫩滑，入口帶淡淡魚油脂香，配上白汁，帶出魚肉嘅鮮美！配菜有薯蓉、翠肉瓜，蘑菇和車厘茄，非常豐富。

這間位於觀塘的【House FiftyEight】，主打西式扒房，晚市有套餐外，另外還有單點。餐廳是動物友善餐廳，有很大的室外空間，可以跟自己的小動物一起進餐。雜菜湯&蘑菇湯雜菜湯酸甜開胃，蘑菇湯濃稠，略有咬口。烤慢煮嫩雞胸凱撒沙律雞胸嫩滑健康，加上新鮮的沙律菜，開胃好味。烤鐵板吞拿魚沙律火箭菜等雜菜新鮮爽脆，加上吞拿魚表面略烤至焦香，中間肉質結實。美國頂級肉眼肉眼烤至表面焦香，剛好五成熟，充滿肉汁又嫩腍。明太子海鮮意粉每條意粉都沾滿了明太子醬汁，咸鮮味十足，味道較濃郁。最後食返個tiramisu作結。

觀塘超大的酒吧餐廳，有得篤波、掟飛鏢、beer pong，有室內又有室外空間。除左可以飲下啤酒，玩下chill下之外，餐廳仲有dinner set提供。點了二人晚餐套餐，首先有蘑菇湯，另點了雞胸凱撒沙律和吞拿魚沙律，雞肉烤得剛剛好，而吞拿魚肉質厚實，配上大量蔬菜。跟住係主菜，10盎司的肉眼牛排，大得不得了，外皮煎得香脆，內部保持著嫩滑的口感，肉質鮮美。另一個主菜點了羊架，又係肉質滿滿。跟餐配菜，有勁多薯蓉。套餐仲包左飲品同甜品，總括黎講相當抵食，配埋飲下酒chill下真係唔錯。

因為食評同其他網評介話餐廳可以好Chill 去室外享受，所以去試，果然好Chill。我打電話預訂Outdoor ，去到話冇留室外枱，但有留位，室外3張大長枱（估計每張枱可以坐6人），不過限坐2-3人，雖然場地大，不過不會全部開放。 然後$400set dinner, 先上主菜（豬肉）後補沙律，唔會處理問題，只係睇吓問題，亦唔會同客人交代清楚，總之比我感覺對住客人講多都嘥氣，員工真係有chill爆嘅態度，愛理不理。除咗裝修比較新同埋有其他Party room有嘅遊戲，我唔會再去，除非願意比過千蚊接受佢啲員工chill嘅服務態度。觀塘同類享受地方有好多，唔會再貼錢買難受

星期日帶左狗狗去觀塘，無意中搵到呢間餐廳 。因為狗狗既原因，一黎就行左入去戶外位，入到去發現勁大，場內有張full size pool table 😍 同埋飛鏢機 。除左狗狗岩玩人都可以玩埋一份 。今次叫咗個豬扒，同埋叫咗個all day Breakfast，重有叫埋一個寵物餐比狗仔😆😆😆 講緊dog friendly,佢地真係有埋dog menu. 勁正 。至於狗仔可唔可以行嚟行去就唔係太清楚，當日見到餐廳所有食客都係拖住狗仔嘅 。買單嘅時候發現原來14:00後午餐仲有八折 。所以計落都幾抵食。

House FiftyEight今日比較忙多嘢做，所以遲咗食lunch，見到呢間餐廳兩點後有八折優惠就決定食呢間啦啦！🥰我同同事分別叫咗慢煮美國安格斯頂級牛板腱🥩$148 同埋 香煎紐西蘭魽魚柳🐟 $118，兩個餐嘅份量都足夠，唔會話太細唔夠飽，牛肉嘅味道仲好重添，好食！😋 淨係食牛肉好似唔係咁健康，所以我哋就決定+$10要多個迷你田園沙律🥗，成件事即刻健康晒😆😆佢哋嘅套餐已經包咗餐湯🥣、餐包🍞同埋熱飲☕️，所以都好豐富完全唔使擔心唔夠飽㗎～餐飲嗰度我就+$3叫咗凍檸茶，同事就揀咗加$13 要mocha☕️今次嚟到見到餐廳外面有開放比寵物嘅位置，同事都問過餐廳，呢間餐廳唔止淨係歡迎動物內進，仲有專為動物而設嘅動物餐單，咁大家星期六日放假就可以帶埋自己嘅毛孩過嚟家庭樂啦！🐶🐱

📍House Fifty Eight Restaurant & Bar (觀塘）💥雜菜湯/粟米湯雜菜湯酸酸甜甜食落好開胃粟米湯好足料味道啱啱好😋💥慢煮美國安格斯頂級牛板腱牛排肉質嫩滑牛脂香好出 食落好juicy👍🏻配埋醬汁一流✨仲有搭配埋薯蓉😍💥明太子海鮮意粉明太子醬鹹鹹香香 味道好濃郁同海鮮完美融合口感非常豐富 🥰💥是日甜品朱古力雪糕味道濃郁口感好柔滑😋😋唔會太過甜House Fifty Eight Restaurant & Bar (觀塘）觀塘駿業街58號4樓

🤩高質牛扒🤩-今日去咗朋友介紹嘅一間扒房😬呢度有室內室外👍🏼室內環境舒適而且有得玩有得食😍因為餐廳有桌球同埋飛鏢機可以玩🎱室內就可以居高臨下係觀塘鬧市中飲返杯-🍄蘑菇湯香濃蘑菇味👍🏼湯亦都好細滑🤤少少蘑菇碎口感豐富-🐥烤慢煮嫩雞胸&凱撒沙律雞胸厚身肉嫩🤤仲有好多麵包粒同芝士😋-🥗烤鐵板吞拿魚沙律新鮮嘅吞拿魚足足有三片🥰菜底同蕃茄酸酸甜甜好新鮮👍🏼-🐮美國頂級肉眼（10安士）肉眼扒份量足充肥瘦適中😍肉質嫩滑🤤香草味同牛扒嘅脂香味融為一體👍🏼-🐟香煎紅石斑柳配帶子石斑柳煎到岩岩好👍🏼肉質結實細滑😋魚皮香脆🤤仲配上大大粒新鮮既帶子-📍 House Fifty Eight (觀塘）觀塘駿業街58號電訊數碼大樓4樓-

觀塘有唔少隱世西餐廳，呢間比較特別，設有娛樂區，例如飛鏢機，Beer Pong等，食物方面更提供多款肉類料理，地點唔算好難搵而且價錢都合理，適合收工後同另一半嚟chill吓👫二人餐包括餐湯、前菜、主食、甜品同飲品。餐湯要咗蘑菇湯同雜菜湯各一，個人喜歡前者，因為夠creamy！前菜有雞肉同烤鐵板吞拿魚Salad，雞肉嫩滑唔嚡口，吞拿魚鮮嫩可口，沙律菜新鮮，讚！主食有Prime Rib Eyes，10oz，要咗七成熟，牛味香濃突出，厚度適中，咬落唔嚡口而且都幾juicy、另外有Provencal Rack of Lamb，製作程序較複雜，羊架厚肉多汁，油脂感滿滿，配上伴菜，減低油膩感🐑

星期日是家庭日，難得可以帶著狗狗去吃午餐。選了這家pet friendly的餐廳。叫了紅酒燴牛尾和澳洲去骨羊臀肉，牛尾炆得軟熟味道好，羊臀肉份量很多，但我喜歡鬆軟一點。餐湯選了雜菜湯，很多番茄，會偏酸一點。這家餐廳連寵物餐都有，我幫狗狗叫了牛漢堡扒，他吃的津津有味，應該很好吃吧！侍應服務態度良好，主動問要不要bb凳，這個我有點意外，因為不是太多餐廳會有bb凳。這個值得一讚。今天坐的室外位置也不熱，環境很好。

Dinner Set for 2~ Daily Soups ~ Appetisers: Seared Tuna Salad, and Caesar Salad with Grilled Chicken Breast~ Mains: US Prime Rib Eyes 10oz, Crab & Asparagus Cream Risotto ~ Daily Dessers~ Drinks: Apple Juice, and Iced Milk Tea•House Fifty Eight is located in Kwun Tong, offering a nice dining experience for steak lovers 🍽️. During our recent visit, we ordered the dinner set for two. The dinner set began with a choice of daily soups, which provided a comforting start to the meal 🥣. For our appetis