HOW Food Factory (已結業)

座落在觀塘工業區一角，優雅安靜，心境在星期日裡找到一個可以放鬆自己，舒緩壓力的好地方。令我也決定開始寫了第一篇的食評，文字粗糙，有待改善。我喜歡有故事的人事物，店主一直推崇日本生活概念，雖然在寫食評，但不得不也想介紹一下，這間集多種功能於一身的店鋪，除了咖啡店，還有傢俱銷售，髮型屋等，亦可包場搞活動。喜歡這店的落地大窗，觀看到城市的一面，但內裡卻很舒適，也喜歡這店的設計，配上工業化的設計，濃郁木的味道，是文青首選。今日嘗試了慢煮雞胸，烤薯配上金巴利燒汁，跟餐可以選擇餐湯或者沙律，還有一杯指定飲品。沙律忘記拍照，但觸碰到器皿的時候，碗是凍的，沙律都比較新鮮；雞胸滑，好食，配上燒汁剛剛好，不油膩；烤薯也是很香甜；飲品我選了水果茶，一開始以為類似坊間很多水果集一壺的，但後來發現真的是一杯沖調茶加上蘋果。我很怕甜膩的水果茶，但這杯我覺得甜度適中，茶味也是甜而不澀。友人叫的是日式和牛芝士漢堡，心想他肯定中伏，以往試的漢堡十個有九個都是口感粗糙。但這個火候卻控制得剛剛好，美中不足是漢堡皮有點燒焦。飲品是綠茶拿鐵，奶味比較多蓋過了綠茶味道。惟當日有活動展覽，所以限時90 分鐘及有低銷。

本身飲杯咖啡其實無咩好寫，但今日真係飲到一肚火，希望呢間cafe會改進下啦！雖然去既時候係星期六，但其實都仲有好幾張枱係吉既，去到買咖啡個職員話要每人至少$90消費，仲要限時個半鐘。我地話我地食飽剩係想飲杯野，佢話咁你半個鐘走唔走到？我地已經好無奈，都算數 因為聽講呢到咖啡真係好飲。之後我地話坐outdoor 佢就話比我地聽可以坐一個鐘啦😌其實咁靚既環境 仲要限人半個鐘飲完杯咖啡走人，仲衰過快餐店，但要賣成40蚊杯咖啡。之後到上咖啡仲過份 我地3個人叫左2杯flat white同1杯latte。上咖啡果位職員一開始話第一杯係latte,之後上到第3杯又話係latte。之後我地追問佢，佢就話咁頭兩杯係flat white最後果杯係latte啦，咁就走左！少少唔好意思都無！之後我地再搵職員想搞清楚，就話落錯單啦 換過比我地啦 態度都係麻麻咖啡真係好飲既，拉花靚，奶亦打得好滑。但係職員禮貌同態度再唔改下，唔會再去

要營做一個充滿藝術氣息的環境，巧明街呢間HOW就做了最理想的示範，呢度成個畫室一樣，放滿木制的陳設和擺放了一些本土藝術家的作品，最適合喜歡藝術品的朋友前來欣賞。餐湯餐湯味道濃郁，很RAW的味道。田園沙律沒有太多雕琢，很RAW的田園沙律。牛扒配薯角牛扒以蒜汁調味，無添加可以吃到最原始的肉味。牛扒肉汁豐富，是大自然之中最原始的味道。田園帶子雜菌意大利粉呢碟意大利粉沒有多餘的調味，可以吃到帶子的鮮甜和雜菌的芳香。Green Tea Latte食完野又點少得飲返杯濃濃的Green Tea Latte.

Purple Sweet Potato Latte ($42)Iced Ginger Rose Latte ($44)Earl Grey Chiffon ($60).Really enjoyed the Winter Special drinks and cakes!! 🎄😍🎄.I ordered purple sweet potato mainly because it’s non-caffeinated (don’t wanna drink coffee at 10pm) It actually tasted like warm milk with a hint of purple yam, which feels like 戀愛的感覺耶💕 And of course the purple latte art made it more appealing 🍵 .I also had a sip of the iced ginger rose latte. Originally I was afraid that the ginger would make it really spi

逢星期五，我都同同事四圍揾食。今次同事揾到哩間隱敝工厦的餐廳。地點超隱敝，工厦入口係一條冷巷，D lift超舊。上到去，嘩，刮目相看。裝修很日式悠閒。外面有個大露台，種了一些綠色植物。整體好有格調。餐廳裡其實唔此有飯食，仲有衫，傢俬，精品手工藝等賣。等嘢食時可以参觀欣賞下。。講番食物，午餐有餐湯或沙律。我自己要沙律，新鮮唔錯。同事要餐湯，亦説味道不錯。主菜我要日式豚角。豚角其實係厚豬扒。佢係用慢煑的。好冧好嫩。就是肥咗D。同事要帶子意粉，較健康輕盈。最後一定要推介抹茶latte。好味！

第一次嚟到工廠中的咖啡店,非常特別。冇諗到係嘈吵嘅觀塘工廠區，竟然會有一間如此有格調的咖啡室。咖啡室佔地面積千尺，除咗有得飲咖啡食蛋糕之外，仲有傢俬同埋世界各地唔同嘅創意產品展出，而且仲有一間髮型屋係旁邊，非常特別。咖啡室仲有一個露台同幾塊超大嘅玻璃，而且會不斷播住輕鬆小清新的歌曲，非常寫意，有一種處於日本咖啡室嘅錯覺。今次我就叫咗一杯冰latte同一件抹茶蛋糕。咖啡味香濃奶量適中，而$30的價錢來講份量正常。而抹茶蛋糕茶味香濃鬆軟美味可口，唔會太甜。總括而言，呢個價錢除咗食野飲嘢之外，仲係包埋個環境，係一個放鬆同三五知己聚會嘅好地方。

之前看街頭大字報，驚喜觀塘有如此酷之地。今日終有機會在此軽鬆午餐一下。喜歡這兒的環境多於食物。叫了牛肉及烤雞肉漢堡，其味道都ok, 麵包軟熟，薯條沙律不過不失，惟凍黑啡亦一般般，細杯，味淡。所以我認為此環境勝於食物，高樓底，寛敞有陽光，藉得在此消磨時間。

和朋友相約在官塘食下午茶，今日來到位於工廈內的HOW。到達才發現全層的店鋪共分三個區域：傢飾、精品和餐飲，店內裝潢走木系風格加上空曠的空間，很令人放鬆。下午三時仍供應午市套餐，套餐有餐湯或沙律、主菜和十數款不用額外加錢的飲料。日式和牛芝士漢堡，相片與實物相符；大大的漢堡有薯角和黑醋沙律伴碟。漢堡內的和牛很juicy ，生熟度剛剛好；薯角熱辣辣。跟餐的green tea latte，綠茶的味道很香濃。店舖免加一亦不設用餐限時，十分適合與朋友悠閒聚會。

藏身於工廈的HOW是一間生活概念店，走日系文青路線，集傢俬、首飾、餐具、飲食於一身的Cafe。一甫入店，店內環境寬敞，眼見放滿各款家具和擺設。偌大的空間，開揚的環境，加上落地大玻璃，透入自然光，令人身心舒泰！簡潔裝潢，配上木桌及柔和的燈光，感覺特別悠閒寫意。店主挑選了各款來自日本的傢俱、飾品、擺設、食器放於店內販賣。Sweet  Potato  Latte ($44)奶味很重，紫薯味道不夠。菠菜苗·野菌忌廉意大利麵 ($128)帶子煎得很香，不會過熟。意粉濃郁，但不會很膩。慢煮厚切日本四元豚肉·薯蓉·肉桂蘋果 ($138)豚肉有點韌及鞋，沒有慢煮應有的軟腍口感；但肉桂蘋果味道很好。

依間how cafe 已經係第五次黎啦😌永冇失望。餐廳條街雖然有d偏僻，但其實係 apm 行過黎少於5分鐘😌天氣好嗰陣仲有室外露台可以選擇。我自己星期六下午大概七點上黎dinner, 人少少冇咩人，吾使book 都有位，係同朋友吹水傾計好地方。唯一美中不足係餐廳收十點，想同朋友傾夜d就要轉地方啦。野食方面都抵讚，我自己叫左日本豚肉+薯蓉＋蘋果肉桂。豚肉質地普通，略咸，但蘋果肉桂 sauce 有驚喜，配豚肉口感好夾。食得太飽，但櫃面蛋糕相當吸引，下次可以再試。

觀塘想搵間好嘅，真係唔容易，試完又試，真正值得再光顧無幾間，呢間係其中一間。環境唔多再介紹，真係勁有feel，又有嘢睇，係幾正。南瓜湯，唔算濃，唔會死甜，係清甜嘅。沙律正常好多嘢都想食，睇到花多眼亂。朋友點嘅係香煎帶子菠菜苗野菌忌廉意大利麵，幾有汁，帶子煎得剛剛好，有菠菜味伴住，成碟唔會太寡。我點嘅係慢煮厚切豚肉，薯蓉好淋，好似雪榚咁；肉桂蘋果配得剛剛好，帶一帶啲味，令到成碟再特別啲，甜甜地。豚肉初初都擔心咁厚會「鞋」，完全唔會，肉味夠，而且汁都好夠，剛剛好，啲肉一啲都唔「老」。咖啡系列一貫一流，用心拉花，係值得再黎。朋友窩心嘅準備，原來有蛋糕仔可以叫，呢個都驚喜，士多啤梨味勁夠，正！

朋友仔係呢頭返工介紹咗我哋嚟呢間餐廳度食飯一入到去真係bling bling 眼🤩呢度仲有好多嘢賣！衫呀，家品呀，家俬呀！食完可以係度行下睇下嘢👍🏼仲要啲嘢好靚，文青風🤓好啦，講返嘢食方面，餐牌就得十幾樣主菜選擇，都好貴精不貴多😁而每個餐都會跟返沙律或者湯、一個小甜品，同嘢飲是日餐湯係蕃茄湯而我就選擇左沙律慢煮雞胸配烤薯跟香橙燒汁朋友仔話雞胸慢煮完都幾好食！漢堡都好大份！就算係男仔都夠飽！朋友仔話都幾夠juicy😁我就叫左石班燒魚配鰹魚素飯跟泡菜都幾大份！但個魚食落就乾左少少，同埋唔係好夠熱，不過都好厚切，淡淡肉，味道都ok香煎帶子配蟹肉蘆筍意大利飯送埋個飯後甜品😋係完滿嘅句號😌

好友難得放假黎接我收工，事前佢好細心已經係觀塘區搵定餐廳俾我揀，放工行左陣APM就過去撐檯腳喇雖然兩個女仔好似胃口細細，但都食左唔少野慢煮日本厚切四元豚肉．薯蓉．玉桂蘋果🥘(今晚最好食就是佢喇 夠清新又唔油膩，配搭得好好)烤大蝦配靈芝菇墨魚汁意粉🍝(味道不錯)炸薯角配黑松露醬🍟(我對黑松露是難以拒絕的)士多啤梨忌廉乳酪蛋糕🍰(普普的，算是很失望)Green Tea Latte🍵抹茶牛奶布甸🍧食物中規中矩未好到好驚喜，始終係觀塘食物好食又環境唔錯的確唔多佢環境幫佢加左唔少分，樓底夠高空間大唔會好侷促如果可以價錢平返少少會合理D始終食物先係主角啊希望觀塘Cafe唔好咁快算到中環價錢啦!

My girlfriend would like to find a place to study and work. This cafe in Kwun Tong is definitely a good place for us. It’s not only about the comfortable environment, but also the amazing food.This egg is highly recommended. When you cut it, melting cheese is coming out. It tasted super good, it is a good energizer to charge you up, escpecially when you are having revision there.The chicken burger with honey mustard sauce are so matched and it is quite special that seldomly exist on other restau

第一個感覺地方很大。有 office, 有salon, 有露台，有生活用品。好自為。之前黃竹坑的elephant ground都一樣，不過HOW還好些，食物比較東方。個慢煮雞胸配燒橙汁，好味。