Hunky Dory

营业中

休息中

晏晝去咗朋友白石角嗰邊嘅新屋玩諗住晚餐喺附近睇吓有冇咩餐廳可以食下飯咁啱見到呢間Fusion菜好似幾多嘢揀佢入面有all day breakfast 唔同款嘅burger 仲有扒類同意粉 最特別嘅係佢竟然仲有啲韓式既fusion菜 我諗就算人多去食都可以就返唔同朋友嘅口味👍🏻科學園果然唔錯 環境比較清靜 佢呢度屬於半開放式設計坐入面坐出面都得 坐出面仲對住一塊綠色嘅草地我哋啱啱到嗰陣時六點幾個天仲好光走嗰陣時個天黑晒出面都仲好好feel👍🏻🎈牛油果雞肉漢堡 - $108最近都幾流行食牛油果 所以揀咗個牛油果雞肉漢堡 入面大大個牛油果 配埋個菇 食落好juicy個包仲要烘過 脆脆地好好味 成個set有埋薯條同埋沙律菜 食到好飽👍🏻🎈威靈頓牛柳 - $188見到有威靈頓牛柳二話不說就揀咗 （雖然要等30分鐘）因為男朋友唔鍾意食咁生 特登order左熟少少黎食好香嘅牛肉味 就算整熟咗都唔會好乾身仲要保留左啲肉汁 外面個皮好酥脆 再配埋個焗薯 又係食到好飽 👍🏻嘢飲方面叫左杯Long Black 同Mocha 呢間啲咖啡都唔錯 同朋友過嚟坐低飲吓嘢都幾chill

放假去咗踩單車，踩到去科學園有啲肚餓。梗係要搵間餐廳依吓肚。見到2樓間Hunky Dory幾多食物款式，一於入去刷番餐先。餐廳裝修好有心思，半開放式仲可以坐戶外。天氣咁熱梗係叫番支Corona 同fruit punch 飲吓先啦牛油果雞肉漢堡嘩勁多料牛油果好fresh 雞肉勁厚食落啖啖肉好味道仲有一籃薯條同沙律菜伴碟真係好抵食！巴馬火腿瑪格麗特pizzaPizza 餅邊脆卜卜 配埋大大塊巴馬火腿食落好滿足😍芝士焗韓國年糕條拉絲芝士好好味岩哂我呢個芝士控

去開科學園，當然要去hunky dory朝聖下，去到餐廳大約一點鐘，差唔多坐滿，生意不錯。坐低急不及待叫咗一個炸魚薯條一個蕃茄肉丸闊條麵，一個甜品係特濃咖啡芝士蛋糕，芒果橙汁各一杯。餐廳環境走型格風向，好有時代感。兩杯果汁ok好飲👍番茄蓉肉丸闊條麵，超濃沃嘅蕃茄味，鍾意食蕃茄就極啱食。炸魚薯條，分量都幾大，share食嘅最好，切開魚都嫩滑，但係薯條勁好食，若果分量加多少少就更加好🤪特濃咖啡芝士蛋糕，咖啡味道突出反而唔感覺到有芝士味，不大甜可以接受。

就快開學日，我與家人想使用假期，享受生活，開學後輕鬆的日子會比較難約～我一直想來科學園走一圈，假日唔想去忙碌多人既地方，想放鬆一下自己。我問身邊朋友在科學園有冇餐廳推介，佢哋推介我Hunky Dory,原因是這裡有英式fish and chips ,意式pizza,韓式雞…較多元化，適合一家人唔同要求Hunky Dory 要預約，來到基本上八成滿，唔預約會冇位證明食物吸引，有質素才會吸引市民前來品賞，我哋坐低半個鐘左右，已經滿座了餐廳內播放音樂，邊吃邊欣賞音樂我和家人點了以下食物分享洋蔥圈，點他他醬，加檸檬汁，熱辣辣上碟，新鮮，趣口，好正呀公司三文治，內有蛋，煙肉，雞胸，蕃茄醬，蕃茄，生菜，沙律醬！煙肉唔係一細片，仲要煎香雞胸天使麵，天使麵的配料有西蘭花，蕃茄，新鮮冬菇，火葥菜。雞胸肉一樣大大件，配上醬汁好入味。炸魚薯條，超大條魚，勁多薯條，一家人分享也吃不完

平時去科學園工作，朋友們都喜歡去著名地標金蛋附近的餐廳，原來最近大裝修，很多餐廳都不見了， 即時網上查到附近餐廳，沿天橋去第三期，有更多選擇， 其中一間食西餐，選擇幾多，今次就去食。 去到餐廳，都有一半入座率，都算受歡迎！ 餐廳座位很多，半開放式設計，面向平台的草地，感覺十分開揚，坐在冷氣的餐廳，再配合下午的陽光，舒服又唔熱，感覺很chill！ 餐廳在戶外也有高枱，如果圍住飲杯酒，傾下計都幾好氣氛。 餐牌選擇比一般西餐更廣泛，除了意粉和扒類，也有特色餐單例如威靈頓牛柳、焗寶雲酥羊架、精選烤拼盤(幾款扒類)， 不是四處可以食到，價錢又合理。 =威靈頓牛柳 $188=唔使二百蚊就可以食到威靈頓牛柳🤩 上菜時吸引，餐廳已經把牛柳切為兩份，方便跟朋友分享， 外層的酥皮香脆，又唔會油膩，包著半熟的牛柳，牛柳肉質粉嫩，咬落有輕微醬汁流出來，整體juicy又夾。配菜也豐富，包括焗薯， 露筍和車厘茄。 =芝士焗粟米片 $78=即叫即焗的粟米片，上層有拉絲芝士，金黃色外表， 另外有3款墨西哥風味的醬汁，包括牛油果醬，蕃茄莎莎和酸忌廉， 栗米片脆口，是一個不錯的小食。 =Peach punch $44=味

科學園呢個地方，第一次去就係參加親子跑，平時又會同老公踩單車都有經過，今次就決定帶小朋友去科學園行下，同埋試下呢間咁靚嘅餐廳！餐廳有室內同戶外位，不過我哋去嗰日落雨，所以就坐室內！而落單就係自己 scan QR code 網上落單，都幾方便！最欣賞嘅係佢哋有兒童餐具提供，出面有好多餐廳都冇兒童餐具，俾佢哋用玻璃碟我真係會勁驚！呢到就好貼心！小朋友又好開心！呢個係「皇家煙三文魚牛油果班尼迪蛋」，我真係第一次試班尼迪蛋，估唔到咁好食㗎喎！而牛油果配煙三文魚簡直係 perfect match 啦！「新英格蘭龍蝦包」，有薯條做配菜，大人細路都食得勁開心！嚟個近鏡先，超足料，見到有幾隻龍蝦仔！有沙律醬同芝士，真係啖啖滋味。飲品：Yakult Tea (左)，益力多配紅茶，小朋友好啱飲；Cream Burlee Latte (右)，焦糖燉蛋咖啡，唔算好甜，又估唔到幾好味，夠特別！甜品係第2個胃，必試「特濃咖啡芝士蛋糕」，呢款真係超香咖啡味，配芝士蛋糕係唔會有好漏嘅感覺！呢款係超清新「傳統鮮檸檬撻」，酸酸地真係會愈食愈想食！餐廳入面仲有呢個靚靚霓虹燈牌，好sweet 又有 feel。總結：呢一餐係超

今日同一班朋友踩完單車喺科學園就腳食個dinner， 揀咗呢一間可以食西餐同飲下酒。牛肉火箭菜沙律， 沙律菜新鮮牛肉燒到五成熟，香得黎中間有肉汁，唔錯Fish and Chip， portion非常大，魚肉切開入面仲有汁，唔會太乾Roasted Rib Eye ， 一大塊牛肉攞去燒之後切出嚟， 牛肉中心位置仲係好嫩口，有肉汁，出色嘅位係有濃郁嘅牛肉味芝士焗粟米片， 配以牛油果醬，帶有辣味嘅莎莎醬同yogurt醬， 送酒一流愛爾蘭焗牛肉批， 本店嘅signature dish， 要等30分鐘即叫即焗， 酥皮好香，內裏有牛肉同埋蔬菜燉出黎嘅湯汁， 全晚我哋最鍾意呢樣main dish另外我哋嗌多碟炸魷魚圈配手工啤酒， 配上餐廳半開放用餐環境，正！

Today is a burger day🍔科學園想食burger就嚟呢度😂附近啲舖頭都一係執咗一係裝修，M記又未開🤡🌟牛油果雞漢堡本身冇乜期望，點知一上菜俾佢個份量嚇親😂超大份超滿足。主角陣間先講，沙律唔錯，都幾大份亦都可以解膩！薯條有啲鹹，如果係粗薯條會更加好食，係好新鮮但味道一般。唔係午餐set所以唔會有湯或飲品，不過午餐其實都冇乜好簡所以我就揀咗呢個😂🌟超多牛油果除咗牛油果仲有蘑菇，滿足晒我咁多個願望😂牛油果我估差唔多有半隻咁多，非常滿足，蘑菇都好香！雞漢堡相對上有啲遜色，唔係雞扒，好容易散開，亦都冇乜雞味😅總結：一般般，未必會再食，但比佢個牛油果同蘑菇加返少少分。下次會來試吓其他嘢食，因為科學園就係冇嘢食🤡

同朋友遊車河入到黎白石角，見到呢間西餐廳個環境好chill,有半開放式嘅戶外座位，可以睇到一大片草地，可惜落完雨枱凳仲係濕Ribeye in 🍖:好大塊扒，適合一把人share,肉質都嫩嘅，切開入面做到medium done,少少粉紅色牛肉火箭菜沙律🥗：沙律菜有bb菠菜同火箭菜，好新鮮Fish&chips:fish fillets 超巨大，切開都有肉汁，可惜無咩魚肉味愛爾蘭健力士牛肉批：好好食，牛肉炆到好淋好入味，配面層嘅酥皮一齊食，好正小食叫咗nachos 同埋炸魷魚圈

一段日子冇去科學園，原來而家已經有好多唔同特色嘅舖頭進駐，呢間店所處嘅地方比較清幽，外面對住一片草地，感覺好chill，收工過嚟真係好舒服叫左杯lodon pride先，其實出面落緊小雨，不過個環境咁舒服，喺窗口位望出去真係幾寫意後來越來越大，店員都好細心咁樣請我哋坐返向店面果一邊，然後慢慢拉返起一個玻璃門，又有另一種感覺QR code落單好方便，可以同店員講即上定來齊。先來一個威靈頓牛柳，要預30分鐘，所以叫住紐約芝士汁大蝦意大利燴飯先。整開之後發現蝦比想像中大，煮得剛好唔太乾，個飯非常讚！每一口都俾芝士包圍住，係幸福嘅味道（有心機嘅人可以乘機用2隻蝦輕鬆整個心❤氹下女仔）我地就算啦，蝦好方便切，非常好。食食下威靈頓牛柳就嚟到喇，表面上睇唔係好大，實際上係幾厚身，而且會上咗焗薯，非常之健康一人一半之後，大家食咗一部份已經開始覺得飽飽地，肉質幾軟熟，外皮亦都有適度嘅酥脆，配菜我哋都食晒，好欣賞呢度嘅食品都唔會太過鹹，可以享受到食物嘅原味甜品方面，呢度嘅選擇唔算多，我諗咁都代表着餘下嘅選擇都係令人有信心嘅，我哋選擇左自家製蘋果批雪糕喺上面般溶化嘅狀態同軟林林嘅蘋果非常之夾，底好鬆化，並唔

科學園嘅新住宅越來越多✨但有質素嘅餐廳選擇唔太多🧋見OpenRice 多人推介既Hunky Dory果然係唔錯👍🏻餐廳半開放式可與外面草地連成一線，環境舒服🫶🏻而食物質素亦十分讚。👍🏻自選早餐$98有不同選擇自己喜歡既配料👍🏻有炒蛋🍳太陽蛋、煙肉🥓、茄汁豆、薯餅🍕、香腸等等，總有啱你口味的。😋韓式炒粉絲$128估唔到西式餐廳有其他菜式選擇，而且味道相當好✨配料有牛柳條🥩青椒、紅椒等等，非常豐富，而炒粉絲帶點甜味有口感👍🏻，值得推介。牛油果雞肉漢堡唔只賣相好👍🏻味道亦非常好既牛油果雞肉漢堡🍔份量夠曬大，牛油果🥑芝士等配料，而雞肉夠厚又juicy，性價比十分高。👏🏻

話說打去訂坐，訂12:30。接電話果位男士建議訂12點，因為附近寫字樓放12點，12:30 的話要等同唔知等幾耐（我心裡黑人問號，明明我早2星期訂位，點解講到同walk in 拎位一樣？）我答佢唔可以早呀，我地沙田返工，冇得早放lunch 。要12:30呀。佢就話：咁我唔可以hold枱俾你，冇理由hold 2個鐘。我心裡又黑人問號mode ，我話咁當然訂位係果個時間就唔會遲啦。而家你講到訂左位又唔sure 等幾耐咁我訂泥仲咩？佢話：咁你walk in我話： 唔會，唔會俾機會擺明係因為多人幫襯，硬要你就佢地時間去arrange 。呢啲咁嘅服務態度，就算食評寫幾好味，service 臭寸就未食已一肚氣。唔會亦唔想試食呢間垃圾級service 的食店！！

週末一片晴空🏞想來是風暴木蘭形成前的好天氣，正好適合去踩單車吹一吹海風，由大圍出發去到大埔，去到科學園這個中段位置就需要來吃一個午餐補充體力😄經過空中花園大草地就找到了這家西韓菜餐廳，看著藍天白雲下有不少小朋友在草地上奔跑玩樂🏕門面招牌帶著符合科學園氣氛的超科技設計感佈置上有一個長吧檯，但氣氛不似酒吧是一家輕鬆的西餐廳，餐檯帶有雲石紋加上皮椅🗻牆上更有韓國大熱的手指心霓虹燈❤️餐廳用QR Code下單，亦有實體版方便一家大細來玩時讓長輩細閱📰一看餐牌就看到不少新奇的美食，有少見的愛爾蘭菜包括牛肉批、豬肉腸薯蓉和牛肝等，亦有韓式炒年糕和部隊鍋等小辣之選，不過見很多小朋友最愛還是方便分享的炸物☄️有豆腐棒、薯條和魷魚圈🥧愛爾蘭健力士牛肉批 | $138 | 8.5/10來自愛爾蘭的著名啤酒牌子Guinness醇黑生啤🍻釀酒的大麥經過烘焙後，所以啤酒的顏色較深，風味上帶有特殊烘烤味，這道菜先用酒醃製牛肋肉粒，燴煮多個小時變得軟爛，鋪上酥皮再焗得脹卜卜，打開後混合牛肉粒同吃，甜鹹交雜，暖胃又好味道🤩🦞新英格蘭龍蝦包 | $168 | 7.5/10上菜時就見到非常高身的龍蝦包，大大塊的龍蝦肉混著沙律

上個weekend同屋企人去咗科學園踩單車放鬆下，順便喺附近食埋lunch~~環境都幾舒服，室內室外都有位，天氣冇咁熱嘅時候坐喺室外，一路食一路睇風景應該都幾chill🦦-炭燒安格斯肉眼牛扒 $268牛扒我哋order左五成熟，熟度啱啱好，肉質鮮嫩好Juicy，正！！而且配菜好豐富，有煙肉酸忌廉芝士焗薯仔，車里茄，仲有烤蘆筍，連埋肉一齊食真係大滿足🥹🫶🏻-松葉蟹膏蕃紅花意大利燴飯 $138Risotto有咬口之餘好creamy，可以食到蟹膏味，好鮮甜💜蟹味濃而且有好多菇，食落好香，下次再嚟會再order呢個😋

今日同屋企人去食lunch，中午餐廳嘅人真係多到爆全部坐到密質質枱與枱之間只求膠板隔住。Order左一個闊條麵同埋一個肉眼扒跟餐嚟咗碗羅宋湯， 一飲落去凍嘅而且淡而無味😞茶記都好過佢之後分別上咗麵同埋牛扒！！首先講塊扒order咗medium，點知上到枱基本上係rare😣呢個都算啦….成塊扒都唔似肉眼扒啲筋多到不得之了咬都咬唔開….而且純粹靠啲黑椒汁去調味整體好難食…食咗幾啖已經唔想食落去🤮另外闊條麵同樣難食🤮相都唔想影….成碟野同樣淡而無味真係可一不可再……垃圾食物！入面班廚師應該冇一個識煮嘢