I-O-N

营业中

休息中

今次來到位於黃竹坑的南灣如心酒店，近日他們的酒店自助餐重新開幕，主題為東南亞風味，另外還有一個招牌湯麵吧，提供超過60款配料和4款不同湯底可以選擇，非常吸引!餐廳有凍海鮮、沙律、熟食、湯飲、刺身壽司、湯麵、甜品和飲品區，凍海鮮分別有蝦、小龍蝦、螺、長腳蟹等!沙律就有平時一般自助餐都會見到的凱撒沙律，亦有充滿東南亞風味的牛肉沙律、木瓜芒果沙律等!芝士、凍肉都幾多選擇，而湯類有西湯和肉骨茶，肉骨茶味道都幾濃，而且真係有排骨，配有油炸鬼，別具特色!熟食方面有羊架、豬仔骨、咖喱、乳鴿等，另外亦有東南亞風味的串燒、海南雞飯、炒辣蟹等，而他們的海南雞嫩滑而且juicy，再點上海南雞醬，估唔到咁好食!他們的湯麵吧相當吸引，有多款麵食可以選擇，湯底亦有4款可以選擇，喇沙、越式牛肉湯、雞湯、蕃茄魚湯! 配料亦有好多款，配料有泰式魚蛋、陳皮魚蛋、多款蔬菜、肥牛、豚肉等!配料自己夾好給廚師，他們會即煮湯麵，十分熱辣辣!另外仲有個海皇泡飯即叫即整，入面有帶子、魚肉、蝦肉，湯底是蕃茄湯底，酸酸味味幾開胃!甜品方面有多款西式蛋糕、蝴蝶酥、中式糖水、生果和Haagen-Dazs的雪糕食!

7 拆自助晚餐, 性價比超高。個人食後感覺如下 ...優點 - 1: 因為新開張, 所有東西都很新, 沒有殘舊的感覺。2: 對比其它酒店自助餐, 價錢實惠。3: 可能因為酒店位置問題, 客人比較少, 所以服務比較好。4: 口味因人而異, 但我覺得質素中上, 比我剛食過的美麗華酒店好。推薦 - 芒果木瓜牛油果蟹肉沙律, 乳鴿, 魚露風味炒芥蘭, 即炸天婦羅 ...缺點 - 1: 食物種類比較少和較平民化。2: 甜品種類不是太突出, 沒有蛋糕。3: 沒有任飲的凍飲品。結論: 這個價錢和這樣好的食物質素。絕對超值 !

餐廳新開，而且地點有啲唔係太就腳，夜晚比較少人🥲食物都多樣化，種類繁多，味道亦算不錯。冷盤區：菜、沙律、ham、芝士、壽司、魚生、海鮮所有食物都有好多款選擇，特別推介蟹肉牛油果木瓜沙律。但海鮮只有蟹腳、小龍蝦、青口、螺、蝦。熱食區：海南雞、咖喱、炒蟹、乳鴿、魚、羊架、菜、炒麵、肉骨茶、燒牛扒、軟殼蟹、串燒、西湯等等即製區：中式湯麵（麵、配料、湯底都超多選擇）、海皇泡飯甜品區：多款蛋糕、奶凍、macaroon、蝴蝶酥、中式湯水、Haagen Dazs雪糕飲品區：各款英式茶類、檸檬茶、咖啡機自行調製服務很好，收碟好快，員工態度親切。食物講得出都有。新張期內七折優惠，咁多嘢食，性價比算不錯啦！價錢：💰488 (七折後連加一💰390)評分: 7.5/10👌🏻

介紹個年尾清假好去處😈就係去香港仔食CP值勁高的自助餐 位於黃竹坑站附近的南灣如心酒店裹頭竟然係由型格西餐廳 I-O-N主理的自助餐 !!11月30日前上book仲有開業優惠七折🤓打去問吓詳情又或者上OpenRice book都可以.餐廳環境方面就係貪呢度不在市中心更加悠閒舒服所以更加開揚闊落而且自助餐區唔算多人多可以舒舒服服揀嘢食仲見到有食客一家十口黎到坐埋一齊幾爽皮.食物種類方面1️⃣ 《沙律吧》款式又多又特別唔係淨係普通田園沙律、粟米、蕃茄仔咁簡單佢個八爪魚仔、薯仔沙律幾正👍🏻先打頭陣開開胃當然唔少得沙律腸、煙三文魚、火腿啦煙三文魚最正勁肥美🐟忍唔住食咗三四件仲有個海鮮區🌊超正竟然有翡翠螺、龍蝦仔、凍蝦、青口翡翠螺食咗兩三隻而凍蝦勁大隻又新鮮爽口.2️⃣《自助餐熱葷區》主打東南亞菜式超有誠意的來個正宗海南雞飯小區有雞油飯、海南雞件、經典醬汁、菜都有齊仲有沙嗲醬、串燒、彈牙蝦餅、雞翼、鮮魷除此之外仲有炒貴刁、蒜辣蝦🦐連熱辣辣肉骨茶都有OMG每樣食一款已經好心滿意足仲未完呀仲有羊架！巴東羊肉、森巴魚🎣森巴魚唔係好多地方有的菜式厚厚一件平時食西餐都起碼過$100啦.3️⃣ 《湯麵區》就巴閉啦簡直係

.♡ —————— 𝗗𝗲𝘁𝗮𝗶𝗹𝘀 —————— ♥【餐廳】 I-O-N @【地區】#Dr_eat_香港仔【類型】#Dr_eat_自助餐【價位】中價位【用餐時段】晚市【餐廳主打】以東南亞風味為主既自助餐【𝗛𝗶𝗴𝗵𝗹𝗶𝗴𝗵𝘁】即日起至30/11前全日全單享７折開幕優惠────────────────────【環境/服務/衛生】。裝潢樸實精緻，同時富現代風格。更特設二人，四人或以上的獨立房間。擁有更高私隱度。服務貼心有禮。即使坐房，依然不時入內收捨餐具。Refill速度迅速，吾驚拎吾到.【價錢】。晚市自助餐由18:30-21:30。星期一至四 $488/位成人，小童 $369/位。星期五至日 $528/位成人，小童 $388/位.【回本之選】。最矚目的當然是最易回本嘅冷盤同刺身啦。有長腳蟹，小龍蝦，凍蝦，青口，東風螺等。尤其係長腳蟹腳。又長又大隻，蟹肉豐厚，海水味重，肉質鮮甜。蘸上辣椒豉油，鹹中帶辣。而即叫叫切嘅刺身，都係必食之一。有吞拿魚，三文魚，八爪魚等.【前菜&沙律菜】。前菜及沙律菜都好有誠意。有巴馬火腿，煙三文魚，高柏火腿，莎樂美腸。配埋巴馬臣，車打同埃文達芝士，堅正。其中芒果

依家疫情緩和咗好多，好多酒店都開番自助餐。今次介紹嘅新開幕餐廳叫《ION》位於香港仔南灣如心酒店，裝修都好現代，中間石枱係buffet區，左右兩則就係沙發坐枱，仲有私人房間可以一家人聚會。記得提前訂位啊！房間都有分兩人和四人或者係家庭聚會八人！食開自助餐，海鮮類通常都係最多人關注。之前疫情長腳蟹好多酒店都暫停供應，今次依間終於食到，同埋仲有青口、大蝦、翡翠螺同埋小龍蝦。海鮮refill都幾大，可以慢慢食唔洗同人爭。長腳蟹個size都幾大，食落特別鮮甜，又有天然嘅咸鮮味。值得一讚係佢地嘅小龍蝦，蝦味特別濃又新鮮。長腳蟹真係超級長睇相，差唔多有成個前手臂長！另外佢哋嘅小龍蝦整到特別好食，我好似都食咗成三碟！其實淨係食長腳蟹同埋小龍蝦都已經可以回本！沙律選擇都幾多，田園沙律菜，煙肉凱撒沙律、芒果木瓜牛油果蟹肉沙律。沙律旁邊就係火腳同埋芝士區，有莎樂美腸、高柏火腿、巴馬火腿。食得火腿點少得芝士，佢地仲提供三款芝士，分別係埃文達芝士、巴馬臣芝士、同埋車打芝士。注重健康飲食嘅我沙律真係好重要，佢除咗有普通款式嘅沙律，仲有好多沙律配菜，而且佢哋嘅芒果木瓜牛油果蟹肉沙律超級正！刺身種類都唔少，章魚、三

位於黃竹坑如心酒店咖啡室重開，改名為I-O-N，第一時間過嚟試吓。冇另我失望嘅首先係佢嘅環境，座位闊落，枱與枱之間有足夠距離。重點係食物，凍海鮮先有長腳蟹，大蝦、青口、翡翠螺、同龍蝦仔，非常新鮮。沙律吧菜式齊全，有款牛油果蟹肉芒果木瓜沙律，味道唔錯。熟食有燒牛肉，燒羊架，海南雞，乳鴿，炒蟹，𧐢餅，蒸魚等等，貴精不貴多。當然仲有炸天婦羅，魚生同壽司。麵檔有多款麵選擇，除咗麵之外，海鮮湯飯必定要試，內有大大粒帶子。甜品款式恰當，有haagen dazs雪糕。最後要提及嘅係服務，廚師有禮貌為我介紹食物，餐廳侍應會主動收碟，總括來講，食物服務都相當唔錯，價錢方面宜家仲有七折，值得推介

事隔三年重遊舊地 餐廳名改了但裝修冇咩改變 可能係剛剛重開,星期日中午只有兩枱客. 食物方面品種比以前多,味道也比以前好. 東南亞美食十分正宗,海南雞飯,肉骨茶,沙嗲,喇沙湯麵都做得好好. 整體嚟講折後300蚊一位算係唔錯,人唔多可以慢慢chill下食下,不失為一個好地方.

之前有親戚係英國🇬🇧返黎，見 #南灣如心 做隔離酒店勁多好評，於是幫佢book左🏨之後親戚大讚好service, d員工好有heart…👍🏻見佢FB話buffet重開，仲要有7折，我上星期就去試下😌頭盤💜6款刺身都好新鮮🍣馬刀貝爽脆，三文魚肥美！其他壽司、Ham、蟹腳、沙律都正常主菜💙有牛扒、羊架、軟殼蟹、咖喱、海南雞、乳鴿、串燒、片皮鴨⋯⋯面檔🤎花多眼亂之中🍜我揀左牛肉清湯配扎肉、雲吞、肥牛。呀姐一路淥麵，我聊佢傾計，佢話雲吞係佢地每日新鮮包，好大隻蝦係入面🤤正！另外仲有魚湯、叻沙揀🍲甜品🧡咩都有d🍮細細件可以試多d🍰同埋有Haagen Dazs 雪糕🍦總結💚開張期間7折係抵食，以$300幾蚊一個人黎講算係合格有餘啦～

因新開幕嘅關係，有7折優惠，決定訂位試試！一踏入餐廳大堂位置，已被寬敞舒適嘅環境吸引！餐廳職員熱情招待，安排4人座枱，好闊落嘅坐位！餐廳職員好快手，幫客人收碟，不用叫也主動幫助！食物款式多選擇、質素、味道良好！負責烹飪嘅職員也十分友善、熱情招待客人！整體而言，此餐廳值得再次光顧的！