I-O-N

营业中

休息中

南灣如心酒店最近推出龍蝦狂迷自助晚餐🦞推出一系列中式同西式龍蝦佳餚😍呢晚去到嘆完個自助晚餐都覺得性價比極高吖！由黃竹坑站行過去都係大約8分鐘路程，位置都算方便～🥰一去到就比琳琅滿目既沙律吸引住☺幾鐘意食佢地既龍蝦·牛油果·木瓜·芒果沙律，龍蝦啖啖肉，木瓜、芒果又夠甜，牛油果幾creamy🙌仲有龍蝦雞蛋沙律🥚、凱撒沙律、泰式鳳爪沙律、希臘沙律、藜麥沙律、烤蘑菇沙律等，單係沙律款式都已經唔少😛凍盤唔少得凍龍蝦，仲有凍蝦、青口、蟹腳同螺～大滿足！熟食一樣多樣，而且味道仲幾好，亦有啲較少見既款式😋推介芝士龍蝦伊麵🤗濃郁既芝士味道，而且龍蝦都是啖啖肉！亦有咖哩醬炒龍蝦~K encore左既有天多利風味羊架！肥瘦均勻、有羊味但唔會膻～！特色啲既則有炸蠔餅、炸乳鴿、炸軟殼蟹、沙嗲串燒、香烤排骨、海南雞等，款款味道都好好，食完係會想再拎的🤣🤣都見有唔少人會拎湯麵，好似都唔錯～而餐廳仲有即煮龍蝦意粉，加入龍蝦醬既意粉鮮味又彈牙！湯品則有中湯同肉骨茶～甜品區最吸睛既係馬卡龍架☺唔同顏色同口味既馬卡龍放係甜品架上夠哂靚～蛋糕方面主要都係細細件既蛋糕，可以試多幾款🤭有tiramisu、藍莓芝士餅、朱古力栗子蛋

中環街市那邊的I-O-N 平日都有食開😂 剛發現南灣如心酒店原來都開左I-O-N. 形式就有啲唔同，有Brunch 同Buffet提供 Buffet 可以一次過食更加😂 有理由唔去嗎😂. 訂位剛剛又做緊「龍蝦狂迷自助晚餐及週末早午自助餐」，真係諗都唔洗諗即刻去😎 . 餐廳設計充滿時代氣息, 簡潔明朗, 地方舒適寬敞，位置以二人至十人大枱，仲有獨立廂房, 坐位之間距離感充裕，一班朋友聚會或三五知嚟都無問題，同埋客人都比較斯文😂 拎嘢食都好禮讓，感覺非常良好🫶🏻 . 食物以東南亞美食為主，啱晒我胃口😎 話明龍蝦狂迷自助晚餐及週末早午自助餐 龍蝦當然係主角, 以同烹調方式煮龍蝦, 全部都肉質爽口又鮮甜，仲好彈牙😎 . 除了主打龍蝦之外, 其他中式及西式食物也非常吸引🤗🤗 冷盤方面有 - 龍蝦、蟹腳、青口、大蝦、各式火腿、龍蝦香芒木瓜沙律, 刺生也不少，我好鍾意佢地個龍蝦香芒木瓜沙律，真係好多龍蝦肉同芒果😝 連芒果都好甜🤩. 熟食有, 串燒, 龍蝦意粉 , 龍蝦意大利雲吞、意粉仲要係即炒，仲會加少少黑松露，非常好味😎 . 南洋菜式, 咖哩炒龍蝦, 好辣朋友必試, 香口惹味，唔會好辣，醬汁好惹味

見南灣如心酒店間 I-O-N 近排自助餐有龍蝦菜式🦞，而且仲有8折，即刻去試下！🤘🏻雖然係多咗龍蝦菜式，但主打都係東南亞風，熱食有將龍蝦融入東南亞風味，例如有咖喱炒龍蝦、龍蝦炒飯，湯麵吧又有龍蝦肉做配料。冷盤就有龍蝦鉗同開邊龍蝦，不過可能客人唔多，唔算refill得超密。一人折埋加一$400左右，食多幾隻開邊龍蝦都回到本！

聖誕節嘅時候想搵間酒店同屋企人食聖誕大餐之前喺牛頭角幫襯過Semi buffet感覺唔錯見到黃竹坑道開咗一間所以今次嚟試吓最大嘅賣點係佢有間獨立房果時疫情仲未舒緩可以同屋企人自己有間房食自助餐真係安心好多當日去食午餐初初諗住唔會有蟹腳點知見到真係好驚喜蟹肉唔會話好鹹我哋都食咗好多隻見到咁多芝士都好開心都係另外一個驚喜麵檔嘅種類好誇張淨係見到有咁多唔同嘅麵條選擇都已經飽晒見到都有頗多熱食選擇同餐廳經理傾偈佢話因為地區長者比較多所以佢哋會着重熱食身為甜品控嘅我當然無食熱食留返個位食甜品見佢蛋糕嘅種類唔太多但有馬卡龍及蝴蝶酥蝴蝶酥真係無限encore之選好好味唔會話好重牛油味但又超級香脆雪糕係Häagen-Dazs當然都要幫襯吓鍾意食糖嘅屋企人都表示好開心

親戚黎到香港，見到如心有做緊折就成家人去試下。而家做緊龍蝦主題，有半邊開殼龍蝦任食，雖然唔係好大隻，但肉質幾鮮甜，咬落去絕對唔霉。仲有幾款龍蝦肉做主題既沙律，有款配芒果牛油果，好清爽阿媽好鍾意，食到好飽都要再食。熱食即煮既部分都見到龍蝦肉既踪影，可以配即煮既意粉，當然粉麵就唔好食咁多啦，好快食脹晒。海鮮方面除左龍蝦仲有蟹腳，翡翠螺，蝦同青口。另外佢有乳鴿食都幾驚喜，味道唔錯，都幾香口。湯品方面有肉骨茶同甘荀湯，兩樣都幾好飲。三文魚刺身肥美，赤貝都唔錯。咁岩平日去就比較清靜，出去拎野食唔駛同人迫，食得好舒服😌雖然人流唔多，野食拎晒都會再補，就算有啲食物見到冇補但問下職員佢就即刻refill，好有禮貌好nice!酒店喺黃竹坑工廠區係比較僻靜，但地鐵站行過去都係十分鐘內。呢個價錢屋企人覺得好抵食，老實講去之前冇咩好高期望，始終呢個價喺酒店食自助餐就心裡有數，絕對唔會好似半島麗晶文華咁既質數啦。但食完之後大家都覺得又唔差喔！如果budget唔算多，又想一班人輕鬆舒服食野傾偈，呢度確係幾好既選擇！

上星期黎呢度食夜晚buffet，之前見都有人推介下，試完覺得係好食同抵！500蚊都唔使可以星期六食到晚市自助餐！冷盤方面有長腳蟹、螺、藍青口、大蝦、幾款芝士同凍肉拼盤🤗。另外有刺身同壽司，幾新鮮！熱葷都好多選擇，佢地係做緊東南亞主題，所以有海南雞、沙嗲、星洲蟹（不錯！）湯麵吧最有驚喜，一字排開20款左右既材料任揀，我企在前面諗好耐都未決定好，員工都好有耐心😆 而且仲有海皇泡飯，湯好濃！最中意食海鮮既我真係超開心！甜品都有好多，大路有芒果布甸、朱古力蛋糕、細細件既蛋糕咁，仲有macaron，但可能之前食熱盤食得太飽，甜品無食太多！總括黎講，一個人500蚊唔使，抵食之餘，野食質素都不錯！

星期日玩完海洋公園去食，顧客不多，食物種類和款式特別，有肉骨茶，炸軟殼蟹，其它日本魚生哥壽司，海鮮冷盆，芝士盆也不錯，羊扒出色，牛扒合格，麵檔好睇唔好食，甜品及雪糕好，茶啡任飲，價錢中等，地方寬倘。

Boxing Day去完海洋公園，諗住食好啲就試吓呢間，㩒到Openrice 75 折，就即刻行過去，地方唔算大，都算坐滿，食物種類好小，以為聖誕會多啲選擇😓，每人有半邊龍蝦，整體來講，所有肉都好硬好亁，除咗沙律同湯麵，其他野都唔夠熱，甜品到9 點已經冇乜refill, 蛋糕得兩款，飲品就有自助咖啡同茶，不過呢個價錢就唔要求太多連d汁都乾晒個爐唔夠熱，汁都乾晒

早前預訂 dinner buffet 同家人傘枱腳。入到餐廳，環境不錯，枱之間有足夠空間。食物方面，熱葷有羊、牛、雞、乳鴿、蒸魚、curry and naan ,tempura , 及其他菜式及麵類，冷盤有長長的蟹腳，壽司魚生，幾款salad, 芝士，各款甜點糕品。食物補給充足，烹調不錯👍🏼。價錢方面，除了正價有 disc , 長者額外仲有折，非常吸引。地方乾淨企理👍🏼👍🏼

南灣如心酒店 東南亞風味 Buffet 12月限時 8 折優惠！I-O-N 10 月嗰時進駐咗南灣如心酒店，佢地主打東南亞風味 Buffet，依家 12 月平日有 8 折，星期六日就 85折優惠，即係人均 $390 就食到 (原價 $488)～ 好講完價錢依家就講講有咩野食啦！以東南亞風味做主題，海南雞飯、沙嗲串燒、咖喱蟹、肉骨茶等等一定有吧～而除咗東南亞主題，自助餐必有嘅燒牛肉海鮮刺身等等都齊架一啲都無欺場架📍東南亞風主題比較 impress 既係個海南雞，雞肉用蒸籠奉上雞肉入口好嫩滑仲可以配油飯同埋有色醬，聞到有陣陣嘅油香味；沙嗲串 (牛豬雞三款) 最正係個沙嗲醬！超濃花生香；咖哩炒蟹佢係用咗長腳蟹?我見其他人係肉蟹?不過都係炒得好香濃惹味；仲有肉骨茶都係用料十足，最後仲可以留少少胃試試 pad thai ~ 📍海鮮有 5 款分別係小龍蝦、長腳蟹、翡翠螺、青口同大蝦，海鮮全部新鮮鮮甜📍刺身+壽司刺身有 6 款：三文魚、吞拿魚、鯛魚、八爪魚、馬刀貝、赤貝；壽司就有甜蝦鰻魚玉子等等📍熱葷燒牛肉肉質軟嫩牛味濃郁加埋燒汁更加正；羊架件件 size 都好大，生熟度啱啱好羊味夠濃；豬肋骨燒完仲

阿女12月頭生日，年年都係食餐自助餐當慶祝. 但今年可能市度好，12月頭已經加價；兼且大部份人氣自助餐都分開2個時段，一係6-8pm一係8-10pm, 正一係食餐飯都唔自在，趕頭趕命咁！最重要又唔平. 正捻住放棄之際，見YouTuber 介紹呢間無蠔自助餐，一於去試吓啦！好彩七折前最後一個星期六有位咋. 長腳蟹有海水味；羊架處理得好唔係好蘇；燒牛肉係我同我嘅女嘅最愛，不過因為我要食全熟，要麻煩廚房幫我再煮再煎，壽司冇食；刺身除三文魚外其它好腥，沙嗲串燒好多人都鍾意；仲有咖喱炒蟹同蒸魚；煎蠔餅就一般啦；仲有天婦羅；海南雞飯；乳鴿到最後先至出；湯麵有四種湯底；包括清湯喇沙蕃茄同埋越南牛肉；河粉米粉油面乜麵都有⋯仲有個叫做海皇泡飯不過太大碗冇試甜品方面馬卡窿有五隻味，我個女就比較鍾意食，蛋糕OK啦因為冇雪櫃雪住，蝴蝶酥正常口味；雪糕有Häagen-Dazs：咖啡可以任飲茶只有英式茶包任飲整體都食得開心暢快，11月前七折$400一個人，而家十二月份有八折

☀︎ 𝗦𝘂𝗺𝗺𝗮𝗿𝘆：𝗜-𝗢-𝗡由中環街市出發，進駐觀塘及黃竹坑今次介紹嘅黃竹坑分店以主打東南亞風味為主嘅自助餐作招萊除必食的蟹腳，小龍蝦，烤西冷牛扒仲有海南雞飯，肉骨茶，燒乳鴿數十款嘅刺身，冷盤，熟食，甜品，雪糕等環境優雅別緻，空間感充足值得一提，有二人或以上的獨立房適合情侶，家庭聚會及商務洽談.◈ 價錢 星期一至四：成人$⁴⁸⁸，小童 $³⁶⁹星期五至日：成人$⁵²⁸，小童 $³⁸⁸假期及前夕：同上²⁰²²年¹²月¹-¹⁶日星期一至五午市自助餐全單⁸折.◈ 重頭戲 - 回本冷盤區重點推薦：|長腳蟹|小龍蝦|海蝦|青口|翡翠螺|吞拿魚||三文魚|甜蝦|赤貝|馬刀貝|.長蟹腳：絲絲蟹肉，肉嫩細滑海蝦：肉厚爽彈又清甜三文魚：入口綿密，富魚油香.◈ 前菜有驚喜重點推薦：|巴馬火腿|芒果木瓜牛油果蟹肉沙律||煙三文魚|高柏火腿|煙肉凱撒沙律|莎樂美腸||泰式牛肉香草沙律|紅菜頭蘋果沙律|.芒果木瓜牛油果蟹肉沙律：口感豐富，果香十足.◈ 東南亞美食重點推薦：|椒鹽蝦|肉骨茶|炸蠔餅|脆皮乳鴿|香煎魚柳||天多利風味羊架|牛油咖喱雞配印度烤餅||烤西冷牛扒|海南雞|雜錦沙嗲串燒|星洲辣椒蟹||清蒸

之前已經好想試中環街市1-O-N cafe bar嘅tea set，諗緊幾時去嗰陣發現最近佢哋喺南灣如心酒店開咗間新餐廳🪅，新開幕仲有7折優惠，我哋即刻幫大家試吓先🙌🏻.Buffet以東南亞風味為主題，除咗有海鮮、甜品等自助餐必備菜式之外，仲提供富有東南亞風味嘅海南雞飯、星加坡沙嗲串燒、咖哩蟹同肉骨茶。如果要總結一句就係款式多、味道唔錯、服務好仲有私人包廂，唯一就係冇龍蝦同生蠔，不過做緊7折其實真係超抵食。📍東南亞風味自助餐及湯麵吧.🔻海鮮海鮮有5款，包括：小龍蝦🦞、長腳蟹🦀、翡翠螺🐚、青口、鮮蝦🦐。雖然呢到冇生蠔🦪同龍蝦🦞，不過小龍蝦同長腳蟹都有鮮味🙌🏻！翡翠螺同鮮蝦肉質彈牙🐚🦐，至於青口就冇乜鮮味。.🔻刺身&壽司刺身有6款，包括：三文魚、吞拿魚、鯛魚、八爪魚🐙、馬刀貝、赤貝。口感柔軟不過鮮味不足，赤貝唔新鮮🙅🏻‍♀️。.🔻冷盤&沙律4款火腿有同煙三文魚🍖都鹹香柔軟，質素幾好‼️3款芝士都係硬芝士🧀，冇我地最愛嘅Brie Cheese好可惜。沙律有好多選擇🥗，芒果牛油果蟹肉沙律係必食！泰式牛肉沙律同水牛芝士波波沙律都唔錯。.🔻熱葷牛扒肉質軟腍🥩；羊架肉厚骨薄，肉質嫩滑而且羊味濃郁，好食🐏

疫情下，有一段日子沒有到訪酒店享用自助餐。襯年尾將至，跟友人前往了一家新開的酒店自助餐，說是性價比很高。我們惠顧的是晚市自助餐，由六時半開始至晚上九時半，平日每位成人 💲488，小童 💲368。星期五及週末假期 💲528，小童 💲388。新開業，十一月份內還有額外的七折優惠，折扣後人均三百多，以酒店晚市自助餐來說，十分超值。.餐廳裝修很舒服。地方闊落不局促。用餐位置有很多間VIP的小間格，令食客享有私人用餐的小角落，這點很讚。.菜式方面，選擇不算少沒有將貨就價。以東南亞菜做主題，也有即叫即煮的麵吧。個人覺得熱食更為出色。甜品由集團的甜品店供應，特別是他們餅店招牌作蝴蝶酥，意外地高水準，難怪見到連甜點位置一晚也多次清盤要重推。.款式介紹：.➿凍海鮮區✿ 長腳蟹、小龍蝦、青口、海蝦、螺等.➿凍盤區✿ 芒果木瓜蟹肉牛肉果沙津蛋糕、巴馬火腿、煙三文魚、凍肉盤、多款芝士、多款不同種類沙津等.➿日式區✿ 即炸雜錦天婦羅、刺身：八爪魚、吞拿魚、三文魚、甜蝦、赤貝及馬刀貝、多款壽司等.➿師傅主理區✿ 烤西冷扒、海皇泡飯、即叫即煮多款配料麵吧等.➿東南亞熱食區✿ 香煎蠔餅、椒鹽大蝦、脆皮乳鴿、海南雞、烤

黃竹坑南灣如心酒店十一月做緊限時開幕優惠7折🔥最平晚市自助晚餐只需要$342就食到👀優惠做到11月30號，肥仔當然把握時間去試吓‼️/今次自助餐係由中環街市人氣多國菜餐廳I-O-N 品牌開設2間分店，分別進駐黃竹坑南灣如心同觀塘九龍東如心酒店🏨，今期晚餐主題為「東南亞風味」除咗有一系列東南亞美食，當然仲有海鮮、刺身同甜品✨/🔸冷盤前菜·冷盤基本款式嘅都有齊例如；巴馬火腿、煙三文魚、沙樂美腸等等。另一邊就有巴馬臣、車打同埃文達芝士🧀，沙律款式都唔少當中最鍾意就喺泰式牛肉香草沙律🥗，酸酸辣辣夠開胃惹味！/🔸 海鮮+刺身·自助餐必食嘅冰鎮海鮮就有五款🌊分別有；青口、長腳蟹、凍蝦、翡翠螺、小龍蝦。海鮮整體都好新鮮尤其長腳蟹，比坊間嘅更粗身厚肉同鮮甜😍，凍蝦就夠爽彈！·刺身方面種類都算豐富一共有六款🍣分別有；八爪魚、吞拿魚、三文魚、甜蝦、赤貝、馬刀貝。每款都夠冰凍新鮮，尤其貝類刺身爽脆鮮甜，一定要拎🤤/🔸熱葷+湯麵區·熟食主打東南亞風味必食當然喺星洲辣椒蟹、沙嗲串燒、海南雞飯同肉骨茶。另外仲有師傅即場炸天婦羅🍤同炮製海鮮湯飯。其它熟食仲有烤西冷牛扒、牛油咖喱雞配薄餅、烤豬肋骨、羊架，最估唔到乳鴿同