Ideas Dessert (已結業)

經朋友介紹之下，今晚試左呢間係荃灣悅來酒店 (熊貓酒店) 附近既甜品店，原來一直都唔知有一間性價比高，真係用心製作既甜品小店，大家真係不仿經過就試試佢 ~店既環境唔算大，一眼睇曬，真係小店一間黎架 !MENU基本上都係每款既甜品都有圖片供參考既，所以都可以好快就揀到想食既甜品 !今晚既第一款甜品 - 榴槤小丸子 $40 ; 鍾意食榴槤 & 小丸子既朋友，一定要叫呢個之餘，一定會覺得佢既性價比幾高，因為市面大部份既甜品店，呢款既甜品而言，$40絕對冇得交易 !除左有多粒小丸子之外，重有一大球鮮榴槤肉 ! 佢地全部同榴槤汁混合埋一齊，成件事真係"香"到爆 ! 成個口感又軟綿綿咁，真係不得了.....第二款甜品 - 彩虹甘露 $44 ; 佢既感覺其實有少許似楊枝甘露既，不過佢就唔只咁簡單，除上面一個雲尼拿味道既雪糕球之外，當中重有好多生果粒係入面配料真心多，例如芒果啫喱，椰果，菠蘿，西瓜 及 芒果爆珠等等，整體既味道唔會太酸，味道岩岩好今晚除左叫左一碗碗既甜品之外，重叫左一D好吸引好特別既甜品添 ! 例如呢個伯爵茶心太軟 $60，呢個價錢正常，佢係心太軟系列當中，新推出既味道，我見咁特別，所

榴槤季節, 唔食就笨, Ideas Dessert 位於大窩口悅來酒店附近商場, 好老實, 悅來酒店啲食店都差唔多試得七七八八, 今日喺荃灣食完拿咋麵再行過嚟食甜品。你咪睇Ideas Dessert店仔細細, 甜品款式勁多, 中西合璧, 包羅萬有先正, 價格大衆化。榴槤飄香 ($46)今日我的目標.......榴槤飄香由榴槤蓉打成的榴槤汁, 再加榴槤肉做底, 榴槤香濃臭臭, 再放上榴槤雪糕球、3.6奶凍、水晶珠、椰果及榴槤肉, 整體甜度剛剛好, 唔甜膩**榴槤雪糕 ~ 用榴槤肉製成, 天然臭, 榴槤味香濃。**3.6奶凍 ~ 白雪雪滑浖浖, 連埋榴槤肉汁一齊食.....yummy。**水晶珠/椰果 ~ 脆卜卜的水晶爆珠及爽口椰果用以豐富口感。伯爵茶心太軟配豆腐雪糕 ($ 60)抹茶心太軟, 朱古力心太軟成日食, 今晚試試新口味, 來個伯爵茶心太軟。伯爵茶味道頗特出, 心太軟心唔太流心, 伯爵茶漿香軟滑溜, 可能係茶味同埋唔太甜關系, 好少食完心太軟冇甜膩嘅感覺, 我跟朋友都爆like呢隻茶味。豆腐雪糕 ~ 相對榴槤雪糕, 呢個豆腐雪糕顯得比較清淡, 富淡淡的豆腐清香, 衹要用新鮮食材

荃灣隱世高質甜品店 - Ideas Dessert前兩日同舊同學去完悅來坊食完飯，大家都傾到意猶未盡，用OpenRice search 下附近有咩好嘅甜品鋪推介先。見呢間Ideas Dessert 原來喺附近咋喎，又幾多好評，就試吓你先！店舖喺橫街入面，但係都唔算難搵。樓面座位唔算多，大概坐到20人左右。我哋去到嗰陣係九點鐘，所以比較多人，等左10分鐘左右就可以入去了～!就咁睇Menu已經好吸引，中西式嘅甜品都有，最後我哋三個人叫咗四個甜品share黎食。彩虹甘露 - 呢個有齊我嘅最愛，有雜果有爆珠同有雪糕，正啊！仙草紫薯冰 - 份量比想像中更加大，啲芋圓好煙韌，搭着刨冰同啲紅豆一齊食，好好味，好夾。個紫薯芋泥亦都好特別，相信如果一個女仔走去食，未必食得晒。Ideas 野莓窩夫 - 呢個簡直有酒店咁嘅級數，窩夫熱辣辣整得好好味，士多啤梨亦都好甜，完全沒有酸味，睇得出店主好有心機去整。Ideas 巨人雪山 - 依個相信係鋪頭嘅鎮店之寶，雖然佢寫二人份量，但我相信如果4人share都絕對冇問題！總結：估唔到荃灣近住大窩口呢度都有間咁高質嘅甜品鋪，價錢仲要咁親民，從甜品嘅質素，無論賣相，選材

我家🐷仔係荃灣返工返到成日都好攰攰咁唯有帶佢去附近食下甜品happy下今次黎到Ideas dessert 好多選擇先黎個草莓法式千層酥 ($50)一層又一層嘅千層酥十分鬆脆夾雜着吉士味嘅忌廉同埋酸味味嘅草莓口感同味道十分有層次👍🏻之後我點左個伯爵茶心太軟 ($60)配上3.6牛奶雪糕呢次係我第一次食伯爵茶味道嘅甜品茶味十分香濃 但唔會話好甜 推薦🙌🏼最後🐷仔點左個楊貴妃 ($40)豐富嘅配料加上芒果味道好清新最值得一讚嘅係佢嘅芒果布甸底😝________________________裝修環境：✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

去開荃灣區， 食完拉麵唔夠飽， 就搵到呢到食甜品。呢到地方細細， 但甜品款式多多， 有心心眼😍抹茶甜品，中式甜品， 心太軟，窩夫等因天氣太熱， 一到店先叫了杯雪榚宇治沙冰（$38）， 再慢慢睇其他宇治沙冰， 加埋店內自家雪糕🍦機出雪榚， 多了香甜牛奶味👍🏻抹茶千層酥（$50）紅豆要👍🏻👍🏻👍🏻讚唔會太甜， 煮得剛剛好， 起沙另外配了豆腐雪榚， 豆腐味好濃😉伯爵茶心太軟（$60）加了（$6）配培茶jelly 茶味夠濃😝

係附近食完飯又品想番屋企住，所以就去左呢間人氣高企既甜品舖食甜品！未係食甜品既高峰時間都已經有好多人！甜品有好多種類，傳統同新式都有～心太軟仲有好多唔好口味添🍫《楊貴紀》$40呢個係人氣top 10既第三位！有揚枝汁、芒果布丁、水晶珠、、小丸子、椰果、雪糕🍦都幾豐富嫁～水晶珠之前未食過，佢外表似西米露，但係口感差得遠喇！水晶珠超級爽脆，咬落去sok sok聲😛《紫薯心太軟》$56好少食到唔同口味嘅心太軟，最多都係朱古力同綠茶味，點知呢間竟然有紫薯味咁特別，一於試下佢～另外我地加左錢要3.6牛乳軟雪糕🍦心太軟紫薯味都算重，都有流心～不過可能因為係紫薯本身比軟杰，流心程度不如一般心太軟！但整體好好味😋另外推薦大家加錢轉做3.6牛乳軟雪糕🍦牛奶味真係好濃同埋重點係好滑🤤

夠鐘食飯又未肚餓，所以黎食個甜品見到餐牌好多都好吸引，樣樣都好想試最後揀左個心太軟同宇治金時好可惜呀紫薯心太軟賣晒喇😭咁就轉要伯爵茶心太軟啦～一落單見到店員就即時開爐焗，期待！宇治金時上枱先綠茶雪糕夠香茶味！男朋友都話拍得住via tokyo白玉有三粒，煮得剛好，不會過淋紅豆都好好，無用蜜煮反而剛好，不會過甜，我寧願食紅豆本身的甜味伯爵茶心太軟到了賣相好靚士多啤梨醬好靚，看到一絲絲果肉咁，深深淡淡，反而像玫瑰花果醬😍心太軟剛剛好，外脆肉軟，亦都好香茶味！有驚喜！下次食飯食唔飽又可以有地方好食了！

黎到熊貓酒店後街，位置比較隔涉原來呢邊都有啲食店店子不大，入黎一陣突然就滿座了店裏播住九十後流行的廣東歌，是同年代的人啊😛同男朋友share一個甜品選擇很多，揀左個少少飽肚嘅叫了個杧果窩夫配3.6牛乳雪糕店員也細心分了兩套餐具賣相可以3.6牛乳雪糕不過不失但窩夫感覺不夠熱，肉不夠多，如皮脆心軟就更正了杧果感覺不夠熟，雖然不酸，但有草青味窩夫配楓糖漿，可以一食，不過不夠好外賣要了芋圓西米露普普通通價錢不算貴，還可以再來試試

昨晚同小鳳姐食飯，佢要食埋甜品先捨得回家，甜對女人嚟講好重要喎🤣🤣，你又係唔係愛甜的女生呢？💃🏻💃🏻Girls~ “Ideas Dessert” time 😁😁“抹茶千層酥” 🍪 OMG!!! 單睇賣相已經震撼，睇下千層酥有3塊，底層滿佈抹茶醬，上層有一半為紅豆一半抹茶醬🤤🤤🤤， 旁邊伴了三塊可愛的抹茶小圓餅點綴，又幾襯喎😉😉。味道方面， 抹茶味勁香濃，配上鐵腳紅豆好parter，竟可帶你👅味蕾慢遊京都，嘩~京都嘅感覺返晒嚟😌😌。其實味不甜，反而重抹茶味， 抹茶控必愛💚💚。另外小鳳姐用輕功切開🔪千層酥， 切得乾淨俐落 一分為二，沒有一地都係餅碎👏🏻👏🏻。 千層酥好鬆脆，牛油味濃郁，很好👍🏻👍🏻。而我就喜歡香蕉朱古力新地🍫🍦，香蕉甜甜的，雪糕牛奶味香的，朱古力不苦澀也不太甜，底部有朱古力可可粟米粒粒，好似小孩叫早餐配搭，所以童真都番晒嚟🤣🤣🤣。

幾個女人食完晚飯時間還早，便找毎地方食下甜品再聊天，熊貓酒店行過小小看到這間Ideas Dessert甜品店，雖然地方不算大及顯眼，但心想找個地方坐坐人又未咁多就入去嘗試黑騎士 HKD 34因抱住試下嘅心態，最開始叫咗個係某連鎖甜點常有的最保守食下，當中有芒果汁、涼粉、芒果粒、黑珍珠同椰果，望上去真係跟平時食開的沒分別，但當第一口就接著想食第二口，佢個芒果超甜唔會一啲酸一啲甜，涼粉食到個香草甘味同爽口，而珍珠又夠咬口，所以我地好快就食完一碗。抺茶千層酥 HKD 50本身自己係一個綠茶同紅豆控，係manual見到好多抺茶同紅豆做的甜品又點可以唔叫嚟食，所以好快咁我決定要叫一個西式嘅試下，就叫咗抺茶千層酥，聽到千層酥好多第一想法係唔酥，但啲個千層酥打破了唔夠酥啲個想法，不說面個層酥中間有抺茶cream同紅豆中夾住都一樣酥，而一般抺茶加紅豆都只有一個甜字（本人唔係好太甜嘅食品），但啲個一啲都唔甜，食落口時仲有好香的抺茶同抺茶本身嘅苦味，而紅豆好有紅豆味單食會甜但當佢同抺茶嘅苦合在一起就變成perfect match，而佢個伴碟個塊抺茶餅也不能忽視一樣好食。翡翠冰島 HKD 50剛食完抺茶

甜品對每個女人黎講 ...都可以話係必須既食物, 我地可以唔食正餐, 但唔可以唔食唔食甜品所以, 普普通通屋企食個飯, 都要外賣一堆糖水回家食先開心身為榴槤愛好者, 我極力推介呢個槤愛飄香, 除左榴槤香濃之外, 佢入面既水晶珠珠真係好得意, 好match ! 仲有好滑既3.6奶凍係入面, 真係蛋白杏仁養顏茶之一, 杏仁茶白滑微甜，女士們滋潤岩唒。芝麻湯圓芝麻香濃，皮超級軟熟陳皮紅豆沙配芋圓, 芋圓QQ的, 好鐘意食 ! 台灣的感覺陳皮紅豆係我很喜歡的一種甜品，雖然材料簡單，也沒有複雜的口感，紅豆卻帶有一點香甜的味道, 再襯埋芋圓, 美味得黎又帶點傳統

鮮果涼粉！極多生果！d生困好新鮮，成個配搭食起黎好fresh, 唔太甜！係低糖女士嘅好選擇冇諗過小店會有咁出色嘅榴連甜品！佢個榴連肉成個雪糕球咁大！勁勁勁濃郁呀，佢旁邊嘅榴連汁都係好好味！好smooth! 忍品住食左2碗🙈沙冰唔推薦，冰粒太粗！但咁多料都唔錯綠茶fans必叫！大愛，底食！出面冇可能咁嘅價錢食到！綠茶味香醇👍🏻啫喱唔算多！食起上黎好似有d空虛！但作嘅芒果同出面某芒果店比甜度低dd但芒果味勁濃！係好味嘅伯爵茶心太軟。偏甜，如果係豆腐雪糕我會更開心。佢個牛奶雪糕唔算重味，但係低糖！正！

食完晚餐，當然要食埋甜品先叫完滿啦。今晚同幾個朋友試呢間Ideas dessert .鋪位不是很大，坐位不多，不過甜品很有水準，一點都不會失望。有機會一定再來食。朋友係抹茶控，點了個雪糕芒果豆腐花$34。雪糕就當然係抹茶啦，可惜不小心送錯個芒果味雪糕。老闆立即就補返抹茶雪糕。抵讚。豆腐花跟平常食的不同，特別滑。芒果又很清甜，抹茶雪糕真心的很好食，很濃香的抹茶味。翡翠冰島$50夏天咁熱，當然要食雪糕涼快下啦！來多個抹茶雪糕，抹茶跟紅豆係又一絕配，紅豆的甜味不會蓋過抹茶味，出奇地夾，好好味呀～旁邊的一專專方塊，同樣係抹茶味😋😋😋煙煙韌韌，好好食呢。來多個抹茶千層酥$50🤣抹茶真的係朋友最愛。抹茶加紅豆加埋千層酥，好好好豐富的層次，千層酥好鬆脆。旁邊的抹茶小餅，小小的，但抹茶味係好香濃，好正啊。伯爵茶心太軟（配3.6牛奶雪糕）$60這個很特別，賣相已經夠吸晴😍，而且不是一般朱古力心太軟，係伯爵茶。嘩，伯爵茶係超香，心太軟加少少雪糕一齊食，真心的好好好食。有雪糕的甜味，又有伯爵茶的香味，🤤這個必食呀，下次一定會再點。黑騎士$34個名好吸引。有芒果，椰果，黑珍珠，涼粉。珍珠好彈牙，芒果很

在6月中，因為要物色生日禮物給7月生日的好姊妹！我獨個兒走到荃灣 shopping，因此我在這裏找餐廳食飯醫肚！恰巧！找到鄰近熊貓酒店悅來坊的甜品店 <Ideas Dessert>，小店位於悅來坊斜對面隔離的富麗B商場，過條馬路的富麗A商場！小店供應的甜品包羅萬有！ 包括：港式及西式，價錢大眾化，令人有選擇困難症啊！還設有甜品下午茶放題 $68！因此，我在晚上7:00 到，這裏竟然是座無虛席！原來正是下午茶放題由下午3:00至6:00，不過，我在 7:00來到已經過了時段！老闆認真識做生意嘞！當我等了大約十分鐘便安排入座，見到鄰桌兩枱的學生妹也食得很開心呢！在等候期間我已經想到有什麼心水甜品嘞！店子雖小，但是設備齊全呀！而且幾位店員們謹守他們的崗位，合作無間！除此之外，我見到女店員戴上手套，可知注重衛生，讓食客食得安心！熱腐竹芋圓糖水 $28腐竹糖水質感濃稠，味道清甜！ 除了腐竹白果之外，還加入了芋圓、粉圓...等！白色細細粒的粉圓，口感柔軟，至於芒果黃色及粉紫色的芋圓，大約是迷你棉花糖的 size，入口煙韌軟糯！伯爵茶心太軟 $60 +$4轉抹茶牛奶雪糕要等上大約20

Ideas dessert 總覺得吃完一餐晚飯,吃個甜品才算是添上一個完美的句號。今天晚上,要朋友在荃灣去過泰國菜,飯後好想食西式甜品，其實荃灣的甜品店林立，有傳統的，也有西式的，也有一些是台式的，散步過後,選擇了較為靠近大窩口的一間甜品店。榴槤飄香＄46用榴槤汁、3.6奶凍、水晶珠、椰果、榴槤肉組成。吃了第一口，立即覺得大滿足，因為用榴槤汁打成的底，真的真材實料，水晶珠也很彈牙，榴槤肉當然是我們最滿意的，榴槤肉和榴槤汁融為一體，非常可口。伯爵茶心太軟＄60配3.6牛奶雪糕， 另追加左沒刷牛奶軟雪糕加＄4呢度嘅心太軟有五款，除咗一般食到嘅朱古力心太軟之外，仲有招牌抹茶心太軟、靜崗焙茶心太軟，紫薯心太軟等，真係令我哋好難揀，不過最後我哋揀咗伯爵茶心太軟。本著貪新鮮的精神，始終傳統的味道較為常見，也隨處可吃到。由於朋友生日的關係，我們先打電話到甜品店，抱著姑且一試的精神，冒昧地要求店主為我們在甜品上寫上生日句子，想不到一間小小的甜品店，也能滿足我們這樣的要求。甜品送來了，店員笑盈盈的跟朋友說生日快樂，朱古力的字體雖然不算很精美，不過心意搭夠，也很感謝店方的配合呢。甜品來到的時候,是熱烘烘的