Ideas Dessert (已結業)

位於荃灣荃貴街富麗花園商場A座地下13B的IDEAS DESSERT, 主打抵食雪糕和西式甜品。大部分的甜品約五六十元，而且份量都頗大份，夠抵食。餐廳的位置約有十多二十個，而且營業至接近凌晨，收工後也可和朋友去吃吃甜品。而且，每個桌子上也體貼地提供了紙巾給客人抹咀。首先來到的是Ideas芒果窩夫，這款甜品的賣相也是頗精緻的。窩夫除了可以點糖漿外，還可以舀一口雪糕配搭，如果芒果的份量更多便更理想了。抹茶雪糕芭菲來到了，當中包括脆脆的窩夫餅、忌廉、粟米片和綠茶啫喱。雪糕塔疊得高高的，抹茶味頗濃郁。如果怕窩夫甜品較為飽肚，可試試就款雪糕香橙菠蘿沙冰，可先吃掉大部分的軟雪糕，留下少許雪糕和沙冰一起享用。沙冰感覺清涼消暑，更吃到菠蘿肉。當然不少得試試招牌抹茶心太軟，新鮮熱騰騰的心太軟內盛載著濃郁的抹茶醬，味道十分不錯。另外的配料還有曲奇口味的雪糕、糯米小丸子和紅豆蓉。

再次因為踢波嘅關係入到荃灣，由於踢波前已經食咗晚飯，所以今次就食甜品醫肚啦....行過一間叫ideas dessert見到坐滿人，就決定入去試試。等咗5分鐘就好快有得入座。實在太餓，所以叫咗4樣嘢食🤤🔸抹茶心太軟朱古力心太軟就食得多！以抹茶為主調都係第一次試。嗰心太軟焗得啱好好，一切開佢，入面嘅抹茶醬湧出黎。配埋豆腐雪糕一冷一熱真係好正。🔸芒果窩夫窩夫每塊都好似拳頭咁大，而且外脆內軟。連埋新鮮芒果肉同埋cream食，絕對係一種享受！唔怪得之咁多枱都有叫。🔸草莓法式千層酥依個千層酥亦都值都一試！除了非常香脆之外，更散發著種好香好香的酥皮味。且中間餡料亦好creamy! 超好味。🔸芋圓仙草盛配芋泥食咗咁多西式野之後，我地都決定叫返樣中式糖水潤下。芋圓固然煙煙韌韌，好有口感。芋泥亦都可唔錯， 食落鬆軟細緻。大家食厭紫薯都可以一試。Overall黎講, ideas dessert 係一間性價比高的糖水鋪，而且佢嘅甜品亦比其他的特色。真心唔錯，值得入黎再食

臨返工前應該要享受最後個moment, 玩到last minute啦所以要食埋個糖水完美結束我個weekend男朋友最中意食涼粉！所以叫左個黑騎士椰果有少少太甜仲有芒果有dd酸，可能季節性問題啦，但啲涼粉幾清新，真係有涼茶味😂我呢啲港女緊係揀啲睇得又食得既甜品呢個心太軟係即叫即整 所以大家要預左等10-15分鐘 但唔洗擔心因爲絕對等得值得！雪糕揀左益力多味但略嫌唔夠濃烈 但個心太軟真係勁流心 仲要唔係偏苦果種綠茶味 連我平時唔中意綠茶既人都中意

去完荃灣睇戲想食甜品，之後路經見到idea dessert未收，開到咁夜，啱哂我，好ideal，哈哈～餐牌好多都啱我食，特別全家人都係芒果控，綠茶控，呢度有好多芒果，綠茶種類嘅甜品，正呀！！點可以唔叫佢地嘅signature綠茶，配綠茶雪糕，最欣賞佢裏面好多流心綠茶醬，連埋紅豆同丸子食，一流～呂宋公主，超多芒果肉同芒果汁，芒果又好甜，材料超足，抵食好味～另外香芒明珠同呂宋公主類似，分別係丸子變明珠，一樣咁正，咁真材實料～好味抵食～

桌面夠大, 地方唔算大,但坐得舒服, 又可以夠位放野無咩大問題.先講下,呢到有好種心太軟雪糕, 其中有我最中意食既抹茶心太軟,一般抹茶比較難整, 好多時個心都實左,做唔到心太軟效果,但呢間唔會,技術很完美.朱古力心太軟一樣難唔到餐廳, 佢地用既朱古力比較重味, 我覺得朱古力味好香.心太軟既同時可以夾埋雪糕食, 雪糕都有多種味選, 我自己中意牛奶味.!仲有好多種, 我未試齊, 遲d會再黎試下!特別係紫薯望落去好似好特別!

友人介紹荃灣這間甜品店, 看他相片相當吸引, 這天剛巧來荃灣, 晚飯時間卻因太悶熱胃口欠佳, 只想吃點甜品, 便專程來一試.​位置在悅來酒店附近, 店舖不起眼, 在門口看來還跟我想像有點出入. 小小的店子, 沒有令人很想走入去的感覺, 細查沒有找錯, 心想一場來到, 不管友人的相片是否照騙也好, 親身試試便知龍或鳯. ​店內大約有20個座位左右, 由於正值晚餐時間, 只有我們一枱客人. ​細看餐牌, 提供的甜品選擇十分多, 榴槤, 芒果, 抹茶是主導的口味. 另外還有窩夫, Pancake, 心太軟等蛋糕類甜品. 雖說沒胃口吃飯, 還是有點餓餓的, 率先點個窩夫填填肚子的空虛感. Ideas香蕉窩夫 ($58) 製作時間大約15分鐘, 慢功出細貨, 不單有精美的擺盤, 而且窩夫仍熱呼呼的, 配以楓糖漿, 香蕉片加朱古力醬, 和豆腐味軟雪糕. 還可加錢配小丸子, 椰果, 白玉丸子, 3.6奶凍等. ​窩夫厚度適中, 外皮挺身, 內饀鬆軟富彈性, 滲出清新蛋香, 配以楓糖漿更是完美. 豆腐雪糕口味香濃柔滑, 亦有頗突出的牛奶香. 這個窩夫, 論質素論賣相, 絕非粗製濫造, 而是能嚐出那份

去大窩口探親，行過見呢間甜品鋪，估唔到一試超有驚喜😋🤤非常有heart既Dessert伯爵茶心太軟🍮落單後即叫即整，等左陣就熱騰騰出場🤤個樣好試正好吸引！伯爵茶香加入濃香朱古力，非常好味既心太軟🤤混和🍓果醬，perfect blend 🤤芒果千層+豆腐雪糕拿坡侖的概念💁🏼‍♂️酥皮富牛油香、既鬆化又香脆吉士同芒果夾埋真係正🤪榴連人必來🔥有成版menu係榴連甜品叫左榴連小丸子🤩超香甜！超多榴連！台式甜品大集燴。芋泥奶凍冰好足料！！啖啖都係滋味🤤鐘意煙軔口感既人必食呢間甜品店真係令人喜出望外；超有心做所有野，menu都勁齊，好多選擇一定會再黎😋😋😋

上星期接男朋友放工，路過見到呢間甜品店好吸引，即刻有食甜品的IDEA點解咁近佢公司都唔識帶我去食架？！選擇都幾多，各種各樣的甜品都有。除左正常MENU，都有季節限定甜品。ideas香蕉窩夫 $58第一款已經咁好味了香蕉同朱古力本來就係絕配，不解釋！窩夫好香又好鬆軟，配楓糖糖漿真係好食到停唔到口～加埋成個軟雪糕咁大的CREAM，邪惡到呢～楊貴妃$40呢個大概算係升級版楊枝金露吧！以楊枝金露為底，除左一般都有的芒果粒同埋雪糕，仲加左水晶珠、小丸子同埋椰果，口感豐富，而且竟然仲可以揀芒果啫喱或者布甸係底平時都鍾意係楊枝金露的朋友，絕對唔可以錯過，超級正！小米家族＄36傳統的甜品一樣美味～黑糯米黏黏的口感很好，以紅豆和椰汁為底，加埋彈牙黑珍珠、新鮮芒果粒同埋香草雪糕，超飽肚，當係正餐食都得伯爵茶心太軟＄60朱古力心太軟是常常吃的，經典又好味。加入伯爵茶令心太軟的味道清新很多，配的雪糕是3.6牛奶雪糕，多吃一點也不覺得膩。試左４款，全部都好味～有時候真的要支持一下身邊的小店，可能會好似我今次咁搵到美食～點解兩個人食左４款甜品？因為我地鍾意到當正餐咁食

星期日行完山，番屋企完涼搞完一大輪，已經係夜晚八點🤦🏻‍♀️ 難得甜品小隊約食糖水仲要有🚗🚕接送，即刻就換衫去食好野☺️ 朋友介紹去左荃灣既ideas dessert。小店唔大，座位唔多，只有二十個左右。選擇十分多，淨係心太軟都有成五隻味，仲要隻隻都好吸引😳我地揀左幾款top 10 既甜品試。抹茶心太軟 🍵 $52正宗皮薄餡靚😍外層既蛋糕做得好薄輕輕切開綠茶漿已經開始擁出🤤綠茶漿味道唔甜有少少澀味岩曬各位綠茶控👍🏻雪糕係豆腐味，淡淡既豆腐味配上香濃既綠茶👍🏻👍🏻👍🏻👍🏻伯爵茶心太軟 ☕️ $60比綠茶味既流心程度低50% ，切開並無漿即時流出伯爵茶味偏淡少少值得一讚既反而係個3.6牛奶軟雪糕🍦好香濃既牛乳味，好幼滑既質感👍🏻草莓法式千層酥 🍓 $50千層酥做得十分脆！切開有 “咔”一聲士多啤梨唔當季有d酸，但相對地令甜品無咁膩推介ideas dessert既綠茶心太軟👍🏻👍🏻 小店既選擇十分多樣化，仲有培茶沙冰🤤 會再去試下其他野☺️

Ideas dessert食過2次，第一次係荃灣食，第二次係旺角食。第一次食係十分之有驚喜😍！食完一路都想翻去食，到第二次行行下旺角發現又開咗一間ideas dessert所以就入咗去食，點知呢間啲甜品係差一半有多😢到最近去開荃灣區又突然想食翻個芋泥甜品，決定再去找尋小店。細問之下，原來荃灣呢間同旺角果間係分開架！！咁介紹翻我最喜愛既甜品先。芋圓仙草盛 配芋泥($36) 呢個甜品真係食幾多次都唔會厭，媲美康瑞。有仙草，芋圓，小丸子，紅豆，西米，黑珍珠，芋泥。先講我最鐘意既芋圓先，係真係食得岀芋頭味同南瓜味，超級煙韌，煙韌控最愛❤️ 其他食材食落都好唔錯~ 但食哂一個甜品係真係好飽架😂另外三色果檸檬愛玉凍 ($32)都係夏日消暑良物。酸酸甜甜，十分開胃。入面仲有jelly咁既愛玉，好正☺️ 仲有芒果爆珠！香蕉朱古力千酥配豆腐雪糕 ($50) 唔係誇張，但我真係好鐘意呢度既甜品🍮 個酥皮係幾時食都咁脆。而豆腐雪糕都好有驚喜，豆味比岀面食到既更重，然後質感黏黏的，唔會話好冰感，好正😍

價錢親民又好味嘅糖水店喺我住緊嘅地區係絕對不會出現，剩下的只有又貴又唔好食嘅，所以我總會到外面吃，發掘多點好吃的。看中了這家嘅芋頭泥和芋圓的甜品，連晚餐都不吃就直接去吃糖水了。叫了這個芋泥芋圓頭豆花。拒嘅豆花不是我想像中很幼滑易爛的那種，卻是有點qq嘅口感，挺特別的。芋圓有兩種，一種係芋頭味，另一種係地瓜味。吃落煙韌軟熟，非常有口感。我個人較喜歡地瓜味，比較香。芋泥球是正宗嘅芋蓉，沒有加冰塊，都沒有加糖。這樣更好，不會覺得太甜。另一個係朱古力心太軟，中間有流出朱古力醬，味道不太甜，剛好，外面有點脆。還配上呍呢嗱雪糕和生果。價錢$30幾蚊一碗甜品，又足料又好食，比起什麼什麼知名品牌好得多。

講到好誇張咁...但係食完之後真係有一刻諗過唔好介紹出黎.. 想留返自私食🙊🙊但...最後都係決定好野需要齊齊分享☺同時亦希望對小店係一種支持啦❣店面望落超平凡...位於大窩口既舊式屋邨度雖然睇得出店招牌既設計幾sharp幾新式但唔係住呢度既話就真係要特登黎搵佢先會黎到呢!呢間店係名乎其實既小店黎.. 一眼睇晒開放式廚房+只可容納20人以內既座位雖然係咁。唔好睇少佢供應既甜品❤中式既有, 呢排hit既芋圓芋泥有,鮮果系既有,西式既心太軟同窩夫都有,連抹茶系既都一樣有!!🍵天氣熱☀先叫個芒果口味甜品消消暑~芒果樂天$38賣相望落會係比許留山差dd...但一食入口就知道以後可以淨係黎呢間食了💛切得大大粒的芒果肉勁鮮甜...係食完入口好想大叫一聲”好鮮甜呀～～～”既感覺😆(睇開我食評既朋友應該知我平時係好少會咁浮誇...但呢一個堅係真係太正喇...>v<)芒果汁一樣鮮甜...一定無溝冰粒❄爆珠固然多汁,呢度無落西米,取而代之既係更加爽口既水晶珠呢!球芒果雪糕就一般般無乜特別~最後...3.6奶凍係呢埋左係雪糕下面架~😆夠香滑同埋真係食到奶香🥛不過食完芒果再食佢奶味就相對無咁突

呂宋公主 $36呂宋公主充滿夏日氣息，芒果雪葩超級濃郁，配上多汁的果肉，甜蜜吸引，配上煙韌口感的水珍珠及小丸子，啖啖滋味。吃到底還有大大嚿的芒果布丁，“一芒到底”的感覺真過癮! 如果能加入椰汁，味道更細膩。伯爵茶心太軟 $60拮開心太軟，伯爵茶流心味道芳香，配上玫瑰草莓醬及玉米脆享用，口感多層次。香焗的蛋糕混合3.6牛奶雪糕，冷熱交融，茶香而奶滑，配搭不錯。Ideas芒果窩夫 $58芒果窩夫焗至厚實、香脆，唯獨蛋味不夠香濃，在每格倒滿楓糖醬及芒果肉，味道甜思思。同樣跟配3.6牛奶雪糕，令窩夫更加奶滑香郁。抹茶千層酥 $50抹茶千層酥最為驚喜，千層酥牛油味香濃，酥脆無比，每層夾合了抹茶忌廉及紅豆蓉，一刀切下去，餡料咇出來，十分誘人! 千層酥入口“咔嚓咔嚓”，加上綿滑的紅豆蓉，香甜軟糯。我最愛旁邊的豆腐雪糕，淡雅清新，每口窩心! 

個人推介指數分8(10分為滿分)- 甜品款式以西式和F和式為主, 每款甜品也是廚師精心製作,味道創意並重, 店員服務又很細心. 雖然地方不萛大, 裝修也頗簡潔, 但飯後來這裡滿足味蕾和填充另一個甜品胃, 絶對不會令你失望. 今天和太太在荃灣為小女生日準備用品和做ＣＡＫＥ的材料，大熱天時，忙了一整天，到了晚上真的完全沒有胃口，只想吃些消暑冰涼的食物，剛巧走過一間甜品店，正合我們心意，吃ＤＥＳＳＥＲＴ做晚餐，沒有小孩在旁，ＷＨＹ　ＮＯＴ？是晚我和太太合共有四個胃, 一於食盡佢忽然隔枱傳來陣陣香味, 令我食指大動, 而我的太太卻報以一個難受的表情, 因為那甜品就是由榴槤製成的, 這就是榴槤控和榴槤恐的正常反應.癈話少說, 我一連點了兩款甜品, 榴槤豆花和榴槤飄香, 兩者的榴槤味也非常非常濃郁, 又香又濃, 前後者也是用榴槤肉打至糊狀,再加入榴槤汁, 使其濃香之餘又有口感. 前者是香滑的豆花, 豆香,混和榴槤後, 溶為一体, 彷彿在吃很滑的新品榴槤,不過沒有核子. 後者是奶凍,水晶珠和椰果, 基本上味道相似, 但口感就多樣化, 除了滑外, 還有咬感.太太今天竟真的一啖也不敢敢試, 就由她吧,

愛食甜品的我, 早前係荃灣工作後, 便去了附近的Ideas Dessert食甜品. 我本身愛食台灣芋圓, 所以點了熱芋圓仙草盛配芋泥. 材料相當豐富, 當中包括仙草, 西米, 芋圓, 小丸子, 紅豆, 黑珍珠和芋泥. 我特別鍾意食芋圓和小丸子, 夠煙煙韌韌. 而芋泥整得有點質感, 甜度也適中. 食完中式, 也想試下西式. 選了抹茶千層酥配豆腐雪糕 . 由於係即叫即整, 所以需要等十五分鐘左右. 甜品上枱, 賣相相當精緻. 第一時間試下千層酥, 夠鬆化, 又脆身, 即時整寶, 即時食, 口感真係特別不同. 當中混入抹茶醬和我愛食的紅豆. 紅豆份量不少, 也夠大粒, 能夠增加口感. 豆腐雪糕夠滑身, 入口有淡淡的豆腐味道. 這兩個甜品也好好味, 這裡仲有不少甜品款式, 有機會要再來.