影片
营业时间
今日营业
09:00 - 21:00
星期一至日
09:00 - 21:00
以上资料只供参考，请与餐厅确认详情
前排聖誕節同朋友出去尖東感受一下節日氣氛。影完相就去左位於永安廣場既il Bel Paese食意大利菜。餐廳為左迎接節日都增添左唔少deco，氣氛滿滿。餐廳有套餐供應，包了沙律、主菜及甜品，價錢都是二百多元，十分超值。整體體驗都幾滿意，抵食服務又好！🍴ALL DAY SET MENU $268意式雜錦豆湯出邊比較少見，個湯睇落去賣相係一般嘅，飲落少少鹹，充滿豆香味好香濃，仲好重黑椒味。牛油果沙律火箭菜配上牛油果和小蕃茄，加上橄欖油，味道清新，重點係上面既芝士碎，加埋一齊勁好食。意大利比薩（番茄和黑松露蘑菇)手工批底鬆軟可口，番茄口味是經典中的經典，番茄乾的酸甜與芝士的濃郁結合剛剛好。黑松露蘑菇勁香濃，喜歡松露的朋友一定唔好錯過。意式烤雞（半隻）配蔬菜半隻都幾大隻，雞肉外皮好香脆，肉質鮮嫩多汁，食落去都會有香草味。配埋新鮮嘅薯仔、蘿蔔、青椒、南瓜等等嘅蔬菜，中和左油膩感。甜品方面簡左lucky cake! 原來上面都有佢地出名既gelato!! 好正!! Gelato嘅質地非常細滑，雲呢拿好香，呢款cake平時都比較少見，可以一試。另外焦糖味嘅gelato 都好好味呀！
继续阅读
ilBelPaese是優雅的小酒館，主打意大利菜，除了正宗意式佳餚，還有誘人的Gelato。深綠色的店面，裝潢帶歐陸風，加上酒吧櫃和聖誕裝飾點綴，滿滿的休閒格調。傳統意式3道菜全日套餐包括頭盤，主菜與甜品，融合意式風味，好好享受豐盛美食。 意式三道菜全日套餐SET 1意式烤雞(半隻)配蔬菜* 烤雞金香皮脆，內裡鮮嫩多汁，搭配香料的濃郁味道，香氣撲鼻。雞腿肉油滑可口，搭配綿密的薯塊、清爽的燈籠椒，滋味平衡，平衡了肉類的細膩，感覺refresh。意式雜錦豆湯 雜豆湯濃稠香甜，融合了各種豆類的甘甜，入口清香滑順，感受到意大利的家常風味，溫䁔窩心。草莓意大利雪糕(一球)草莓Gelato天然清甜，冰爽柔滑，入口酸甜芬芳，喉嚨有舒暢快感，清新味蕾。SET 2蜆肉意大利麵 肥厚的蜆肉，肉質彈牙鮮嫩，意大利麵吸收了蜆肉的鮮甜，搭配蒜香橄欖油，入口鮮香惹味，加上蒜片和辣椒，令人垂涎。招牌IBP意式沙律+草莓意大利雪糕 爽脆的沙律菜，搭配吞拿魚肉，質感綿潤，味道鮮香，加上脆青豆及雞蛋，口感清爽開胃，滿滿的地中海的氣息。最後吃一口絲滑Gelato，甜而不膩，完美美食之旅。
继续阅读
最近我去咗尖沙嘴香格里拉附近一間餐廳，點咗個**All Day Set 3**（$268），選擇幾多樣化。我揀咗**蘑菇同布拉塔芝士Pizza**，牛油果沙律同埋意大利雪糕。首先講下沙律，裡面好多芝士，配上意大利醋，味道好清新，幾開胃。Pizza方面，口感紮實，底部煮得剛好，配料份量亦唔錯。至於雪糕，我試咗朱古力味，味道好濃郁，但質感偏水，可能唔係每個人都鍾意。朋友叫咗**烤雞半隻**，份量都大，肉質唔會乾柴。最後，我哋仲試咗佢嘅香檳，味道清新，為整個用餐體驗增添咗一點優雅。
继续阅读
臨近聖誕，尖沙咀已經人來人往。避開少少人潮，係尖東站旁有正宗意大利菜，可以慢慢品嘗。點咗兩個3-course set，Set 1係 意式烤雞（半隻）配蔬菜及意式雜錦豆湯，Set 2係蜆肉意大利麵及招牌IBP意式沙律。兩個set都配有一客Gelato。招牌IBP意式沙律用上新鮮嘅沙律菜、雞蛋、風乾番茄、吞拿魚等等，用意大利黑醋作dressing。味道酸酸甜甜中，帶少少鹹味，整體清新開胃。意式雜錦豆湯含紅腰豆、鷹嘴豆等等，夠濃郁。意式烤雞（半隻）配蔬菜，半隻都十分足料。嫩滑雞髀簡單用香草、胡椒調味都惹味。蔬菜經過烤焗，配埋雞肉食唔會膩。蜆肉意大利麵有驚喜。蜆肉隻隻飽滿，有海水鮮味。鮮甜味再加番茄、橄欖油已經成為classic及令人回味嘅汁。麵用較扁身意粉，容易掛汁之於，有彈性。大推Hazelnut gelato！好重hazelnut 味，由於係gelato，所以食落較輕盈，令人一啖接一啖。焦糖味唔會死甜，甜度剛剛好，會品嘗到焦糖嘅香。一球都只係$38，下次經過尖東要再食其他味，例如開心果。
继续阅读
最近我去咗一間意大利正宗餐廳，點咗兩個set餐，整體體驗都幾滿意，抵食服務又好！佢晚餐有幾個Set 揀，我揀咗嘅Set 1有半隻意式烤雞，雞肉外皮金黃酥脆，肉質鮮嫩多汁，仲帶有香草嘅獨特香氣，真係好正！配埋新鮮嘅蘿蔔、青椒、南瓜等等嘅蔬菜，中和左油膩感，同埋一定要睇吓佢個薯仔，真係做到外脆內軟好惹味脆口～跟住就係意式雜錦豆湯，呢碗湯好少喺出邊嘅餐廳飲到，望落清淡，但飲落都好香濃郁，同香料搭配得好好最後，甜品可以揀意大利雪糕或者意式蛋糕我見佢本身間餐廳有埋好多唔同口味嘅意式雪糕，最後揀咗朱古力意大利雪糕，雪糕滑順，朱古力味濃，真係幾高質第二個set係蜆肉意大利麵，麵條煮得剛剛好，配上新鮮嘅蜆肉，海味十足。整道菜嘅醬汁清爽，唔會遮蓋蜆肉嘅鮮味，好authentic嘅意式做法另外仲有個招牌IBP意式沙律，好特別冇食過呢種配搭，有吞拿魚，烚蛋同綠豆，配上油漬過嘅蕃茄乾，清新得來又有幾種層次最後個friend揀咗士多啤梨雪糕，唔會有好假嗰啲士多啤梨味，甜而唔膩，完美咁結束咗呢一餐!
继续阅读